biscuitsting的个人专页

朋友介紹我去牛品，嗰度A5和牛柴魚壽喜燒好好味🤤 即刻同屋企人走去試吓。原來係現場版即刻整湯底，見到職員好努力炒啲配料，一陣陣嘅香味撲鼻，令我垂涎三尺😍😍套餐除咗有得order之外，仲有得自助拎台灣特色配料，有心內美，香芋包心上貢，大甲芋頭等等….仲有好多台灣嘅特色小食以及飲品應有盡有👍日本宮崎縣A5和牛😍😍油脂分泌均勻，顏色鮮美，擺盤非常之靚，啱晒一家大細打卡😍壽喜燒湯底甜甜地，搭配牛肉入口即溶，食唔停口😍😍特上牛小排，每一片都咁新鮮，冇雪藏味😍大大塊手切頂級封門柳😍都係任食，但係都唔好浪費阿～ 封門柳會比A5和牛有質地多一點，牛肉味亦都比較重，兩款我都非常鍾意😜自己亦都好鍾意食牛品嘅牛舌，大大片而且薄片，食落有口感，而且好爽脆😍除咗牛肉之外，亦都提供咗好多台灣嘅特色小食，例如鹽酥雞，米血糕，仲有必食嘅麻辣鴨血，非常嫩滑，而且入味😍仲有少少嘅時令海鮮提供，處理得非常乾淨，配搭壽喜燒更加鮮甜，尤其沙白，本身已經有蜆肉嘅鮮味甜味，加上壽喜燒湯底錦上添花😍😍一定要食牛品自家製嘅黑糖雞蛋布甸，比較硬身，而且唔會好甜，我一口氣食咗三個🤣🤣 然後我見到有自助嘅甜品區，加埋仙草芋圓桃膠，出面食都要幾十蚊一碗，非常抵而且好地道😍😍仲有Häagen-Dazs嘅雪糕，西班牙油條味非常特別，但係又幾好味，有啲似甜醬油味😆 仲可以自製綿綿冰，又好食又好玩10分我會比9分，首先店員嘅態度真係非常好，雖然佢哋真係好忙，但係遇到問題佢哋都好願意解答，而且見到有特別嘅食物擺盤好有心😍 食物嘅種類亦都多湯底嘅種類亦都唔少，好似去咗一次台灣咁😍下次一定會再嚟🥰🥰🥰…查看更多

海之戀好多食店，行到去3樓發現有一間新開的店，充滿成都風味。最近用腦都用得多😆馬上補一補😆單點價錢合理，盡魚頭$218，鴛鴦鍋揀了香辣（細邊），蕃茄（大邊），店員推薦蕃茄湯底好好飲❣️店員好熱心會幫忙分湯和介紹，湯底清甜，蕃茄味濃❣️ 飲完唔覺得口渴，原來已經係1996年已成立。仲要係一次性現炒鍋底，每一鍋都係29年前的老味道😱醬香型鍋底，香氣撲鼻，仲唔上火💕大過掌頭的盡魚頭其實魚頭都好多肉，肉質鮮嫩面珠墩肉最好食，又滑一人一半 ，又試到蕃茄又試到香辣味，兩個味道都有特色，蕃茄帶出魚頭嘅鮮味，香辣味魚肉更惹味既然湯底唔上火，咁當然係食響鈴啦，響鈴吸入湯汁，蕃茄濃湯嘅精華，更顯出響鈴嘅淡淡豆味😍😍 垂涎三尺，食唔停口😍今次選嘅蔬菜亦都係為咗食唔上火的湯底而設，娃娃菜同金菇新鮮，亦都可以吸入大量湯汁，提升蔬菜嘅鮮甜味道😍😍 朋友就喜歡香辣金菇，而且湯底唔係太油，食得好過癮魚滑$138 份量亦都多兩個人食覺得有啲飽😆 但係爽口彈牙，香辣更勝一籌安格斯牛肉$168 擺盤很精緻用心，而且牛肉鮮嫩，每人都食到5-6塊左右，沒有太大嘅雪藏味道，香辣及蕃茄都好食😋10分我會比7分，本身自己係一個好鍾意食魚嘅人，而且湯底真係好鮮甜返到屋企都冇覺得好口渴，店員亦都好主動幫手落菜落火鍋中，配料嘅款式亦都很多，約埋三五知己嚟食可以食點款式，因為配料份量都唔少，而且地點方便食完之後仲可以喺海邊行吓又近西鐵站🤣…查看更多

