vincentkclee的个人专页

今日入到黎南區，黎試一試蠔灘，聽聞佢嘅蠔性價比比較高。餐廳空間大，環境坐落幾舒服，座位又夠寬落。生蠔目標好明確，生蠔必定要試！新鮮生蠔$10蚊一隻，幾抵食！蠔唔算好大，不過夠新鮮，海水味適中。價錢唔算貴，味道也不錯，絕對值得試一試。石燒澳洲穀飼西冷牛扒今日來食仲有set lunch，有自助餐湯、沙律同飯，當然仲有飲品。經過石板燒過嘅西冷牛扒，特別Juicy，富有牛味，當然再配上醬汁絕對一流。如果覺得比較生，可以喺石板上再燒一燒，不過建議不用太耐，否則肉會過熟。黑松露野菌長通粉另外叫左個set，黑松露野菌長通粉，未食已經聞到非常濃郁嘅黑松露味道，長通粉煮得啱啱好，唔會太硬，配以忌廉醬汁，好creamy。當然仲有野菌，味道豐富好味。 水牛城雞翼跟餐加$38，叫左3隻水牛城雞翼，够入味，帶少少辣啱啱好，肉質都好滑。嚟開南區嘅可以嚟試一試！…查看更多

今日來到觀塘廣場呢間「校長燒肉」試一試，聽聞可以一餐滿足幾個願望，包括燒烤、火鍋再加刺身。以呢個價錢來講，性價比算幾高，唔算特別貴。餐廳地方够闊落，坐得舒服，攞野嘅地方都好大，就算同一時間好多人出去拎野都唔會好逼。燒肉燒肉區好多選擇，牛扒、雞扒、豬扒、雞中翼、秋刀魚等等，太多不能盡錄，已經調味好醃好晒，食落味道唔錯，醬料可以自己調配。而烤肉爐面係會放牛油紙，值得一讚，煎起上來冇咁油，又冇咁多煙。火鍋其實係一人鍋，由自己去湯料區倒湯，有豬骨、韓風辣、壽喜燒湯底，當然仲有火鍋醬料區，而火鍋料就應有盡有，肥牛、丸、腸等等任君選擇。刺身壽司當然仲有刺身同壽司區，壽司可以任揀，而刺身每次最多可以拎三款，好食而且够新鮮！最後前後拎咗四次，夠晒滿足。熟食熟食區嘅食物選擇亦都非常之多，麥樂雞、炸雞、燒賣、粉果等等，仲有沙律醬千島醬同茄汁配搭。飲品嘅種類亦都非常之多，汽水、果汁、啤酒等任君選擇，而且仲有甜品和雪糕，食到飽為止。超值嘅價錢可以食到唔同種類嘅食物確實唔錯，值得再來。…查看更多

蠔站荃灣分店位置都算幾方便，係荃新天地一期。餐廳環境空間大，坐落幾舒服，座位分得開夠寬落。生蠔一坐低已經俾poster吸引住，新鮮生蠔$10蚊一隻，好抵食！二話不說，叫咗一打試一試。蠔肉雖然唔算好大，但勝在夠新鮮，海水味適中。價錢唔算貴，可以再encore！石燒澳洲M6和牛腹叫咗一個套餐，有湯，沙律同飲品。經過石板燒過嘅和牛腹，特別Juicy，而本身亦好有牛味。如果覺得比較生，可以自己再喺石板上燒一燒，好方便。香辣蒜片蜆肉燴扁意粉上枱時香氣十足，蒜片嘅香味好出。意粉食落偏煙韌，落左辣椒帶點辣味，但同蒜味好夾。蜆嘅份量亦好足，雖然唔算好大隻但有鮮味，吸收晒蒜片嘅香味，幾惹味。Peach Princess 好耐冇飲呢隻，叫咗杯特飲，最後係揀左桃味。好大杯，味道唔算好甜，幾清新。…查看更多

