南海三郎的个人专页

形點是最近的焦點，樓盤既熱賣且樓價創新高，所以湊湊熱鬧看看食肆水準如何?未夠鍾便等飛所以開5:45分便立即有位，室内環境雅緻，茶具亦頗有特色。點了幾款例牌要吃的，担担麵和酸辣湯麵ok嘅，醉雞唔錯，但酒落重手左。猪肉煎餃夠香口，如果饀内肉汁多點更好。其中推介小籠包，皮薄之餘餡肉鲜味，湯汁夠，快子夾起又唔會漏，一籠六隻食完仲好似唔多夠。但太飽了！好啦，下次再来！…查看更多

中午時間和太太去新街市買餸經過生龍，見入面約八成客不用等；於是入去試下佢既牛腩得唔得先。我們原本想叫坑腩粉既，但未有供應，聽店內的阿姐介紹，改試貴少少的爽腩河粉。據開牛爽腩是在牛肚腩位的位置，得好細塊所以較矝貴。由於夾著有塊薄軟膠質，吃來爽軟不硬。端來的睇來真的是爽腩，份量都幾多，大大件約有成六、七件咁多；牛腩夾著筋膜，肉質有點油脂而且半肥半瘦的。吃起來爽得來肉質鬆化，但又唔韌，滿口盡是滿滿的牛肉味，加上肉質好fresh，口感十足，清湯好鮮甜，河粉淥得剛好唔會好淋，呢碗嘢有水準喎。另外加13元配的清湯腩汁菜心，色澤綠油油很新鮮，莖和叶都很清甜、無渣，食哂、唔錯！跟單送的奶茶都唔錯幾滑，送嘅更要俾多少少分啦我就最怕等位排隊等位嘅，呢度食完可以多的時間去街市慢慢逛街買餸。…查看更多

還記得升中試放榜的前夕，老爸親自下厨，為我熬了一大煲粥：名為狀元及第粥，謂取個意頭，希望我文昌星旺，派得理想的中學。今天我狀元就做不成，也倒靠著他授予的一技傍身，頗能養家活兒。狀元及弟粥，其實就是豬什粥；大慨每間粥店配料可能都大同小異。富記是旺角區內的老牌粥店，今天途經此地，又怎能不入內走走，歎歎它馳名的及第粥呢！也許喜歡在舒適環境中用餐的朋友可能稍為失望，這裏装修陳舊，地方談不上乾淨；坐位會很擠迫，甚至可能會頂住後面位大叔個背脊。但一碗熱粥端上桌來，粥香噴噴，令你垂涎三尺、食指大動的時候，就頓時忘卻周遭環境對這碗及第粥的負面評價。及第粥(32元)人家煲的粥畢竟是幾十年的功力，用明火熬制的秘制粥底很鮮甜，份量恰到好處，不綿亦不杰。落足料之餘而食得出用料新鮮。粥內有豬肉、豬肝、豬腰、豬肚、豬心、粉腸等各數件。新鮮的豬肉本來就特別有肉味，咬落爽滑而有肉汁香；豬肝淥得剛剛好，唔會有血水之餘且咬落〝索索聲〞。粉腸洗得乾淨而好粉，好咬口而不靱；最點題是那幾塊豬腰：一定係清洗乾淨再出水至冇咗陣〝壓〞昧。食落甘香可口，爽夾滑！一碗及第粥，勾起了絲絲回憶，寸寸親恩、濃濃情義：父母均盼望孩子學業有成，將來能夠出人頭地；這種只問付出、不求回報的無私大愛，當時不明白，而今暮然回首，已驚覺愛得太遲！！！…查看更多

元朗人，經常會去這間經營超過半世紀的老店吃麵。店內老式裝修依舊，一成不變！卻仍然分店連開，那到底有甚麼與眾不同呢？雲吞麵 20元賣20元一碗的雲吞麵，你不會吃得飽；但會令你想起小時候、很想媽媽拖着你的手，帶着你去吃麵，你急不及待地把麵吃光為止。全疍自制幼麵，爽而不淋，湯底清淡而有味，吃出一種味道：回到那些年，想起一些你很想念的人。。。五顆雲吞，不大不細；蝦和肉不多不小；但吃完會令你有很想再吃多粒的衝動！蝦子蘿白20元揀手靚蘿白，好咬口；無渣。表層滿載惹味香口的蝦子；一啖咬下去，蝦子香和蘿白汁混在味蕾中上下翻騰，我祗能說：好好味呀！2011-2013連續三屆米芝蓮推介，幾十年老街坊的口埤，到底好在那？憑的就是那碗麵！！…查看更多

