dj0319的個人專頁

好多日本嘢都係貴得來唔抵食今日經過依家好多朋友都試過嘅日本餐廳終於可以試一試！晚餐時間餐廳都真係幾多人食物款式有好多！最吸引同埋最著名嘅應該都係卷物！呢度嘅卷物真係超多款，而且好多都好特別。就咁睇個名都未必知材料係啲咩，要睇埋下面嗰行🤣我哋一於選擇三款壽司,一個沙律同埋天婦羅，樣樣都試一試。柚想蝦你 $78顧名思義當然主角係柚子和生蝦🤣但係配菜都好豐富！有好多牛油果，蘋果，車厘茄，蔬菜都好新鮮。超級開胃，柚子同醬汁都酸酸甜甜，好清新嘅感覺。而且份量都唔少👍🏻推介！雜錦天婦羅 $78天婦羅拼盤包括三款天婦羅：海老天婦羅，秋葵蝦肉天婦羅，迷你甜薯天婦羅。全部天婦羅都好酥脆，而且熱辣辣，配上醬汁口感不錯。最特別嘅係秋葵蝦肉天婦羅！本來以為係青椒之類，冇諗過秋葵入邊竟然仲有蝦肉！好有心思而且好特別。到左最期待嘅壽司😍鰻魚牛油果卷 $65好食推介！呢個size啱啱好👍🏻鰻魚配上牛油果呢個配搭冇得輸！配上鰻魚醬汁，所有嘢都好夾。估唔到普通壽司都咁好食。特色卷物蜘蛛 $88 金龍卷 $88蜘蛛同金龍卷上嘅時候真係有啲嚇親😂壽司嘅擺盤都咁有心思，打卡一流。仲有啲花做裝飾，真係幾靚🤣除咗賣相好味道都當然唔錯啦！金龍卷嘅材料有炸蝦芝士三文魚。炸蝦香脆，三文魚都幾新鮮，個人覺得芝士好好味，芝士香滑軟熟，一啖咬落個壽司所有嘢都可以融合晒，而且口感豐富，醬汁都好夾。蜘蛛嘅材料包括軟殼蟹青瓜牛油果蟹柳，超豐富呀！一件嘅份量都會比較大，絕對夠飽。同炸蝦一樣軟殼蟹都係好香脆，而且真材實料，軟殼蟹都幾大。配上青瓜牛油果蟹柳感覺會比較清新，冇咁膩。整體來講對於今餐都好滿意！食物質素唔錯而且價錢都幾親民。款式又多，下次仲可以繼續試其他菜式！…查看更多

今日嚟到黃埔站，一出地鐵站就見到好多人圍住排隊，原來有間川菜，心郁郁見咁多人想試吓🤣地點真係超方便！午餐時間有午餐套餐，不過佢見到滋味二人套餐有多啲嘢食，而且我哋又好肚餓，所以就決定食好d，揀呢個二人套餐！😍🤤椒麻皮蛋個賣相真係超級超級吸引！我個朋友見到張相都問我係邊度食🤣蒜蓉味同椒麻味都有👍🏻啱晒重口味人士🤣香麻嘅感覺好正，唔算太辣，所以我唔係好食得辣嘅人都完全食到！而且個皮蛋仲係糖心，超正外面晶瑩剔透，彈牙口水雞我哋仲食咗個口水雞個辣汁同芝麻😍😍佈滿成個口水雞，超足料啊！口水雞仲要係用雞腿雞翼同埋附近嘅位置，肉質好滑而且雞嘅份量超級多！完全唔吝嗇作為冷盤好開胃惹味👍🏻酸菜魚酸菜魚上枱嘅時候我哋真係嚇親！點解可以咁大碟😂😂😂真係唔係我誇張，對比落其他盤就可以見到有幾大，同我哋張二人枱有得比超級多酸菜魚，魚片香滑嫩口，酸菜味道開胃，而且我好鍾意食入邊嘅萵筍！好爽口而且份量好多。食到好滿足，而且湯汁送飯一流！超級推介👍🏻👍🏻👍🏻紅糖糍粑甜品係另一個胃最後梗係要食返個甜品先滿足啦！完全估唔到呢個糍粑咁好食熱辣辣新鮮出爐，外脆內軟，入面係好似年糕咁煙煙un un，外層沾滿黃豆粉，再點落黑糖漿，好好食！有少少似平時食嘅黑糖蒴餅嘅感覺，不過多咗層香脆嘅外層而且熱辣辣👍🏻如果有空間絕對建議大家都食🤤總括來講今日完全係發現咗一個新嘅好地方，冇諗過呢度嘅嘢食咁好食，完全出乎意料之外。食咁多嘢呢個價錢性價比都幾高，而且呢度嘅川菜比其他高級地方更加好食。一定會再encore👍🏻…查看更多

