nekoccc的个人专页

哩間由大埔殺到黎港島嘅熱狗店原來都開咗幾個月而家先發現睇menu真心比個特濃芝士吸引左要試食一下另外仲叫咗個皇牌熱狗加$18有套餐小食加汽水, 咁就揀左薯角試吓 , 返到屋企路程不到十分鐘但個包食落唔太熱微暖, 但都仲係外脆內軟, 仲想講講個包一打開同幅圖係相符架, 依家有幾多唔係圖片與實物不符嘅個特濃芝士真心正, 芝士好濃郁但又有司華力腸嘅味道中和, 不過食到中間忽然好鹹, 可能落某種芝士擺得太集中, 但係話晒都有七種芝士所以都OK接受, 另外皇牌熱狗食落相對有少少酸甜, 唔知關唔關洋蔥事, 感覺唔係好夾而且牛肉較少食唔出, 另外薯角返到屋企又唔會淋哂仲脆仲熱雖然係跟套餐而且寫住係小份, 但我覺得份量都算多仲食唔哂添, 同埋食落有少少微辣, 整體覺得特濃芝士可以再食同埋下次想試埋芝士薯波而且哩個熱狗真心大份食完都好飽, 岩哂男仕…查看更多

又到Lunch time, 想每日來點不一樣的今日食水餃米線, 見佢款式都幾多, 咁我地就叫左鮮肉白菜餃同鮮肉香菇粟米餃, 仲叫左杯豆漿, 先講下湯底, 因為我地都唔食得辣就叫左花膠淮山豬骨湯底, 第一件事就係試啖個湯先, 個湯真係好香濃嘅淮山同豬骨味, 好鮮甜, 不過花膠就唔覺有但我覺得食完真係可以飲埋啲湯而且一啲味精感覺都無仲有每碗都有5大粒嘅水餃, 差啲連匙羹都裝唔落先講講白菜餃, 本人就覺得白菜好足料豬肉就略為少左啲, 皮唔會太厚或太薄, 因為咁大隻黎講仲要好薄皮一定會好易爆, 另外香菇粟米餃我就覺得菇少左啲, 粟米略嫌硬左啲, 如果可以蒸一蒸先再包可能口感會好啲, 味道覺得岩岩好唔會太咸再飲啖有帶甜嘅湯真係食完一啖再一啖, 同埋上海麵都幾彈牙, 雖然外賣返到去都可能會吸哂啲水, 不過我個人仲可接受唔會淋哂個種, 而且本人好鍾意佢嘅辣醬更加’野‘味, 另外豆漿唔知係咪佢地自家製架呢, 真係有啲過甜, 飲到底都飲唔哂:(不過整體會再幫襯可以再試下佢嘅其他款式…查看更多

今次又試新野, 而且見評價都幾好一於試下, 不過價錢就比出面嘅貴少少叫左個海南雞髀飯如要油飯要再加$5, 即$68加$5, 仲加左兩隻蒜香牛油雞翼$16, 先講講個飯唔係太油同食得出黃姜粉嘅味道, 但我本人第一次食海南雞飯係落黃姜粉, 我唔知係咪新加坡同馬來西亞嘅分別呢, 不過就唔係我杯茶而個雞就唔知係咪特登唔斬斷嘅, 我哋兩盒嘅雞都係咁, 食落肉質比較實唔太滑味道淡, 感覺成個飯比啲黃姜味搶左, 而值得一讚係個甜豉油先可以冚過黃姜味, 最後仲有蒜香牛油雞翼, 返到屋企都仲少少脆同幾入味, 而且個啲蒜粒撈飯都幾好食, 哩個可以再食不過係貴左啲姐…查看更多

哩排啲酒樓都好高危又想食下點心, 一於試下哩間, 叫左鳳爪排骨飯, 黃金流心包, 黑白芝麻蝦多士, 香茜叉燒腸, 而且依家OpenRice外賣自取滿$100仲可以減$30都幾抵先講下黃金流心包, 我返到屋企雖然個包都已經凍凍地, 心知應該都唔會有流心效果, 但佢裡面都仲Cream Cream地, 而且味道都算濃郁, 我相信如果係現場食真係會好好多:)另外黑白芝麻蝦多士真係要讚一讚佢佢竟然仲好脆, 而且好多芝麻, 蝦肉亦算多, 有機會會再食多次, 而另外香茜叉燒腸裡面都幾多芫茜, 因本人唔食芫茜嘅關係, 所以一路食一路夾走啲芫茜, 覺得叉燒同芫茜都落足料, 叉燒又唔會過熟同好鞋, 比起出面哩個真心覺得幾好食最後鳳爪排骨飯其實係驚兩個人唔夠飽而叫嘅, 哩個就不過不失無咩特別, 排骨唔係好多, 整體覺得食物質素算唔錯, 而且我仲係外賣, 等疫情好返啲都想堂食再試下…查看更多

