傻小笨的个人专页

今日難得喺屯門碼頭附近，突然想食米線，上到依家米線舖。到門口，攞咗張飛「A」，號碼已經下一個到我，亦都有一張二人吉枱，但店員告知唔可以坐。等咗大約5分鐘，有一張四人枱騰出，店員按鐘，一對夫婦二人攞住張「B」號飛坐喺四人枱，隨後店員再按鐘，准許我坐喺一開頭見到二人枱嚟得餐廳都唔諗得咁多，隨即點餐，點知依個先係惡夢嘅開始。旁邊有一台嘅客人投訴，有一份肉既量，得三碎塊，份量太少，可唔可以換另外一款，店員嘅回覆：份量係標準，不可以換，如果客人不滿意，酌量加少少俾佢⋯⋯聽到我O咗睇完隔籬枱客人好不滿，但係無可奈何咁食，直到食完埋單，我碗麵都未見影，細心一望，原來已經等咗超過25分鐘我張相係20:37影既，相信店舖都可以睇返CCTV，如果店舖真係忙都算，但係我竟然發現有一張外賣單，比我更加遲叫餐，竟然已經做好依份係號碼20:18點既外賣0387，包裝好，擺放出黎後比我20:12點既0385更早出餐，都係果句，店舖cctv一定有影到情況總結：其實食得譚仔，大家都心知肚明係咩味道，但係一定冇諗過，要超過25分鐘先食到碗米線不特止，入座安排奇怪，客人投訴冷對待，出品安排有問題，喺同一時間發生晒🤷🏻‍♂️…查看更多

今日難得抽時間，夜晚10點幫襯呢間網上略有名氣嘅大排檔餐廳。晚上10點揸車泊到門口，唔怕抄牌非常方便，晚上10點最忙嘅時間已經過咗，廚師唔會因為踢晒腳所以求其嘅狀態，應該可以一試廚師真功夫行上兩層，到店鋪入邊，即刻入座，之後用手機掃QR code落單，點咗一個豉椒炒蜆，啫啫生菜煲，半隻霸王雞，豬油撈飯，都係舊式大排檔必有嘅菜式，亦都有好多唔同風味嘅小炒，款式之多，起碼要幫襯十次或以上先試得晒。好快，堅係好快就上菜喇～白飯先上，就先講豬油撈飯：豉油加豬油再落啲蔥花喺白飯上面，確係有香氣溢出，但米無米香，豉油加豬油既香味只係一般，未做到食完落肚，口腔仍留有餘香。😮‍💨霸王雞：一望落去，好多好多炸蒜，雞肉好厚，皮有點點兒爽，啖啖厚肉既雞，好合我口味，可惜薑蔥霸王雞，薑蔥味被炸蒜完全蓋過，豉油亦都被超多炸蒜快速吸收，一道霸王雞，無薑蔥味，無豉油味，同一隻白切雞加炸蒜完全無分別豉椒炒蜆：依道菜可以算係大排檔必食之一，先講蜆本身，吐沙方面處理100分，無食到沙，可惜蜆比較瘦，不過去大排檔食炒蜆係食炒功唔係食蜆既肥瘦，炒功黎講，依道餸收汁一流，無水汪汪，依樣好重要😏炒既其他野呢⋯⋯味道偏咸，而且豆豉味唔出，洋蔥唔香，係爆炒香料上，未令到香料出足味，而且飛水飛得太耐，蜆肉煮到軟或者韌都唔重要，因為都唔入味啫啫生菜煲：個煲夠晒熱，可以做到「啫煲」既效果，可惜一個啫煲成功或失敗，好多網上短片都有得睇：搞個啫煲搞到水汪汪，要扣錢嫁。水汪汪就唔夠香⋯⋯啫煲講完煮，就講調味：一個字咸，蝦醬+多鹽今餐整體係失望既，首先講店面裝修簡潔，但絕對唔係大排檔氣氛，只係一間中菜餐廳。其次係坐位，2個人食3個餸加2個飯，一張2人枱放唔晒😑唔係餸多碟大，而係枱細，枱細係香港現今特式，但唔係排檔特式。食物方面，3個小菜，最好果隻雞都只係街邊燒味檔既水準，其餘既都係失望到依餐係因應睇網紅食評頻道，見有人介紹好食，所以過嚟探店，依餐整體而言…查看更多