呢間餐廳黎過兩次，經常bookmark同friend 黎因為好啱打卡而且食物唔錯！而且每次黎都有啲唔同，今次近萬聖節，所以啲裝飾都好有萬聖節氣氛！👻🎃而且差唔多兩點都仲係勁多人！Lunch set 性價比高！睇個食物名其實都唔會知食緊乜，要睇埋下面嗰句先明😂套餐包括一杯嘢飲，加少少錢仲可以有餐湯或者沙律，小食同埋甜品。因為記得Pizza🍕係好好食所以決定再encore！另外試樣新野冬陰功虎蝦扁意粉🍤飲品蜂蜜紅茶，另外叫咗杯紫薯latte (+$28)次次都同啲碗打卡🤣精緻得來有共鳴🤣冬陰功虎蝦扁意粉 $128/set有三隻大虎蝦！虎蝦一啲都唔馬虎，質素超高！好大隻，而且肉質彈牙！cafe黎請質素算好好👍🏻味道方面，有好多香蒜同埋少少辣椒，惹味香口，有啲辣，不過越食越上癮👍🏻意粉質地都煮得唔錯，軟硬度啱啱好。Pizza $118/setPizza個名太長所以都唔想打出嚟😂個人推介pizza！👍🏻👍🏻👍🏻薄底好香脆，個底做得好好！上面鋪滿芝士，好邪惡而且佢調嘅醬汁亦都好好味，配上雞腿肉，材料好足料，而且整體好夾。特飲可以減$20，紫薯latte 入面嘅紫薯係超足料！好重紫薯味！杯飲品一啲都唔甜，無添加，好健康！而且薰衣草色好靚😍蜂蜜花茶都唔錯，暖下胃，花香味好治療。整體來講餐廳裝修靚，食物質素高，同朋友嚟傾吓計打下卡唔錯👍🏻👍🏻會再返嚟食👍🏻…查看更多