放假一定要同朋友食返餐好嘅，今次同朋友去到旺角食放題，一出地鐵站就到超級方便😍😍自助熟食款式多，小龍蝦，蟹，鮑魚都有 冷盤亦不缺少，而且新鮮爽口款式種類繁多，生嘅熟嘅應有盡有，而且材料亦都唔敷衍非常新鮮擺盤亦都好靚，非常高級黑松露油甘魚壽司，魚子醬龍蝦沙律珍寶熟蝦壽司，真材實料😍魚籽池魚王薄切新鮮鮮甜，完全唔腥放題必點刺身刺身肉質鮮甜，三文魚和油甘魚油脂充足，啖啖肉處理得好好沒有魚刺仲有松葉蟹刺身，一大隻蟹腳蟹鉗，淡淡海水味，鮮甜亦都新鮮三文魚籽松露魚生杯可以一試，口味特別仲有多款熟食，胡麻醬燒左口魚邊壽司入口即融，焦糖鵝肝壽司必試，有一層脆脆焦糖，鵝肝肥美特濃芝士醬燒皇帝蟹棒壽司，芝士味名副其實御品鮑汁燴花膠仲有手掌咁大嘅花膠，補身一定要食多幾份，食材吸入御品鮑汁，更加鮮甜，充滿骨膠原，而且唔咸脆皮紅燒乳鴒王熱辣辣新鮮嘅乳鴿，外皮特別香脆而且乳鴿都算大隻唔會冇肉食😂😂 覺得唔夠飽嘅都有粉麵飯可以食款式繁多，我地叫了一份牛肉烏冬，細細碗唔怕食唔晒會浪費，又可以試吓味今晚嘅重頭戲：馬來西亞極品冷榴槤食落去軟綿綿好似食緊雪葩一樣，榴槤味道濃郁，榴槤愛好者仲有榴槤千層蛋糕，食埋個甜品非常滿足10分我會比7分，性價比高，愛食榴槤嘅朋友一定唔好錯過，食返幾舊已經抵過晒餐飯而且材料款式都比較多應有盡有，食材款式用料都比較高級…查看更多

高處欣賞街景，環境舒適，與朋友一同享受台式美食👍不同價位嘅套餐，多款不同的養生湯底，任君挑選🫶今次揀了藥膳椰子雞涮涮鍋😍一擺底已經聞到陣陣椰子清香味道，湯底好滑好濃😍台式地瓜條有四款調味粉俾你選擇，甘梅，麻辣，蕃茄，海苔，外脆內軟，熱辣辣🩷肉質新鮮🥰 實現牛肉豬肉自由，上菜非常快😱仲要一盤比一盤靚，油脂分佈平均，肉質鮮嫩，煮耐了都不韌😍😍😍時令海鮮，大大粒沙白，蝦彈牙大隻，吸入椰子湯更加鮮甜😙😙爆醬濃芝牛丸竟然可以任食😱 見過其他任食都要加錢或者有限制，即時同朋友食多5粒🤣🤣 濃濃芝士味，配上牛肉味濃的彈牙牛丸，吃不停口👍手工三寶丸（墨魚丸，豬肉丸，牛肉丸） 新鮮手打，丸類款式都超過10種👍必點花膠，打邊爐都非常養生🤣🤣趁機補一補👍 而且冇諗過花膠打邊爐可以咁好食，花膠吸入藥膳椰子，提升了花膠嘅鮮味，而且唔會縮水，彈牙而且不韌👍👍10分我會比7分，環境優美而且食物乾淨，比較少職員同你交流，因為佢哋都好忙🤣🤣 台式食物款式亦都比較多，無論酒類，茶類，凍或熱都有提供👍…查看更多

