以呢個價錢來講，性價比算幾高，唔算特別貴。餐廳地方够闊落，坐得舒服，攞野嘅地方都好大，就算同一時間好多人出去拎野都唔會好逼。
燒肉
燒肉區好多選擇，牛扒、雞扒、豬扒、雞中翼、秋刀魚等等，太多不能盡錄，已經調味好醃好晒，食落味道唔錯，醬料可以自己調配。而烤肉爐面係會放牛油紙，值得一讚，煎起上來冇咁油，又冇咁多煙。
火鍋
其實係一人鍋，由自己去湯料區倒湯，有豬骨、韓風辣、壽喜燒湯底，當然仲有火鍋醬料區，而火鍋料就應有盡有，肥牛、丸、腸等等任君選擇。
刺身壽司
當然仲有刺身同壽司區，壽司可以任揀，而刺身每次最多可以拎三款，好食而且够新鮮！最後前後拎咗四次，夠晒滿足。
熟食
熟食區嘅食物選擇亦都非常之多，麥樂雞、炸雞、燒賣、粉果等等，仲有沙律醬千島醬同茄汁配搭。
飲品嘅種類亦都非常之多，汽水、果汁、啤酒等任君選擇，而且仲有甜品和雪糕，食到飽為止。
超值嘅價錢可以食到唔同種類嘅食物確實唔錯，值得再來。
