sky_life的个人专页

話說上上星期同事生日食左一次呢間餐廳分店，午餐食係ok既，所以今次就帶同家人黎食番餐生日晚飯，因為係前一日book位，所以當日係有九折，呢間就係第二次黎，繼上次已經係差唔多一年前，當時食完係覺得唔錯既。 今次真心覺得唔低食，最主要原因係款式少左好多。:( 值得一讚既係我地食既時段咁啱少人黎，應該話最近好多餐廳都少左人。所以上菜係快左，差唔多，一落單，1-2分鐘內到，由於家人唔食生野，我就叫左自己既份量，刺身一概係保持新鮮，爽口，另外，甜品係我既至愛，所以叫左焦糖3.6牛乳雪糕，好牛乳味，甜味剛好，由於好食關係，本人食左兩個，壽司都係一口入口，非常啱我地食，食多幾年都唔會食得太濟。希望餐廳可以改善增加番多d款式啦。…查看更多

話說今日同同事傾計時，講講下附近好似又開左新餐廳，又多左個選擇，真係眼都bling bling剛落完雨，天氣又係熱到溶，行左10分鐘左右就到達間餐廳，平時12:30呢個鐘數係多人，感恩，我地唔駛等位，就入得了。餐廳的裝修都算為新穎，燈飾柔和，唔會令人感到眼訓及座位寬裕。我就叫左個蕃茄韓式牛肉半焗流心蛋飯($45) ，等左10分鐘先到，同焗飯時間差唔到，個餐係包埋一杯飲品，個飯係酸酸甜甜，濃度適中，飯面有隻煎蛋，一口飯，一口蛋再加少少泡菜，洋蔥混合食，味道甚佳，好適合依家既天氣食，飯份量剛好，而牛肉方面，軔度剛好，甜中帶點烤肉味，整體唔錯。:)飲品就揀左熱奶茶，奶味較重，甜度尚可，如想揀其他特飲就要加錢了。…查看更多

餐廳不在鬧市中心，而是位於寧静的後方，未進入內裡已感到份外舒適宜人，進入餐廳後除了令人感覺温馨，也帶點創意，一邊享用美食，一邊欣賞窗外風景，胃口甚佳。前菜有南瓜忌廉湯，田園風味沙律，前者南瓜味濃郁，好足料，後者，酸酸甜甜，十分清新爽口，好開胃。雜菌黑松露扁意粉$78扁意粉質感剛好，黑松露與麵混合後不會蓋了扁意粉的味道，而且帶點濕潤，易咬口，奶味甚濃郁，香口，不錯。吉列比目魚漢堡$78非常低食，份量大，漢堡包下層夾有沙律醬，酸酸甜甜，主角比目魚煎炸後，仍然好柔滑，香口，另有生菜及蕃茄於下層，配有薯條及沙律，整體感覺清新。香煎盲曹魚配匀草忌廉汁(配薯菜或意粉) $98盲曹魚是第一次食，味道咸口，魚肉大塊並且薄身，沒有魚骨，選擇配以薯菜，薯蓉好軟化及香口。燒加拿大豬鞍配燒汁(配薯菜或意粉)$98豬鞍都頗為大件，厚身，配上淡淡燒汁，咸度適中。是日甜品有朱古力雪糕，熱檸茶，整體都十分低食及食物水準都唔錯。備注：星期一至五不加一…查看更多

是日天氣帶著點雨水，嘩啦啦一陣，便約上三五知己來探牛仔。對上一次已相隔約一年，今次選擇於元朗來聚一聚，大家選擇牛仔原因好簡單，想食咩就食咩，sa下sa下好温馨。第二次探牛仔，地方都算大，坐位闊寬，燈光稍微暗，有家的感覺，好適合與一家人來。牛牛的水準保持平穩，肉薄鮮甜，而豚肉方面朋友話要熟透點先好，我個人認為8成熟都可以，因為肉太熟會變鞋。蔬菜方面，新鮮及翠綠，朋友就愛食南瓜，紫薯，蕃茄，熟透後非常甜口。丸方面多選擇，其中一款丸我感得唔錯，中間夾有年糕，好特別，值得一試。飲品方面沒有太大驚喜。雪糕就只有綠茶及原味乳酪，自行調配配料，有可可脆，qq星，紅豆，彩虹粒等，個人認為綠茶好吃，但如綠茶味可再濃郁點就好了。…查看更多