今日去到食日式燒烤，位於荃灣的燒烤堂，位置非常方便搵到，款式非常多，同埋朋友一齊聚餐，食到超飽😍😍😍肉類，蔬菜類，海鮮類，甜品飲品，酒應有盡有盡😍鹽燒和牛牛小排，厚切鹽燒牛舌拖羅，中切鹽燒牛舌心，鹽燒A四宮崎和牛，串燒熱辣辣，仲安排了個爐溫熱食物，好貼心😍😍 肉質鮮嫩，調味偏重，但是不阻擋濃郁嘅牛肉味道⋯爽口雞腎及牛胸爽必食，雞腎爽口沒有腥味，牛胸爽滿滿一大串，每一啖都充滿牛嘅油脂，豐富嘅骨膠原😍😍鹽燒A4宮崎和牛，入口溶化嘅感覺，而且保留了肉質嘅鮮嫩及水份，我同朋友都忍唔住再order😍鹽燒白鱔😍肉質彈牙，外皮香脆，調味剛剛好，可以帶出去白鱔嘅鮮味💙和牛棒配松露一口飯，將雞蛋芝士洋蔥攪拌混合米飯，一啖飯一啖和牛棒😍😍食法新奇有趣，和牛肉質嫩滑，配米飯後感覺Creamy，使和牛更滑😍雞皮墨魚滑，第一次見到這個食法，彈牙嘅墨魚滑配上脆卜卜嘅燒雞皮，口感特別😍必食味醂魚干😍😍 趁熱食同凍食都有唔同感覺，熱食比凍食甜，煙煙韌韌好有口感😍 凍食配酒 另一番風味😘食咗咁多肉類海鮮，最後配點小甜品，酸酸甜甜嘅菠蘿，有黑糖燒及蜜糖燒，個人喜歡蜜糖，因為冇咁甜，即時解膩🥰🥰🥰10分我會俾8分，員工熱情，唔怕麻煩唔怕問問題，上菜嘅時間亦都快，熱辣辣嘅串燒擺在面前，亦都有小爐可以保暖，款式多亦都新奇有趣。而且鍾意飲酒嘅朋友，燒烤堂提供好多款式俾你選擇，啱晒三五知己聚會好地方…查看更多