利きの銀次座落於屯門新地標屋苑瓏門之大型商場內。這裏假日商場人如潮湧，滄海桑田、屯門今昔真不可同日而喻。據聞此店的食材等都是從冲繩進口。今日行街街順便來一試它的沖繩菜式！走入店內，淺木色装修格調優雅，很有居家的自在感。我們一家四口被安排了一個小居室，好像個包厢房。先點菜牌上推介的食物，我先來一杯沖繩啤酒，入口味道清涼甘醇、濃淡適中。老實說，比平時在國內工幹時那些大陸啤酒跑贏幾條街，一杯唔夠我 再encore多杯！待應首先送來明太子煎蛋卷：濃濃的滑蛋香味、內配以鮮蟹子；不油不膩，配搭可說天衣無縫，吃得津津有味，68元唔貴，俾個 like佢！女兒試超濃雞湯鳥冬，佢話超靚連湯都掃光。我試左少少烏冬都覺得比平時食D爽口同埋滑好多！雜錦寿司：各種口味都唔錯，但我最欣賞係三文魚子寿司、大大粒魚子、和日本米飯送入口中，爆開的魚子油滲入飯中，甘香可口，好吃！可惜唔記影相，看官 ：sorry 啊！再送上來明太子炭火牛油燒飯团，連隔離房都聞到飯香，問我乜野嚟！飯团燒過格外好胃口、配以蟹子精華，給我很高的評分。繼續試海膽汁燒蚝，我們每人試了一只，大家都一致認為正，橙火色的海膽汁，配已熱辣辣的燒，可謂色香味齊全。其它試過的還有雜錦沙律、炭燒椰菜等都相當不錯。平常工作繁忙，得閒時可以心平氣和地坐下來，慢慢地品嘗佳肴美酒，誠人生一樂也！我更覺得一家人能開心地齊齊吃一餐飯，收獲的一定會比付出的更多！…查看更多

想吃自助餐又想就近屋企，於是來西宮試下。晚餐每位208元，將貨就價，諗住食飽個肚就算；沒有太大的期望。先說環境，雖然比不上酒店水準，但尚算寬敞潔淨。一坐下來便送上免費刺身一客：內有三文魚、蝦、魚、八爪魚各數件；剌身最重要的元素：新鮮；這一點做得到，便沒可以批評的地方了。食完如果嫌唔夠喉，可以去逐樣取，我再切多兩碟三文魚一樣無問題食得哂：因為夠新鮮。冷盤方面，有白蝦、白貝、青口、瀨尿蝦等。由於 Size屬於S碼，所以你唔會覺得啖啖肉好有咬口嘅感覺，但起碼無沙、無霉味，係食得落肚嘅！再試埋各種什菜配上西餐肉，蕃茄仔，螺肉配以沙律醬汁，口感酸中帶甜，呢個醬汁配以新淨鮮嫩的各式什菜，吃來大開胃口，祇不過係平價嘅食材但勝在新鮮，仍然令人吃得津津入味！熱葷方面我每樣都試了一點：焗扇貝：有少少沙、減了点印象分。日式餃子：侷在餐炉內時間耐咗，餃子會“淋”咗唔好食！印度薄餅有同样問題，厨房要注意了！煎三文魚頭腩：OK啦，但鑊氣唔多夠。雞翼：唔得！醃得唔入味，雞翼吃來冇口感！記住越係平凡的餸菜，就連細路哥識批評嘅就越要注意了！咖哩牛肉：最好呢個，咖哩汁和香料令牛肉吃來五香入味蕾，呢味有料到了！西餅糕點方面，我最喜歡的要算是泡芙和那個綠色的好像叫“和盒子”??的糕點；還有那草苺蛋糕都算是水準之作。此外還自費點48元三隻的生，吃落我就總覺唔夠那些即叫即開嘅蚝甘鮮甜咯，唔之係咪食刁咗個嘴呢？208元你在高級的餅店可能祇買到三個西餅；但卻可在此飽足一餐。出咗半斤的錢；能夠吃回八兩的食物，值嗎？值！…查看更多