今日放假當然同亞媽去飲茶，就近近地來到呢間食。對上一次來已經一段日子，兩個人唔食得多，就叫了少少野食，共4款點心。因為雨天關係，不算太多人，下單5分鐘左右，就有野食啦！先上枱是魚仔肉餅飯(忘記影相) ，魚仔不是我想像的那一款魚仔，呢個魚仔是中間有點苦味，一般，魚餅是唔錯的。另外牛柏葉，份量約5件，芫荽味香，薑味剛好蓋了牛柏葉騷味，味道唔錯。略微份量少，一人兩件都唔夠食。雞紮兩大件，味道略微有點咸。蟹子燒賣就覺得縮了水，味道一般，不值得再食。…查看更多

今日放假，便到葵涌廣場去行下，行了2個小時左右便準備離開，走到巴士站附近就發現有一間小食店，由4-5位姨姨負責，細望下，發現食物的款式多樣，好吸引，例如有三文治，炸物，煎釀三寶，中式早餐奶茶等等。我在門邊左望望右望望後，就決定食靚八爪魚及黑椒牛根丸，等了約1-2分鐘，就可以享用了。黑椒牛丸根三粒($10), 好大粒，肉質易咬口，黑椒味濃郁，好惹味，正。另靚八爪魚一串有6小粒八爪魚($10), 彈牙爽口，配搭秘製醬料，好入味。…查看更多

今天剛巧又遇上雨天，心情便隨著雨天感覺疲乏無力，為了添加精神，於是便約上朋友到此一嚐。6:00這個時間人流少，一方面可慢慢享用甜品，另一方面可欣賞窗外風景。製作甜品需時，筆者是第二次到來，第一次到來是基於人多關係，就沒有機會到此一嚐，今天終於抽到時間到來，下單後約5分鐘左右，上枱是宇治抹茶芭菲($48), 甜品分了6個層次，最上層是綠茶雪糕，之下有cream, 脆米，紅豆蓉，綠茶慕絲等。。個人認係食到紅豆蓉時感覺較為甜及有飽濟，最好食是面層綠茶雪糕，味道濃郁。另一款甜品是鮮雜果蛋撻配生薑茶定食($46), 蛋撻內裡好似是加了酸奶酪，酸甜好滋味，好開胃，一件份量剛好，食完蛋撻配上薑茶好暖胃，建議薑味再濃郁點會更好。朋友其後叫了疏乎厘紫薯($49), 由於剛食了兩款甜品，已經感覺好飽濟，我對於疏乎厘就一般，基於個人不太喜歡食面層蛋白。…查看更多

今天補祝同事生日飯，又是去食海鮮好日子，在香港，食海鮮地方選擇多，遠至西貢，鰂魚涌，長洲，近至流浮山，屯門三聖。今次就有機會同同事到三聖食海鮮，大家都十分期待，我們先到海鮮舖問問價，挑選海鮮，最後決定了第一間瀨尿蝦專門店，當然瀨尿蝦必買，其後買了聖子，扇貝及蜆。購買了海鮮後，便到興記去加料煮食。店員細心幫我們親自送到興記，到達餐廳後，老闆問了我們意見後，就決定這樣烹調，椒鹽瀨尿蝦，蒜蓉粉絲蒸扇貝，豉椒炒聖子，上湯粉絲蒸花甲。上湯粉絲蒸花甲，大大一碟，好吸引，花甲鮮甜，份量多，最重要是沒有沙粒(以往食花甲都是有沙粒)豉椒炒聖子，夾起一件長度幾有20cm長，而且又肥美，咬入爽口彈牙，鼓椒味好濃郁，好鮮甜，不錯。椒鹽瀨尿蝦，肉質肥厚，爽彈，唯有一感覺是炒得不夠脆身。蒜蓉粉絲蒸扇貝，真點有點失望，蒸得太老熟了，失卻了海鮮彈牙。最後在餐廳加了一個楊洲炒飯，很一般，味道淡，飯粒不夠乾身，加上價錢貴，很不推薦大家食。…查看更多

