Chuyan95的个人专页

岩岩個星期6下午天落雨濕濕, 唔係好岩出去戶外, 早上BOOK左呢間新開係北京道一號嘅日本餐廳食TEA. 好彩仲有位!餐廳環境好正，28樓景觀光猛開揚, 大海景, 正對面就係灣仔中環, 天陰都一流。餐廳夠闊落，所以就算靜，都唔驚隔離台聽到自己講咩!!我哋叫咗一份HK$499嘅下午茶set，2杯野飲 + 3大盒野食: 兩盒鹹+一盒甜 (handle 唔到純甜品tea set XD)。2人食算好夠, 但唔會話食完撐住個肚走...去相 :)環境:鹹點:好多唔同款式嘅小食。鹹嘅小食有:  超嫩炸雞, 日本腸, 吉列蟹餅, 魚製品, 雞翼, 栗米。另外一碟係蟹子沙律, 壽司, 吞拿魚米通, 枝豆. 全部都好好食。甜點:小蛋卷, 一口芝士蛋糕, 紅豆糕, 呢3樣會甜少少~ 仲有雜果盤, 蕨餅, 大福& 南瓜蓉杯 (好中意!!! 唔會過甜, 連vanilla cream + 紅豆+小丸子係好夾!!!!) 整體黎講，食物嘅質素很不錯，份量都夠~下次會再黎!!!!!!!!!…查看更多

又一年新年晚上乜都唔開😩所以就要增取時間日頭出街見朋友Element 食完lunch無幾耐就去食tea同幾個朋友 又想食咸又想食甜 第一時間就諗起mango tree 既 high tea🤣唔係第一次食架喇 但每次黎到element分店都覺得好relaxed～適逢今年新年放足一星期😌坐窗邊望下景食啖糕～這種生活很可以🥲🥲今次叫咗個thai lobster fiesta afternoon tea set 加一個pad thai.Tea set叫做2人份 （$398） 但4個人分都還可以！龍蝦沙律勁開胃 蝦肉爽夾新鮮鹹點不過不失糕點如果減輕少少甜就好🤩🤩🤩Pad Thai （$1xx)照舊多料 decent 水準 👍🏻👍🏻👍🏻會再來呀！！！…查看更多

第一次嚟paper moon 食野～平日下午黎到，人少少，靜靜地，環境好靚好舒服，好岩同幾個friend黎high tea吹水！用餐位置有分室外和室外，由於當日天氣唔算好好，我地揀咗坐室內。望住咁靚既海景食嘢心情係非常暢快！我哋一行四人點左兩個二人下午茶餐，冇幾耐就上餐了。首先上菜嘅係頭盤，有魚子醬、生蠔、龍蝦湯同埋一個小pancake。魚子醬夠咸香，配三文治食一流。生蠔不過不失， 龍蝦湯好香但飲落有點鹹配pancake食會好點。之黎就係呢個三層既茶點架！由底層慢慢食上去，要重點提及嘅一定係黑松露牛肝菌撻，牛肝菌味好又唔會蓋過撻皮味道。仲有個芝士牛乳奶凍，好過癮🤪埋尾黎個tiramisu，超級出色，要讚！仲有杯Mojito夠清新，完美地中和甜膩感🖖🏻🤩原本不太好西餐的我都好enjoy呢次dining expérience! 傾多兩傾發現已經傍晚5點幾6點，天開始暗，室內外亮起柔和的燈，更有氣氛了😌一定會再黎❤️🙌🏻！…查看更多