其實新鮮海鮮都唔使去到咁遠食，今次同朋友去呢一間，海鮮又生猛又新鮮，仲可以食埋蒸氣粥底火鍋😍今次食嘅套餐$398位，兩位起計，無論海鮮刺身亦都清洗得好乾淨，滿足到我這個懶人😂😂頭盤係象拔蚌刺身拼盤，象拔蚌鮮甜爽脆，配上各款刺身，開一開胃😍我哋另外叫咗一碟脆皮豆腐，原來熟食都咁好食，外皮酥脆，內裏軟心，但係要小心熱🤣唔好一口咬落去，趁熱食每一舊都有流心嘅感覺😍新鮮海鮮嘅第一道係波士頓龍蝦及瀨尿蝦，瀨尿蝦放上嘅時候仲生猛識郁😱 蒸海鮮可以保留到海鮮嘅鮮甜味，而且肉質非常彈牙，舊肉仲有我手掌咁😍 龍蝦肉好大嚿，一啖食落去非常滿足，就算用蒜頭醃咗先都唔會影響肉質🥰原來食咗龍蝦先係因為龍蝦頭可以拎嚟煮粥，而粥底喺我哋另外加錢配搭的，咁樣可以令粥底更鮮甜😍海鮮清洗得好乾淨，發現到海鮮會有配料，配搭出更好味嘅食法，非常用心，而且款式亦都多，仲有魚肉魚肉有骨，骨針大條唔係細骨，所以都容易挑出嚟😍粉絲吸入元貝嘅鮮甜，原來可以咁好味，雖然遮住咗元貝，但係都好大粒，大過一蚊銀😂😂😂鮑魚亦都係大大隻，蒸完出嚟亦都唔會好硬，時間安排得非常好😙再來係貝殼三寶，我覺得唔使點豉油，主要吃他的鮮甜味道沒有沙，蠔款睇落去好細隻，原來打開係非常飽滿，而且冇縮水😆😆其實食到呢道菜已經有啲飽，量唔多，但係每一道海鮮都好足份量，全部都係大大嚿肉😱蟲草蒸雞烏冬底，雞肉嫩滑每一舊都係雞肉，唔係俾啲雞骨你，蒸出來嘅蔬菜鎖住了水份，烏冬彈牙帶有一點點蟲草味道，感覺好養生😂最後一煲鮮甜嘅海鮮粥底就誕生了，非常暖胃，烏冬份量都幾多，兩個人食都足夠，我覺得煮出嚟嘅粥底可以三至四人食😂😂粥底綿綿，粥水冇另外加調味，海鮮已經足夠調味，出嚟食飯咩都想試吓，下次可能淨係食個烏冬就夠😂仲有甜品配送，食落去係仙草嘅味道，微微甜，感覺好清新🫶最後10分我會比9份，啱晒我呢啲懶人唔使自己洗海鮮，而且處理得非常乾淨，主要係新鮮，所以肉質非常彈牙鮮嫩，而且每一道餸都有職員幫手計時，完全唔怕海鮮蒸得太老，職員個個態度都好好，唔介意你問問題亦都樂意而且好主動🫶🫶🫶下次食海鮮都會過嚟幫襯❤️❤️❤️…查看更多

同朋友聚會，有時食多一陣都驚俾人哋趕，今次朋友搵到一間係4.5小時嘅打邊爐😆 時段12:00-16:15，任飲任食，而且兩點後入座仲有88折😆餐廳俾到乾淨整齊舒適嘅感覺給我，調味配料十足，飲品款式亦都繁多，任君選擇🤣🤣我哋今次揀咗Level three嘅套餐，鍾意食豬嘅朋友可以主要揀這個套餐，豬肉都沒有臊味，非常新鮮，沒有雪藏味道，牛肉亦嫩滑🥰有20款湯底可以選擇，款款都係養生湯，今次我哋揀咗藥膳養生花膠雞湯底，唔算太油可以飲嘅湯底，而且入邊仲有大大嚿花膠同大大嚿雞，飲完即時覺得充滿能量🤣🤘前菜亦都係order嘅，超過60款配料😱 樣樣都想食啲，建議食手打丸，粒粒都好彈牙，最緊要新鮮。舊花膠大嚿到呢…以為淨係湯底本身嗰嚿大，原來再order花膠嘅時候都係咁大嚿🤭鍾意食海鮮嘅朋友可以加錢配埋海鮮，因為海鮮真係非常新鮮👍蝦，脆肉鯇，鱔片，爽口彈牙，吸入湯汁更加鮮味😻最後亦都食返一杯Häagen-Dazs和Movenpick雪糕，打邊爐都可以食得好健康，而且時間長可以同朋友一路傾偈一路食，嘢食嘢飲嘅款式亦都多，我朋友揀飲擇食🤣🤣佢都食得好飽，10分我會比8分，環境比較舒適，門口接待亦都非常有禮貌同溫柔👍…查看更多

