eatsleeppoo的个人专页

ICC 101 要上101樓可能未必個個識揾個位上去但如果話係田舍家嗰層就應該有印象。從Sky100 dining嘅電梯上。帶花椒麻味嘅象拔蚌刺身，味道清爽，口感爽脆松葉蟹蟹膏 配琵琶蝦，有種和風，中日菜嘅感覺。忽然令我聯想起上一道象拔蚌，如果琵琶蝦都換上刺身蝦，應該更開心😂金沙日本南瓜南瓜自帶天然甜味，表面乾爽亦無多餘油份。菜膽包翅，比較清甜的做法，食完金沙南瓜後清一清個口。豉油王花竹蝦 比外表出色，蝦殼脆到可以輕易離殼 用刀叉食無問題，入面蝦肉都好夠味。清蒸海瓜子班依度蒸魚唔錯，蒸得剛好，大家異口同聲一讚👍🏼忌廉汁魚子 配花膠嘅做法相信大家都唔陌生，但炸花膠確實少見一點，依樣烹調手法用於花膠上而不油膩都係一項挑戰。主要以忌廉汁調味，汁夠厚但略欠層次底蘊，當然再調整也不難。視為新菜式品嚐可以😌瑤柱扒豆苤，瑤柱絲好足，中式常見嘅蔬菜類菜式。原隻鮑魚燒賣，賣相吸晴，下面嘅燒賣都唔錯。鹿兒島豚肉炒飯，夠乾身冰糖燕窩，傳統簡單做法，不太甜，作尾無負擔。場地上位置優越，海景 多房間 有得唱K 適合大夥人派對活動。…查看更多

之前嚟食過地層鐵板燒，當時個人認為質素可以，無特別。但據聞九龍城嘅餐廳嚟講 大部分人都話三和敘OK，今次就好即興咁去試佢二樓嘅壽司！由於夜咗去 都無留枱，好多食材都賣晒 無廚師發辦。雖然剩低選擇唔多 但突然太想食壽司嘅關係，就散叫 問師傅有咩推介，點知 係出乎意料哋好食！蠔，新鮮，充滿海水味魚子生牛肉他他賣相討好，味道可以。紅酒鮟鱇魚肝依個係我食過油脂最高嘅魚肝，入口即化開。紅酒亦有中和多餘油膩感之作用，要食！👍🏼忘記咗邊款魚，但好重煙燻味 好香 👍🏼皮剝魚連魚肝剝皮魚成日聽，但師傅話呢款叫皮剝魚。上面係皮剝魚魚肝，食落口感似白子，但無白子嘅腥味。夾埋一齊 好食到要再叫！第一次食，印象深刻。上面兩款都忘記了，其中一款係黑睦魚(?)兩款都好食！赤身個人一向鐘情赤身，尤其唔腥之餘，再熟成過夠濃味又唔需要花巧。醬油漬嘅做法同赤身產生獨有「唸唸」嘅口感，不似大拖羅般純粹的追求油脂。👍🏼鯖魚卷依個係特登叫師傅做嘅，正正因為試完前面嘅壽司，有信心 先大膽叫。做到好食鯖魚卷嘅地方唔多，但好食的 是非常好食！對上食過好食嘅係Saito。好多時其他店的，不是酸味蓋過魚味，就是鯖魚腥。今次 都係水準之作，考唔起Vincent師傅👍🏼玉子 / 葱拖羅小卷玉子 布丁口感，不太甜👌🏼葱拖羅小卷才是內有乾坤 壓軸的主角。本來應該是一道平平無奇的卷物，但用新鮮現切的日本葱，配上大拖羅去除筋後做成的蓉，被釋放的油分多到滴出嚟，絕對看出師傅的用心 誠意 要求，看不出來的美味食完同Vincent師傅傾咗陣，原來佢由開店至今喺度都四年幾，今次食得好急 好臨時(因為9點幾先食)，但都無失水準，有經驗 淡定 對食材純熟。 所以雖然今次散叫，都睇埋Set個Menu，抵好多，HSBC / 恆生 信用卡仲有85折😱不過 一定要預早訂枱，因為師傅按預訂人數 預備剛好嘅食材，仲有一定要Vincent師傅 (因為我兩星期後再食，唔同師傅招待有別🤐)…查看更多