一黎到侍應已經詢問我哋飲咩茶，之後可以慢慢邊嘆茶邊睇餐牌。香片味好濃郁，配合食辣嘅亦都好夾。裝修嘅格調以優雅舒服感覺為主，地方闊落，空間感十足。每台都放上黃菊花，幾特別。老壇酸菜魚 (桂花)主角當然係佢，可以揀桂花魚或者龍躉，最後想食滑啲嘅魚肉就揀咗桂花魚。份量相當足夠，好大碗。食落魚嘅肉質十分鮮滑、冇腥味，好食。當然仲有大量嘅配菜，酸菜、蓮藕、萵筍等，當然仲有薯粉，同埋比較特別嘅係仲有經炸過嘅魚骨部位，好香口。配菜已經完全入晒味，辣得來好有感覺。蔥油麵 唔諗住食飯，但希望有點飽肚感覺，所以叫咗一碗蔥油麵。配合特製蔥油，上枱時已覺香氣十足。撈埋同麵一齊食，麵質彈牙，另外仲有蝦亁，食落好滋味。食酸菜魚又多咗一個好地方選擇！…查看更多

金鶴之前試過中環嘅分店，水準都幾高。而今日經過北角嘅分店，一於重溫一下。餐廳唔算好大，大約只有20至30個座位左右，有長方枱亦都有bar枱，坐得都算舒服。有套餐選擇，價錢都比較相宜。因為都想試下沾麵，所以叫咗一個套餐，一個散叫。金鶴雞白湯拉麵好濃郁嘅雞味湯底，好似忌廉咁幼滑，清甜但唔膩。牛蒡炸得金黃鬆脆，幾好食而且份量多。再加上雞肉、黑豚叉燒同半隻溏心蛋，好滿足。雞肉入口軟熟，有雞肉香味。叉燒亦肥瘦適中，而糖心蛋味道亦一流。拉麵係粗麵，有彈性，吸收湯嘅精華。燒黑豚串套餐小食叫咗燒黑豚串，炭燒過嘅香味，甜甜鹹鹹嘅味道。而肉質嫩滑而且多汁，肥瘦適中。Bless果汁加$20轉，清新嘅橙味，冷壓嘅做法，都幾好飲。金鶴雞白湯沾麵沾麵愛好者，當然要試一試。細心嘅店員，特意提醒湯可以再加熱。配料同樣非常豐富，而沾麵所用嘅熱湯，味道更加濃郁，配上沾麵自然配搭更好，值得一試。…查看更多

今日有工作係身要經過觀塘宜安街，做完嘢嘅時候已經過咗2點，一於上網睇睇附近有乜嘢食，就發現咗呢間啱啱新開嘅意堡。地方都算易搵，喺宜安街街市附近，轉入去內街就見到。大大個餐牌擺喺外面，價錢亦相當相宜。餐廳係open kitchen，坐落都幾舒服，諗咗一陣，叫咗個香草雞扒漢堡，加$13就有一款小食同飲品，小食就揀咗七味粉蒜香單骨雞翼。另外由於比較肚餓，叫多咗一款小食沙嗲雞髀肉串。香草雞扒漢堡包係輕輕煎過，更加香口，而雞扒肉質好滑，配上醬汁，味道好好，值行一試。七味粉蒜香單骨雞翼有4隻，數量足，好入味，單骨食落亦都方便。沙嗲雞髀肉串啖啖肉，秘製沙嗲味好出，值得一試。下次大家經開觀塘都可以嚟試一試，價錢唔貴，食物好食。…查看更多