牛大人出咗黑白宴會做主題，一定要食靚牛今次揀120分鐘日本A4黑毛和牛火鍋放題，仲有澳洲M9和牛牛丸2粒 及 海鮮拼盤 及 任食鮑魚兩款主打養生黑白湯鍋😍黑金蒜皇土雞鍋和雪白御鮮豆腐鍋，今次揀咗黑色，人哋話黑蒜增強免疫力，最近好多人傷風我都係飲吓補吓先湯底非常濃郁，而且黑蒜湯採用生雞熬製，等雞熟咗之後個湯都可以飲，有淡淡雞湯味道，混合黑蒜帶來的甜味，打邊爐都覺得特別健康配合顏色而設計的特色食物，雪映山葵豆腐，蟹籽墨汁漿，鹽酥髒髒雞，藤香鮑魚豆腐，鹽酥美乃『雞』，魚香皮蛋豆腐，嘢食一啲都唔求其，味道十足🫶一定要飲嘅芝麻豆漿，豆漿濃郁，混合芝麻磨碎嘅粉，想像唔到再加埋珍珠原來咁好味，想頭髮黑必備參加party點少得啤酒？黑白啤酒半杯晨光．半杯暮色，混合少爺啤酒的Pilsner與Stout，酒精濃度唔高，打邊爐配啤酒有另一番風味日本黑毛和牛A 4+ ，伊比利亞黑毛豬梅肉，主要食呢兩隻靚肉，肉質鮮嫩油脂分泌均勻，一啲都唔老，大大啖，非常滿足澳洲M9和牛牛丸，吸入湯底味道更加鮮味，而且非常大牙，牛肉味重，同朋友爭住食套餐亦都有海鮮，海鮮亦都新鮮清洗得乾淨冇沙，非常鮮味，而且黑蒜湯配海鮮好夾，帶到海鮮嘅鮮甜味🫶食完咁多美食之後就要開動第二個胃😆餐廳推仙花雙圓，原來係仙草凍和豆腐花，涼浸浸食完打邊爐啱晒牛大人我會比今次八分，最緊要服務態度好好，而且食物都好乾淨，款式非常之多，亦都有自助配料飲品區域，亦都有唔同嘅雪糕可以揀，例如有movenpick,KitKat等等，上菜亦都齊全，熟食都一樣咁好味…查看更多

今日嚟到出名嘅牛大人實現牛肉自由新年前當然食返餐正㗎啦！今次揀咗A4+和牛套餐有九款湯底任你選擇，每一款湯底都味道十足，今次我揀咗麻辣湯底，冬天一定要食得刺激啲辣道十足，香味撲鼻，湯底亦都非常之濃郁除咗可以手機下單美食飲品之外，亦都提供了很多款式嘅邊爐配料，唔使去台灣都可以食到台灣嘅美食，而且有台灣嘅薑母茶數不勝數嚟到今日嘅主角日本黑毛和牛A4+ 油脂分布均勻，而且仲係任食唔限份量，未開始食得已經流口水除咗靚嘅和牛之外，仲有伊比利亞黑毛豬梅肉每一片都係上等嘅豬肉而且呢個套餐仲配送海鮮，有新鮮嘅生蠔 但係要煮熟嚟食喎 唔好腥臭味帶子蟶子都洗得好乾淨一啲衫都冇，而且好鮮甜，仲有可以續份嘅鮑魚，大家一定唔好錯過啊而且仲配送澳洲M9和牛丸，咬落彈牙，而且吸入湯汁，每一啖都有牛肉同辣汁嘅味道，越食越過癮既然話係台灣嘅美食打邊爐，點少得最重要嘅鴨血呢？非常軟滑，有口感，冇臭味，配上麻辣湯底真係食到停唔到口食完台灣嘅美食，點少得甜品作最後衝刺呢？除咗有Movenpick嘅雪糕，出面買都要20幾蚊一杯㗎，仲有四款口味俾你揀而今次KitKat作主題嘅雪糕，士多啤梨味會比較甜，朱古力味濃郁而不膩曲奇味嘅愛好者亦都要注意，有甜筒同雪條選擇10分我會比9分，因為除咗湯底多選擇之外材料亦都非常多選擇，就算唔同價位嘅套餐肉質嘅質素亦都有水準，而且仲有好多款台灣熟食同飲品提供，上菜嘅時間非常快服務員嘅態度亦都幾好，最緊要係價格亦都合理，而且牛大人真係好出名…查看更多