有日做做下野忽然之間好想食台灣野, 之後就上OpenRice 睇下公司附近有冇先, 最後睇到哩間最近就決定試下佢我地叫左一個台南肉燥飯, 一個經典滷肉飯, 另外仲叫左個炸物拼盤, 首先講講肉燥飯感覺好乾同無咩肉味而飯就一粒粒乾爽嘅, 滷肉飯就反而比較油, 不過都係無咩肉味, 因為無咩味道所以感覺一口油咁不過都好過肉燥飯嘅, 而個蛋就覺得滷得唔夠, 唔夠入味另外個炸物拼盤嘅炸雞炸得好香脆即使我係外賣返到公司都仲脆同埋香腸食落甜甜地配埋蒜片一齊食仲好味地瓜球就淋左所以麻麻地, 花枝丸都係食落無咩味道食唔到有墨魚味,可能因為雪得太耐掛整體我會再想食返個香腸, 我見佢原來係用黑橋牌嘅, 可能下次會試下佢個香腸滷肉飯…查看更多

繼續疫情反覆要叫外賣, 所以又係OpenRice嘅外賣自取服務睇下公司附近有咩好野食先, 今次亦打算叫啲未食過嘅餐廳, 咁啱揀咗哩間近近地嘅, 叫左一個午餐A椰菜豬肉餃配上海湯麵同一個午餐B鮑魚鮮菇豬肉餃配麻醬冷麵, 兩個餐都有跟豆漿一枝, 先講講椰菜豬肉餃, 打開有6舊咁多,每隻都肥肥嘅不過個人覺得椰菜太硬無切到好碎同豬肉有少少粉紅色, (唔記得影相)唔知係咪煮得唔夠耐, 好彩食完無事嘅而味道真係比較淡好似無咩調味, 個麵湯好似有少少落左孜然粉嘅味, 怪怪地咁另外鮑魚鮮菇豬肉餃味道就比較好少少, 可能因為菇嘅味道濃啲, 但其實都係好似無咩調味咁嘅, 同埋食到最後一舊發現原來真係有粒鮑魚仔架不過粒鮑魚都係無咩味, 而成兜麻醬撈落去麵度岩岩好夠, 唔會話太少麻醬會唔夠味同埋天氣咁熱食哩個凍凍地嘅麵都幾涼爽咁整體餃子類都係少調味嘅, 可能真係佢招牌話齋住家的味道, 所以係比較健康嘅, 如果有時食得多濃味野想清清地都可以選擇哩間架…查看更多

由於疫情反覆, 又要過外賣日子喇今次行遠公司少少, 見到呢間專食焗飯嘅餐廳一於試吓, 不過我係用OpenRice嘅外賣自取服務可以揀取餐時間, 所以去到唔使等就有得攞講返我哋叫咗皇牌鮮茄芝士焗豬扒飯同深海鱈魚柳芝士焗飯, 首先我覺得鮮茄豬扒飯嘅汁可以造返甜少少覺得比較酸, 而豬扒醃得幾淋幾入味唔錯嘅, 有成4塊仔咁, 而另外魚柳焗飯個汁味道唔錯, 佢唔係平時係街食到嘅普通白汁, 係比出面更高層次嘅芝士白汁, 個人覺得味道幾好, 而魚柳就因為無得醃製嘅就普通魚柳啦有兩塊咁, 整體覺得值得一讚嘅係佢哋個汁份量都幾多, 因為係出面食嘅, 食到一半咁上下就已經冇晒汁得返啲飯, 而佢呢一個食到尾都仲有汁可以拌飯嘅已經好好, 同埋份量都算多, 女仔黎講都食唔哂食淨少少下次會再試吓佢嘅其他焗飯…查看更多