牛奶冰室，早前剛開張，間間都要排大隊，見佢熱潮冷卻唔使排隊，終於可以一試入到餐廳，個格局逼到呢⋯⋯叫左份，秘製蔥油雞扒飯加煎蛋，隻蛋一定唔係煎，而係炸，而且炸燶左，雞扒同蔥油汁唔見得有獨特既地方，塊雞扒都唔Juice，成份野睇唔出點樣秘製，而熱檸水連檸檬都無埋，檸檬味唔夠，想吉兩下塊檸檬出多D味都唔得🤷🏻‍♂️出品完全唔合格服務普通茶記質素，食品唔合格，性價比低，坐得唔舒服，唯獨一樣好就係裝修新淨。 …查看更多

多位朋友推介下，今日去試依間新開拉麵店，地理位置，無論揸車或搭車都非常方便，鄰近巴士小巴站及港鐵站，揸車人士附近亦有錶位及停車場供應。去到店面大約下午四點，店內有3-4枱客，並不冷清，枱面乾淨企理，紙巾，水壺，杯，筷子，調味料，基本嘢一應俱全而且比一般拉麵店用膠杯，依間係用玻璃杯，質感上更加高級只係水壺比較重😓一般女仕攞起可能會好吃力。依度嘅拉麵菜單，唔係用主流嘅，白湯（豚骨湯），紅湯（辣湯），黑湯（黑蒜油），佢地只專注豚骨湯。第一次試食當然試餐牌第一道餐點特選拉麵特選拉麵有火炙叉燒，一般叉燒，味付雞蛋，紫菜，味筍，算得上樣樣都有。餐點已經上到枱當然開始細心品嚐：湯底：湯味濃郁，帶小許黏稠，麵質彈牙，掛湯一流可惜湯底唔夠熱，麵好明顯比湯更熱灸燒叉燒：油脂焦香感重，入口唔鬆化，咬落去煙韌，略嫌柴口，味道帶甘苦义燒：相比灸燒叉燒，普通叉燒處理得好，咬落去鬆化，豬肉味濃荀同糖心蛋出品正常，反而蔥同調味料既生蒜，味道較一般蔥蒜，有多一種「辛」既口味，配搭豚骨濃湯，有畫龍點精嘅功效整體而言：新舖，整潔同服務都唔會有問題:)拉麵方面，絕對值得再嚟試一試，好似「肉愛食者拉麵」先有「角切叉燒」，想追加配料都無得追加😓…查看更多

疫情持續，難得去堂食～下午四點去到，當然唔需要排隊。叫咗個最簡單嘅海南雞飯餐$88好似連鎖快餐店一樣，餐牌總會同現實有分別:(湯：無瓜無肉，雞粉味，口乾，清雞粉湯油飯：偏太油，飯香，顆粒分明，正常水平嘢雞：肉質無雞味，偏甘苦味，皮薄，無油脂，唔爽彈，雞肶有渣，雞胸超起渣醬油：超超超鹹辣醬，辣到嗆喉除咗飯之外，全個餐無樣得三樣醬料調味，完全唔配搭海南雞點完餐都冇人收過枱上面嘅餐牌，直到我開始食緊，先至有人收，服務唔掂唯一正常，就係環境算乾淨整齊，喺依個商場每一間舖都係咁，唔算出眾先唔講價錢，食完真係：伏伏伏伏伏🚁🚁🚁…查看更多

