cppoon的个人专页

近日與同事閒聊, 知道港島區新開了一間德國菜餐廳, 主打食脆卜卜的咸豬手, 同事試過午餐都有咸豬手做set,味道都不錯, 推介我試試。一直以來, 我都以這個菜式為目標, 希望自家製出一隻脆口的咸豬手, 但奈何煮極都不脆, 唯有不停外出食食食, 交些學費再做過。德國菜非腸即豬, 要試出一間餐廳有沒有水準, 試這兩樣准沒錯。今次與蝦餅一起晚餐, 他超愛食咸豬手, 全港應該去過近八成的德國菜餐廳, 今次再一次出動他的味蕾, 試一試。地方非常容易找到, 對面馬路向上望已清晰見到電子板招牌及城堡式設計的紅磚拱門, 十分搶眼。位置鄰近地鐵站, 上地面行2分鐘左右就到, 佔盡優勢。樓下已有人做接待, 他會代為通知餐廳有客人會到,而且協助按𨋢, 服務值得一讚。入內燈光柔和, 甚為舒服, 座位約有40-50左右, 另有兩間VIP 房, 可容納8-10人, 大班朋友聚舊一流。靠窗的梳化位闊落, 兩個人坐都有餘, 目有客人側身聽朋友說話都不侷促。周圍設計花心思, 黑膠唱片釘牆、水晶燈配鐵籠、牆上書本擺設等, 令人有置身外國的地窖/ 城堡內。Menu設計簡單, 食物種類不算多,但有齊前菜、主菜、甜品、送酒小食等, 貴精不貴多。有部份食物亦適合素食者, 二五知己口味都可包攬。Lunch set menu都有幸一覽, 價錢由58蚊起, 更有豬手, 二人分享都好夠飽。兩口子其實一直都眼闊肚窄, 想食好多野但怕食剩, 都不敢多叫, 今次暫不選擇甜品, 下次再和大班朋友大食大喝!Manecy’s 田園風味沙律　（Manecy’s House Salad）沙律菜種類多而爽脆, 賣相色彩繽紛, 菜已有用橄欖油預先混和, 但略為偏多, 面頭再灑上少量盬和黑椒, 味道清新可口, 再於頂層配上Parma Ham, 油潤光亮, 咸香的味道令沙律多了份層次感, 但分量略為少一些。由紅葉菜、芥茉水菜、洋蔥、紫生菜、車厘茄、酸青瓜等組成自家製蟹餅伴蕃茄他他 (Home Made Crab Cake with Tomato Salsa)從食物擺放已經好有心思, 三件的蟹餅, 分別有粒橄欖在頂, 用上精美的竹簽。用鑄鐵Pan上枱, 兩邊放上蕃茄他他, 觀感已一流。蟹餅Size適中, 用刀叉慢慢享受。新鮮炸起, 色澤金黃。切半已看到好多蟹肉肉絲, 入口比較黏, 感覺有用薯蓉混合作餅。香草味道突出, 口感豐富, 配合蕃茄他他令味道清新。德國脆爆咸豬手 (Crisp Roast Pork Knuckle with Sauerkaut)主菜到!!!!!最期待的食物出場。同樣地擺盤已應一讚, 除了從來都未見過有如此色澤的豬手外, 更有side dish- 酸青瓜、酸洋蔥及串茄, 看上已非常吸睛。Side dish 沒有傳統的酸椰菜及薯蓉, 反而用了酸青瓜及洋蔥這個配搭, 新穎而簡單; 串茄預先焗過, 灑上盬巴, 新香有果汁, 中段食都可減膩。職員另外提供mustard, 帶出豬手的味道。所謂爆脆豬手, 其實反傳統非用焗爐, 而是整隻豬手去炸。我和蝦餅食過咁多次豬手, 都未試過食色澤如此紅潤、皮薄又咖啡色的外皮。邊食已邊想, 怎樣才可令豬手外皮炸得又薄又脆?平時就算外出食德國咸豬手, 但仍會有部分肥的位置, 令我卻步不會食皮, 但這個.......我所有皮都食清光~~~放了一會的豬皮都好脆。內裡肉質有少少乾, 但味道咸香又黏口, 而且啖啖肉, 食得好過癮。今餐只為豬手, 大滿足, 職員服務好, 都應記一功, 令我和蝦餅全程食得好愉快和舒服, 於今餐有置身外國去食一餐德國餐的感覺~…查看更多

