道頓堀御好燒專門店 (荃灣廣場) (已結業)

餐廳位於荃灣廣場3樓Hagendaz隔離，環境開揚，寬落舒適，落地玻璃睇到街景，而且岩岩新開，lunch hour意外地靜，咁就岩曬，唔中意太嘈既地方。台面有指示教客人點樣落手落腳炮製，而且有埋計時器，好貼心🤗炮製過程非常自由，除非你舉手request, 否則職員都會由你自生自滅。我地點左2個大阪燒。1。道頓堀特選御好燒2。年糕芝士。。。登登登登成品😄唔難整，個鑊又唔會令大阪燒好易燶！感覺上兩個味道差不多，而芝士年糕個個口感煙韌一點，一食中年糕，口感超級正！！😍推介！可惜芝士味冇乜。p.s. 唔中意食薑記得抽起紅色既薑先撈呀～叫左可樂乳酸、乳酸梳打，前者少似酸梅湯，但有點對我來說太甜，可樂冇乜氣🤔乳酸梳打酸酸甜甜唔會太甜，反而仲正。