boey1998的个人专页

前排去咗呢間位於鰂魚涌嘅「秋嵐日本料理」試佢哋嘅牛舌定食🐂 一入店就聞到陣陣燒肉香，日式居酒屋風格好有feel～重點講返呢份「極み厚切牛たん定食」🤤 牛舌厚切到幾乎有食指粗，燒到外皮微焦帶點炭香，中間粉嫩多汁，咬落去軟嫩又帶住嚼勁，肉香好濃郁，完全係日本燒肉店嘅味道！配埋個日式醬汁，層次仲豐富～！定食仲有飯、湯同甜品，份量啱啱好，一個人食好滿足。如果鍾意食牛舌，呢間真係值得一試，牛舌控一定會愛上～…查看更多

燒鳥料理生熟度拿捏得當，雞肉串燒外皮帶炭火焦香，肉質嫩而多汁，調味恰好凸顯肉鮮。豆腐串燒尤為出色，烤後外皮酥脆，內裏嫩滑綿密，滿滿豆香與柴魚鮮味交融，口感層次豐富。秋刀魚料理很是驚喜，刺身鮮甜細嫩，魚香濃郁，在外面鮮少能吃到如此水準；用剩的魚骨酥炸成小食，酥脆可口，一魚兩吃頗見巧思。作為燒鳥小店，月華在食材運用和料理細節上頗為用心，人均三百多的價格，能享受到燒鳥、秋刀魚與日式料理的精彩組合，是愛好者值得一試的小店。…查看更多

呢間係一間昭和風格既居酒屋，舖內會播經典日本歌，好懷舊又有feel，真係好似穿越左去昭和時代既日本居酒屋咁，打卡一流。最重要係，佢啲食物真係有水準，夠特色又好味～揀左幾個我地覺得超正既分享俾你哋！吞拿魚鱈魚餅呢個一上枱我哋就即刻忍唔住想食，佢外層煎到金黃香脆，入面係滑滑嘅魚餅，吞拿魚同鱈魚嘅鮮味超濃，絕對係開胃頭盤！配埋啲特製醬汁，簡直係完美搭配，必點！魷魚明太子卷呢個真係必食！魷魚包住明太子餡，咬落去啲明太子爆開嘅感覺真係滿足到唔得，鹹香味啱啱好，魷魚仲好嫩唔韌，食咗一啖即刻想再加單。昭和海鮮卷呢個海鮮卷係餐廳嘅特色之一，手工捲嘅壽司，入面有超新鮮嘅刺身，飯粒仲帶少少醋香，清新又唔heavy，食完覺得好爽口。雞全翼居酒屋嘅經典菜式梗係少唔到雞全翼啦！呢度嘅雞翼燒到外皮脆脆地，入面啲肉又嫩又多汁，仲帶陣淡淡嘅炭燒香味，完全係夜晚配啤酒必食嘅好選擇。牛舌是最喜歡的！不但厚度很適配，外表焦脆裏面充滿肉汁咖哩牛脷鐘意飲酒既朋友，呢個咖哩牛脷真係唔好錯過，食落好暖胃～咖哩汁濃郁得嚟帶少少甜，牛脷燉到又腍又入味，我哋全枱一致投票呢個係今晚Top 3！炸北海道魷魚絲呢個真係香到痴線，炸得好脆，啲魷魚味超濃，真係好啱配酒。 炸海鰻魚骨魚骨炸到脆卜卜，鹹香又唔油膩，係一個幾特別嘅小食，送酒一流！如果鍾意日式居酒屋，或者純粹想搵個地方同朋友放工後坐低吹水，昭和食堂真係超啱，氣氛夠Relax，食物好味又有特色，重點係價錢唔貴，CP值高。下次約朋友就黎呢度啦，唔會失望！…查看更多