由於工作地點距離家中不太遠，因此基本上平日中午都是回家食午飯，今日剛巧媽媽有事外出關係，貪方便的我，又唔想食飯麵，就決定到麥當當食，未到12:00個肚已向我發出多次求救。到達麥當當時，人流不多，空位多的是，我望了餐牌後，就選了雙重芝士孖堡餐，配玉米，熱朱古力，另加蘋果批。等了一陣，便可取餐享用我的午餐，人流不多的麥當當，感覺非常舒服寧靜，又不需急著食完就離開，不錯。我至愛是蘋果批，由不知幾時開始，就鍾情於它，外層皮炸到香口又脆，內裡充滿肉桂味及蘋果肉，味道甚佳。其後便享用雙層芝士孖堡飽，芝士味濃郁，咬落漢堡排好軟熟，加上青瓜及洋蔥粒好清新，整體個飽配搭好夾。最後喝上一杯甜芝芝熱朱古力，好滿足及填滿了空洞洞的肚子，又是繼續為工作奮鬥。…查看更多

是次到西貢來是補祝同事生日，大家都特別興奮，其中一個原因是大家對瀨尿蝦都讚不絕口，好期待再嚐。到達餐廳時剛好12:30左右，店員安排我們坐上層坐位，上層客人比較少，非常適合我們聊天，又不需與人擁擠。今次照舊選擇了4人套餐(價錢比上次來已加了價，約加了100左右) ，除了必點椒鹽瀨尿蝦外，另選了白灼海螺，花彫蛋白蒸蟹，上湯龍蝦伊麵，白灼海生蝦及油菜一碟。第一道上枱的是白灼海螺，份量頗多，店員已細心送上竹簽，濕紙巾，檸檬水洗手，同事告知海螺要快食，因為等耐了會有腥味，海螺好鮮味，彈牙，本人較為喜歡沾醬油，可減低了海螺腥味。第二道上枱的是白灼海鮮蝦，份量比海螺少了點，蝦算新鮮，爽口，但不大驚喜。:(其後上枱的是上湯龍蝦伊麵，由於同事不喜歡食芝士關係，因此改為上湯，出乎意料得是改為上湯都唔錯，突顯了龍蝦鮮味，肉質十分爽口，保持原水準，新鮮呀。終於等到主角上枱了，椒鹽瀨尿蝦，大家都急不及待先夾了一小件，食落真得好香口，連殼都可以食，而且肉質好鮮甜及厚身，爽口，不消一會，已全清，同事都話好味道，保持水準。最後上枱的花彫蛋白蒸蟹，這道菜是最不建議大家選擇的，因為花彫加入蟹中是帶得苦澀味，感覺兩者不配搭，而且感覺蟹有點腥。食到飽一飽，當然少不了在海邊欣賞下大海的美，吹吹海風，放鬆下心情，便不捨地乘車離開了。…查看更多

今天放假，又剛好約了兩位好姊妹到南生圍輕鬆半日遊，感謝兩位姊妹對我的關心及陪伴，坦白講平日是很難約到朋友同我周圍去食，去玩，剛好這兩個星期有她們陪伴，使我感到十分窩心同興奮。以前去南生圍都是踩單車去，前一晚看了天文台後，發現這兩天天氣不太穩定，可能會落雨，因此便選擇搭小巴去，誰知大家都落錯站，要在半路截的士到南生圍路附近，再行入去。沿路有陣陣涼風，但不至於寒冷。我與朋友都十分享受，大家都有傾有講，而且友人都是喜歡大自然，喜歡欣賞花草，每當看見漂亮的花兒總會拍照下來，更加要感謝造物主的供應。慨嘆南生圍已沒有以前那麼美，那麼寧靜，連大草原都失色了，相信是我最後一次到來吧。行到有點肚餓，我便與友人在元朗附近尋找美食，朋友告知我這裡有一間她常來幫襯茶餐廳，雖然店舖簡約，沒有甚麼特別，但細細一間店已差不多坐滿人，我們三人去到，剛好有位坐，餐廳出名的是招牌豬排雞翼麵(麵可選擇一丁或蟹王麵), 後者需要另加$2我左思右想後，便叫了招牌豬排蟹王麵$23等了約5-7分鐘左右，金黃色豬排便到來，老闆已細心切件了，豬排炸到香口，粉厚度剛好，肉質易咬，由於豬排味道較為淡，建議加少少茄汁沾來食，以增添味道，蟹王麵好爽口及幼細，非常不錯。由於茶餐廳位於元朗工業大廈附近，如果不是住附近者，相信是不容易找到，感恩朋友帶路，所以我與友人才有機會享受到。盼望我們愛食之人多走一步，相信會發掘到更多美食。…查看更多