結束一星期工作完畢的晚上, 要食好啲慰勞吓自己黎到已經有廿幾三十人排緊隊, 都排到出門口喇, 好彩夜晚唔係太熱, 唔係真係中暑到最後都係排左45分鐘就入到去, 原來佢餐牌得三個款式, 當時諗應該會做得幾好, 叫左一個江戶前天丼(穴子,海老,帆立貝魷魚天婦羅餅,溫泉蛋,海苔,莢豌豆)同天丼(舞茸,海老,帆立貝魷魚天婦羅餅,溫泉蛋,海苔,莢豌豆)三款其實差不多, 係其中一個貴食材嘅分別, 店員送上黑豆茶話可以解膩, 等左15分鐘有野食, 店員都有細心教, 飯食到一半先整爛隻溫泉蛋撈黎食, 但我食左幾啖就忍唔住要整爛撈黎食, 因為太淡喇, 佢雖然有落醬汁, 但味道真係好淡, 唔似醬油唔似豉油咁而炸物佢唔會話好厚粉, 我幾鐘意個穴子同魷魚, 穴子裡面雖然有骨, 但佢炸到可以連骨食, 因為平時我食鰻魚好怕有骨, 哩個完全ok可以吞埋而魷魚非常淋身, 唔會過熟好硬個種另外蝦又係無味, 可能係雪藏蝦雪得太耐, 食落無咩蝦味, 到最後我係食唔哂, 因為好油膩雖然佢飯唔多, 但係女仔黎講炸物有d過多, 如果可以有個輕量版就好啦, 不過整體黎講一般般, 試過就算…查看更多

難得入屯門, 而且又見到龍蝦包買一送一, 一於試下佢, 其實好耐之前係銅鑼灣分店(好似執左)已經食過佢哋嘅龍蝦包超好食, 今次特價更加要食啦, 我哋去到嘅時候差不多下午兩點幾, 因為佢話限量供應所以都問清楚佢仲有冇先 ,但個男職員好似好愕然咁答有呀, 之後帶咗我哋坐低仲淨係放低龍蝦包個Menu俾我哋, 個下我真係有小小嬲好似睇唔起我地咁我就走去問佢攞埋飲品menu, 最後叫咗兩個龍蝦包同一杯飲品, 講下個龍蝦包先, 首先食落裏面冇汁, 汁要自己再落落去, 印像中以前係裏面唔夠汁先至自己再加落去, 而且呢個汁同以前都唔同味道, 又唔酸又唔甜, 怪怪地, 而龍蝦食落無味, 可能雪太耐又唔新鮮唯一最好嘅係個包, 包面有啲脆, 內裡煙un, 薯條亦唔差, 炸得夠脆口, 個沙律佢話係送嘅, 我當睇唔到就算, 而飲品係波子汽水加巨峰提子味嘅沙冰, 面頭有幾粒棉花糖, 呢個飲品啱晒女仔打卡影相, 不過飲落普普通通, 波子汽水味較濃啲, 整體氣氛都啱女仔嚟Tea一Tea, 不過其他食物質素就要再試吓先知喇…查看更多

放工唔知食咩好, 經過見到無咩人就選擇左佢, 佢第一次嚟香港嘅時候食過, 之後就一直無再食佢喇因為陸陸續續有好多拉麵過江龍黎香港, 所以一直試新野今次叫咗濃湯豚骨拉麵同辛子黑蒜拉麵, 首先講講豚骨拉麵, 入口第一啖好濃豬骨味但之後比胡椒味搶咗, 一路繼續食, 都只係食到胡椒味, 個人覺得冇咗胡椒味會比較好, 同覺得點解有胡椒味, 好多問號出左黎, 不過就唔會覺得油膩, 但麵條好出色好彈牙, 而且腩肉叉燒好淋, 入口有少少溶化嘅感覺雖然比起出面薄一啲, 但價錢確係比其他拉麵店平少許, 一分錢一分貨啦, 而辛子黑蒜拉麵, 以為係辣嘅 , 原來唔辣, 食落又係有胡椒味, 仲有d蒜味, 哩個就比豚骨嗰個油一啲同咸少少, 腩肉叉燒就厚一啲, 不過就會鞋啲, 如果鍾意重口味嘅呢個都幾適合, 不過講到尾都係唔鍾意個湯底有胡椒味好似味精咁, 另外溏心蛋極力推介好好味, 蛋黃橙色流心, 成熟度岩岩好, 唔會過熟又唔會過生可以一試…查看更多

