因為鋪頭係街市入邊，而且要坐喺店舖出面，所以舒適度同埋衛生都比較一般，但係店員嘅服務態度，同餐牌上嘅料理就絕不一般，眼看刺身壽司手卷同埋其他食物款式種類繁多，比一般素食店優勝得多，而且款式精美，可惜我只係一個人，所以只係揀咗一個「日式素鰻魚飯」。
日式素鰻魚飯上到枱既一刻，我真係有啲驚雅
，非常之精美，食落口就更加難想像可以做得咁相似，佩菜手工精細不在話下
，素鰻魚嘅皮有小小韌，肉質嫰滑，口感一流亦似鰻魚，做得好似真嘅鰻魚飯一樣，可惜米飯唔係珍珠米，但整體都唔錯。食完既時候見旁邊既客人點左D卷物，亦係非常精美，相信都係咁好食，素食店黎講，依間雖然坐得唔舒適，但新派又好食，絕對值得再黎