大圍多小食就係人都知，有好多茶餐廳車仔麵等等，開咗間韓國餐廳喺呢度好唔同！成日都見到好多人排隊。之前食過一次覺得好抵食而且有好多款，所以今日決定再encore!午餐menu嘅款可能係數一數二最多嘅餐廳🤣有水冷麵，炒粉絲，焗飯，泡菜炒飯等等等等係咁多款入邊我哋揀咗甜薯咖喱吉列豬扒飯同埋大醬黑豚粉絲鍋最正嘅嘢係可以追加小食，每款小食嘅價錢都好平，而且可以無限追加，令到午餐更加豐富！我哋加咗泡菜，涼拌大豆芽，牛油雞翼😍每款$10，正！泡菜同埋豆芽酸辣酸辣好開胃！而且豆芽爽脆，分量都唔少，兩個人食一定足夠。香蒜牛油雞翼外脆內熱，香蒜和牛油味都有👍🏻性價比高。下次可以試埋其他追加小食👍🏻大醬黑豚粉絲鍋 （$62）呢道菜喺餐牌上有兩個辣椒，的確有少少辣。不過辣得過癮。呢道菜係配上一碗飯，個湯送飯一流。而且入邊嘅配菜都唔少，有豆芽蘑菇同埋翠玉瓜。主角黑豚肉好嫰，好食！值得一讚嘅係個鍋上菜嘅時候d湯仲係滾嘅，即叫即煮熱騰騰！甜薯咖喱吉列豬扒飯 （$62）份量超大而且睇落好吸引呀！塊豬扒好大塊，而且個吉列皮唔會太厚，脆脆地好香口。豬扒肉質鮮嫩，厚身得黎容易咬。咖喱少少甜甜地唔算太辣，再配上流心太陽蛋撈飯，好正。推介👍🏻午餐套餐仲包括飲品，選擇都唔少㗎。我哋揀咗紅棗茶同埋熱檸茶。下次應該嗌凍飲啲嘢食會冇咁辣🤣午餐呢個價錢性價比超高！食物質素不錯仲有好多款式，而且仲有平靚正嘅追加小食。一定會再嚟👍🏻…查看更多

Monday not blue~星期一獎勵自己食餐好今日終於食到 The Captain’s House，之前一直都想試吓呢度環境唔錯，坐得舒服。裝修精緻，而且我哋坐緊窗邊位，仲有得睇風景！主菜之前，我哋選擇左一個前菜 Crab cake $108強烈推介👍🏻👏🏻真心幾好食👍🏻外層香脆得來入面啖啖蟹肉！而且我覺得上面嘅醬汁好味，配上蟹肉味道更加豐富嚟到呢度一定要試吓呢度最出名嘅海鮮！我見每一台都有嗌🤣Seafood Platter A $398我哋揀咗檸檬牛油醬汁海鮮就分別有青口，蝦同埋蜆一開始見到呢個樣都有啲嚇親🤣好大個網好大個袋😂完全同平時嘅seafood platter唔同嚟到嘅時候服務員會先shake個袋搖勻醬汁一打開仲係熱騰騰嘅👍🏻而且好貼心仲有手套，乾淨衛生海鮮份量都多，青口，蝦同埋蜆都好新鮮，海蝦肉質彈牙配上檸檬牛油醬汁我覺得好夾，而且入味，令到海鮮更加惹味而且除咗海鮮，仲有其他配菜例如粟米，薯仔和香腸，所以都夠飽👍🏻Ink risotto $118主食我哋揀咗墨魚汁八爪魚魷魚意大利飯墨魚汁非常香濃，而且好重芝士忌廉味海鮮份量都不少，有口感配上車厘茄更開胃，賣相更吸引意大利飯口感比較硬，粒粒分明，不會過淋Apple pie $88最後食埋甜品好滿足！新鮮出爐嘅蘋果批配上朱古力雪糕冰火交融嘅口感好正蘋果份量非常多，酸酸甜甜，上層嘅金寶蘋果批亦都很鬆脆牛油味亦非常香仲有生果作點綴滿足的一餐👍🏻Mojito (左）Pineapple on the floor （右）$58/glass兩杯無酒精飲品估唔到都不錯👍🏻本身以為會好甜但係都唔會，我嗌嘅pineapple on the floor 菠蘿果汁酸酸甜甜，好開胃Mojito青檸味較重，比較清新而且賣相好靚，仲可以打下卡🤣…查看更多

