前菜 Deul Kkae - Juk
傳統嘅韓國餐會有好多同飯有關既食物，作為前菜，呢一個傳統韓國粥用咗韓國特色蔬菜、韓牛同新鮮蜆肉，加上自家大米煲足15個鐘，好入味好好食。
餐湯 Jili - Tang
海鮮清湯配上烤釜山鮑魚，湯底鮮甜，白蘿蔔熬到岩岩好，配埋鮑魚一齊食，正！
主菜 Jan Chi
我點既係烤韓國頂級1++韓牛，牛味好重，肉質嫩滑，味道一流。
朋友就叫左36小時慢煮嘅濟州黑毛豬五花，入口即化，濃郁得嚟唔油膩，用紫蘇葉包住嚟食更有風味。
飯 JinSu - Sung Chen
釜山自家農田珍珠米飯，聽講係老闆為咗畀香港人食到最正宗嘅韓國米，特登新鮮空運到港，食落好軟熟，好有飯香味。另外仲有一碗48小時熬製嘅鰻魚湯，飲落去鮮鮮甜甜，用黎泡飯食一流，再加上五款時令釜山伴菜，味道非常豐富。
最後亦都會有一個韓式嘅小點心同埋一杯餐飲，作為呢一餐飯嘅收尾非常完美