去旺角大街小巷入邊搵好嘢食😝見到舖頭有一隻貓貓，又見到係我想食嘅川菜 所以今晚晚餐就揀佢啦店內除咗小菜之外仲有燒烤同打邊爐，今次就食咗小菜先，試吓佢哋嘅川菜究竟正唔正宗😍必食必食酸菜魚👍分量2-3人，都幾抵食，魚肉都真係好多好大塊，配料主要是粉絲，酸菜，芽菜魚肉大大嚿，而且都幾入味，最緊要酸菜魚酸菜夠酸湯底夠酸😂比起平常嘅的確酸點，我同朋友都好鍾意👍湯底唔算太鹹，可以品嚐些少，魚肉嫩滑，而且魚骨不多，一兩條大嘅魚骨，食得好過癮😍食川菜點可以錯過口水雞？ 辣味紅油配上花生香蔥，非常惹味😍雞肉大大嚿，而且雞肉非常嫩滑，沒有腥味，沒有酸菜魚那麼入味，但是質感不錯👍另外挑選了他們的田雞乾鍋，配菜有土豆及芫荽，田雞的份量亦都不少，2-3人進食😍田雞肉美味嫩滑，配合他們的調味10分惹味及香口，外脆內軟，而且鍋底一直加熱保暖，田雞保持暖暖的狀態，沒有腥味👍最後吃了那麼多香口的食物、當然要配搭一些淡青菜，蒜蓉炒油麥菜，爽口菜甜，蔬菜都非常新鮮，好有鑊氣😍😍😍10分我會俾7分，地理位置都算方便，勝在老闆老闆娘態度非常好，不厭其煩，而且食物嘅味道非常惹味同香口，款式亦都多，而且仲有一隻可愛嘅貓貓，會再幫襯🫡🫡…查看更多

竟然比我喺荃灣搵到一間性價比好高嘅雞煲店，平時食雞煲都要出到旺角，今次呢間真係平靚正又大份，而且味道真係好特別🥰今次我哋叫咗一隻雞煲，但係份量多到覺得可以三至四人食，下次兩個人應該叫半隻就夠，因為佢入邊仲有好多唔同款式嘅配料，仲有好好味嘅串燒同小食😙一隻雞嘅雞煲，真係多到貼住個煲蓋😂今次揀咗金朝雞煲試一試佢哋嘅招牌味道，聞落去嘅味道有啲似咖喱魚蛋，如果鍾意食辣味嘅朋友可以要求佢加辣😍香味撲鼻，加少少辣更加惹味，聞落去似咖喱魚蛋，但食落口又唔係咖喱味😂😂鹹鹹香香，食食吓又會覺得有啲沙嗲味，又有啲紹興酒味😂😂個味道好特別，但係我真係好鍾意，超級開胃😂雞肉大大嚿，每一舊都食到好多肉，所以真係好飽，兩個人分一隻雞就食唔到咁多配料了🥲雞肉非常嫩滑，調味得好好，令到食物更加惹味一定要食佢哋嘅串燒，雖然有少少偏鹹，但係食材唔乾，鎖住了牛舌嘅肉汁，爽口彈牙👍食完雞煲仲可以打邊爐，豆腐串必食，因為會吸入惹味嘅湯汁😍牛肉新鮮，花紋都非常靚，識落油脂分泌均勻，揀材料一定揀可以吸入湯汁嘅食材，大大增加咗食材嘅鮮味🥰🥰🥰嚟到一定要試吓佢哋嘅特色飲品，菠蘿冰同紅豆冰，甜度適中，唔好見到菠蘿冰個顏色好似色素咁，其實係健康嘅石榴汁😍而紅豆冰奶味較重，红豆亦香甜👍10分我會比8分，因為佢哋嘅份量真係好多，而且個味道好特別好新鮮，材料都冇偷工減料，而串燒嘅味道亦都唔錯，店員嘅態度都好好，佢哋除咗雞煲之外仲有飯餐，抵食性價比高😙🫶…查看更多

