十六座車仔麵

旺角太多好嘢食，冇諗過求其入咗呢間18座車仔麵會食到啲高質嘢（我覺得）。
鋪頭出面有部電視播緊TVB飲食節目，唔通呢間上過電視？anyway極肚餓，一支箭入左去，點左個三餸車仔麵，蝦子麵、雞翼、雞翼尖、韮菜餃。下次會叫菠菜麵，因為有菜，好似仲正。或者試下咩芙蓉麵。

$47

個湯底稱不含味精，已經加左分，飲落去，真係幾清豬骨味，又好夠味，大愛！！！ ！因為味精車仔麵真係如同食垃圾。。。
而且我叫左辣，佢嗰種辣係融入左個湯底，勁惹味。至於雞翼同埋雞翼尖，非常嫩滑，又非常之入味；韮菜餃細細粒又勁香，總之呢間一定會有下一次！！！