依間平時好夜凌晨見佢門口都多人坐低食火鍋同點心今次嚟但廚房10:30PM就收咗 無哂炸嘢叫唔到蜆介鯪魚球 餐前小食得返炸魚皮就skip小食啦叫咗大份手切牛，加$1 配鹹菜胡椒豬肚火鍋湯底，湯底舀咗幾碗飲，食埋啲豬肚👍🏼居然兩人食唔哂，因為都叫得多嘢。手切牛 牛味OK，係瘦啲有咬勁啲，但肉質尚算腍，食落其實似牛柳應該都幾啱炒嚟食，如果火鍋就唔好淥太熟。我個人都偏好食手切本地牛，貪佢唔肥肉味濃，反而肥牛和牛嗰類我mmd。珊瑚蚌桂花蚌雙拼，幾鮮甜👍🏼山東羊肉唔錯，有少少🤏🏼羊膻味👍🏼魚皮餃好大粒，咬開啲肉汁流晒出嚟，味道唔錯👍🏼火鍋我鐘意食脆骨腩，不過就唔係度度有同好食。依度看似細細舊，食落都爽脆，係要小心啲碎骨。棉花魚肚好棉！好食！雞子、什菜、鮮淮山就正常嘢啦唔洗講有回頭嘅食店😆👌🏼…查看更多

YouTube睇完”有啖好食”介紹依度嘅叉燒之後一路都想嚟食嘅不過一嚟呢度唔叫易book 大圍又遠啲就唔啱時間去堂食所以第一次食係買外賣返去食嘅可惜叉燒之類招牌菜都唔做外賣而且外賣同堂食水準都有別無可比性必然要嚟再食過今次都係咁啱經過 夜晚9點幾walk-in10點半要交枱 得返一個鐘快食想食嘅叉燒 燒味 當然都售罄另外部分懷舊 失傳菜之類都要提早5日留定所以最好一早想食乜就打去留定咁就算夜咗去食都唔驚今晚叫嘅 整體都唔錯👍🏼蝦子魚唇煲剛好二人份量，雖然唔叫好入味，但個玻璃芡掛大大塊魚唇同花菇幾正好似食花膠咁豉油王炒鮮魷鮮魷火侯炒得剛好沒有過熟，沒有多餘油份和水份👍🏼薑蔥生腸魚卜煲魚卜煲係我見親都必叫嘅煲仔菜之一，足夠的薑蔥令佢沒有絲毫的腥味，魚卜爽脆，生腸微焦，惹味👍🏼腐竹白果生熟薏米豬肚湯一盅舀到4-5小碗，無味精味，作為是日例湯 正👍🏼蒸南非鮑魚$9x 一隻大南非鮑魚喺出面食嚟講算價格相宜，上碟都好細心講究，不過作為平日有街市買開餸下煮嘅，蒸鮑魚唔考功夫自己都做到，可以考慮叫吓其他功夫菜🤭蕃薯糖水 最後送嘅下次會再嚟試埋叉燒 荔芋臘味盒 金沙日本南瓜🤭…查看更多

好耐之前食過一次覺得好食一路都想再返嚟因為平時出邊想食好少少 都起碼要三千蚊個頭 仲未計飲酒🤑加上西餐法國菜日本嘢好似來來去去都無乜驚喜同衝擊 大同小異咁 🥱反而變咗想食吓其他嘢例如依間米芝蓮一星嘅韓國菜 感覺菜式上變化會多少少 無咁悶 唔係純粹單靠食材新鮮 而係會粗菜精造價錢相宜 服務誠懇周到 裝修設計簡約乾淨環境舒服座位闊落 等等所以整體上真係好滿意 個人體驗覺得好過好多得個貴字同好多人盲目追捧到長期預約困難嘅揾笨餐廳。如果諗唔到/訂唔到餐廳的話，呢間誠意推介啊～🫡🫰🏻第一道係栗子粥，幾特別。之後就係魚子加無花果，幾開胃清爽。白魚薄切 配上青瓜 梨，同樣係好refreshing。然後就係一個類似豆乳冷面 配黑松露，我鍾意依個多過MORA嗰個冷面 haha。Grill fish 就正常嘢啦，無咩記憶點😂跟著嗰款之前係人參雞，依家就因為季節性而轉咗少少做法。炸雞都係依度signature dish，但要add on $188 5pcs，我覺得加$118 3pcs試吓就好，唔係就太飽，裡面仲有啲炸蓮藕，雖然我最後都打包食埋～鮑魚同西冷煎得啱啱好，仲配埋飯同配菜，相信男士都會足夠飽🤭👍🏼Apple Sorbet 清清個口就食甜品啦。記得第一次嚟食個甜品好正，可惜轉咗menu，但依兩款都唔差，係花生醬雪糕 同Crème Brûlée 。佢係一支有汽嘅生米酒，店員好耐心咁介紹呢支酒嘅故事，甜得來酒精度唔高，適合女仔飲🤤…查看更多

