韓樂 (T Town North)

营业中

休息中

話說今日同同事傾計時，講講下附近好似又開左新餐廳，又多左個選擇，真係眼都bling bling剛落完雨，天氣又係熱到溶，行左10分鐘左右就到達間餐廳，平時12:30呢個鐘數係多人，感恩，我地唔駛等位，就入得了。餐廳的裝修都算為新穎，燈飾柔和，唔會令人感到眼訓及座位寬裕。我就叫左個蕃茄韓式牛肉半焗流心蛋飯($45) ，等左10分鐘先到，同焗飯時間差唔到，個餐係包埋一杯飲品，個飯係酸酸甜甜，濃度適中，飯面有隻煎蛋，一口飯，一口蛋再加少少泡菜，洋蔥混合食，味道甚佳，好適合依家既天氣食，飯份量剛好，而牛肉方面，軔度剛好，甜中帶點烤肉味，整體唔錯。飲品就揀左熱奶茶，奶味較重，甜度尚可，如想揀其他特飲就要加錢了。