早幾日同朋友經過銅鑼灣，見到有一間主打韓式料理嘅餐廳，竟然有醬油蟹同韓式炸雞任食套餐！食完之後覺得佢味道夠正宗，餐廳環境闊落，坐得舒服，加上地址超方便，就係地鐵站對面，最重要既係cp值勁高！醬油蟹醬油蟹係必點之選！第一份可以選擇公蟹/母蟹，然後逐添加嘅只可以喺公蟹，梗係要叫返份充滿膏嘅母蟹滿足下先！啖啖膏，撈埋白飯，真係一流！後續瘋狂添蟹，全部蟹肉好新鮮，醬油味道入晒去，每一啖都好滿足。韓式炒年糕炒年糕唔會太辣，啱啱好嘅辣度加埋煙韌嘅口感，食落真係停唔到口。韓式炸雞炸雞炸得外脆內嫩，雞肉多汁又香口，仲可以任食，真係一個字：正！另外佢仲有小食例如年糕香腸串都係任食，汽水亦係任飲，啱哂一大班frd過黎過下韓國菜癮！…查看更多

最近壽司癮起，咁啱醒起有朋友介紹過我係蘇杭街有間壽司店Sushi Masa 鮨政，聽講佢哋嘅食材超新鮮，性價比又高，於是我特登搵咗一日去食。入到去，環境簡約得黎不失格調，吧檯設計得好靚，日式和風。可以近距離欣賞到廚師備菜，超有feel！我哋食咗幾樣嘢覺得好值得同大家分享。牛腸鍋有睇開呢個page嘅朋友都知我係牛腸鍋迷，呢間餐廳嘅牛腸鍋真係水準以上。牛腸鮮嫩大舊，湯底又清爽，配上新鮮蔬菜，成碗都有香氣。食嘅時候好暖胃，而且唔會膩，正！三文魚腩三文魚腩一咬就化，油脂分布得好好，味道超鮮，搭配少少壽司豉油，真係好正，三文魚迷一定要試！海膽壽司新鮮海膽色澤靚，入口綿滑鮮甜，係口中融化，海味十足，真係極致既享受。其他壽司都好新鮮大件，魚油滿口香而不會過膩。款式好多，開業於港島，但價錢比九龍區壽司店更高性價比Sushi Masa每個月都有限定優惠，依家Follow餐廳社交平台就送一份甜品，真係好抵食！呢間壽司店唔單止食物質量高，環境都好舒服。強烈推薦俾鍾意壽司嘅朋友，黎呢度享受一餐美味嘅壽司盛宴！…查看更多

最近朋友介紹我金馬倫道有間叫「驚安燒肉商店」既燒肉店，話佢性價比超高，於是我同朋友特登去試下。入到去已經覺得環境舒服，樓底又高，成餐飯食落都唔會覺得好焗，好適合同一班朋友聚餐，最重要嘅係啲嘢食都真係幾抵食。食物介紹：香印青提牛肉卷牛肉包住新鮮既青提，咬下去啲牛肉嫩滑，青提又清甜，中和到牛肉既油膩，真係令我驚喜到唔得了。極黑和牛牛小排好抵食既牛小排，肉質一流，脂肪分布均勻，燒完後口感香脆，內裡肉汁十足，完全停唔到口。原條手切牛舌（半條）店員會親自過嚟幫手燒，肉質好彈牙，鍾意食牛舌嘅一定要試下柚子漬雞肉山（半份）雞肉鮮嫩，柚子味清香，食落唔會太膩A4和牛牛板腱聽店員講呢隻肉係限量稀有，食落的確係好高質。肉味超濃，燒完後入口即化，最重要既係真係好抵食！一口冷麵食完燒肉之後來一碗，清爽得來又解膩，真係好正。紫菜月見飯紫菜香味十足，配上滑嫩的月見蛋，簡直係完美搭配，一啖飯一啖肉好過癮。味淋魚干（熟上）魚干味道鮮美，廚師燒到岩岩好，外表微焦，內裏唔會太乾驚安燒肉商店唔單止提供多樣化的美食，仲以高性價比令我驚喜。整體用餐體驗無論係食物質量定係環境都非常好，絕對係香港燒肉愛好者的理想選擇。強烈推薦俾鍾意燒肉的朋友，黎呢度享受一餐美味既燒肉盛宴！驚安燒肉商店📍金馬倫道48號中國保險大廈3樓C號舖…查看更多