喺呢個MK嘅潮流商場入邊搵到呢間好得意嘅餐廳無論店外店內來都好多打卡位！連餐枱上面嘅餐巾都印有圖案，趣味十足，而且好有心！仲要好有共鳴😂餐牌嘅名超有創意，要睇埋下面嘅材料先清楚知道食咩🤣呢度嘅氛圍令人食得好開心好啱同朋友聚餐！餐牌總類多樣化，沙律Pizza飯麵都有，主打泰式fushion菜😍香茅雞翼 (half)半份有8件單骨雞翼，單骨好方便食，亦都更加入味！炸得好香脆，外脆內軟，最緊要係上菜嘅時候熱辣辣，好惹味！今次我哋試咗避風塘味，香辣香辣，味道不錯，越食越想食。記得抹咀嘴墨魚卡邦尼配巴馬火腿個名超搞笑，但係又真係好中point😂因為食完真係會成個咀黑晒😂平時通常見到墨魚汁意粉或者卡邦尼意粉，未見過combine🤣雖然用咗墨魚汁，但係卡邦尼意粉嘅味道都唔會被蓋過，好balance，又幾夾。忌廉同埋墨魚汁嘅味道都食到👍🏻意粉嘅texture都值得一讚👍🏻有口感，煙un得來唔會太硬。巴馬火腿份量都大。整體不錯😋冬陰功大蝦比薩個人超推介呢度嘅Pizza😋味道同埋質感都好出色。薄身pizza，個底好香脆！芝士勁rich，多到可以拉絲！冬陰功味都好出，fusion得來都保留到泰式風味。而且材料都好豐富，除咗大蝦爽口新鮮之外（而且每件Pizza都有大蝦！），配埋車厘茄，菇，洋蔥，味道開胃又好味！呢個食物質素唔錯，而且環境靚，又有創意，啱晒打卡。見到6:00開始已經越來越多人！下次同朋友聚會可以再encore👍🏻…查看更多

一直都聽過呢間人氣餐廳 大家都話唔錯一路都好想試因為自己都好鍾意食crepe😋今日終於成功朝聖啦😍地點超方便喺尖沙咀K11平日中午12點來都有唔少人食緊有好多唔同款式都覺得好吸引心大心細最終同朋友揀咗一款鹹點一款甜點，兩樣都可以試晒，再嗌左兩杯飲品Matcha Latte作為抹茶lover嘅我超鍾意抹茶味濃，奶泡細嫩香滑，唔會太甜拉花加分👍🏻French soda - Pina Colada天氣太熱都要嗌返杯凍飲消暑Pina colada平時係cocktail，估唔到作為french soda咁飲好清新，酒精換上梳打更加解渴易入口，適合所有人！菠蘿味酸酸甜甜，配上椰香，夾得來又開胃，夏天飲最適合不過！最期待嘅crepe終於嚟啦！😍本身以為食crepe會唔夠飽，點知嚟到好大份好足料！Crepe St. Jacque 秘製瑞士芝士汁配黑松露帶子見到cashier擺咗呢個crepe嘅相就俾佢吸引咗！本身自己鍾意食甜嘅crepe多啲，所以都好想試吓鹹嘅會係點，結果係出乎意料之外咁好食！首先真係超級足料，雖然呢個crepe係比較貴，但係係值得嘅！帶子真材實料，而且係超級多粒，基本上每一啖都一定食到。一切開個crepe帶子係多到會跌出嚟🤣帶子肉質新鮮，而且佢哋嘅瑞士芝士汁好香滑，再配上黑松露係面，好正！佢哋嘅crepe皮亦都值得一讚！佢哋每一份crepe都係用兩塊crepe皮，令到份量更加飽肚，亦都更加滿足！而crepe皮薄得來有口感，有蛋香，一啲都唔會粗糙！果然名不虛傳👍🏻Butterscotch Apple Crisp蘋果金寶配奶油醬及香草雪糕作為鍾意食甜品嘅我，呢個食完我已經念念不忘🤣佢將我最鍾意食嘅嘢配埋一齊🤣甜點一樣係咁足料！蘋果本身已經好香玉桂味，上面嘅脆脆有好濃郁嘅焦糖味，一啖一齊食，就好似食緊蘋果金寶咁。再配上焦糖醬，整體嘅焦糖味好出。再加上香草雪糕，令整體味道更加balance，唔會太膩。值得一讚嘅係個雪糕係超好食，用上movenpick👍🏻今日嘅午餐真係好滿足🥳呢間絕對值得再嚟食過！…查看更多