週年快樂~與蝦餅一起要食他喜歡的！以世界各類的食物比較，他特別喜愛日本菜，刺身、壽司、天婦羅，以至鍋物他都愛吃，所以今次即管一試Omakase(師傅發辦), 希望蝦餅會喜歡。近年類似的餐廳已有很多，但要數環境好、口碑不錯，地理位置佳，一定要選這間！此店坐落尖沙咀旺區，地鐵及西鐵到一樣方便，就於新大廈頂層，佔盡地理位置優勢，餐廳佔一整層，一出就見到門面。餐廳分兩個部分，一邊設有bar枱，師傅一路準備食材，食客可一路欣賞，更可即時聽到師傅對食物講解，另一邊則有L型的梳化枱，可分開做散客，人多更可拉埋枱自成一格，非常適合公司見客或三五知己聚舊。入內好快有職員安排座位，由於訂位已通知不要bar枱(蝦餅偏愛靜靜晚餐), 職員安排另一邊梳化枱。先看menu, 就算廚師發辦，都視乎你有多愛那一類食物，簡單三款，加上壽司餐，只得4個選擇，對於有選擇困難症的人，這類店舖幫助非常大！蝦餅愛刺身，我愛燒魚，問了和食可安排燒魚，即時選擇"櫻"款，職員都會細心問你不愛那款食物，或會否抗拒wasabi，感覺貼心。季節推介-櫻前菜刺身七款壽司五貫和食二点稻庭烏冬或吸物(湯)水菓子*******前菜**************************店員會有條不紊地遞上各款食物，及做簡單講解。首先有前菜-冰菜沙律早於前年已有接觸冰菜，當時因爲一個飲食節目，看到有水珠在面似的冰菜，原來如此爽脆又營養豐富，所以曾買來炒菜，今次首次生食，配上車厘茄及沙律菜，芝麻醬則另上，自行調配適合的味道。冰菜爽脆十足，沙律菜都被比下去，口感清新！芝麻醬香濃有微酸，好開胃，全份切好後連碟雪過再上枱，冰凍的沙律入口舒服，就算過數分鐘亦未被環境影響變暖，為其後的主菜開一個漂亮的序幕。*******刺身七款**************************刺身有七款,上菜時發現只得六款,我亦不以為意,上菜款式總有廚師的道理。店員為我們逐一講解每一款刺身的名稱及產地，同時亦附上三碟醬油，於吃不同刺身的時候配合食用。剝皮魚 薄切的魚肉包裹著魚的肝臟及蔥段,配上酸汁食用。魚肉本身爽口但沒有味道，肝臟及蔥段起了一大作用，肝臟入口軟綿綿,味道尤似沙律醬，蔥段爽口清香，綠色的蔥段包裹後一樣清楚分明,更顯出師傅厲害的的刀工！銀鱈魚刺身第一次食到鱈魚的刺身，魚肉味道亦不清晰,但魚皮爽脆香口，魚油香非常豐富，越食越似進食三文魚一樣！粒貝刺身並非大家所熟悉的元貝,而是海螺類的一種，師傅薄切出一片片，份量有很多，而且是宏宏的刺身中最濃味的一款，不但鮮甜爽口,更有濃濃的螺肉味！油甘魚刺身油甘魚一向感覺到比較多筋，難於消化,坊間亦較難買得到新鮮無筋的油甘魚，但今次師傅厚切的魚肉，多了一層油花的光澤,入口豐富而不膩，厚切但入口即溶，真是一大享受。針魚 刺身針魚本身體積小,做刺身比較困難,師傅刻意將針魚刺身排列成一塊樹葉的形狀,令食客未食已賞心悅目，肉質彈牙但味道淡口,故需要配薑蔥汁食用,味道清新可口。吞拿魚腩刺身當然就是大家熟悉的吞拿魚腩,為刺身中最矜貴的一種，師傅毫不吝嗇,供應厚切的吞拿魚腩刺身, 油花紋理非常漂亮而平均,入口時滿口魚油香，而且入口即化,完全沒有筋，食刺身的一大享受！店員收拾好枱面後為我們想第七道刺身-厚岸蠔 蝦餅發現最愛的生蠔出現非常開心，平時都會買急凍生蠔刺身,以充其胃口，即開的生蠔一向會買厚肉的外國生蠔,較少買日本品種的。今次店員遞上厚岸蠔今次第一次試。厚岸是北海道其中一個地方，有一個鹽水湖，咸度及溫度適合出產貝類海鮮。今次食到的蠔肉飽滿多汁，色澤亮麗，入口未有濃濃的海水味，但蠔味好香，爽口而不太creamy, 與一般外國生蠔截然不同！*******壽司五貫**************************海膽壽司(右一)-店員溫馨提示要先食，怕紫菜會淋，少少飯，多多海膽，海膽厚肉又完整，甜度高，完全不腥，好驚喜！池魚壽司(右二) -食完海膽才食，味道不突出帶子壽司 -飯份量好少，醋味適中有少少黏口，剛好！帶子鮮甜味好突出，食落甜味多於海鮮味，又完全無雪藏味，一流深海池魚- 比較爽口的魚肉，入口清新第五件是灸燒左口魚邊壽司, 所以食完4件壽司後再上。 入口即溶，熱度剛好，令快溶既魚有暖和感*******和食二点**************************燒鱈魚白子- 我將我的第一次奉獻了, 這裡我就不多談及這個是屬於魚的那一個部分, 不過好多人一入口都覺得似豬腦, 每夾一口都好黏著, 愈拆就愈多黏黏的水份流出, 建議可一口入, 會暢快好多。入口好滑, 我反而覺得有時似食沙律醬, 沒有腥味, 微甜。鹽燒日本龍脷魚- 我最愛的燒魚, 入口好香, 水份充足, 燒得剛剛好。雖然鹽燒, 但絕對可以連皮食而不會覺太咸, 因為師傅只用了少量海鹽帶出魚的鮮味, 而且一整條魚--頭到尾, 的魚肉都入口香軟, 超滿足!!!!*******水菓子**************************夕張蜜瓜-師傅細心切上 3件, 方便食用, 同樣地, 不論碟和蜜瓜都是凍冰冰的, 非常貼心, 這件蜜瓜絕對犒不上是清甜, 而是.......超甜!!!!!!!!入口冰涼感加高濃度的甜香, 入口好舒服, 難怪夕張蜜瓜一直是世界級的蜜瓜王。看到皮上分明的紋理就知一定是夕張蜜瓜!!!!!今次就算沒有食指定的食物, 由師傅發辦的食物都集合了我和蝦餅喜愛之選, 食物質素之高, 就算外面食得幾多, 都滿足不到對食物有少少要求的人, 初時會覺得食得偏貴, 但食完刺身後, 這感覺完全消失, 到上水果及超好味的白桃雪葩, 我完全感覺到師傅對食物的尊重和用心, 對客人的貼心非常一絲不苟。希望借這個機會令食開日本料理的朋友, 可嘗試信任師傅, 做一份用時令食材炮製出來的美食佳餚, 而且可以抱住個肚走(我平時都3有食開自助餐, 有養大個胃口呀)…查看更多

叫左一個火焰丼，135蚊，味道不錯，但每件刺身只剛好有少少重疊，舖滿就收工，得一層，下面飯就一大堆。飯醋味夠，但比較淋。要不滿的是，第一次去，17:25就到，桌上只提供一般menu, 慢慢決定後17:30落單，誰知有午午套餐到17:30, 呢個丼有埋前菜，仲平成5x蚊，職員只說我們落單時已過午餐時間，但如果你們一早通知我有午市套餐，有埋menu, 我就會揀！！如此對第一次黎光顧的客人，相信我唔會再黎第二次，更何況丼並不爆！！！…查看更多

食完午餐, 行左一陣街已經想食甜品, 尤其是大熱天時, 最好就係食一些透心涼的食物。下午茶時段都有常餐, 方便一些未食午餐或遲食午餐的朋友, 不用到甜品店只可食甜品, 而是有不少熱食選擇。始終是甜品店, 最旺的時間非晚上莫屬, 現在不用等位都可以食到, 時間上有優勢。內裡的設計偏向歐陸式, 型格之餘亦不失感覺置身於歐洲地方, 享受高級的下午茶。店內選擇何其多, 介紹一下全日早餐 &可麗餅窩夫 抹茶系列傳統甜品窩夫層層疊心太軟坐下就會安排一杯水, 不只一杯水, 水杯的骰又靚, 不可與其他店相比。餐牌上面雪糕好多都會配上movenpick 雪糕，就算非movenpick, 每球升級都只需加28蚊，要怪只怪自己口味特別，movenpick無出抹茶及菠蘿口味，我偏偏就想食這兩樣，唯有下次再揀有movenpick雪糕的甜品！******************************宇治金時冰冰($38)吸睛的方法有好多種，用高身杯將食物一層層放好，視為一種視覺的享受！底下有紅豆粒配少量牛奶，中間就用抹茶整成沙冰，上面就放上涼粉及一大球雪糕。抹茶味好突出！！味道不太甜，沙冰奶味亦不重，輕輕與已溶的雪糕球攪拌，就成了奶味濃的抹茶沙冰！涼粉作用非常大，令整杯飲品增加口感，就似抹茶甜品會放上小丸子一樣。紅豆粒粒分明，不太甜但又足以令整杯甜度適中，因為飲了不少抹茶，剩下的冰就與紅豆混合再飲(原本太滿，不便整杯攪拌), 以這杯做頭盤非常滿意！******************************宇治抹茶梳乎厘伴抹茶雪糕($64)核乎厘源於十八世紀，到現在已可製作不同口味，包括店內提供的薑汁、伯爵紅茶、抹茶及朱古力味, 平時朱古力味試得多，今次就一試抹茶味道如何。長圓角方碟配上一邊梳乎厘，一邊抹茶雪糕，分開少少，令冰火兩極食物分開避免影響。梳乎厘講軟綿外，更講求蛋香，兩者都做得好，不過略嫌控制焗爐火力不太好，頂部剛好，但內裡牛奶水旺旺，成不了軟又鬆香的內涵。抹茶味不太重但勝在完全不苦澀，不會因茶味濃而出現澀味。雪糕奶香重，中庸味道，未及有品牌的雪糕，與熱辣辣的梳乎厘成大對比！******************************菠蘿芒果脆脆層層疊($98)三層窩夫，配上三球雪糕，上面放上乾脆的菠蘿片。要做出鬆軟的waffle漿，此店就教我們用上日本的低筋麵粉，才可做到層次豐富的效果。雞蛋要分開處理好，再拌入粉漿，鬆軟的窩夫就完成！頂層有3球雪糕，分別雲呢拿，朱古力及抹茶味。雪糕作用相信是令食家食窩夫不太熱氣之餘，又有陣陣冰涼口感。中間夾了一塊菠蘿乾，中間的芯變成一個心形, 靚靚之餘, 我認為可給予客人用作示愛的一款甜品, 如碟邊寫上愛的字句就完美~~三層之間有cream相連，下一層夾心更有一塊菠蘿，令超愛菠蘿的我好驚喜, 刻意留起最後一層慢慢食!其實食甜品都可以食得好飽, 二人食完這個層層疊, 晚餐已沒有再食, 証明這個層層疊用料十足。滿足的一餐都是需要用甜品來結尾。…查看更多