個名好特別，就叫"日本野"。日本野就係Mini Friday隔離，相信係同一個集團。裝修主要以日式和風木材風格為主調，內裏光線好充足，座位都幾舒適。夜晚有套餐提供，包湯/沙律，同埋咖啡/茶/汽水一杯，加錢仲可以有小食，唔算貴。精選角切魚生丼魚生飯好大碗，份量好足，入面有幾種唔同嘅魚生，三文魚就比較多，除此之外，仲有八爪魚、油甘魚、蟹籽、玉子等等，食落都新鮮。沙律沙律菜都新鮮，配有蟹籽同沙律醬，開胃。和牛壽喜燒配烏冬壽喜燒一向都係心愛之選，見有得揀當然試試。和牛牛味好足，份量唔少够厚，食落軟嫩，配上壽喜燒係最佳配搭。最後加埋烏冬，吸收和牛蔬菜等精華嘅壽喜燒湯，香甜美味，一流。呢個餐，仲叫咗個麵豉湯，暖笠笠。刺身拼盤套餐追加左刺身拼盤，包括厚切三文魚、北寄貝、八爪魚同甜蝦。唔算好抵，不過就都好新鮮，口感豐富肥美。厚燒鰻魚玉子跟套餐可追加小食，玉子燒幾厚，滑嫩嘅口感，包住帶點香甜嘅鰻魚，仲有蟹籽係面，另可蘸上黑松露蛋黃醬，畫龍點睛之作，好味！飲品另外仲配埋飲品，好滿足。…查看更多

觀塘偉業街再多左一間金記，是日就來試下。新裝修，光鮮嘅店面，裏面環境亦舒服。而佢係採用QR Code點餐，環保之餘落單亦快捷唔會漏單有錯，其實值得愈來愈多餐廳仿效。乾炒牛河落單嘅時候可以選擇少油，炒得夠獲氣，牛肉食落唔會靭，份量也不少，而河粉唔會好油膩，够惹味，值得試。海南雞叫左半隻，加$10有油飯同湯，飲品亦有半價優惠。雞肉肉質非常嫩滑鮮味，有雞味，雞皮脂肪並唔多，蘸上醬料，好味。油飯，啖啖黃油香味，同海南雞味道好夾。湯係老火湯，但飲得出味精唔多，仲有花生，非常豐豐。金磚風沙炸豆腐炸豆腐切成長方形，外層炸到鬆化可口，沾滿香蒜、椒鹽等，絕對惹味，內裏豆腐非常滑溜，外脆內軟，正！無冰奶茶 奶茶香味好濃郁，以冰塊盛載，茶底香濃，滑度十足，唔會好甜。鹹檸七跟餐加配關係亦有半價，又鹹又甜嘅飲品，開胃之餘又解渴。PS. 當晚有一黑色男年輕待應，應該係小主管吧，有幫忙帶位，佢嘅服務態度值得稱讚！…查看更多

旺角兆萬一向都係飲食之地，係3樓新開咗一間火鍋放題，一於去試一試。餐廳好寬敞，裝修其實帶點心思，環境光猛而且座位都幾舒適，仲有卡位選擇。餐廳實在有好多款湯底選擇，最後叫左鹹酸菜猪肚湯底。而入座後每檯都會送海鮮拼盤同頂級牛頸脊各一客，而近期都會有優惠。餐廳係用電子餐牌落單，環保之餘，落單非常簡單快捷。頂級牛頸脊贈送嘅頂級牛頸脊，牛肉味好濃郁，食落唔韌，好有口感。海鮮拼盤同樣贈送，係按人頭份量計算，大蜆鮮甜，蝦夠彈力，鯇魚嘅魚味很鮮。滑牛片一份份量好多，牛肉有牛味之餘亦都好滑，高質。豬腩片肉味濃郁，食落肉質都易入口。羊肉片就略嫌有少少羶味。星斑片同脆骨腩都好新鮮，脆骨腩肉質好實，最後叫左2輪先至滿足。黃金炸魚皮邪惡之選，即叫即炸，香脆嘅口感同埋香濃嘅咸蛋味，非常吸引。韮菜餃、墨魚丸、鯪魚丸等肉丸推介都要試一試，細細粒，各有特色，可叫2粒上都得，可以試多幾款。當然仲有響鈴、冬菇、午餐肉等火鍋必備配料亦都值得一試！最後叫左薯粉同烏冬作為今餐完美結束，烏冬值得一試。價錢唔貴，質素高，用心！…查看更多