想試好耐的一幻拉麵！！一入門口聞到超濃蝦湯味，兩點幾未食lunch，流曬口水..男友點咗：特濃蝦汁叉燒拌麵$88拌麵熱上，蝦汁仲濃過湯麵，較重口好啱男友🤣叉燒好甜好香!!麵酥（炸薑）超好食呀😋一定要剔！我點咗：辛辣味噌蝦湯拉麵$88湯不算稠但好濃蝦味！！譚仔食五小既我覺得唔算好辣，好開胃。麵身我揀咗普通粗度，份量不少～叉燒夠稔身，好入味～溏心蛋都好出色😛蘋果梳打酒$38蘋果味好香，梳打味>酒精(3%)同平時飲開個啲唔同既係，佢甜度較低。😍同湯麵勁配合到，一濃一清，超enjoy！蝦味飯團20$蝦汁漬飯不過不失，如果有肉鬆做餡提味唔知會唔會好正，不過淨係拉麵已經夠食～__________________另外要讚既係呢到既服務！雖然主打拉麵，配菜不多，但店員仍好熱心介紹有咩食，而且上野食速度好快～相信會再來🤗…查看更多

星期六早上係太古城睇完戲，去咗呢間「北海丼」食野～正正是午餐時間但幸好人流不算很多，坐位環境亦很寬闊。迷你三色炸物丼 包湯一上枱～嘩，三碗炸物全部有配飯 ，唔少野😹😹😹雖然係細碗份量，但好彩男朋友包底～炸天婦羅好新鮮，蝦肉很爽，外皮炸得剛剛好。炸雞味道則較重。還有鰻魚，雖然有少少骨～但肉質厚實，鰻魚汁亦很香～招牌北海丼 包湯盛惠300蚊，魚生份量不俗，鋪滿不見飯底，但300蚊黎講，我期望可以再豐滿點😹不過勝在鮮味十足👍🏻👍🏻👍🏻想吃的魚生都齊全！有帶子、三文魚、三文魚子、吞拿魚、油甘魚、海老、海膽、新鮮鮑魚 等等⋯全部均非常鮮甜、爽口～果然是招牌丼！櫻花蝦乾的存在亦非常提味～想起就很想encore喇😫😍…查看更多

平日中午一點半黎到, 有lunch set, 坐低睇餐牌， 好多選擇, 有pizza, pasta, main 㨂。聽聞哩道啲pizza 好正, 但因為會加salad 同dessert, 所以我地就忍痛唔試住pizza 先啦。因為我勁鍾情魚，而男朋友勁鍾意牛, 所以我哋兩個都叫咗 main course 。點好左就上左餐包， 有三款， 好欣賞餐廳有加熱到啲麵包，味道真係有驚喜。特別檻欖香草果款，另外芝士條同薄脆嗰款都好好味。不得不提嘅係餐廳沾麵包用嘅黑醋質素好高，一啲都唔酸，而且帶有甘甜味。沙律菜新鮮，調味剛好，唔會帶有過多嘅醬汁。石班魚唔算係油脂多既魚，配上少少酸甜香橙味道嘅忌廉醬汁，豐富返個味道、balance 得好好。黑椒牛柳醬汁十分出色，有黃芥末味以及帶有粒粒白胡椒嘅口感。牛柳超嫩，配上醬汁一啲都唔會膩。是日甜品cappuccino 慕絲，分量較少但水準不錯。餐飲熱咖啡配以熱牛奶感覺貼心，味道不錯。總結：餐廳環境環境佈置清新，景觀尤其出色，直望IFC。侍應醒目有禮，實在適合想放鬆一下，重視餐廳環境的一族。…查看更多

星期一去咗銅鑼灣的「竹」同男友食午餐😆暗暗的裝潢很有情調, 聽說內裡的設計是由數位有名氣的設計師聯手合作,  亦很有空間, 可以寧靜地享受二人時光👍🏻我們點了兩個lunch set：「壽司拼盤」及「鐵板燒海鮮」，包南瓜蓉磚、沙律、茶碗蒸、味噌湯等前菜沙律中的蕃茄汁鮮甜開胃，茶碗蒸亦超級滑。壽司拼盤：每舊壽司飯已呈醬油色，味道較貼近日本壽司風味。海膽新鮮，有微微醋、海水咸味。鐵板燒海鮮：佢係用碟上的，但惹味不減。煎大蝦肉地好結實，大半隻手掌咁大的煎帶子，中間係半生的好鮮甜😻煎魚魚味不是很出，不過肉質夠滑～伴碟有露荀，還有個不肯定是什麼的黃色醬去吊味，不錯不錯👍🏻後上甜品：藍莓牛乳杯😍唯一不足是價格偏高&男友覺得份量有點少，有機會再來試試這裡的omakase 😁…查看更多