夏天對熱的食物有時會覺得反感，行去買麵包，旁邊的泡芙店有不少人買泡芙。夏日炎炎應該食消暑食物，為何仍有多人買泡芙？原來為配合夏日，推出用雪糕代替吉士，用不同口味的雪糕作夾心。每件即叫即做，我一直愛菠蘿，當然不會放過機會！一個24蚊，價錢合理。到手時大大球菠蘿雪糕在內，更覺抵食。泡芙雖然放置一段時間，但仍脆口鬆軟，面上撒上少量糖霜，為有咸香的泡芙帶來一點甜。菠蘿雪糕好冰涼，驚喜地竟然有不少菠蘿肉，雪糕的奶香及甜味，與泡芙牛油的咸度配合得天衣無縫，為我悶熱的生活和工作解解放！！…查看更多

與蝦餅有約，只因想食原隻甜蝦，今次就括出去食一次放題(因減肥中), 從來放題唔會餓住走(除非難食), 今次一樣兩個抱住肚腩完成任務！Book左1930，1900到都安排到座位，如果1900到的朋友想walkin 都仲有位，但再遲半個鐘，就只有等早段入場的朋友。地方屬該大廈3樓全層，大枱不少，一大班朋友食都無問題，另一邊會安排人數較少，相對亦不太嘈吵。選擇這間因為交通方便，地鐵站出口行少少就到，蝦餅收工出來都好快就有得食。食物種類有好多，現在3人起更配有蒸氣鍋，用傳統藤蓋，鍋底有米，放題完前可成粥，蒸的材料有海鮮，蔬菜，健康之飾，粥底收集各種精華，旁邊三人枱的朋友食得好滋味！種類分成A-M紙，汽水雪糕自取。先講一開始就要點的刺身！店內的刺身是獨立有一位置專門處理，每次落單都會另外處理，所以好快就準備用。刺身有9款之多1. 三文魚2. 白玉拖羅3. 鯛魚4. 希靈魚5. 八爪魚6. 榮螺片7. 赤貝8. 北海道帶子9. 原隻甜蝦以上9款，全部都新鮮味美，但特別想推介榮螺片、赤貝及原隻甜蝦。榮螺片是原隻螺肉切半為片，入口先有淡淡甜味，一咬爽脆無比，無雪藏味，就算經職員處理，都仍有濃濃螺肉鮮味！自己比較喜歡北寄貝，甚少食赤貝，因時常食到較腥的貝殼類，有時更一度懷疑自己是否進食鰤魽。這店赤貝質素好好，爽脆度高，入口鮮味十足，亦不覺有腥味，之後更一再encore！原隻甜蝦是蝦餅至愛，每隻連頭有大半成人手心的長度，刺身蝦來貨質素好，才有能力保留原隻，師傅只需去掉蝦身的殼就可上枱，入口甘甜爽口，蝦身黏口感豐富，食完好快就想夾另一隻，味道太易上癮！刺身已大飽口福，之後就到燒物1.燒菠蘿2.燒大蝦3.燒豚肉串燒菠蘿真係一試難忘，用原個菠蘿燒後切件，外圍有微微烤過的痕跡，菠蘿肉甜蜜多汁，可比擬罐頭菠蘿的甜，食完再落左2次加單，哈哈！有人會問，刺身蝦已夠，又會點串燒蝦？事關燒烤可令蝦肉鮮味更突出，加少量鹽又可提升蝦的誘惑力，這店的蝦令我驚喜，肉質實而彈牙，絕不'霉', 開殼見全隻完整就知，果然除刺身外，其他用料都不錯。燒豚肉串不過不失，唯用上偏肥的肉，而且燒久了太乾身。到我另一愛好---天婦羅1. 虎蝦2. 南瓜3. 芋頭4. 洋蔥5. 蟹柳6. 糖心蕃薯至愛已非虎蝦，全在於糖心蕃薯上，每口一粒，新鮮炸好上枱，炸漿鬆香不厚，包住的蕃薯香甜蜜美，連皮的粒粒蕃薯高纖有營養，絕對是放題上的甘林虎蝦天婦羅已在放題中蝦類排比較後位置，因已被刺身蝦搶哂風頭。焗蠔醬汁豐富飲品方面，餐廳完全不吝嗇，除一般汽水，更有支裝橙汁、蘋果汁、提子汁，而且酒精飲品都任飲，如清酒，啤酒，甚至梅酒都有，飲多2杯都值回價甜品除自家制芒果布甸及奶凍，更有雪米糍和雪糕，食得非常滿足！餐廳職員動作敏捷，但令二人枱面位置好快飽和，唯有自己不時清清枱協助下。整體真係好好，放題質素未有因流水式不停來的客人而有影響，全程無漏單，快而準，值得一讚！ …查看更多