今日專程開車過荃灣食拉麵，去到門口店員指示我要先攞飛等位，係等位期間見到店內尚有幾個空位，以為係防疫安排，無向店員進一步詢問。大約等左15分鐘，店員指示我可以入座喺一開始已經空置嘅座位上。座位係向牆嘅吧枱位，枱面一陣油淋淋嘅感覺，店員向我帶咗一杯水同餐牌之後隨即繼續忙碌準備收工前嘅執拾，隨後叫另一位店員過嚟落單。大約等左5分鐘，一碗完全唔熱嘅湯麵就放咗喺我枱上面。因為唔熱嘅關係，我食既「翠王」內裹既芝士粉完全溶唔到，食落去覺得完全唔入味，之後先發覺原來我張枱係冇任何調味料，隨後再問店員攞返三款調味料。到食完碗拉麵，因為湯頭唔熱，調味粉同芝士粉都唔溶，所以會比較口渴，但係去到食完為止，都冇一個店員為我加水。甚至乎已經將加水既器皿倒乾，所以我都快快埋單去買嘢飲。日本菜一般都係以客為專，以品質保證，而且疫情下，百業蕭條更應該以客為先。 今次飯局，係我人生裏面最惡劣嘅日本菜用餐感受，服務員完全冇服務可言，唯一嘅服務就係清潔地方執拾用具等收工，廚房出嘅拉麵，品質差劣，一碗拉麵冇熱湯，品質控制非常參差，疫情下可能依種質素先至係另類求生嘅道理…查看更多

今日開車到沙田愉翠苑食晏晝，見網上有間素食店知名度好高，所以決定食餐健康素食。因為鋪頭係街市入邊，而且要坐喺店舖出面，所以舒適度同埋衛生都比較一般，但係店員嘅服務態度，同餐牌上嘅料理就絕不一般，眼看刺身壽司手卷同埋其他食物款式種類繁多，比一般素食店優勝得多，而且款式精美，可惜我只係一個人，所以只係揀咗一個「日式素鰻魚飯」。日式素鰻魚飯上到枱既一刻，我真係有啲驚雅，非常之精美，食落口就更加難想像可以做得咁相似，佩菜手工精細不在話下，素鰻魚嘅皮有小小韌，肉質嫰滑，口感一流亦似鰻魚，做得好似真嘅鰻魚飯一樣，可惜米飯唔係珍珠米，但整體都唔錯。食完既時候見旁邊既客人點左D卷物，亦係非常精美，相信都係咁好食，素食店黎講，依間雖然坐得唔舒適，但新派又好食，絕對值得再黎…查看更多

要講香港拉麵店，豚王絕對講得上知名度十足，今次黎到沙田豚王，絕對係想一試係唔係貨真價實沙田豚王位置喺沙田市廣場地下，無論揸車定搭車都十分方便，我嚟到嘅時候大約下午1點45分，剛好係上班族食完飯嘅時間，我入到鋪面望望四周大約仲有兩至三成嘅座位無客，企左大約1分鐘跟住我問侍應，應該坐邊，對方表示隨便坐。我隨便坐係中央大枱後，落筆開始落單，依度嘅落單方式十分專業，湯底濃淡，麵身軟硬，义燒既部位……都顯得出依間麵店對麵嘅專業。過咗一陣侍應端上我嘅拉麵，細細聲口噏噏完全聽唔到講咗啲咩放底碗麵。驟眼睇已經可以想像碗麵湯底濃郁，肩肉部位嘅叉燒肉質彈牙，配搭黑木耳加椰菜，三樣嘢襯托拉麵配合得天衣無縫。正當想叫多一份小食嘅時候，揚左兩下手，見無人應，咁就食埋碗麵，走人:(今次嘅感覺真係好壞參半，碗麵的而且確係冇挑剔嘅地方，但係啲服務就連茶餐廳質素都無，門口無人帶位入座，收張落單紙唔覆單，放碗麵上又唔知講堆咩，叫侍應要叫好多聲先有人應，可能依間公司無規定員工一定要咁做，但以我所見就係員工掛住圍埋傾計，心散…查看更多

剛好轉左新工，因為長期要喺沙田馬鞍山西貢一帶出沒，由原本新界西轉戰新界東，繼續搵野食，今次剛好入西貢，可以拜會一下，早10年前已經聽過嘅「海南雞」餐店。下午四時多黎到舖面，舖頭細細，但係坐滿晒人，不過我一個人，長期搭枱無有怕，坐底後當然係叫海南雞飯，仲有例湯送聽到廚房師傅手起刀落既「彭彭」聲，唔洗一陣，老闆娘就攞出我既饍食，一望到去就覺得奇例湯竟然係中式紅蘿蔔湯，而唔係瓜湯，需然係咁，依碗例湯都好甜好夠味。之後到主菜海南雞飯，飯有D應該係炸蒜既野係飯入面，整個油飯額外香口，雞更加係皮香肉嫰，再有一細份無皮既雞胸肉，肉味十足，一碟海南雞飯有四種不同口感，確係一絕。但係始終一個人黎，食唔到其他野，相信短既日子內我會再黎一試再試…查看更多

