之前我好鍾意去元朗既Omakase 始祖既壽司之神，其實相信鍾意食Omakase既大家，都唔會陌生，應該都知道其中一位老闆加師傅最近係尖沙咀亞士厘道開左間新店 -- 志，而我又有機會Book到，就趁今次介紹下俾大家😍🍣🍶🍙🥢雖然我係超級唔鍾意坐ORDER枱食OMAKASE，因為個感覺會成件事唔同左，但當日有啲特別原因，最後都要坐ORDER 枱，好彩有間房坐。起初會擔心會唔好食同埋紫菜會淋晒唔好食，但好彩師傅都有考慮我地食客既心情，同以前係壽司之神一樣，4件4件上，以至食物質數絕對保證到，我可以講到目前為止，計坐ORDER枱，志暫時係最唔失水準既一間。當日我叫左佢地既Set - 13 貫 @$360 另外叫多一個卷物魷魚—魷魚與飯中間加咗紫蘇葉，食落清甜可口，肉質仍然爽脆，再加上肉質有少少黏黏地，煙煙韌韌，不錯。帆立貝— 感覺好新鮮，上面加咗檸檬皮，加上赤醋飯，肉質彈牙，開胃之選。間八— 又叫鱆紅魚，師父切得較為厚身，食落去比平時嘅口感更佳，其實食咗呢件，我真係諗會唔會師傅比錯咗夜晚嘅貨我哋。😂😂金線鯛—金線鯛係屬於白新與嘅一種，主要食口感，佢嘅肉質比較煙韌，魚味濃，越嚼越有咬口而味道更加濃。個人比較喜歡呢款！醋青魚—呢款我都好鍾意，因為佢真係好新鮮，比起平時食嘅肉質較實肉，魚味濃郁甜美！正！銀雪魚— 銀雪魚都係其中一款我好鍾意嘅壽司材料，師傅將佢輕燒，迫左魚嘅油份出嚟，非常之可口，我本人今餐最鍾意呢件，完美！鰹魚—呢款我個人感覺普通，唔肯定係咪做咗醬油漬，無腥味，唔係師傅面前就會有呢種無知！🤣🤣😛😛腦天—即係吞拿魚嘅天靈蓋，其實係好少有。感覺佢冇咁肥，魚味較腩位濃，都好食。應該都做左小小熟成，味道都好特別。魚子軍艦—對於一個唔係勁鍾意魚子既人，呢道係超好味，漬得好鮮甜，最重要係枱上，塊紫菜仍然好趣脆。海膽—今日海膽唔算太特別，其怪係有種塑膠味，甜甜地，本人覺得中等！火炙左口魚裙邊—平時油香會勁d ，今次好似冇咁油香，感覺普通，比起另外一次係志食有分別。火炙拖羅—呢款係大家都想像到既好味，肥美，油香，入口溶化！大滿足！到第十三貫—好特別既係客人可以選擇自己係頭12件最想食多一次既Encore!! 我原先選銀雪魚，冇晒，跟住腦天，都冇晒，後味俾師傅幫我決定，最後都有銀雪魚，但部位似魚背，加小小海膽，都好好食，只係小左點腩位香味，都不過不失！滿足！最後，其實大家都已經飽晒，但同友人大家都想食個拖羅卷，所以以呢道作結尾！卷類配上赤醋係好特別！非常好味！總括來講，我好滿意！其實今次係第二次來食，但兩次都要坐枱，想唸住等Bar枱先寫食評，但都係等唔到，所以都寫左先，下次有機會坐bar枱可以再寫，層次應該會唔同！講番食後感先，我係志食order 枱，對我之前既感覺係完全改觀，因為我覺得佢地keep到水準，唔會差太遠，比起壽司之神，有過之而無不及！ 我相信開始我都會冇咁介意坐order 枱！另外，志既師傅既做法比較注重原材料味道，無太多加工，非常岩我口味！ 師父話，夜晚既熟成再高層次，期待！ 另外，環境非常舒服，望著海景食壽司，真係一件勁賞心樂事！鍾意既朋友記得要試下，最緊要預早BOOK位，Bar 枱得好小位，有時都好FULL！
…查看更多
…查看更多