大圍開咗間新嘅川菜！好開心本身好鍾意食酸菜魚而且地點超方便喺地鐵站一出就係！今日終於嚟試吓午餐Menu性價比超高，價錢唔貴而且都好多選擇好方便佢係用QR code去點餐，而且上菜速度好快一入去吸引我嘅仲有佢嘅口罩套同埋隔板，印有佢哋自家嘅熊貓公仔，好有趣我當然選擇左酸菜魚，朋友就揀咗口水雞天氣咁熱，我哋額外多咗個小菜涼拌青瓜午餐套餐中包括一碗飯和飲品首先每位客人佢都附送一碟前菜，係涼拌木耳一啲都唔馬虎同hea，有四川嗰種辣味而且帶啲酸，好開胃而且又過癮川式口水雞 ($65)午餐份量一啲都唔少！聞落已經好香，個醬汁調得好好，我地嗌左少辣，麻得黎唔會太辣，個辣油好惹味，加上芝麻，整體好夾，有四川風味。雞嘅肉質鮮嫩，不錯！而且個飯超大碗，餸飯一流！酸菜魚 （$68）真係超超超大碗！唔係講笑😂呢個份量似出面晚餐兩至四人份量好正！好滿足一樣嗌左小辣，酸辣味道配合得啱啱好連我唔太敢食辣嘅都接受到👍🏻魚份量多而且好嫰滑，仲有萵筍和大量酸菜！自選跟套餐的飲品涼拌青瓜夏天食呢個真係好開胃！涼浸浸嘅青瓜配上辣嘅四川菜一流！勁多蒜粒好惹味！青瓜新鮮爽脆👍🏻呢間川菜比我預期中好，而且午餐性價比超高！座位闊落而且地點真係好方便，一定會再嚟食過！…查看更多

尖沙咀又有新餐廳！呢間韓國餐廳係好多嘢食嘅厚福街，好方便入面嘅裝修好似韓國嘅大排檔好有特色！我特別鍾意洗衣機嘅裝飾，好有味道啱晒打卡😍食物方面都有唔少選擇，而且好有韓國風味而家冇得去旅行真係好掛住韓國嘅美食🥺今次試咗兩款街頭小食餐廳先送上兩款前菜魚糕同埋泡菜，酸酸辣辣，好開胃！街頭魚糕串串成日見韓劇入面啲人係街邊食，終於有機會試吓！唔好睇少呢個medium size，入面份量都幾多！而且有超多唔同款嘅魚糕，有魚糕串串，有圓形粒狀，有類似魚肉春卷，一次過滿足晒食魚糕嘅願望！而且仲有白蘿蔔👍🏻好豐富魚糕皮煙煙韌韌，越食越有味道。附送醬汁，點上魚露汁更加好味。而且成個鍋送上，好有街頭味道，而且熱辣辣！炸紫菜粉絲呢個有驚喜！呢個睇落似炸壽司原來餡料係粉絲！又幾好食喎！外面炸得好香脆，整體好夾好香口！配上魚露汁更提鮮。作為小食不錯！下次仲想試埋部隊鍋同埋其他嘢食！…查看更多