今次同朋友嚟到荃灣悅來坊，俾我見到一間平靚正性價比超高嘅火鍋店😍鍾意食鰻魚嘅朋友，千祈唔好錯過佢哋嘅風味烤鰻魚，鰻魚外皮脆卜卜，鰻魚肉香甜鮮嫩，二人份量剛剛好，佢哋嘅麻辣湯底好正宗，令人胃口大開😍牛肉豬肉羊肉雞肉，樣樣都俱全，肉質鮮嫩，食落唔會好似紙皮咁樣👍佢哋連刺身都包埋，刺身都好新鮮，唔會有腥臭味，而且三文魚係厚切，食落啖啖肉，仲可以無限追加，食返夠本👍👍海鮮鮑魚都可以任食，打邊爐食鮑魚真係好彈牙，而且鮑魚吸入麻辣嘅湯汁，鮮香味提升👍鍾意食辣嘅朋友一定要試吓😻除了海鮮刺身，仲有好多熟食，佢哋嘅串燒亦都拍得住出面買嘅，最主要係熱辣辣咁上，唔會凍晒先俾你食，而且款式非常多👍壽司亦都係包羅萬有，燒拖羅壽司，花之戀壽司，黑松露帶子壽司等等都有得食👍👍刺身最緊要新鮮，唔會有雪藏味😍食完打邊爐唔使搵糖水舖，佢哋嘅甜品款式多到嚇親我，亦都有好多榴槤味嘅甜品，甜品嘅份量唔係好多每一款都可以試吓，熱嘅凍嘅都有，非常推介佢哋嘅班戟同薄餅，皮薄餡靚甜甜嘅感覺🥰💋10分我會比8分，佢哋每一項食品嘅款式都10分多，每一項都起碼有五款以上俾你揀，而且嘢食都係熱辣辣，刺身都非常新鮮，店員態度可以接受，同朋友一齊食個便飯係一個好選擇，而且仲有一人鍋🥰👍…查看更多

想食烤魚嘅時候都要去荃灣呢一間店，環境舒適，食物味道唔差👍今次揀了魽魚原條，原條兩個人食都非常足夠👍入邊有豆卜，芽菜和芫荽芹菜等等…味道香濃，再加一啲配菜，一個豐富嘅晚餐🥰魚肉比較厚實，而且魚骨真的比較少，大骨有幾條，可以食到啖啖魚肉嘅感覺👍魚肉非常新鮮，唔會霉霉爛爛😂而且魚肉冇經過油炸，完全可以睇得出魚肉嘅新鮮程度😍我哋加咗一份牛肉，牛肉嘅口感嫩滑，薄薄一片牛肉，混合湯汁鮮味👍享受濃湯最緊要點寬粉，可以吸收湯汁，又鮮又辣嘅口感，而且寬粉彈牙，會吃上癮，愈食愈開胃🥰佢哋嘅李乾萍果好清甜，1L嘅份量兩個人飲，而且非常解辣👍10分我會俾8分，魚肉新鮮真係好緊要，正宗嘅烤魚味道十分濃郁，重口味朋友仔必食👍職員態度都唔錯，環境亦都非常舒適👍…查看更多