大埔太多好野食，如果你問我，點解幾個月黎，可以同一間餐廳食完又食，一星期食兩餐，我會答你因爲佢性價比真係高！呢餐食物唔算極高質但一個餐有咸有甜有魚生，中曬我心意🤧❤️❤️我食極都係呢一個餐，風雨不改4件自選壽司+1件手卷+加大豬骨湯烏冬 = $58三文魚壽司屬於中上，當然去唔到居酒屋質素，但已經好夠做，好食過元氣個啲，夠甘香。蟹籽沙律手卷勁好食，同埋去到手卷底部都仲有沙律，good！紫菜即食，係脆既。加大豬骨湯烏冬，烏冬口感彈牙，湯底好夠熱我最滿意，味道比較似出前一丁湯底，沒有太多豬骨味，但濃度適中，飲幾口都不會口渴～注意：lunch set 提供時間為1-3pm。星期六、日食客好多。而3-4pm為餐廳休息時間～…查看更多

呢間野係博愛醫院隔離，夠易搵，星六晚，唔會好full。餐廳分室內外，室外嘅位有透明膠布圍住四周，唔駛食風，落雨都唔驚，要讚👍裝潢好舒服好有聖誕氣氛，偶爾一兩架摩托車經過，覺得自己好似係泰國囉哈哈😜😜*************************講野食：最出色一定係呢個金邊粉好好食，入口勁香，啲蝦亦新鮮入味，完全吊起左胃口，好耐冇食過咁香既金邊粉！😍😍😍***********馬拉盞通菜係就係夠味，但個菜既質素只係一般，而且唔夠香，泰國菜靈魂黎講，都少少失望。😧***********炸皮蛋佢係類似一層炸魚蛋釀左皮蛋，原本覺得呢個有驚喜，不過食落口魚蛋同皮蛋分離，味道冇特別夾，純粹好似食緊兩樣野咁。😶**************煎蠔蛋餅個餅幾香😍啲蠔都足料，點埋佢個泰式辣醬幾惹味，如果啲蛋再嫩啲就更正🤤***********沙嗲串燒有雞、牛、豬，我地點左雞同豬，肉嫩，汁出色（雖然有啲油），反而啲肉唔係醃到好咸個種～我中意咁啊😆*************朋友點既椰青甜過平時少少 我一般般😶************芒果糯米飯我最愛既甜品, 沒有之一，一食就知龍與鳳哈哈呢個個飯始終口感差緊少少，似平時冬天食晚飯個隻，我比7分。 ***********講野飲: 3L啤酒自由斟有feel，百六蚊，唔駛就住飲，抵😁👍******************************Overall: 野食正常，但環境真係好好，同三個朋友飲下野開吹下水坐左成2、3個鐘🤣好開心的一晚!…查看更多

大圍多好野食真係冇錯，呢間夏雪望落細細地，原來有兩層，又幾闊落~野食黎啦： 煙肉菠菜焗蛋 伴窩夫($58)呢個餐只做到下午，50幾蚊性價比高，可以當正餐，重點係佢好食，蛋夠香、芝士味夠重，食完絕對夠飽。建議加廿蚊加杯紫薯鮮奶，抵都不在話下，重點係佢個甜係恰到好處，又飲到奶香，仲要熱辣辣，最岩依家秋天啦！😗加$20配左個紫薯牛奶(熱)勁正, 泡沫輕輕一層, 岩岩好, 唔會死甜,又熱, 又香!!!!!!!!朋友A叫既朱古力芭菲 (~$65)覺得有點overpriced，味道 賣相 材料同普通朱古力芭菲差不遠。朋友B叫既紫薯窩夫 ($88)食紫薯未必一定係港女，呢個唔係重點，重點係，呢個堅貴，88蚊。但講真，係幾好食！！！！！窩夫有紫薯夾心，微甜，好出色，配個蜜瓜勁清爽，蜜瓜又唔會鬥甜，加埋個豆腐雪糕進一步中和甜味。師傅應該俾多幾球豆腐雪糕黎，好鬼夾，一球完全唔夠喉😞😞😞好啦但88都係貴囉 講完，overall好推介既!!!!!!!…查看更多