一場嚟到何文田睇吓有咩好食見到呢間專賣牛腩 身為牛腩愛好者 無理由唔一試粉麵一向少食 多數叫淨餸叫咗古法牛雜、崩沙腩同牛筋牛雜我朋友幾鍾意，而我就還好，因為啲牛腸太肥，成口都係肥膏。崩沙腩都係中規中矩，偏瘦肉質略為硬，我朋友覺得一般，可能我怕太肥膩，所以夠牛味我反而覺得可接受。牛筋可以叫，夠腍夠入味👌🏼唔知係咪因為好少成碗粉麵叫嚟食，反而真係會試真啲本身個餸 牛筋腩嘅質素。冇留意粉麵價錢，不過豐儉由人最緊要符合期望同合理啦。…查看更多

朋友好鍾意依間超老牌酒家，話食海鮮同蒸魚唔錯 所以介紹嚟食。辣酒花螺湯汁襯熱飲咗兩啖都唔錯，有啲芽菜、菇、粉絲。粉腸魚卜煲幾正，兩樣食材本身都鍾意食，魚卜夠滑唔腥，粉腸都係要襯熱食就好粉好軟腍一凍咗就硬。雞蛋焗魚腸出色過彪記，魚腸唔腥，另外再加啲胡椒粉一齊食，值得叫。本來想問魚缸仲有咩魚，佢話全部同一種 得返星斑。傳統啫啫煮法雖然”Really not my thing” 因為好怕煮到柴嘅雞肉，豬膶都有啲過熟。但雞煲比陳根記好。不得不說菜乾豬肺湯幾好，料足，豬肺乾淨好食。整體食物OK，不過有心理準備環境會有🪳…查看更多

聽聞呢間大排檔以前喺沙田禾輋嘅露天冬菇亭好出名，而家搬咗去石門做室內。都差唔多12點就收舖，一場嚟到嗱嗱臨趕住點嘢快食。佢招牌嘅頭抽雞賣晒冇得食，阿姐就介紹佢哋嘅Wasabi手撕雞，另外再叫咗炸蠔餅、海鮮雞煲、川芎蒸魚雲。成晚兩個人叫咗四樣嘢，炸蠔餅係最值得食嘅。呢樣係佢哋推介食物之一，但我就一般般我冇乜掂過，手撕雞我都係鍾意食厚興瑜記多啲。個人認為大排檔就唔應該叫雞煲，偏偏嗰晚就突然好想食，就中伏啦。其實望落都似炒小菜多過煲，比較乾身冇乜汁唔夠惹味。同埋雞煲都係辣嘅好食。佢海鮮份量都好足，有蜆、蝦、魷魚同斑塊，另外落咗好多洋蔥同三色椒。如果醬汁放多少少轉紅洋蔥煮到腍身吸晒啲味會更好～ (依樣都係去返一品雞煲食啦)川芎蒸魚雲可以👌🏼蒸得啱時間都幾滑，鍾意食魚嘅我一人之力清得哂成碟。點解叫可圈可點係因為我相信佢有佢做得成功嘅菜式，只係嗰晚唔好彩叫唔中。少少後悔當時唔知冇叫到芒果一口脆同榴槤甜品。頭抽雞又賣晒。其實服務幾好，環境都好寬敞枱又夠大，鍾意佢吊起晒每道菜嘅名同相喺天花板有啲感覺～未嚟過食嘅來一次試吓無妨，但未必會刻意再回頭。🫡…查看更多

好耐之前有個朋友介紹嚟呢度食生蠔，今次都係即興Walk in～叫咗Seafood platter、南瓜藜麥羽衣甘藍沙律、生蠔同牛扒。牛扒好似係得一款，應該係西冷，塊扒來貨質素幾好配得上價錢。兩個人其實都食唔晒最後要打包走，啲牛翻熱依然好食～ 配四杯餐酒或者$65無酒精飲品可以優惠價點生蠔，真係幾抵，生蠔質素亦都唔差，肉質算肥美。個人食生蠔最鍾意配洋蔥紅酒醋，佢居然真係有整體質素同服務水平中上，贏在性價比，餐廳環境有種香港舊式扒房嘅感覺。…查看更多