雖然喺日本好出名, 但喺日本完全冇食過, 由開張已經好想去試吓, 今次揀左平日時間11點幾膽粗粗walk in排隊, 去到已經坐滿人攞飛嗰陣職員有問坐唔坐吧枱嘅, 咁我地一路以為係坐吧枱, 到最後俾咗卡位我哋, 所以我諗如果揀吧枱應該會快啲入到去, 好彩都只係等左半個鐘, 不過食用時間只有60分鐘, 我哋開頭都驚會食得好急, 但係原來食物都出得好快, 除咗可以喺回轉攞自己想食嘅壽司之外亦可以係機order, Order嘅壽司會喺上面嗰條吧到出, 好方便呀即刻同元氣有咗個比較本人特別推介特選大吞拿魚腩食落入口即溶, 魚香味濃, 真係叫左一次, 又會再叫第二三次, 雖然都冇喺日本食咁好, 但喺香港其他壽司店都食唔到咁嘅質素, 而第二推介係厚切三文魚好肥美, 好新鮮, 反而叫咗個三文魚腩配三文魚子個三文魚好假, 唔好食, 而第三推介係水煮松葉蟹真係唔需要點任何豉油, 淨係食個鮮甜味已經足夠, 另外想講一講原條海鰻, 食落好乾身, 鰻魚汁少, 而且多骨真係試一次就算, 而其他壽司都不過不失, 款式亦比元氣多, 價錢亦平少少, 但奈何只有一店, 真係要經過先至會再嚟食喇, 順帶一題, 有個Apps係可以book枱嘅, 但當日睇已經冇得再book, 亦都唔知幾時可以有得book, 所以建議大家都可以平日時間walk in去碰下運氣…查看更多

屋企附近有間新開嘅熱狗店, 一於放假去試一試先, 點知座位已經坐滿了, 因為只有8個位, 咁爲有買返屋企食, 我地分別叫左熱熔芝士珍寶腸熱狗同熱熔芝士番茄肉醬熱狗, 其中有一個跟餐配薯條, 由於落雨嘅關係, 所以拎到返屋企其中一個包個醬已經搞到周圍係, 但食落真係食唔到有芝士, 食到最後係發現有好少好少係個包到嘅, 味道就同平時熱狗無咩分別, 而肉醬個款反而有芝士就少肉醬, 味道就一般般啦, 不過我又幾鐘意佢個包, 有咬口煙煙un un咁, 仲有薯條係粗身嘅, 以我經驗唔係幼身都唔會脆, 所以真係好淋, 可能外國興粗身啦, 不過係屋企附近應該都會再試下其他款嘅…查看更多

豚王已經食過好幾次架喇, 而且唔洗點排隊添, 不過今次竟然係見到門口貼住嘅限定王吸引左我入去, 所以今次特別想講下哩個限定王, 就係蟹味噌王, 首先湯底係鹽味湯但又唔會太咸, 再加上蟹膏醬更帶出左鮮味, 雖然可能係加工食品, 但今次覺得係有啲突破, 不過個蟹肉就麻麻地有啲鞋同好實, 如果已經食慣左其他味道其實都值得一試架而個幼麵都係我成日食嘅主要原因, 因為佢夠哂彈牙唔痴牙, 個個口感令我成日都回想架…查看更多

想試哩間好耐架喇, 所以一於一早拉埋個Friend黎陪我齊齊排隊, 我地諗住一早去捕佢就黎開門之前嘅時間去到, 點知係估唔到咁多人, 眼見有成廿幾三十人已經排緊隊, 我地好唔好彩第一輪座位已經坐滿左, 換句話講第一輪嘅人要食完有人走我地先入得啊, 之後我諗我地等多35分鐘到就有人走喇, 咁我地分別叫左幸福班戟同熱朱古力班戟配自家製穀麥, 飲品叫左橙汁, 由於即製關係所以都等左差唔多15分鐘先食得, 咁岩坐正玻璃窗前面可以睇住廚房製班戟同一路等, 班戟食上口唔會好空氣都有啲實感, 甜度適中, 而朱古力個款個醬係好味嘅不過太甜喇 ,食左一塊已經頂唔順, 好彩杯橙汁係酸可以中和返, 唔係我都食唔落喇, 食飽左見隔離左右嘅人都唔肯走, 明明我地第二輪坐底都埋單走人佢地仲係到吹水同玩手機, 雖然人哋無限時但眼見門口嘅人企咁耐都唔忍心阻住人, 最後原來餐廳係無收加1架…查看更多

去左咁多次官也街, 竟然依家先發現哩間野, 仲要好多遊客慕名而來添, 佢哩個分店係專做外賣嘅, 而想舒舒服服坐係到食就要去澳門市中心個頭喇, 但哩到門外都有幾個企位可以企定定食, 不過都要等成15分鐘先食得, 咁我叫左厚旦鹹牛肉多士, 食落蛋好滑同仲有少少流質不過洋蔥有啲多就搶左牛肉嘅味道, 另外仲叫左花生奶油方塊, 哩個我要比滿分, 佢係煉奶加花生醬同埋好似係碎左嘅威化餅以成, 真係好好味, 想食完一粒再食, 飲品方面叫咗奶茶同朱古力, 奶茶就覺得茶味較濃, 但我比較鐘意多奶多啲, 而朱古力味道就比較苦甘, 咁就證明係真材實料喇, 哩間我真係要再返黎試下其他至得!…查看更多