唔特別好酒，但勁中意黎呢間bar!!!!第一佢好有feel，勁岩同三正知己過黎聚第二佢啲野食好高質第三啲員工好友善:)先講野食，款式雖然唔多，但中曬我口味！而且好出色三個人，做完運動餓到飛起，叫咗一個蟹餅同埋一個牛油果藜麥沙律，竟然食唔曬~蟹餅：~$140勁香，吐司上面放左秘製蟹餅、芝士、流心蛋等等，入口夠濕，好好好好食。細細份但好快飽。牛油果沙律：~$88份量多，料新鮮，而且藜麥、牛油果、沙律菜分佈平均!!!去酒吧食到呢啲好健康（岩我）特飲1：香蕉MILKSHAKE ~$60好好飲!!!!蕉味重, 有MILKSHAKE應有的口感(有「厚度」), 唔會死甜! 正! 又係健康之選特飲2：士多啤梨MILKSHAKE ~$60覺得有點甜, 士多啤梨味冇咁自然, 而且有啲稀------------------------------由於太唔好酒, 我冇影朋友order既draught hahaha sor同埋唔太記得幾錢只知shisha 240一壺呢度嘅人唔會講嘢好大聲食水煙會被安排喺室外BAR台, 環境仍然有FEEL!!!!另外不得不提嘅係佢逢星期五有live Band, 正到一個點…查看更多

餐廳位於荃灣廣場3樓Hagendaz隔離，環境開揚，寬落舒適，落地玻璃睇到街景，而且岩岩新開，lunch hour意外地靜，咁就岩曬，唔中意太嘈既地方。台面有指示教客人點樣落手落腳炮製，而且有埋計時器，好貼心🤗炮製過程非常自由，除非你舉手request, 否則職員都會由你自生自滅。我地點左2個大阪燒。1。道頓堀特選御好燒2。年糕芝士。。。登登登登成品😄唔難整，個鑊又唔會令大阪燒好易燶！感覺上兩個味道差不多，而芝士年糕個個口感煙韌一點，一食中年糕，口感超級正！！😍推介！可惜芝士味冇乜。p.s. 唔中意食薑記得抽起紅色既薑先撈呀～叫左可樂乳酸、乳酸梳打，前者少似酸梅湯，但有點對我來說太甜，可樂冇乜氣🤔乳酸梳打酸酸甜甜唔會太甜，反而仲正。…查看更多

如題，第一次同幾個朋友食，好回味佢d勁新鮮既海鮮，隔左幾日同另一個朋友再去，總結係：兩個人慢食粥地火鍋，勁滿足真係！！！！呢個火鍋有別於一般火鍋，食完唔會感覺食左一堆唔健康既野。佢唔係任食，所有野點到即止，勁鮮甜，用湯底煮粥，味覺顛峰享受。細細間鋪頭唔會好嘈，最中意呢類小店。佢個次序係咁：Round 1: 海鮮拼盤round 2: 五種火鍋配料Round 3: 加爛飯落湯底變粥Ps 揀湯底配料時記得tick曬 粟米 南瓜 芋頭，會超鮮甜。...Round 1 ：海鮮拼盤 每次都未必完全一樣例如有時青口賣曬，會轉做花甲 第一round 每人最少7款海鮮，飽魚、青口、象拔蛑、蟹、蜆、魚 等等，不過除左魚同蜆，其餘海鮮，每人大概一件，好大件🤤🤤🤤小吃多滋味，真係鮮甜到漏🤧，記住唔好點豉油～...到round 2: 火鍋配料任揀5種，份量又係恰到好處，肥牛、麻薯丸必點！！！...Round 3: 海鮮粥唔記得影相，因為太好食勁綿勁鮮，上曬癮，開始飽，極滿足。唔夠可以自己加錢追加野食，但自問大食都好夠食了，埋單198免加一呢間鋪岩岩一開係full booking到傻，但依家大家冇咁一窩蜂，星期六即日仲book到位🖖🏼打到尾已經好想再食多次🤧超級推介真係:)…查看更多