要平日約朋友去玩，真得好難就到時間，今次剛好約到兩位朋友去行山，大家都是興起就去，心情非常興奮。想行短線就去大棠行，不太辛苦，悠悠閒閒就行了3個鐘左右，落山時間約5:15左右，就到這裡食個下午茶，朋友話每次到大棠行山，行完必得會於此食下午茶，原因是茶餐廳已經有多年歷史，有好的口啤。餐廳位置好易找到，店舖沒有太多裝潢，可選擇坐內或外，繁忙時段真得需要等待一會，因為呢度已經是行山人士必到之處，而且食物價錢合理。朋友推介我食豬排意粉，原因是即叫即煎炸，需時5-7分鐘，飲品先行上枱，我揀選了奶茶(個人認為如果在飲品方面做得好，食物質素應該都不會太差) ，奶味較為重，而且茶餐廳選用的牌子是黑白淡奶，味道不會有苦澀味，值得一試。終於到主角上枱啦，豬排有兩件，而且感覺大件，色澤金黃，厚度剛好。容易咬口，好香口，相對意粉味道清淡，配搭豬排食就恰到好處。…查看更多

每當生病時，就想起要食粥，要食清淡一點少會早日康復。今天與同事外出食飯，同事為了遷就我，就同我到這裡享用午餐，上一次同朋友食過一次，感覺唔錯，於是便到來。望了菜單後，就叫了南瓜粟米粥，另加混醬腸粉，等了約5分鐘後，大大碗粥到來，份量十足，最愛看見食物是熱辣辣，充滿溫暖。看似簡單一碗粥，內裡是好綿細，淡淡都食到南瓜絲，慢慢食完整碗粥需要15分鐘左右，再嚐腸粉後，表層芝麻味，為腸粉增添了香口。…查看更多

今日中午約了好友到呢度食lunch,到達餐廳時已經約1:00,兩個人唔駛等位就入得，最近商場因為裝修關係，所以門口附近有點味道，需要經由另一邊進入。這一年開始午餐基本上價錢由$35-45左右，但為了坐得舒服，所以同朋友選擇在這裡食，雖然這裡燈光比較暗，但食物味道還可以的。我選擇了豬軟骨飯，等了約5-7分鐘左右就到了，大大一碟飯，旁則伴了約5-7塊豬軟骨，易咬口，好軟熟，底層有肉噪連點點帶微辣醬汁，混合飯一起身，非常入味。最後喝上一杯熱紅茶，味道由清淡漸漸濃郁，以解飽滯感。…查看更多

繼中午食飽飽去行山，行左約2個鐘後就回家了，能量都消耗得七七八八，就經天水圍西鐵站轉車時，係度買左1盒sushi食，呢間店由開店至今仍然係好受歡迎，成日經過都排到出門口，雖然店鋪佔一小位置，但值得一讚店員補充sushi速度算係好快手，而且sushi款式多樣，唔怕會食厭，最緊要價錢好低食。本人較為喜歡八爪魚sushi,中華沙律sushi及鰻魚sushi, 原因係前兩者好爽口，新鮮，而且味道恰到好處，後者鰻魚好香口，不會有腥味。雖然蛋sushi同蟹柳sushi沒有太大驚喜，但算為厚身。一盒10件sushi對我黎講係剛剛好，又唔會食到濟，加上飯既比例剛好，下次想試下其他刺身，淨睇個樣已經好吸引。…查看更多