最近，很多人喜歡北上吃燒鳥，但其實香港也有許多高性價比的選擇。燒鳥 × 居酒屋中，燒烤堂絕對是最出色的一家。當晚最有印象其中一道菜將豚肉製成波板糖形狀，打卡一流！全港最大塊的燒雞皮還有不可錯過的全港最大塊的燒雞皮，薄脆且香氣四溢，吃上一口令人陶醉。這道菜不僅份量十足，也是聚會時的必點之選，讓人一試成主顧。燒北寄貝烤過比刺身狀態更鮮甜！因為貝殼上全是燒烤過程中產生的海鮮精華，放入口嘅時候伴隨著鮮甜嘅味道。每次必食嘅焦糖鵝肝多士感覺每次食，份量一次比一次多嫩滑嘅燒鳥系列都係我最愛尤其係雞腿肉！每口嘅份量油脂好平衡皮脆肉滑多汁…查看更多

上星期朋友約我收工去chill下，想帶我去一間叫做 House FiftyEight 嘅餐廳，聽朋友講佢地啲西餐好好食，尤其係佢地個忌廉青口，鐘意食青口既我緊係即刻gogo。去到見到餐廳嘅環境類似酒吧，但同時有好多餐枱同卡位，坐落都幾寬落舒服，氣氛同音樂配搭好好，俾我嘅第一印象已經好高分。以下係我今次用餐嘅幾款推薦美食：吞拿魚沙律十分推薦呢一道吞拿魚沙律，新鮮既吞拿魚刺身搭配蔬菜同特製醬汁，吃落清新又開胃，非分適合想要輕食嘅人。吞拿魚的鮮甜同沙律嘅爽脆相得益彰，令人一試難忘。菇湯菇湯香濃滑順，菇香四溢，濃郁嘅口感令人一喝就愛上。湯底嘅調味亦恰到好處。忌廉青口配多士黎到主角，呢道忌廉青口好令人驚喜，青口鮮嫩，忌廉醬非常香濃，搭配香脆的多士，令人每一啖都充滿滿足感，同時份量十足，好適合同人share。是一道必點嘅小吃。美國肉眼10oz美國肉眼亦係重頭戲，10oz的份量兩個人食岩岩好，肉質嫩滑且多汁，烤制後外焦內嫩，肉香四溢，鐘意食牛扒嘅千祈唔好錯過！House FiftyEight 除左用餐區外，仲有娛樂區，有飛鏢機、Beer Pong等可以玩，享用美食嘅同時，亦可以同friend飲返兩杯酒，玩下酒game，特別適合成班人聚會或慶祝場合，快啲去試下啦～…查看更多