小朋友要多方面發展，父母連星期六日都要安排活動令他們見識得更多，但書本的知識永遠都不及户外體驗，每星期都例牌在家相聚食晚飯，今次就衝出家門，出外與小朋友體驗BBQ!事實上現時有好多小朋友都未試過什麼是燒烤，一般會所的燒烤場都只提供電爐，燒烤叉是什麼都未必知道，難得現在家族有兩位小豆釘，所以選擇一次户外燒烤場。由於帶小朋友，已需要帶一大堆物質，而且又有兩老，再自攜食物工具未免太難，於是決定到任食燒烤場，小欖位置方便，荃灣上巴士，班次亦多，30分鐘內就到。地點在巴士站行兩分鐘左右，沿路有banner 帶路，好快就到入口。全天侯無限時，週日130一位，30蚊爐費，我們一行9大2小都只需一個爐，不會強行分爐多收一份錢。由於天氣不穩，我們黃昏才到，現場已有好多人，我們就選擇近門口的爐。此處場地特大，好多位置都提供帳篷，遇上下雨都不怕。每個爐都有些距離，不易被煙燻到，小朋友都不怕。入場每人先有一支水，另有汽水票，每人一張，工具有膠碟、金屬叉，非常環保及方便盛載熱食。由於我們有和小朋友一齊，不能時時專心燒烤，所以決定要燒烤網及燒烤夾，方便食物快速於網上燒，一個人可燒多樣，而且鐵網料硬，多燒都不塌陷，用料好好，價錢又平。愛好海鮮的家庭，無海鮮不歡，見有蜆及蒲燒秋刀魚，人多就有此好處，食什麼都可分享，一於買試試。食物種類有好多，大致分為4類--丸及腸、肉類、蔬菜及其他丸及腸---司華力腸、脆皮腸、大紅腸、福州丸，獅子狗卷、香菇燒、章魚燒、牛筋丸、魚蛋、墨魚丸肉類最多-- 有金沙骨、叉燒粒、賊仔牛仔粒、牛扒、雞扒、豬扒、雞翼都有沙薑、沙爹及黑椒口味、豬頸肉、雞翼尖蔬菜-- 粟米、車厘茄、青椒、矮瓜、翠玉瓜其他-- 燒賣、咖喱魷魚、方包、豆卜、雞腎、多春魚食物種類繁多，要食就決定食多些招牌及特別的。如果鍾愛蕃薯、金菇、菜或棉花糖，小賣部都有提供，價錢相宜，最緊要滿足你的胃口。第一盤已經好厲害吧!不過人多就自然食得到, 但記得要量力而為, 不要做浪費鬼。第N盤~~因為有網的關係，開始時已可燒肉，大部分爐都好乾淨企理，不需刻意再抹，燒烤叉亦全新，燒兩下，抹一抹即可使用一開始大家都可能太肚餓, 不理有沒有買網, 都一開始燒好燒烤叉, 準備開餐。初時大家都會燒一燒丸及腸, 在此一提, 這裡的炭都好乾身, 火一燒起就一起都好旺, 所以燒起都好快熟/燒焦, 大家要留意。有牌子的雞肉腸, 品質上會有保証, 燒好後外有少少焦, 味道會更香, 比場內的脆皮腸肉香更豐富, 更味美。蒲燒秋刀魚---第一次食蒲燒口味, 一向以為這種食法只限鰻魚, 今次一試果然配搭新鮮又好味, 買時會提供一張錫紙, 每包亦真空包裝, 而且全熟, 翻一翻熱即可食用, 有用網的我就更加方便。約10分鐘左右就已完成。一開燒汁味十分撲鼻, 整條秋刀魚非常完整, 入口肉質好軟滑,未入口就覺得樣子好像鰻魚, 但一入口, 肉質有明顯的分別, 沒有雪藏味, 甜甜的燒汁加啖啖肉, 35蚊一條大大條好抵食。同時間就包埋鮮味花蜆一齊燒, 同樣都已全熟, 一開為免倒埋入面的水, 就一小部分拿出, 最後見袋入的水都幾清, 又沒有沙, 好抵食, 再者附上蒜蓉及鹽, 放入一起燒, 味道更香。 由於全熟的關係, 時間上都不需太耐, 以免燒焦, 每隻蜆肉雖小, 但完全無沙, 味道仍有濃濃的蜆香, 蜆殼薄而輕, 分量都好多, 一隻接一隻食, 加上蒜蓉香, 味道更好, 不過附送的鹽可不用落已夠味。叉燒粒是多人都提議必食之選, 今次更有大條的叉燒條, 燒完再配上適量的蜜糖再燒, 味道與燒味台賣的叉燒真的差異不大, 豬肉本身已醃得足夠, 有咸香, 甜度就當然靠自己加蜜糖作調製。入口肉質香軟, 肉汁豐富, 而且肥瘦度適中,個人認為叉燒粒會比較好食, 因為一小粒易燒, 肉汁已豐富, 而且蜜糖又容易吸收, 所以多選擇小型的叉燒粒, 可多食幾轉。福州丸聽落好少見, 原來是一種有肉碎餡料的肉丸, 外表入口彈牙, 似潮州魚旦, 咬下有爆汁的肉汁及香味, 肉碎味道濃郁可口, 不時更會咬到一兩粒內有軟骨, 証明用料十足。炭火之好, 方包都可以烤得夠火喉每人會附送一件粟米，可於取食物時領取，因買了錫紙，所以可一個個包起燒，就算無錫紙，我們有網都可以放上去燒，粟米味道不太甜，有渣，如果想要蔬菜，可選擇矮瓜或青椒，易燒之餘，本身又較多水，燒後有微微焦香，蔬菜的甜逼出，味道甘香，更好味！雞翼豬扒例牌, 味道都好好, 醃味入肉, 推介香茅雞翼, 香茅味超香, 肉質亦嫩滑有肉汁。本人在此特別推介一樣食物-- 豆卜！為何如此齋的食物都值得推介？大家都知豆卜為豆品，每件炸起後發售，但有什麼機會可食到炸的口感？一般只得煎饟三寶才會食得到, 但如果有豆卜, 烤得少少乾身, 加豉油再燒, 最後加蜜糖燒脆表面, 入口香脆有咸香, 有幾分像食臭豆腐, 一食就唔停口!!食得一半, 已經發現蜜糖所剩無幾, 心想要付款買, 誰知食物部有一大個盤, 多種調味料, 甚至有大大樽蜜糖任添, 非常方便。只需16蚊可繼續燒~有小朋友到場，見玩具，小玩意又多又吸引，一定會想玩，此場地提供大量玩具, 小朋友一樣玩得好開心。買了吹泡泡，20蚊，夠玩一晚！租單車都十分便宜~如果玩到出哂汗, 腳又髒時怎麼辦?放心, 改善後洗手間數量增多, 而且有一處供客人沖腳, 絕對可令你舒服回家。快樂的時光過得特別快, 要食到這樣又不用自己收拾, 這裡絕對幫到你, 大家食飽飽, 動身就可回家, 超滿足的一天~…查看更多

