呢間韓國餐廳係好多嘢食嘅厚福街，好方便
入面嘅裝修好似韓國嘅大排檔好有特色！我特別鍾意洗衣機嘅裝飾，好有味道
啱晒打卡😍
食物方面都有唔少選擇，而且好有韓國風味
而家冇得去旅行真係好掛住韓國嘅美食🥺
1
今次試咗兩款街頭小食
餐廳先送上兩款前菜
魚糕同埋泡菜，酸酸辣辣，好開胃！
街頭魚糕串串
成日見韓劇入面啲人係街邊食，終於有機會試吓！唔好睇少呢個medium size，入面份量都幾多！
而且有超多唔同款嘅魚糕，有魚糕串串，有圓形粒狀，有類似魚肉春卷，一次過滿足晒食魚糕嘅願望！而且仲有白蘿蔔👍🏻好豐富
魚糕皮煙煙韌韌，越食越有味道。附送醬汁，點上魚露汁更加好味。
而且成個鍋送上，好有街頭味道，而且熱辣辣！
炸紫菜粉絲
呢個有驚喜！呢個睇落似炸壽司原來餡料係粉絲！又幾好食喎！外面炸得好香脆，整體好夾好香口！配上魚露汁更提鮮。作為小食不錯！
下次仲想試埋部隊鍋同埋其他嘢食！