No.1九龍城火鍋牛肉刺身都非常高質😍😍一試愛上，每一樣都有自己獨特嘅味道每一樣都咁好食，而且材料真係非常新鮮👍如果心大心細唔知想食啲咩？佢哋有個好優惠嘅套餐，啱晒一班朋友一齊嚟食😍除咗火鍋套餐，亦都有刺身套餐👍十分推薦試吓佢哋嘅招牌牛精鍋😍濃郁嘅牛肉湯底，湯底入邊有牛肺，牛肚，牛尾等等…如果平時都鍾意食牛雜嘅朋友真係唔好錯過😍超級新鮮嘅刺身，海膽入口即溶，甜而不膩👍海鮮入口清甜味道，原來喺火鍋店都可以食到咁好味嘅刺身，而唔係放題嗰種👍我哋仲揀咗本地手切肥牛雙拼，有頸脊和肉眼邊，頸脊比較厚實，牛味比較重，而另一款油脂比較多，食落口感嫰滑，一次過可以試曬兩隻牛肉👍特選牛脷，厚度適中，彈牙有煙煙韌韌嘅感覺👍如果鍾意食海鮮嘅朋友一定要食佢哋嘅白鱔片，本身以為係脆肉鯇，睇落大大塊😂鱔肉彈牙而且冇腥味，處理得好乾淨，而且亦都唔多細骨鍾意食爽脆彈牙嘅朋友可以揀佢哋嘅珊瑚蚌，吸入牛肉味嘅湯汁，令到珊瑚蚌更加鮮甜💋第一次食即炸響鈴，上菜嘅時候響鈴仲係熱嘅，非常香脆，而且不油膩，有靚嘅湯底一定要叫響鈴，完全吸入湯底精華，而且唔會咸👍👍10分我會俾9分，店員態度真係好好，不厭其煩咁樣解答你嘅，上菜時間都算快，而且好新鮮。對比起喺九龍城食飯佢哋嘅價錢都非常合理，而且質素都好高👍👍下次一定會再食…查看更多

尖沙咀好吃台店，牛肉質素唔錯，台灣嘅美食，琳瑯滿目，種類繁多😻價錢亦都由牛嘅等級分別，而我今次揀咗中等價錢，邊款可以食120分鐘，可以慢慢食😻半自助式嘅火鍋店，有唔同嘅小食，例如青瓜，雞翼尖等等…最緊要嘅滷肉飯點可以少得呢😻搭配各種不同嘅調味料，啱晒唔同口味嘅人士😻打邊爐嘅配料真係好多種，除咗台灣出名嘅丸類，仲有不同嘅蔬菜，響鈴，炸魚皮都應有盡有😘這間食店是我去過嘅台店中，特式小食款式最齊全的一個，一定要食炸地瓜球，滿滿的餡料，外皮非常，甜而不膩😍仲有豬耳，糕渣，蝦，同埋必食嘅鴨血，一點也不腥，配上麻辣醬汁，口感又辣又滑好過癮😍😍牛肉脂肪分明，薄切但牛肉味道濃郁，吸入湯汁更香口，而我最鍾意係佢哋嘅牛舌，爽口彈牙，而且唔會好韌👍湯底我揀咗雲林黑蒜雞湯鍋，第一次見這種配搭，而且黑蒜對身體好，打邊爐都要打得健康😂湯底濃郁，鮮雞湯嘅味道，有淡淡的蒜香味，感覺唔會太鹹，蒜香味更增添食材嘅味道😍如黑蒜食落去的感覺是甜甜的，有少少似麵豉🥶非常開胃💋十分推介佢哋嘅雞肉，就算打邊爐都唔會老，肉質彈牙，嫰滑，食唔停口😍😍 每件雞都好大嚿肉，好食到我同朋友一人一碟👍最後一定要食台式糖水😍仙草紅豆最緊要係芋丸😻口感冰涼，食一碗透心涼👍10分我會俾8分，店員嘅態度非常好，食物都比較新鮮，而且種類繁多，唯獨是上菜的時間較慢，但係慢慢食都幾好嘅👍👍…查看更多