最近出左熱浪味炸雞！作為佢地死忠既我當然第一時間就衝左去食。For未食過Goobne Chicken既朋友仔，呢一間韓式烤雞店同一般炸雞店唔同，佢哋主打嘅無油烤雞做到外脆內軟，雞肉潤滑多汁，配搭各種唔同嘅口味，例如又辣又過癮嘅火山烤雞，香甜惹味嘅蜜糖蒜香烤雞，呢間餐廳係我心目中最好食嘅烤雞店。加上餐廳舒服精緻嘅氣氛，友善熱心嘅侍應，成個用餐體驗係一流。熱浪味Chipken任何嘢只要加上熱浪嘅味道，都一定會變得更加好食，更何況係Goobne Chicken嘅烤雞。優質嘅雞肉裹上令人愉悅的辣味及香噴噴的粉末。經過焗爐烤制後，搭配辣、甜和鹹味的墨西哥粟米片，口感層次豐富，食到完全停唔到手。鐵板芝士辣炒雞肉用新鮮嘅韓國雞肉，切成一口大小，放入特製醬汁中醃製，然後加入包心菜、洋蔥、大蔥和年糕一齊炒熟，最後加入半融拉絲嘅芝士，每一啖都又邪惡又令人上癮。Somersby Apple Rita 蘋果酒次次嚟到都一定會嗌嘅飲品，用蘋果酒為基底，搭配酸甜嘅沙冰，口感清新解膩，飲完啱啱好有微醺嘅感覺，令成餐飯更加舒服。Goobne Chicken 係我同朋友聚餐名單入面必定會出現嘅餐廳，咁多年嚟佢哋一直保持住高質嘅水準，仲keep住推出好食嘅新產品，例如蜜糖bbq芝加哥薄餅，亦都係我好鍾意食嘅一道菜式。大家如果有機會嘅話一定要去試一試，保證你一定唔會失望！Goobne Chicken📍尖沙咀赫德道4號The Hart 2樓…查看更多

睇韓劇成日見到男女主角收工後會去啲居酒屋飲酒食宵夜，浪漫之餘仲好chill，今次我就突登係忙完一日後，同男朋友去諾士佛臺試一間韓式居酒屋，完我呢個韓劇女主夢！一入到餐廳，就俾佢地既裝修吸引到，成個氛圍同佈局都好有傳統韓式居酒屋風格，佢地仲有幾間榻榻米房，完全想像到同一班朋友黎呢到飲酒係幾咁有feel~我地兩個人胃口唔算大，今次嚟主要係想飲酒，所以淨係叫左一個牛腸鍋同埋一份餃子，點知份量超多，加上佢地個前菜款式又多又好食，最後食到兩個人又飽又醉，超滿足。前菜總共有6碟前菜，6款味道都好好，最鐘意佢地個茄子同辣泡菜，食落鮮甜又辣辣地，非常開胃！食完仲可以叫佢地refill。牛腸牛肚鍋 So Gop Chang Jun湯底好濃，牛腸同牛肚既味成功咁融入左而又無腥味，有少少辣去吊味。我男朋友唔太食內臟都同我爭左一半嚟食。另外佢好足料，牛腸同牛肚勁多，加埋啲配菜、年糕同粉絲，四個人食都啱啱好。蒸餃子 Jjim Man Du餃子外皮好彈牙，入面啲餡好多汁，咬落去仲啖啖肉，我一個人食左4隻都唔想停。檸檬梳打Highball居酒屋必有item。威士忌加梳打水易入口之餘仲好爽，飲落去好似全日既壓力一下子gur走哂。無糖燒酒Saero soju飲落好順滑，加上燒酒獨有既天然清甜，好容易入口，酒量唔好既朋友記得唔好一下子飲太多～我地飲左兩三杯就已經有微微醉意。平時鐘意同朋友飲杯chill下既你，記得去試下啦，佢地星期一至六都係由下午五點開到凌晨三點架～…查看更多