旺角太多好嘢食，冇諗過求其入咗呢間18座車仔麵會食到啲高質嘢（我覺得）。鋪頭出面有部電視播緊TVB飲食節目，唔通呢間上過電視？anyway極肚餓，一支箭入左去，點左個三餸車仔麵，蝦子麵、雞翼、雞翼尖、韮菜餃。下次會叫菠菜麵，因為有菜，好似仲正。或者試下咩芙蓉麵。個湯底稱不含味精，已經加左分，飲落去，真係幾清豬骨味，又好夠味，大愛！！！ ！因為味精車仔麵真係如同食垃圾。。。而且我叫左辣，佢嗰種辣係融入左個湯底，勁惹味。至於雞翼同埋雞翼尖，非常嫩滑，又非常之入味；韮菜餃細細粒又勁香，總之呢間一定會有下一次！！！…查看更多

早兩個星期食完，一直未有時間打食評！但呢間真係要讚～呢間THE RIGHT PLACE餐廳較暗，唯一有個好大既螢幕發光，係到播d rock 歌，但唔會太嘈，好岩三五知己黎吹水食飯！==============================Bar黎講，先講野飲，叫左兩個cocktail，分別係classic papaya 同my cup of tea ，好有surprise，無諗過會用咁得意既外表上碟！！Classic papayaCute到爆中式燉盅style，內藏cocktail and一粒粒真木瓜，仲配舊木瓜奶凍，好cute !!!!!! 但有呢個外表就expect食落去係木瓜糖水😹😹😹搞到食落有酒味覺得怪怪的，個人認為木瓜唔太夾酒精。奶凍微微甜冇乜味～👉🏽👈🏽My cup of tea我朋友既my cup of tea，有分冷熱兩杯，員工建議先喝熱，再嚐冷。熱的一杯似茶mix酒，味道涼涼，唔太岩我😛，凍的一杯似提子味酒，似番杯cocktail  ============================好啦講野食，因為好正！endorphine just exploded!!!!北海道帶子菠菜沙律（＄148)雖然沙律黎講好好貴，但呢個夠濕做前菜好正；帶子大大粒，輕煎到好香😭士多啤梨好甜，仲食到truffle同醋整既汁，成個菜好開胃！The right place 拼盤（＄298)一上碟真係，開心，有：炸雞、蠔、炸軟殼蟹，甜酸黑毛豬腩肉，黑松露粟米。炸雞皮脆肉嫩，LIKE！個蠔勁鮮，LIKE TOO！利申我好驚腥。蟹有少少咸，食唔乜到鮮味。豬腩肉，好好食，同個酸酸甜甜既汁勁夾，係芒果味既汁！日式照燒茄子 美國安格斯牛肉芝士漢堡 （＄128)個人本身唔中意burger，覺得太heavy又重味，但呢個茄子burger好有日式味道！個茄子燒到岩岩好非常juicy，連burger食勁夾，好似人地d大燒菇咁，但更香更多汁。塊漢堡排好鬼厚😹但一啲都唔乾，有淡淡牛香同濃濃芝士味；薯條薯味真係勁香，又脆，m記無得比🤗！！兩條友咁食法真係飽到不堪，雖然唔平，但真係好滿足，一定會有下次！下次一定會試佢有個菠菜芝士Taco，好吸引。what a gd night!!!…查看更多