地理位置絕對地優勝，地鐵站出口不用一分鐘就到電梯，上一層就到，非常方便。我喜歡舒服的格局，這裡完全可提供，有梳化位，好闊落！但午市無開，要夜晚黎先有機會坐。2百零蚊的放題可食什麼？答案是集日式放題、自助餐及打邊爐於一身，照顧到不同人士集埋狂食特食！要成十幾張柯打紙，梗有一款啱你食。如果你不愛松葉蟹蟹腳及蠔，價錢更可2百蚊有找，但我一向愛這兩樣，就算酒店食自助餐, 我都盡量找到兩樣都有提供的才會去食, 我都算食得招積吧~!!!我初時知道價錢便宜時都沒有想過質素會特別好, 只希望平平地, 有個日式放題的地方俾朋友們一齊大吃大喝, 誰知一到食物出場時我們全都非常驚喜!!!!!Close up 會俾人話我刻意影到隻蠔好大隻, 有檸檬在旁都呃不到你多少, 無錯!!!真係好多隻蠔, 仲要是生食蠔。大家都知道有不少店, 就算時酒店, 怕保險不到蠔的品質, 都好少提供生蠔, 今次真是大開眼開, 有生蠔外, 更是極大款。蠔身雪白, 裙邊呈淺啡色, 蠔肉的比較都佔蠔殼的8成或以上, 充滿整隻蠔。入口先有少量海水味, 繼而慢慢有少量金屬味, 一咬蠔身, 蠔汁超多, 爆滿整個口腔, 用這比較絕不過分, 你試過比日本珍珠蠔大兩至倍的蠔後, 意見都會和我不相伯仲~~我的主角出場啦~, 好多時見到酒店提供的長腳蟹, 都會開出一堆水份, 而且肉質都較咸, 但今次這個我認為真的可與酒店及一較高下, 大家看相片都見到, 拆出的蟹肉完整而結實, 完全沒有多餘水份, 或蟹腳放久而令肉質鬆散, 入口當然都有海水味, 但只有少量, 及後衝上了一入鮮甜蟹肉香, 爽滑的肉質不但有咬口, 及比人造蟹棒來得鮮活可口, 蟹腳處理分法非常好, 冰鮮好令蟹殼與蟹肉完全分離, 味道真是一級棒~~~~第一盤一向都是最厲害, 面且職員非常有心思, 連LED燈都放入冰內, 令整盤海鮮多了一份迷幻感。刺身類除了一般都有供應的三文魚及吞拿魚外, 另有立魚、鮑片、鮮柱貝、原隻甜蝦及松葉蟹棒可供選擇, 款式都有好多!!!推介三文魚刺身, 魚脂紋理分明, 入口甘甜, 魚油香十足, 不可不試!!壽司款雖多, 但胃口細的我及朋友們, 都不敢多食飯, 怕太飽, 只點了鮮帶子壽司, 花之戀及刺身沒有的火焰鰻魚壽司。飯粒都算香口軟熟, 每件壽司的飯都不大, 一口食都沒有問題, 鮮帶子會比刺身的柱貝略大粒, 口感及爽更甜, 鰻魚汁醬豐富, 建議多燒起出焦香感, 更能豐富嗅覺及味覺。扒類這張紙比較特別, 好少放題店會願意供應, 肉類都比較貴, 而且打正旗號的日式放題又點會願意供應多類的食物, 但這店標榜西日料理, 完全做到西式自助餐供應的材料, 牛扒、羊架、牛舌等一應俱全。試了牛扒及牛舌--牛扒切件上, 方便與朋友share, 牛肉味都重, 味濃, 但牛扒上的汁太咸, 唔落會更好, 牛舌就好驚喜, 必食!!!!眼見鮮紅色的牛舌以為未熟, 入口超軟熟可口, 淋淋的口感好易入口, 少食內臟的朋友都不妨一試。天婦羅雖外表麻麻地, 炸漿不太脆, 但勝在炸漿薄, 味道香口, 即叫即炸, 熱辣辣上, 油份不多, 香口而不膩。拉麵是一拉麵控友人落單, 味道一般, 份量不多, 可以淺嚐。炸物是最富罪惡感的食物，但亦是我在放題熟食類食得最多的一種，無他吧－香脆可口、炸香撲鼻的感覺，非常難抗拒。選擇了吉列蠔+紫心香芋丸。吉列蠔雖然都不錯, 但我的重點放在紫心香芋丸上。近年的放題才看到，這個不得了∼我愛上了。外表有QQ的燸米糰包圍, 內裡是流質的紫薯餡, 完全是熱食的甜品, 由於一整粒即叫即炸, 所以咬半後仍有熱氣撲鼻，但尺寸小易入口，固食完一粒又一粒。這店特別在連貴價的酒類都是放題價錢內已包: 清酒、梅酒, 甚至法國紅酒都有, 食蠔配紅酒真係超爽, 可惜我們全不嚐酒精, 浪費了一次平價奢侈的機會!種類之多, 數極都數唔完, 大家可一試發掘O下。甜品區無限量供應的雪糕(雀巢及香港本土品牌), 雪條(阿波羅及韓國品牌), 豆腐花, 甚至乳酪都有飲品區正到連忌廉溝鮮奶都有!!!維X奶, COT及菊花茶康師傅各類飲品花多眼亂的情況底下, 120分鐘的放題又接近尾聲, 想想之前點的食物, 都發覺自己眼闊肚窄, 未能每類食物都有機會食到, 不過勝在朋友多, 而且於這個價錢上, 與朋友出外聚會食一餐唔飽的都比這個貴, 既然目標明確, 下次又要帶朋友重遊此地, 再戰多幾回120分鐘, 平價、高質、量多的放題吧:):):)…查看更多

上班族一向無固定放工時間，準時收工絕對是大慶幸，有機會要好好對待自己同愛人。今次再踏足金巴利道，並非去開得成行成市的韓式餐廳，而去品嚐有多個好評的西餐廳。行到街尾就到，店舖位置不太開揚，但勝在旺中帶靜，logo以橙色做底色，好搶眼。一早已預約，坐下時看到'Reserved'字眼，頓覺對客人非常周到。Menu上有set dinner for two, set dinner 同wine list. Set dinner for two 內的食物全部都包括在內，不需再選，而且款式亦適合我們，就決定這個。有塊小白板，寫出'Daily Special' 有蠔，沙律，澳洲M5肉眼等，愛食蠔的蝦餅，一定要為佢點選他至愛的生蠔。今次揀了法國蠔王- 銅蠔 Belon 00銅蠔外形圓而扁，每一個0代表它的年紀，0的數目越多，代表蠔的年紀越大，肉質會更結實，味道更濃更long lasting由於今次初嘗Belon, 00的年紀配合重金屬味、重海水味。外表淡色，蠔肉頗飽滿，入口一刻有少量鹹鹹的海水味，但咬蠔肉後，金屬味及鮮味湧出，包住口腔，餘韻到最後的甜品都仍突出，非常神奇！玫瑰煙三文魚配水牛芝士沙律擺放精緻，像兩朵玫瑰花在草地上，之前從未試過配食水牛芝士，以為兩款重口味未必夾得來。誰知。。軟軟的煙三文魚肉有啖啖咸香和豐富魚油，而水牛芝士未有如車打芝士的重奶味，但有淡淡奶油香，配蕃茄及三文魚共食，口感豐富，味道時濃郁、時清新，確有另類的享受。每一樣上桌前會幫忙更換碟子及用具, 非常細心。法式黑松露香草焗田螺二人餐每人可享用三隻田螺，有上網網購急凍海鮮習慣的我，對田螺都有顧忌，全因田螺被殻包住，網上相片更會有一堆草綠色填補田螺/蝸牛口，根本看不出有何質素。當這店的田螺出場，我被擺設及田螺的外表吸引。這裡的田螺都頗大隻，用夾都要看準較窄的位置，螺顏色鮮豔分明，上面有香草，蒜蓉及矜貴的黑松露，下面墊有薯蓉及多士。熱食的食物非常適合黑松露，上枱已被它的氣味包圍。有賣相，食物更有水準，田螺入口先爽後淋，螺肉大隻有鮮味，自身已吸收香草及蒜蓉味，回甘味及黑松露味久久不散，加上多士食，幫忙吸收烹調時入油於田螺的精華，脆口而不膩，若多士再乾身及厚一點，吸收及口感會更好。是日茶壺湯甘荀湯用茶壺盛戴，職員會即場倒湯於面前的杯上，非常特別。忌廉味比較突出，但不稠，甘荀已經完全攪拌，入口滑溜無渣，甘荀的香氣不多，但味道非常濃，香甜得令我一度以為是糖度較高的南瓜湯。法式鵝肝配牛柳同步上兩個主菜，吸晴度特高。牛柳有兩件，方便享用。要了七成熟，雖仍有血水，但牛柳本身質素好好，肉質軟嫩，非常易切，紋理間更間歇流出肉汁。入口牛柳肉香嫩滑，肉汁亦豐富，鵝肝雖在牛柳上，但油香原來已滲入牛柳，有淡淡油香。鵝肝多見切片，今次竟然見到角切，但反而驚喜。名乎其實外脆內軟，鵝肝油充滿口腔，零苦澀味，比之前食過的鵝肝片更多份口感！一讚！芝士焗原隻波士頓龍蝦龍蝦切半上，非常適合二人餐^_^芝士經過挑選，至少有兩種，一種更是拉絲的mozzarella。香草味濃，用濃濃的汁醬及芝士包住嫩嫩的龍蝦肉，令肉汁能夠鎖住，爽嫩彈牙，廚師更細心把蟹鉗肉藏於上半身內，令更隻龍蝦完美而精緻地上枱，客人亦不用為開蟹鉗而狼狽，好細心。心太軟拼比利時馬卡龍食以上食物已好滿足，這個甜品就簡單作結吧。上一個心太軟，想必廚師能令情侶有互動，同時又進食同一個，感覺好窩心！一切朱古力流心就出動，味濃而稠，但完全不苦，蛋糕軟熟香口。馬卡龍乃甜中之甜，皆因全用糖及杏仁粉製成，法式晚餐用上馬卡龍，非常配合！本人愛酸，檸檬味的馬卡龍適合我，酸度適中，為我心甜而解膩，外脆內軟的特質充分，中間夾心更是精髓，Q軟香甜，享受這餐的美好結局！全程會於不同時間送上香檳、紅白酒，不太會嚐酒的我，比較喜愛香檳，源自法國酒莊，易入口之飾，更令我今餐添了不少夢幻感。…查看更多