星期一monday blue梗係要食返餐好嘅晚餐放咗工之後嚟咗呢度好多嘢食嘅大廈H8去咗呢間好出名嘅西餐廳😋除咗dinner set仲有A larte carte Menu，唔少選擇。見到dinner set包沙律，湯同飲品，我哋兩個人嗌咗一個dinner set同埋a la carte左幾個小食🤤一開始會先上麵包同埋湯麵包有三款，每款都好食！牛角包鬆化牛油味香，長條餅乾香脆，綠茶包煙韌👍🏻餐湯一啲都唔Hea，南瓜湯feel到到好足料，好香濃嘅南瓜味，而且好濃郁，湯亦都好滑，唔錯！香煎紅鯛魚田園沙律估唔到set嘅沙律都咁大份！沙律菜新鮮配上青檸蜜糖油醋汁好清新開胃！而且仲有車厘茄陪襯賣相唔錯，紅鯛魚鮮嫩，魚皮煎過更加香！而且厚身有口感。烤燒大啡菇，焗釀北海道帶子、虎蝦意大利飯伴龍蝦汁主菜值得推介！高質！意大利飯底係大啡菇，好大件而且新鮮多汁！意大利飯配上龍蝦汁好味，意大利飯熟度啱啱好，唔會太硬或者太軟。虎蝦爽口，帶子經過香煎牛油味香，兩款海鮮都新鮮，作為點綴不錯！整體意大利飯配埋大啡菇口感豐富👍🏻法國鴨肝凍批配焦糖梨好正呀成大舊鴨肝！！鴨肝係凍身嘅，好香滑而且鴨肝味好香濃！可以當醬搽上麵包。值得一讚嘅係麵包好香脆！配上鴨肝好match! 而且唔會咁滯！明太子雞翼上菜嘅時候熱辣辣，外脆內軟，入邊裝滿飽滿嘅明太子🤩好正！而且雞翼肉質嫰👍🏻旁邊嘅係芝士醬，配上芝士醬別有一番風味，令到明太子雞翼嘅味道更加豐富。整個餐廳俾人嘅感覺都好放鬆，係傾偈嘅好地方。而且每道菜都配上好多沙律菜，健康而且賣相靚。地點方便坐得舒服而且食物質素高，係值得支持嘅黃店😊…查看更多

大圍又多一間新餐廳！終於有韓國嘢食！平日下晝2:00嚟到竟然仲要排隊，就知道佢人氣有幾高🙈不過好快有得入座👍🏻睇到本Menu超厚，午餐菜式都有超級超級超級多！😂選擇困難症真係好難揀😂拌飯烏冬粉絲炒飯水冷麵真係咩都有咁滯，仲要每樣都有唔同嘅款式，午餐來講真係好誇張🤣午餐包一杯飲品，而且仲有得追加唔同嘅小食，大部份都係加$10，可以一試👍🏻今次我哋加咗三款小食，每樣都係$10-$15，正正🤩涼拌大豆芽 +$10新鮮爽脆嘅豆芽配上泡菜汁，酸酸辣辣，好有韓國風味🤣作為餐前小食好開胃！芝士夾餅 +$15熱辣辣嘅芝士夾餅，入邊嘅芝士仲係溶嘅，份量唔會太大所以唔使驚好飽或者好滯脆香牛油雞翼 +$10最推介嘅小食👍🏻性價比高，超級新鮮炸出嚟，外皮好香脆！終於到咗主菜😋辛辣茄子牛肋焗泡菜炒飯 $68鋪滿可以熱溶咗嘅芝士好邪惡好吸引🤩泡菜汁令炒飯辣辣地更加香口牛肋骨肉質嫩而且份量大👍🏻北寄貝水冷麵 $68有好多北寄貝🤩 爽口新鮮湯底清涼，味道酸酸地，超級開胃冰冰地嘅湯底同埋冷麵，夏天食簡直一流！一樣份量超多，都幾飽肚而且出面都好少食到性價比高嘅水冷麵雖然食飯時間限時，但係午餐性價比超高抵食👍🏻款式多而且味道都唔錯，仲有好多小食選擇，坐得都舒服而且地點方便！一定會再嚟過👍🏻…查看更多