大榮華算是元朗的老品牌了，除了月餅和臘味馳名之外，他的圍頭菜和點心亦享負盛名，出品除真材實料之餘，亦帶出一點懷舊的味道。作為區內居民，會偶爾在此飲早茶，一盅兩件，一家人閒話家常，誠是賞心樂事。飲茶最緊要水滚茶靚，今天這兩點都達到標準，泡出的壽眉雖不可能是上等的茶葉，但入口甘甜，有茶香味，應該比一般洒樓略好，給人的第一個印象加了分。冲茶、上點心亦不用等很久的時間。雞球大飽(19元)個飽直徑5吋以上，餡料：雞肉，燒肉、臘腸、蝦、碎肉各一件，一個人食基本上食完會飽，唔會想再叫其他點心了。以其用料計，賣者可謂微中取利，食家則抵食夾大件。吃落味道如何？吃到的祇有一個字：抵！所以一般的酒樓因為無利可圖，都沒有出品這大飽了！腊味糯米飽(19元)糯米吃落不油不膩，唔黏口，感覺上D糯米似生炒、唔似蒸熟的。再配以切碎腊味、香脆的花生。這個腊味糯米飽做得相當好。冬筍鮮蝦餃(23元)鮮蝦充滿餃子，配以鮮冬筍，一啖咬落皮薄饀靚，多汁鮮味，爽呀！其他吃過的點心有：奶黄馬拉糕(16元)，覺得太甜了。四寶滑雞扎(19元)、豉汁蒸鳳爪(16元)，雞絲粉卷(16元)則較為普通，沒有甚麼特別可評之處。大飽易賣，大錢難撈，能微中取利的殷實商家，值得別人尊重！…查看更多

自已算是半個大埔友，經常在這裏醫肚餓，今日幫襯的麵店頗為特別，因為隔一條馬路，有兩間店店名一樣，但新舊有別。行入去叫咗一碗魚疍米，另加餸---粉腸。記住雙併價錢係一樣，加餸則貴七元。有朋友話黎呢度能否吃好魚旦要看際遇的，我今日運氣好，魚疍係彈牙嘅，魚味夠濃。D米粉淥得剛好，食落爽而不淋。但可惜最大敗筆係粉腸，唔多夠新鮮而且帶有頗重嘅苦澀味，仲帶埋落D湯底度添。早知D粉腸唔加好過加。我唯有用力啜哂支可樂吞咗佢本來好好的一碗魚疍米，就被幾條粉腸拉低，可惜…查看更多

這日兩公婆遊水鄉，穿過小街窄巷，被一陣陣香炸味所吸引，眼見擋前擺放各種小魚小蝦等小吃。原本祇作壁上觀光，但被老板娘熱情推介：一碟魚、蝦、蚧的炸三寶祇賣三十元。有冇咁平呀？好！即管試下你。炸海鮮上碟來嚇了一跳，三十元一碟有幾十條小魚、小蝦、蟹仔加埋瀨尿蝦添。咁大碟我幾驚食唔哂。老板娘徐徐走過來，介紹此菜大有來頭，連大明星華哥、麥包、玉華姐都來幫襯，而且売都食埋。我不敢怠慢把小蝦小蟹放入口品嘗，雖然咋過入口亦不覺油膩，香脆可口，我叫罐冰凍啤酒，果然是絕配，唔覺唔覺成碟清哂，。邊吃邊看，老板動手做薄餅，然後卷成一卷。老板話係大澳獨家研制，叫香妃卷--Chinese Pizza(但我唔明同香妃有何關係囉)材料很簡單:疍、麵粉、芝麻、香茜、冬菜、加小許類似薄脆的東西，卷起切為四件。見各人都叫我亦唔蝕底。一客上來香氣滿溢。口感鬆脆而不腍口，芝麻和香茜今齒頰留香，賣二十元。抵食！一面細聽兩位老人家把食物的故事娓娓道來，一面細想，在這個急速變化的城仍存僅有的這種舊貌風味，我吃出的是一份漁村人家的真誠、淳檏情誼！兩個人六十元，還可以吃甚麼？…查看更多

剛剛過去的周日，沒有出市區與人家爭位。因為一早預訂了屋苑商場的-----大使館了！每逢特別的節日，這裏都會搞點新意。這晚的半自餐，除了主菜外，頭盤冷食，甜品和西餅無限供應，每位祇收298，放在母親節這一天，我說很超值了。頭盤選擇也不少：各式火腿、沙律、菜蔬都很美味，和平日在這裏吃的水平一樣。沒有因人多份量做大而下降。主菜：我和太太點了牛扒，女兒則點三文魚。ok 喇，味道尚算不錯，但這晚人太多了，不可能每份個別做，可以理解的。但告訴大家，我平時晚餐來吃的肉眼扒真係很得最大的滿足是我試勻大部份甜品，還有印度素咖喱角，香滑的芝士旦糕。這晚還請來民歌手自彈自唱，樂韻悠揚，平潻不少氣氛。最重要的，是女兒用她第一次賺到的錢為媽媽慶祝母親節！生兒肓女，等到這一刻來臨，所有母親都會無怨無悔了！…查看更多