是次工廈之旅與閏蜜相伴, 二人難得一次聚會(平時都會一大班人), 一定要問問大家既心事秘事, 朋友工作未能太早, 所以與餐廳預約8點, 結果想早到拎位的我, 都要等到8點正才安排到(平日都那麼多客人, 非常厲害!)餐廳有一個角落, 有十多個位, 相信可供客人包一個角落的場, 感覺與包房沒什分別, 不錯!當然我只得兩人, 就安排我們住圓枱。西餐廳的格局, 燈光有部份以藍光為主, 盡顯cyber的感覺。餐牌食品種類都有好多, 但懶得揀的我們, 自然就去選擇套餐啦。北海道甘蝦伴蘆薈沙律頭盤亦是前菜, 用牡丹蝦刺身，肉身顏色鮮豔，尺寸都好大，連頭都長12,3cm，入口先爽後滑，好難得無雪藏味，蝦味濃郁，咬後滿口都是蝦肉的香甜甘味，爽滑之餘，咬兩口都可滑進食道，超鮮！蘆薈用糖水浸，滋潤而低卡路里，另有檸檬泡沫做飾，為甘蝦帶點清新口味，視覺亦添了新鮮。加配黑魚籽鮮蝦忌廉蛋($20)朋友好奇20蚊可得到怎樣質素的魚籽，所以加了一份，完整一隻蛋出枱令我們感到特別，上面鋪上不少黑魚籽，平凡的雞蛋顯得矜貴。刮一口，蛋白比較乾，配魚籽不會腥，但似乎比較老，但原來我食錯！！！皆因這是一隻溫泉蛋，入面都是流心，用上面的魚籽混合食，水盈有致，咸香跟蛋漿平衡狀態一口一口滑入喉嚨，恕我食得太快而無影到流心蛋。廚師餐湯- 椰菜花湯今日的餐湯是椰菜花湯，以色澤上像蘑菇湯，但香味已有陣陣椰菜花味。每碗餐湯都有長長的脆棒條，配湯一口湯，一口脆棒，質感豐富。餐湯入口綿綿無渣，攪拌得好徹底，整個湯，無須職員介紹，一飲已肯定主材料是椰菜花，因味道好突出，不青不嗆，飲後更舒坦，咸度適中，飲後喉嚨不乾涸。厚切美國安格斯肉眼先別提肉眼扒，以上碟的裝飾，已要給廚師10個like, 視覺上已品嚐美食，對無知的我，一向已為飽肚而煮食，從無想過伴碟做得花巧精緻。今次真是大開眼界。肉眼扒非常厚切，足有2吋多，煎好的扒面紋理清晰，厚切的關係，連邊都煎出焦香。當然要我最愛的七成熟，但感覺太乾，怕over cooked，一於切開看看。切的時候已有肉質的彈性，就知肯定沒過熟，切開後，發現煎得超好，七成熟是見不到血水，但肉仍未全熟，廚師完全做到這個效果！入口彈牙又不失肉汁，牛肉豐富味濃，口感上乘，如果配一杯紅酒就更美滿。精選甜品- 原本有芒果慕絲蛋糕, 但之前客人太多，已供應完畢，所以就送上班蘭慕絲蛋糕。尺寸一樣，但慕絲就變了淺綠色。再一次要讚賞廚師的細心，伴碟除了水果，更有顏色糖漿畫的梅花圖案，絕對賞心悅目。班蘭味就欠奉，慕絲滑而味淡，蛋糕甜而不膩，不過不失。自家製焦糖蘋果批伴雲呢嗱雪糕($58)有見甜品未夠喉，決定再點一個熱食甜品-蘋果批。送上時雲呢嗱雪糕已有少許溶，確定蘋果批的熱度，分量都好多，兩個人差點吃不完，批面用酥皮，酥香但不太脆，入口有啖啖蘋果肉，主要果肉甜，不會嗆喉。跟雪糕配食，多一份甜同滑的口感，確不錯。用一杯熱檸蜜作結，工廈美食之旅又踏足多一店，希望繼續於工廈發現驚喜!!!…查看更多

以前為了省錢，決心出街食飯2位唔過100蚊，找得到非快餐店的選擇，就是茶餐廳，後來要搵粉麵或米線店才可，自然會到砵蘭街一帶找一間比較平的米線店。至這店結業後，已少有回到砵蘭街。是日元宵佳節，與蝦餅一向有共識，不會在大時節找貴價餐廳進餐，近年人們對元宵節少留意，外出食飯亦無特別加價，決定一次對自己好些，與蝦餅再次踏足拍拖時常到的砵蘭街。附近確實開了不同類型的食肆，日式，韓式等，人流都有不少，今次就當然去一間有情調的西餐廳啦。由於已訂位，時間都約7點，入去竟然已近滿座，這店都好受歡迎，除了是日元宵節，情侶都雙雙對對進餐，當然都不乏閏蜜約會。場地燈光較暗，營造浪漫氣氛。我們被安排到最入的位置，才知有樓梯可到上層雅座，果然老闆計劃得好，人多都安排到。再入就到水吧枱及廚房，就算我坐在旁，都看不到內裡情況，不會阻礙到客人聊天談心。每張枱都有足夠闊度擺放食物，位置算舒服。坐下後安排了一瓶水，內裡竟然有數塊葉，一問之下原來是羅勒葉，有清熱，消毒的功效，味道有淡淡葉的味道，好易入口。我選這店，除了位置上方便外，這店名更吸引我，枱紙上都寫上以下句子(節錄)[鐵塔做為的是能在最貼近天堂的地方跟愛人說句Je T'amine 我愛你他們相信在巴黎鐵塔下，總有一個屬於自己的amour corner邀請你"有愛。請留言"]對於你喜歡的人，你絕不會待薄他/她吧~職員會因應你落單的食物，按先後叫廚房逐樣準備，即是你食完一樣先會上第二樣，確保食物新鮮新辣外，亦避免擺滿枱，非常細心。先上海鮮拼盤！Seafood platter($228)落單前已通知大頭蝦無貨，會用生蠔取代，當然無問題。拼盤有6隻法國生蠔、2隻鮑魚、2隻藍青口，只需$228, 好抵食。法國蠔海水味好重，但與本身甜味互相平衡，帶有少許果仁味，韻味、回甘味悠長。鮑魚眼見比較乾，以為會較硬，但咬上彈牙之餘都易咬開，鮑魚芯好軟。入口有微微海鮮鮮味，但只怪我先急住食蠔，以致鮑魚味失色。食完海鮮拼盤後職員會收埋原本的碟，怕貝殻影響期後的食物，非常衛生同細心，值得一讚。巴馬火腿蜜瓜前菜有心思地先上這碟，可避免接著的鵝肝濃味搶過。個人認為意大利出品的巴馬風乾火腿肉會比脂肪多，不油膩又健康一些。這店應該選用了這種，而且配上爽甜不膩的哈蜜瓜，火腿的咸香與哈蜜瓜的果甜好夾。咬後我肯定新鮮即叫即整，因哈蜜瓜未被火腿咸味掩蓋，仍然爽脆！青蘋果鵝肝多士蝦餅對鵝肝不太感興趣，但見剛做起，香軟味香，就忍不住吃了一口，點知。。。鵝肝油份四溢，中間青蘋果切得非常薄，但味道絕對可令油香味道平衡，而香脆的多士更與柔軟鵝肝形成強烈對比，做得好出色。凱撒沙律及是日餐湯餐湯有雜菌忌廉湯，雜菌未完全攪碎，保留口感，湯亦不稠，易入口之餘，菇味濃郁。烤澳洲牛柳扒厚身牛扒，配上薯蓉，扒身煎得剛好，紋理分明。上枱時見到少少血水，以為怕未夠自己想要的七成熟，誰知。。。入面完全已沒有血水，而有肉汁！顏色雖鮮紅，但色澤有致，香氣撲鼻，入口鬆軟綿密，陣陣肉味混合油香，點牛肉汁後味道更香濃。忌廉汁煙三文魚菠菜意粉煙三文魚乃廚師真正用作材料的煮法，此話全因其他餐廳為了裝飾，都只會鋪在煮好的意粉上，令意粉只會配煙三文魚食，而非與其結合。配料除了菠菜，亦有菌類，紫洋蔥，令口感更豐富。忌廉汁淡淡的，未能做到掛麵效果，但菠菜與三文魚確實絕配，菠菜的重量鐵質，配上三文魚的奧米加3，入口時滑時鞋感，洋蔥及菌類的質感及香口，令層次分明，調味不多但味道豐富，簡單又有益。意式奶凍&Dreyer's雪糕蛋卷有牌子的雪糕，無得輸，只不過用在與自家制的奶凍同食，當然稍會有些失色，奶凍雖滑，但奶香不太足，入口淡淡。當食雪糕時，對比就相當大，更遇上香脆偏甜的蛋卷，奶凍更無地位。二人餐計每人只需百幾元，就嚐到多款前菜的套餐，於旺角區確實超值，而且場地氣氛好好，二人世界及閏蜜聊天必選！…查看更多