放工去左旺角同朋友行街，行到咁上下突然好想食台灣麵，咁啱搵到附近有阿木台灣麵，以前都食過幾次，今次食覺得佢真係值得俾更多人試到，因為真係又正宗又抵食，份量足到兩個人share一碗麵都夠哂飽！紅燒牛肉麵我每次去一間新嘅台灣菜餐廳，都一定會試下佢地嘅紅燒牛肉麵。作為台灣既代表食物，坊間好多台灣菜餐廳其實都整得唔係幾好食，通常都係牛肉太鞋、湯唔夠味或者麵太稔。而阿木台灣麵既紅燒牛肉麵就做到樣樣水準以上，湯底濃得嚟唔會太鹹，麵質彈牙，舊牛肉非常入味，咬落口感適中仲好juicy，同朋友share一碗食到好滋味！芝士肉鬆蛋餅今次除左必食既紅燒牛肉麵之外，仲叫左個芝士肉鬆蛋餅。一上菜果一刻真係俾佢震驚左，個蛋餅用料超足！啲芝士同肉鬆幾乎係爆出嚟咁滯，個口細啲嘅人都難啲一啖咬哂。蛋皮食落好Q彈，夾住啲芝士同肉鬆，真係好邪惡！另外我地仲叫左黑糖珍珠奶茶同芝士奶蓋烏龍茶，兩款都好好飲，同出面台式飲品店味道一樣！建議經過旺角嘅你地都快啲去試下，真係好好食！…查看更多

將軍澳海旁嘅餐廳出名chill，最近經過一間台式串燒店小野人KOKA，被佢地既串燒香氣吸引左，決定入去試試佢。一入到餐廳，佢地既裝修已經吸引住我，精緻而又舒適既環境，非常之乾淨，無普通串燒店既油煙瀰漫感。每一枱都有一個小鐵爐，就算叫幾多野食都唔怕攤凍左。我地嗌左一堆串燒，揀左幾野我覺得特別出色既同大家分享下。墨西哥烤玉米好獨特嘅風味，沙律醬同辣椒粉令呢個粟米變得更有層次，食落甜辣，好開胃。厚切牛舌芯牛舌芯切得厚，口感超嫩滑，入面啲肉汁好豐富，牛味都幾重，鐘意食牛舌一定要試下。烤脆雞皮雞皮烤得好香脆，鹹香適中，送酒一流。台灣小香腸我最愛既台灣腸，食落甜甜地，爆多汁，同台灣食既味道一樣。Q彈大魷魚我個人極力推薦，大魷魚夠Q彈，嚼勁十足，最重要佢個味道調得好好味。蒜蓉烤生蠔【必點推薦】生蠔好鮮甜，蒜蓉嘅味道提升咗佢嘅鮮味，的確係必點之選。蒜蓉烤茄子【人氣推薦!】呢個蒜蓉烤茄子真係香到不得了，軟滑入味，難怪咁多人推介！夏威夷烤菠蘿大大塊燒菠蘿，甜酸適中，用嚟解膩一流。糖烤牛奶方包鐘意食甜野既人必點，方包燒到外脆內軟，甜甜地超好食。小鐵鍋蒜蓉金針菇金菇索哂蒜蓉汁，勁香，食落口感爽滑，份量亦十足，四個人食一份都夠。KOKA小野人 - 重慶酸辣粉【人氣推薦!】要小心，因為佢地個酸辣粉都幾夠辣，對於食開辣既我就啱啱好，唔係咁食得辣既朋友記得叫佢小辣。日本梅酒蘇打梅酒蘇打大大杯，清爽又抵飲。經過呢到既朋友不彷過去chill一chill啦～小野人KOKA
📍將軍澳澳南海岸唐俊街23號MONTEREY Place地下G25A號舖#沙田美食 #聚會好去處 #香港餐廳 #必試推介 #香港串燒 #性價比 #台式串燒…查看更多

位於上環的歐陸式餐廳Green Orange，藏於鬧市中既2樓，但絕對掩蓋唔到佢既美味。餐廳環境舒適，氣氛輕鬆。聽講係由一班鐘意周遊列國嘅朋友開設，味道自然正宗。今次去左食佢地嘅lunch set，份量都幾多，味道亦十分出色。每個set都有附送沙律，麵包，餐湯同一杯餐飲，今次去既餐湯係甘筍湯甘筍湯香甜順滑，口感濃厚，帶有自然甘香，非常開胃。紐西蘭走地雞脾肉配蕃茄香草醬意大利麵雞肉份量十足，煮到好嫩滑，配上蕃茄香草醬意大利麵，醬汁Creamy但不膩，一啖接一啖都唔會覺得好膩，好快就俾我地食哂。燒BBQ美國豬肋骨BBQ豬肋骨外焦內嫩，醬汁好惹味，煮到滲透入肉，一上碟已經香味四溢。隨碟有蕃茄、西蘭花同醃青瓜去中和返油膩感，不過佢地嘅豬肋骨半身肥瘦適中，就算一人食一半都唔會覺得好滯。…查看更多