特色嘅Cafe一向都特別吸引，今次來到土瓜灣呢間Cafe，結合西餐、咖啡、新派甜品等元素，未到7點已幾乎坐滿，坐多陣全場已滿，確實有唔錯嘅口碑。手打西冷牛肉原隻大蘑菇漢堡配薯條非常豐富，好多層嘅漢堡，脆身嘅漢堡包好吸引。自家製手打嘅牛肉夠曬牛味，多汁，唔會乾身。最欣賞嘅係大啡菇，加左芝士碎，同本身嘅菇味特別夾。當然仲有番茄、生菜等配角陪襯，加上酸酸嘅千島醬，好滋味。而薯條份量亦唔少，即時炸起，熱辣辣，特別好食。自家製煙豬腩肉芥末籽醬意粉同樣係自家製，煙豬腩肉煙燻得好香脆，好香嘅煙燻味。猪腩肉肥瘦均匀，咬落唔會覺得韌，亦都唔覺好油膩。意粉配以芥末籽醬，味道有少少辣，但芥末籽既味道好香，好特別，意粉食落好香口！榛子鮮奶咖啡細緻精美的拉花好靚，十分濃郁嘅榛子味，同甘香嘅咖啡完美融合，香醇，幾享受。比利時鮮奶朱古力 店員送上時已聞到朱古力味嘅香味，味道香濃，苦中帶點少甜，入口順滑，絕對要試！…查看更多

似茶餐廳嘅裝修格局， 面積唔算好大， 有卡位，坐得算幾舒服。比起平時食開燒味嘅餐廳，呢度嘅選擇相對比較多，而且有套餐選擇，最後我哋揀咗兩個住家燉湯餐。套餐包括燒味雙拼、湯、時蔬、飯/粉，同埋飲品，非常豐富。乳豬燒腩仔雙併乳豬皮好香脆，入口鬆化，皮脆肉滑，肥瘦亦適中，多汁但不油膩。燒腩仔略嫌有點瘦，不過皮好脆，燒得啱啱好。瀨粉白飯轉左瀨粉，份量足夠，大大碗，湯底是帶有藥膳湯味，瀨粉爽滑入味。淮山杞子螺頭燉雞湯 暖暖嘅感覺，燉湯材料好足，有雞肉、螺頭、桂圓等，有補肺、滋陰等功效，感覺好滋潤。蠔油菜芯菜芯應該係用骨湯去浸熟，有湯味，配上蠔油就係最佳。燒鵝肥濃腩叉雙併(另加$5)燒鵝好香，係油脂散發出來嘅鵝油香氣。表層鵝皮又薄又脆，燒鵝肉有彈性而且好香。肥濃腩叉燒得都好香， 帶點肥，肉質顯得更有嚼勁，入口鬆軟，個人最鐘意，正！老火湯，想試多款湯，轉左老火湯，夠晒火喉，用料足。仲有飲品，滿足嘅一餐。…查看更多

餐廳座位唔算好多，裝修主要係以木、黑同白色為主，舒適。好彩來得早，走嘅時候已經接近滿座。美式頂級牛里脊套餐大啡菇配上芝士一齊烤，好香，軟軟的，好有菇味，可與洋蔥一齊進食。牛里脊店員提醒只有一成熟，需放上已經預先熱好嘅鐵板再燒一燒，燒嘅時候牛肉香氣撲鼻而來。牛肉食落好鬆軟軟腍，牛味亦好濃郁，冇多餘嘅肥肉，而肉汁非常豐富。咸蛋薯條上枱時熱辣辣，食落夠鬆脆，同埋有好香嘅薯仔味同咸蛋黃味，配上黑松露沙律醬，正！不過就有點邪惡感，哈哈！咖哩忌廉牛肉烏冬一層軟滑嘅忌廉係面，裏面其實就係煙韌彈牙嘅烏冬，份量不少。烏冬配以香濃咖哩，其實忌廉同咖喱味都幾夾，而忌廉甜度唔高。牛肉、西蘭花同蘑菇等配料，已好入味，尤其牛肉，而且係唔韌，忌廉可以令烏冬更嫩滑易入口，口感同味道確實吸引。…查看更多