今日去完黃金，知道西九龍中心開了分店，而今晚朋友又來訪，為免得失愛嚐甜的客人，一於買返個蛋糕返去招呼吓。這店新款不停有，上年年尾出了期間限定的香芋輕芝士蛋糕，今日再問已推出完。一看之下，半熟蛋糕外貌不及芝士蛋糕美觀，眼看注意力集中在鴨仔度，見有卡通造型的蛋糕，雖然並非立體，但做得十分可愛，所以決定都買一個試試。由於仍然新春，這店推出一款六個口味集一身的蛋糕，如有選擇障礙症的人絕對必選，但今次我的目標都是流心芝士蛋糕，這個雖然有，但職員表示這款不及整個流心多，所以都是選擇其他吧！蝦餅喜愛這店的朱古力半熟蛋糕，最近多了杯裝蛋糕，尺寸不太，50蚊有找，食完仲有個陶瓷杯用，好實際，決定要一杯！回家一見班朋友，已逼不及待切蛋糕食，但我忘了職員的細心講解--建議回家後先再冰凍，取出後再放置室溫15至20分鐘，會更流心,希望仍有效果。小黃鴨檸檬半熟芝士蛋糕($98)選用澳洲忌廉芝士，配上日本海藻糖，德國鮮奶，有機雞蛋及新鮮檸檬汁而做，絕對是集國家之大成。鴨仔造型用上軟朱古力而做，切時朱古力雖然軟身，但用料十足，中間流心質地又太滑，如果太用力會令流心四散，繼而朱古力面下塌，所以切的方法要像切海綿蛋糕，不要用盲力。芝士味果然突出，友人愛檸檬撻，貪夠酸，這個顏色雖夠黃，但都只能食到滿滿的芝士味，檸檬味不出色;加了天然海藻糖，甜而不膩。這個濃芝士，淡檸檬味的做法，肯定為小朋友而設，皆因職員表示買家多為人父母，買一個可愛造型蛋糕逗小朋友。慢速地切好5件，其實流心效果已好明顯，上層廷身，中層上半流心，下半軟芝士蛋糕，底層配薄薄的海綿蛋糕，層次分明。入口中下層已好快溶化掉，芝士味充滿口腔，最後朱古力的微甜才慢慢散發，每口都不用力咬，軟滑美味。軟身的忌廉芝士配合較有質感的軟朱古力, 每口都輕綿綿, 不需咀嚼太多，好快5個人就輕鬆食了一個。杯裝半熟蛋糕(朱古力味) ($48)紙盒一開, 原來都放有乾冰及匙, 方便食用。佢如果買兩個平好多, 只需86蚊, 不過只得蝦餅不愛檸檬(所以檸檬味食物都怕....怕酸>.<), 唯有另外買一個佢愛的口味。杯面有好得意既忌廉哥相及卡通樣, 仲講出蝦餅的心聲, 佢未食都笑左一餐---"賣飛佛"~~~正~~這個完全是半熟蛋糕的迷你版, 中間同樣地凹了。對於有烘焙經驗的我, 都曾經嘗試做這類蛋糕, 但出來的效果一係周圍太乾或燶, 就是只得表面是熟, 好難做到這個外軟內流心的效果, 偷師就免啦~做得差都要自己食, 不如買多幾次, 次次都食好質素既~初初第一下, 因為整杯原本作急凍處理過, 所以比大蛋糕更硬身, 要放置室溫30-45分鐘才可慢慢解凍。蝦餅食過大蛋糕, 發現只要食多一兩口, 內裡流心已開始氾濫, 所以絕對不需等太久, 反而會食到多種口感。第一口挺身又硬, 像極食莎X蛋糕, 口感實而濃味, 不太甜而又沒有朱古力的苦澀味, 朱古力香已偷偷出巡。第二口已開始出現流心朱古力漿, 滿滿的夾雜朱古力蛋糕, 似凍食心太軟, 但心太軟蛋糕面會比較乾, 這杯一食透心涼, 甜而不膩。蝦餅對於這杯的分量非常滿意, 可謂'自私食蛋糕'的首選, 大蛋糕都是與人分享, 一拼食光才滿足~…查看更多