初次去揾入口會有點困難入口比較隱蔽附近是出名吃中東印度菜的New Punjab Club類似穿入一條直巷 再左邊一條後樓梯上推開門就是復古英式格調氣氛裝修都很好 有雪茄房第二次來 兩次都幾乎要試哂menu上的cocktail不過與本人酒量同鍾意試唔同嘢有關🤭Cocktail來說 唔差 有啲款特別 有啲一般但唔試又真係唔會知邊款特別Menu上面無相睇同埋OpenRice上面啲相已經係舊cocktail menu的相 無從參考🤷🏻‍♀️我指住OpenRice上面幾款賣相OK的諗住叫都無但啲名 邊杯打邊杯都唔會記得了😅其間一杯想試吓啲Gin 所以點了Gin Tonic小食OK，我鍾意肉丸夠辣！另外第一次用佢洗手間我一入去有點驚嚇因為係單向玻璃 一邊去廁所一邊望住出面啲人又好驚出面望唔望到我都唔知去唔去好雖然正常應該唔會嘅 突然覺得自己見識少🫠…查看更多

久仰大名的廚師發板 慕名而來去得呢啲餐廳食預咗無得講性價比因為唔會為「抵食」而嚟 但品質一定有保證可惜除咗禮貌性鞠躬動作以外其他都認為無乜特別Araki San俾人感覺較為嚴肅但淨係個名氣點都要嚟一試嘅座位不多 印象中只有8個Corkage嚟講自己帶酒唔抵索性喺度叫SakeSake選擇唔多 點了RYU’S DAIGINJO($2800)類似十四代偏甜嘅味純粹喜歡食飯要飲酒高興先叫否則可以省卻 或者忍一陣轉場先飲 食物應該形容為樸實的江戶壽司做法(?)主要以本地魚嘅新鮮 同手握壽司技巧為賣點我要求咗少飯 可能壽司份量少一點但整體上腦海中真係無一樣特別驚艷同埋原來無甜品記得臨走時感覺都未算飽平時我去其他地方食就算叫少飯 仲要有飲酒正常一係好飽 一係食唔晒所以我就唔會Overrate啦🙈…查看更多

除咗懷舊同特色的裝修仲有一份難以形容的人情味雖然不少人對陸羽的評價都很參差兩極但喜歡的人就是非常喜歡不時來到訪跟天香樓一樣哈哈我是提早一兩日致電留位的對答禮貌 服務招呼很周到之前是特意外賣白肺湯也有中午來過吃點心這次回來吃晚市也是很滿足身為90後 不太了解朋友口中舊時的味道但菜式確實是繁複考功夫的 心機耶👍🏼白肺湯湯料很足 豬肺洗得乾淨荔蓉香酥鴨邪惡但我食咗勁多炒菜心用新鮮菜炒杏仁露加咗蛋白 同合桃露食到不加糖的原味 很喜歡這裡我每星期來都可以啊🥰…查看更多

其實是2021年6月份去的那時候新開張所以去一試由於都隔太久了 持平一點我本來不想評論太多就裝修環境而言 絕對值得去打個卡但也許不太適合兩人晚餐約會也看得出來其他客人都是為朝打卡而來當晚食物跟雞尾酒都很一般 性價比不高傾天也不太自在 感覺是互相聽到鄰邊談話一訪可以的…查看更多

之前食過佢嘅ʀᴏᴀsᴛᴇᴅ ᴄʜɪᴄᴋᴇɴᴛᴀᴋᴇᴀᴡᴀʏ都覺得好食 好過ʟᴏᴜɪsᴇ一直不能忘懷好想再食返所以晚市一開返就即刻ʙᴏᴏᴋ果然無失望 環境ᴄʟᴀssʏ ʙᴜᴛ ʀᴇʟᴀxᴇᴅ 環境燈光靚影食物相都靚鍾意佢擺盤精緻但唔花巧枱同枱之間距離夠 傾偈同坐得都舒服烤雞只提供原隻上 佢哋話係3-4人份量但其實我哋認為2人都食得晒紅白酒都係餐廳經理推介個人認為白酒不錯 但紅酒要ʙʀᴇᴀᴛʜ唔啱即飲服務超班 臨走送嘅係ʙᴜᴛᴛᴇʀ ᴄᴀᴋᴇ同個ᴍᴇɴᴜᴍᴜsᴛ-ᴛʀʏ ᴀɴᴅ ɢʀᴇᴀᴛ ᴅɪɴɪɴɢ ᴇxᴘᴇʀɪᴇɴᴄᴇ 👍🏼…查看更多

叫咗商務午市套餐食物精緻 最好係個羊肚菌竹絲雞燉湯 夠香夠清花膠份量足但菜單有改善空間四個人分別都認為太飽整體上龍景軒較出色而且上菜速度偏慢但服務招呼很好 環境坐得舒服甜品本應是芒果布甸 轉咗元肉桃膠糖水…查看更多