適逢紀念日子一周年，今次同另一半搵咗間夠晒長久嘅餐廳食大餐，揸車嚟到餐廳附近已經有大量咪錶位可以泊車，徐步行咗1分鐘左右，就可以望到依個幾十年嘅招牌，去到嘅時間大約八點鐘，但係餐廳入邊比想像中滿座，亦好彩剛好有兩個卡位，坐低就叫咗兩份唔同嘅扒餐，然後慢慢等待。大約15分鐘左右，餐湯，麵包，扒餐就陸續送到枱面。羅宋湯係屬於非常濃味嘅一種，麵包有餘溫，搽上牛油後，牛油好快溶化，依個係一個最好食嘅狀態今次嘅牛扒我叫咗牛柳，五成熟嘅牛柳配搭蒜蓉汁，鐵板令蒜蓉汁香氣四溢，牛柳腍口之餘亦有彈性，牛味十足，感覺新鮮就連配角嘅蕃茄同薯條雜豆，經鐵板煎過後，一樣好好食。最後仲加送花奶加啫喱整體來講都係一餐好好食好滿足嘅晚餐，但係舊式扒房始終都有佢嘅缺點，例如侍應嘅語氣會比較粗聲粗氣，同埋地下嘅垃圾會長期無人清潔，但係一周年紀念日最好就係依種實而不華，夠實年份既餐廳吃飯，好食之餘亦有「長久」，「內在美」既感覺…查看更多

又到左深宵總是餓嘅時候，同朋友喺凌晨時分突然之間好想食辣野，所以就揸車試試新野，凌晨食麻辣燙。泊低車行左幾步就到，簡單既舖面，簡單既自助寫飛落單方式，之後就坐正係店舖相連既枱面。一眼所見，有部份食材唔係搵批發商中央工場既現成貨，就好似我地今次有叫既腩肉同豬腸都係一直用滷水烹煮，更有自家製水餃，由此可見，自家風味十足等左大約五分鐘，本來無人排隊既店面，突然間就有十幾個人排隊比飛叫野食係依刻我自覺十分幸運，如果遲左黎，可能要等好耐先有得食差不多十分鐘，老闆就端上兩碗麻辣燙，我先試一口湯⋯⋯燙口!!!相當熱既湯內裏係非常濃厚既味道之餘，一D都唔會過咸，而且採用左環保膠碗，唔會好似發泡膠咁，熱湯一淋落去就會有一浸臭膠味出現，值得一讚開始享用時，細心再望過湯底無花椒粒，但係湯底已經夠晒麻，配料都做得好好，自家製既滷水入晒味唔在講，豬潤熟得剛剛好，唔會過熟起粉，仲有小小爽口，火候恰到好處，可惜嘅係自家製水餃放入麻辣燙，所有肉味都搶走晒，甚至乎有冇肉汁都唔知，而今次紅薯粉煮得有小小林身，失去左彈牙口感，相信下次再嚟換老闆娘煮，再將水餃分開上，可能會更加好食…查看更多

同屋企預先用「開飯」app訂位，連電話都唔洗打既訂枱方法值得一讚，去到只要show部電話就帶我地入坐，簡單訂枱方法絕對一讚。我地坐低點左個鴛鴦湯，分別係麻辣(中)同埋養心鍋，麻辣鍋除左跟湯鴨血豆腐之外，再送多份鴨血，又一絕讚。鴛鴦湯由川芎，魚頭，竹絲雞煲成，兩種湯底淨係材料都係一流享受。之後點左一堆火鍋會點嘅菜，小羔羊肉，黑毛豬梅花肉，牛肉粒，蝦滑，墨魚滑⋯⋯⋯而每一樣食材都新鮮，無雪氣味，肉類無出血水。可惜點水漣餃，水漣菜都無，而且叫咗個白飯，等左10分鐘先到，我哋已經食晒所有嘢，先至幫我地換第一次碟，店員俾我哋嘅感覺太鬆散。整體黎講，依家既火鍋店9成係坐「冇靠背木凳」，舒適度方面冇得要求，店員服務有待改善，泊車無優惠，但係食物絕對已經足夠值門票價，而且7點前與8點半前埋單分別有半價到7折，當然更好…查看更多