中午喺尖沙咀搵午餐，發現難得喺商場入邊嘅抵食午餐！午餐有好多唔同嘅選擇，全部都好有越南特色。價錢都係$60至$70左右仲送咗湯同埋飲品，坐得舒服可以同frd傾偈，性價比極高！而且嘢食真係都好好食！今次我哋嗌咗大蝦菠蘿飯同埋香茅燒豬頸肉撈檬，額外再嗌左個牛油雞翼。香茅燒豬頸肉撈檬 $65雖然係午餐但係豬頸肉嘅份量完全唔吝嗇！超足料！肉質鮮嫩，燒過嘅豬頸肉更添炭燒味。重點係個醬汁，呢個撈檬汁好出色，好香青檸味，味道好開胃好清新，比起出面嘅醬汁係有啲唔同！大蝦菠蘿飯 $78呢個菠蘿飯份量唔係一般嘅多，係超大份！食唔晒🤣三隻大蝦彈牙爽口，菠蘿飯材料豐富除咗三色豆之外，仲有好足料嘅菠蘿火腿等等！菠蘿酸酸甜甜好開胃。菠蘿炒飯味道香口，口感粒粒分明，以呢個價錢算係十分不錯。而且外貌好靚可以打卡😂牛油雞翼 $78超級邪惡嘅牛油雞翼！表面有勁多炸蒜！！好正。雞翼好香脆，牛油味超濃，見到個底有超多牛油汁。而且雞翼熱辣辣，肉汁豐富。好食！越南滴滴咖啡 （套餐加$8）呢個咖啡值得加$飲。咖啡好香，唔係一般嘅港式咖啡，真係有越南嘅風味。而且睇住佢滴落嚟好治療。跟餐飲品總括來講，喺尖沙咀返工嘅我一定會再嚟食呢間餐廳。今日大概12:30到，唔使排隊，不過坐坐下陸陸續續就好多人。喺商場入邊環境衛生幾好，衛生措施都做足，坐得舒服，最緊要價錢合理嘢食好食！性價比高…查看更多

冇得去旅行嘅時間就係不停咁揾唔同國家嘅美食黎試今日就試吓呢間商場入邊嘅西班牙菜裝修好企理，空間大，坐得舒服Menu選擇都好多，好多傳統嘅西班牙菜都有！我哋揀咗個tapas同埋西班牙最出名嘅西班牙海鮮炒飯，仲有churros，一嘗西班牙嘅風味一開始會先俾我哋nachos (不過是要收費的 $40)等嘢食嘅時候都冇咁悶鵝肝蟹肉燕麥餅配黑魚子醬 $148值得一讚賣相好靚👍🏻鵝肝同蟹肉嘅份量都好多鵝肝呈上嘅時候仲係熱騰騰好juicy，好味！蟹肉鮮甜，蟹肉配上魚子醬令味道更加突出燕麥餅香脆，整體配搭口感豐富！西班牙海鮮飯 $288應該係西班牙最出名嘅一道菜？🤣兩個人完全食唔晒一份，後來才發現原來有半份(店員冇提醒我哋😣)兩個人記得嗌半份🙈分量大，足料海鮮有大蝦青口魷魚，仲有唔少辣肉腸增加口感同出面有少少唔同，飯比較黏身味道OK，辣肉腸令飯更加香口惹味Churros 吉拿棒 $58期待的甜品😊一直都好想試吓西班牙churros賣相好靚！旁邊有朱古力醬可以自己倒Churros 好香玉桂味！！口感香脆！但唔會過硬，而且仲係熱騰騰。加上糖粉，朱古力醬，忌廉一齊食仲好食！食完飯食甜品更滿足 :)餐廳內仲有drink and wine menu，讓人舒服地chill下整體餐廳環境舒適，好啱坐低傾吓計地點亦都好方便喺商場入面！放咗工搵個方便舒適嘅地方坐低呢到都不錯。…查看更多