金色同藍色主調嘅組合配搭，餐廳嘅裝修給人一種華麗嘅感覺，其門面光鮮整潔，而座位亦好闊落，樂天經典係主打南洋中菜。小吃花生和栗子好軟腍，餣得好入味！古早魚香老鼠粉煲  古早魚香老鼠粉煲係以瓦鍋上，保持熱度，另配有桔仔油嘅醬料。 老鼠粉即係銀針粉，入口好滑。待應會在上枱後加入桔仔油，連同生雞蛋再撈均，蛋可以增加香滑度。食材好豐富，有鮮蝦、冬菇、菜甫同椰菜花等。最驚喜嘅係醬料，加了之後帶點酸味同本身鹹魚香味，提升味道層次。金牌脆皮燒雞燒雞份量足夠，外表燒得金黃色，雞皮夠薄，食落好脆皮，而雞肉好有雞味，嫩滑且肉汁豐富。而蝦片脆卜卜，都幾好食。菜香鐵板豆腐豆腐好厚身，外層焦香，內層好滑，而底層係由蛋漿而鋪成，防止豆腐過燶。豆腐上面鋪著由菜心、冬菇、榨菜、肉碎等組成嘅醬汁，食落非常惹味！金銀蛋浸時蔬上湯好清甜，而菜係好新鮮好嫩，鹹蛋同皮蛋味都幾突出，好吃又健康，份量亦都好足夠。南北杏羅漢果茶真材實料，好濃味，好甘香清甜，飲完喉嚨好舒服，清熱解毒。檸檬薏米水檸檬清香，微微酸帶少甜，感覺幾清新同健康，好清潤。…查看更多

呢間台灣食店座落係將軍澳海濱長廊旁，可以盡享海旁美景，提供室內及室外座位。餐廳裝修帶點文藝氣息，仲有書架等裝飾，而餐廳落單係使用QR Code。台式紅燒牛肉麵牛肉麵配有三小碟前菜，豆、雲耳同花生。牛肉份量唔少，大塊，湯底燉得好入味，濃郁。揀咗刀削麵，相對闊身，彈牙。香酥排骨飯同樣配有前菜，香酥排骨炸得好酥脆，食落唔油膩，調味出色，上枱時已切成細塊，方便進食，仲配埋千島醬。戀戀蚵仔煎煎得幾香，蚵仔嘅份量好多，而蛋就啱啱熟，食落啖啖飽滿。鹵水溏心蛋鹵水入味，半熟蛋正常水平，伴飯亦一流。冷泡白桃烏龍白桃味好突出，原來同烏龍本身嘅茶香味又幾夾，可一試。…查看更多

餐廳標榜其為牛肉世家，新鮮牛肉製造，真材實料，當然要慕名而來試一試，入座時已快接近滿座。豉汁鳳爪排骨飯絕對係足料够份量，瓦煲仔上，飯粒分明唔會太濕，排骨够滑，鳳爪入味，加埋豉油撈飯，豐富美味。乾蒸牛肉燒賣好特別，同平時食開牛肉球好唔同，外層係用燒賣皮包住，上面仲有蟹籽。食落牛味濃郁，多汁，大粒且飽滿，必食！蜜汁叉燒腸1碟有6件，傳統味道，夠滑，叉燒亦足料，不過皮略嫌厚左少少。魚肚四寶滑雞扎大塊魚肚，好入味且爽口，而滑雞亦都算大件，肉質幾滑，仲有蟹柳在內，豐富。XO醬蘿蔔糕XO醬好惹味，唔算好辣，蘿蔔糕已好入味，不過略嫌唔夠實。白灼生菜健康之選，生菜份量不少，綠油油唔會太黃，另加左豉油調味。蜜瓜炸鮮奶外皮炸至金黃色，口感不俗，外脆內軟，炸鮮奶裡有淡淡嘅蜜瓜香，蜜瓜味唔會太甜，淡淡地啱啱好。飽飽滿足嘅一餐！…查看更多