冬天食蛇進補係中國人既傳統，但係新界西既蛇店可以話小小得可憐，幾個區加埋只有三數間，唔同深水埗旺角等等，一個區已經有十間八間，而且三數間既蛇店可唯「參差不齊」。今次黎到元朗近安寧路，屏山鄉事委員會對面既「蛇王如」，「蛇王如」唔止舊有蛇店賣既蛇羹蛇湯糯米飯，仲有佢獨有既蛇包子，所唯蛇包子，就好似飲茶既义燒包，但係入面包既係蛇肉。不過黎得都一定係食蛇羹同糯米飯依到既蛇羹真材實料，咬落口唔止啖啖蛇絲，蛇絲慢慢係你口游走之餘，仲有藥材香味。糯米飯都好夠火候，唔會太過粘，食落口有暖胃感。我食過黎講，蛇王如一定算係新界西最蛇店…查看更多

今次同朋友突然想食日式燒肉，但係屯門既日式燒肉店寥寥可數，所以選擇左「牛角」，皆因「牛角」做日燒已經一段日子，亦都無乜負面評論，相信質數有一定保証。開車到屯門市廣場店開餐，唔止泊車方便，而且有電子消費仲可以免費泊車，而且係新店，裝修同環境潔淨會比較好。入座後我先知原來係「放題式燒肉」，而唔係「單點式」，一共3種放題，大多數圍繞「豬牛雞」既種類，最貴果種放題仲有蝦，帶子等等既海鮮。選擇左要邊種放題後，未剔紙落單，店員已經將一盤又一盤既雜錦肉類放上餐枱，都係比較大路會點既肉類，所以節省左不小時間，唔似一般日式放題果種故意流單，遲出單，另我覺得好有「放題吃到飽」既滿足感。一直燒唔同既肉另如五花腩，牛舌，雞翼，⋯⋯肉類方面基本上無挑剔既地方，而且有D肉類，同一個部位，有唔同腌肉方法，令每次落單都好有新鮮感，只係D蝦係好似冰條一樣放上枱，其實用水沖一沖面果層雪氣上枱又好睇D，我又會覺得有洗過係衛生小小。一路食一路落單，之後問題就出現，就係無人店員收盤，可能店員覺得忙，所以我睇諒下自行堆疊起盤子🥏，令枱面騰出空間放新到既肉盤，直到桌面再無空間放更多肉盤，店員終於將一棟空盤子取走⋯⋯可惜佢取走空盤，無取走我隻空杯整體而言，肉類質素新鮮，腌肉方式有技巧，泊車方便，地方新淨，可惜服務尚有進步空間，總要既係性價比高，廉宜價錢，唔錯既日式燒肉質素…查看更多

每次揸車搵嘢食，經過依個門口都會俾個招牌吸引望一望，今次宵夜時段終於去試吓，除左招牌，內在裝修都係比較舊式，望望餐牌無乜頭綷，就叫「絕代雙豬粉」加個小食「滷香雞蛋」。點完餐，餐點好快上枱，望落去「絕代雙豬粉」既鍋燒肉就好似我地所認識既拜神豬肉咁，食落去完全係兩馬子既事秘製鍋燒肉，咬落去個皮好脆口，肉質好腍，而且無乜肥膏，令口感對比大得黎好食，唯一缺點係太大碗，宵夜黎講未免太多。至於個蛋呢⋯⋯乾，無味，唔彈牙，，簡單黎講就係唔識欣賞⋯⋯今次食咗佢其中一個粉，覺得都幾有驚喜，依度咁多款粉，選擇多，總有一款啱你胃口…查看更多