今日老公與朋友有約，我還在考慮是否留家煮一個人的公仔麵時，突然想起食米線，荃灣的米線店雖然包羅萬有，但未會像這間，為一碗米線而添上涼涼的豆花。去完黃金買portable hard disk, 過條馬路就到這間店，非常方便，地理位置上亦吸引好多附近讀書的學生哥，所以一到中午都有不少學生買外賣。店舖位處於欽州街及福榮街交界，招牌以淺藍色為主，顏色鮮明。剛到時已約6點，落單前後分別有年青人光顧外賣，果然比較吸引年輕族群。本店有三種口味米線，除招牌豆花米線，亦有喜樂牛肉米線，及牛尾米線。"喜樂"意思竟然是用七喜及可樂而做的汁醬，未試過都知會偏甜，而牛尾米線當然會配上牛尾，再加紅蘿蔔及西芹，由於今次是傳統口味上癮，唯有下次再試牛肉米線。今期見到有7款小食供應，5款肉類，2款素類，招牌的腐乳雞翼仍有，當然必點，職員已提供套餐選擇給我，可惜我對青瓜及雲耳興趣不大，但套餐會供應大碗米線，於是只叫職員夾一件青瓜，我另外再加蜂蜜芥末一口雞試試。依家套餐都只需$41,我就擁有3個餸，超滿足。職員熱心詢問我嘗辣的程度，更於送上套餐時一再查詢口味，可再為我調味，非常細心。由於配料都是即炸，需時約5分鐘左右，對於即製的食物我會絕對的配合。米線並非單單米線可成事，而是配上肉碎、豆腐、花生、蔥、香料及麻辣醬，成為一碗與別不同的撈米線。豆腐習慣用少部分撈，留起部分大件大件食，別有一番風味。米線偏淋，但勝在掛豆腐及肉汁一流，夾一著已充滿豆香及肉香。肉碎料十足，有咸香之餘，更有一股甜味，比台灣的肉燥少了一份油膩感。花生碎不太脆，但有畫龍點睛之感，全因花生油香豐富，如果太脆又會搶過米線的質感，它的存在增加了整碗米線的口感。麻辣辣油非一般的麻，如不太嚐辣的可走辣或BB辣，但如可淺嚐，一定要添辣，因味道不在辣，而是麻，少麻能刺激味蕾，令本來的味道更突出，而這店的麻好特別，麻不在唇，變得更實在。腐乳雞翼($7/兩只)即炸食物一定輸不了，這店的雞翼只用醃料，並沒有用炸漿，真材實料。入口酥香可口，醃得好入味，少量腐乳的咸香又不失豆味，不油膩之餘，更有豐富肉汁，炸的時間洽當，超值之選。蜜糖芥末一口雞($6)原本預算得一兩件，但一個餸竟然有4大件，件件啖啖肉，而且與雞翼一樣，全無炸漿，肉汁亦豐富。奇怪是我並非食到蜜糖芥末味，而是川菜的微辣味，更看到少量辣椒碎，味道雖不太相乎，但豐厚味濃，肉質嫩滑，好快一件接一件就食完。青檸汁之前從未見過這品牌，原來來自馬來西亞，這罐飲品並無汽，一飲會飲到一種奇妙的感覺，飲到似曾相識的味道。。。新加坡街頭飲品，用一個個鮮青檸，加糖、少量鹽、冰及水而成，想不到食完米線都有酸酸的飲品，不但解渴，更解辣，非常難忘。小店的經營需要有實力的味道及努力不懈，對美味的研究，才會一直吸引客人光顧，希望小店繼續努力，為味道及客人努力。…查看更多

自從做了人妻後，每逢周末不是跟自己父母飲茶，就是跟蝦餅家人飲茶，活動範圍都是在新界。難得今日去開工展會掃貨，掃完貨就跟蝦餅在附近找吃的。行到L Square，見到火山燒的招牌，記得之前朋友說過不錯，就跟蝦餅試試。食店是放題形式，按時段收費，由$238至$298不等，限時約兩小時。距離地鐵站約兩分鐘路程，一出電梯，整個空間就是餐廳了。牆上都畫上日本風的插畫，每張枱正上方都有大大個抽風機，不怕吃到滿頭油煙。同平時食韓燒或日式烤肉用的爐不同，平時都是用煤氣，而這個爐則是用火山石。侍應介紹說火山石能使火力更均勻，不易燒燶食物，不怕掛住傾偈把食物燒焦。左手邊沒有鋼架的，主要用來燒貝類，好讓火山石能直接接觸食物，中間部份剛可以燒肉類或其他本身已經煮熟但需要加熱的食物，而右手邊則用來保溫，燒好未吃食物可放在這裡。食物種類都頗多，有前菜、牛肉、豬肉、海鮮和串燒，而飲品雖然要另外加錢，但涼茶汽水等無酒精飲品加$20就可以任飲，啤酒雖然要$30/罐，但絕不是平常放題或大排檔見到的牌子，而是日韓的啤酒，計落都算抵。為怕燒烤熱氣，我就點了山楂蘋果，酸酸甜甜正好解去燒肉的膩滯，我前後喝了兩枝，已值回票價。由於我倆都愛好生蠔，所以一見到menu有，就第一時間下單了。生蠔都頗大隻，不比酒店自助餐吃到的小。因為火山石火力比較平均，又不會像平常般過猛，生蠔燒完後也不會過乾，仍能保持濕潤有咬口。左右是魚翅福袋，中間是豚肉漢堡。魚翅福袋燒至金黃色，外皮用腐皮做，燒完後脆卜卜，入面還有很多魚翅，好味到要再encore。豚肉漢堡比平常在牡丹樓食到的豬柳厚身少少，燒過後令肉香更突出，令人垂涎欲滴。右手邊是牛仔肉，肥廋適中，肉質軟腍，最怕食到太韌或太肥的肉。薯蛋有淡淡薯仔味，比乒乓球小一點，一口一個，不怕份量太多，減低戰鬥力。和風豚肉腸燒熟後，有芝士從爆開的地方流出，食落有香濃的芝士味，肉質有咬口，唔錯。鯖花魚平時在超市買都不便宜，所以每次在放題見到都會必點。均勻火力令魚肉不會過乾，燒過後魚皮微脆，魚肉依然保持嫩滑。日本大蔥的味道不是人人受得了，但燒熟後其實頗為清甜，而且吃得太多肉，也會想吃一點蔬菜消消滯。最近大熱的紫薯想不到這裡也有，檻欖形細細粒，比起薯蛋，紫薯味道更香甜，難怪會成為近年的大熱食品。野菜沙律內的野菜非常新鮮爽脆，除了野菜，還伴有蟹子和青瓜絲，加上醬汁，味道酸酸的，非常消滯。把蒜蓉法包放上爐上烤時，蒜蓉牛油因為加熱令香氣不停撲鼻而來。法包經烤過後亦變得外脆內軟，簡簡單單的法包也變得非常好味。燒菠蘿亦係我倆最愛之一，每次必點。菠蘿燒過後異常香甜，非常滋味。中間的是雞軟骨，燒過後脆卜卜，調味剛剛好，非常惹味。墨魚咀不是太多地方能吃到，所以見到這裡有就點。燒過後就跟雞軟骨一樣，非常有咬口，餸酒一流。…查看更多

以前同同事黎食, 一定是為了蒸飯而來, 因為套餐會有蒸飯外, 更有點心拼盤及配上豆漿或涼茶, 後期套餐消失了, 就直接試餐牌上盅飯, 並非套餐, 雖平但分量少, 未能填飽肚, 今次經過, 見餐牌又改動了, 連盅飯都沒有, 莫非轉手了多次?今次見餐牌的套餐出現了"鳳爪排骨" 四字, 好自然就選擇這個, 不過陳村粉我就未試過, 今次可以一試陳村粉是一種以薄、爽、滑、軟為特色的米粉, 以前人們食法都是簡單切段後蒸熟, 配上醬汁就食用, 引入香港後就自然多了很多不同的創意食物。由於蒸陳村粉需時, 所以都等了10分鐘左右, 上枱時都不禁'嘩'了一聲, 分量多了很多, 鳳爪有兩-三對, 排骨有近10件, 用籠仔上, 雖然有墊起, 但陳村粉都有好多, 男士都一定會食得飽~配上甜豉油食, 感覺與盅飯沒大分別。夾起時已感覺刑陳村粉的彈而香, 米香好豐富, 入口時除了一入口的彈牙, 再食就覺得又薄又爽, 有時會連起兩至三層, 像未切的河粉, 佐沒有河粉的油, 而且吸收了排骨及鳳爪的咸香, 不用混合食都已經好香。排骨肉質頗軟, 但不太新鮮, 反而鳳爪醃的味道微辣有驚喜, 比較香。套餐配上一杯熱飲, 用熱檸水沖沖飽肚感不錯~哈哈…查看更多