呢間Cafe一路都bookmark左，一直比佢哋嘅髒髒茶吸引到😍但遲遲都未有機會嚟，今日終於一嘗所願，可以試到啦！一入到去覺得個環境好靚，仲有一啲打卡位，門口仲有對窗嘅bar枱位，無諗過樓上嘅旺角Cafe都係咁舒服。我同朋友揀咗坐入面，裝修都好精緻，坐得舒服而且衛生都做足！Lunch Menu都有幾多選擇！仲有健康嘅10穀飯！啱晒我哋兩個女仔😚套餐仲有送湯同茶，加錢可以升級其他飲品。我哋另外再嗌左沙律同Egg Benedict😍好豐富🥰🥰 每樣嘢食賣相都好靚，好有心先介紹最出名又最想試嘅飲品！紫薯髒髒鮮奶 套餐 +$14淨係賣相已經好正！打卡一流！而且靚得來仲好好味面層有真嘅紫薯粒同埋紫薯奶蓋，可以就咁食飲落紫薯味好濃郁平時出面嘅紫薯飲品紫薯味唔會咁出，但呢杯真係好有紫薯味鮮奶好香滑，奶味都好出整體好夾，唔會太甜布蕾黑糖珍珠鮮奶 套餐加$14飲落第一啖已經好驚訝！口感好正，味道好有好味嘅奶味第一層係燒焦過嘅焦糖之後嗰層嘅鮮奶奶蓋真係超級rich同滑！！中間係鮮奶，一樣係好香奶味最底層係黑糖珍珠，煙韌，入味！軟硬啱啱好！層次好分明，撈埋一齊飲黑糖味會均勻啲真心好味！估唔到Cafe食物方面一樣出色，out of expectation蕎麥大蝦牛油果沙律配百香果汁 $108沙律份量都幾大百香果汁酸酸甜甜好開胃，好清新，而且醬汁都足夠，啖啖都食到大蝦好新鮮，爽脆彈牙配上牛油果藜麥同埋蕃茄，健康飽肚沙律最緊要係啲菜都夠新鮮爽脆粉粉荷蘭汁配松露巴馬火腿benedict $108流心蛋生熟剛剛好，超級流心！👍🏻材料分別有parma ham和火箭菜，配上上面少少黑松露醬，仲有非常出色嘅荷蘭汁，醬汁香滑，有少少似蛋沙律醬嘅味。整體好出色有機10穀飯配海鮮跟蕃茄汁 $98/set海鮮有蜆，青口同埋蝦10穀飯口感唔錯，粒粒分明，偏硬身有啲似risotto醬汁調得唔錯，蕃茄海鮮汁酸酸鹹鹹，有鮮味亦都開胃，而且融入到啲飯度幾入味跟餐嘅仲有洋蔥湯，餐湯一樣唔會馬虎，洋蔥煲到好林，入味香口兩個女仔喺度可以傾偈，影相，又有好嘢食！整體感覺好好，飲品嘢食都好味，一定會再嚟過！…查看更多

以前學生時期成日黎甜牙牙食糖水，今日黎到呢邊要回味下！多左好多唔同menu😁 經典心太軟，窩夫，棉棉冰，中式糖水，仲有pancake，芋圓! 我地兩個人，嗌左一個中式一個西式。椰汁燉桃膠 $36到左秋天要食返d滋潤嘅糖水，呢個係好選擇！黎到都算大碗，好足料，入邊有好多雪耳同埋桃膠，滿滿嘅一碗。椰汁唔會太濃，所以唔會太甜，幾香，配埋雪耳同埋桃膠好滋潤，暖暖地好啱呢個天氣！而且感覺比較健康又養生🤣朱古力心太軟 $55經典甜品唔會輸！一切開啲流心朱古力即刻流出黎，正呀！好香濃嘅朱古力味，而且即叫即做熱辣辣，(所以要預返15分鐘先有得食)，配上雲呢拿雪糕一凍一熱，口感一流！而且隔離仲有藍莓同埋忌廉可以一齊食，更加豐富。食完晚飯得閒嚟食個甜品都唔錯，性價比高，而且都幾多人好熱鬧。…查看更多