坐落喺銅鑼灣的OOULI，係一間高級韓式餐廳，前排有機會嚟到呢間餐廳食午餐，一入黎就覺得呢度環境好靚，侍應嘅服務好好，餐牌上既餐點好有韓國傳統特色，絕對係體驗韓國傳統美食嘅好地方。我同朋友食左佢地既lunch set，係到同大家分享下。前菜 Deul Kkae - Juk傳統嘅韓國餐會有好多同飯有關既食物，作為前菜，呢一個傳統韓國粥用咗韓國特色蔬菜、韓牛同新鮮蜆肉，加上自家大米煲足15個鐘，好入味好好食。餐湯 Jili - Tang海鮮清湯配上烤釜山鮑魚，湯底鮮甜，白蘿蔔熬到岩岩好，配埋鮑魚一齊食，正！主菜 Jan Chi我點既係烤韓國頂級1++韓牛，牛味好重，肉質嫩滑，味道一流。朋友就叫左36小時慢煮嘅濟州黑毛豬五花，入口即化，濃郁得嚟唔油膩，用紫蘇葉包住嚟食更有風味。飯 JinSu - Sung Chen釜山自家農田珍珠米飯，聽講係老闆為咗畀香港人食到最正宗嘅韓國米，特登新鮮空運到港，食落好軟熟，好有飯香味。另外仲有一碗48小時熬製嘅鰻魚湯，飲落去鮮鮮甜甜，用黎泡飯食一流，再加上五款時令釜山伴菜，味道非常豐富。最後亦都會有一個韓式嘅小點心同埋一杯餐飲，作為呢一餐飯嘅收尾非常完美…查看更多

筲箕灣呢一間多國菜餐廳嘅裝修非常得意，充滿住好多歐美童話風格嘅圖案同裝飾，俾人感覺好似置身於童話世界，非常適合喺度影相打卡。餐廳嘅菜式都相當吸引，以下係我推薦嘅幾款美食：### 蟹粉焗有殼扇貝伴忌廉薯蓉（3隻）扇貝新鮮多汁，焗到金黃嘅表面香脆可口，搭配滑順嘅忌廉薯蓉，一啖食落去超過癮！### 日式鐵鍋牛骨髓、鵝肝、雞蛋、牛柳飯呢個飯絕對係又好食又好睇，服務員會在客人面前現炒，過程中香氣四溢，未食已經流曬口水。牛骨髓的濃郁口感與嫩滑的牛柳搭配，加上鵝肝嘅香味，好邪惡但係真係好好食。### 熱台式水果茶呢個熱水果茶果味十足，好適合用嚟解膩。飲落唔會太甜，平時唔鍾意飲熱飲嘅我都忍唔住飲多兩杯。### 青提蘋果乳酪梳打呢杯嘢飲都係好適合用嚟打卡，上面用青提子鋪到一座山咁，青提蘋果同乳酪梳打嘅結合出乎意料嘅夾，推薦大家試下。### 芒果拿破崙層次分明嘅酥皮同香甜嘅芒果內餡，口感超好！特別嘅係，底部有一個轉轉音樂盒，童話感十足，非常適合打卡放ig。Dirty Skillet係一間充滿特色嘅餐廳，非常適合一家大細過嚟食，一邊享受美食嘅同事可以欣賞下佢哋嘅裝飾，快啲帶埋你嘅朋友過去試下啦！…查看更多