foodtraveller10的个人专页

同朋友慶祝生日，想搵間有格調嘅餐廳食好西，就book咗呢間法式餐廳試吓佢地sharing menu。餐廳環境優雅，燈光柔和，好適合同朋友慢慢食、慢慢傾🥳🟡 SERIOLE油甘魚刺身用柑橘醃過，入口清新帶微酸，魚肉鮮甜得嚟又有層次，配埋刁草油，個味道balance得好好！🤩🟢 TARTARE DE BOEUF牛柳他他卷，牛肉嫩滑得嚟帶少少刺激感，外面脆脆地，口感好豐富，好食到想encore！😍🟣 LANGOUSTINE龍蝦肉好爽彈，配牛油果同雞尾酒醬，清新得嚟又帶微甜。.🟤 VOL AU VENT估唔到呢度可以食到咁傳統嘅法式菜！酥皮鬆化得嚟唔油膩，裏面嘅羊胸腺同羊肚菌醬汁好creamy，菌香好突出，高級感十足！😍🔵 POULET JAUNE招牌烤雞皮脆肉嫩，雞肉juicy得嚟仲有香草味，配埋吸晒雞油精華嘅越光米飯，真係食到停唔到口！🤩⚪ PATISSERIE最尾仲試左佢地自家製甜品，檸檬撻酸甜平衡，撻皮夠脆；朱古力慕斯濃郁滑溜！…查看更多

同朋友食飯敘舊，諗住搵間樓上餐廳舒舒服服食餐飯，就咁啱搵到呢間，見到個晚市二人優惠套餐，好似ok，就即刻叫咗黎試下。🟡 黑松露薯條呢個我每次見到都必叫，因為我好鍾意食薯條😂😂薯條夠晒新鮮熱辣又大條，配埋個truffle mayo都好正。🟢 意大利火腿蘑菇薄餅因為好想食pizza所以就叫咗，Pizza餅皮外面鬆脆內裡煙韌，芝士、火腿同蘑菇呢個配搭真係冇得輸，而且食落口唔會太大負擔，我同朋友都好鍾意。🟣澳洲西冷牛扒食西餐既時候總係好想食牛，所以我地加左錢叫左呢個牛扒，真係煎得啱啱好，夠晒juicy而且又好軟淋，就咁食＋點醬都好唔錯！🟤荔枝梳打我同朋友咁岩都唔係幾舒服冇飲到酒，揀左呢杯荔枝梳打，荔枝味幾香，又夠甜，飲落去真係幾fresh，幾好飲☺️…查看更多

又黎到Bingo & Cook啦！最近見到佢地好抵食既醬油蟹一小時任食，價錢超值，一人只需$199起，想多食幾隻都唔駛擔心荷包😍🟡 醬油蟹醬油蟹質素冇因為係任食而差咗，蟹肉依然好嫩滑，醬汁夠晒入味，甜鹹平衡得剛剛好，每一啖都好有鮮味，配埋紫菜飯，簡直係天作之合！個餐除左包醬油蟹，仲有其他架，超豐富，一定食得飽！🟢 韓式紫菜飯卷紫菜飯卷外層紫菜香脆，配料又豐富，食完保證飽足又滿足😋🟣 湯湯頭微辣開胃，泡菜夠晒醒神，食完生冷嘅醬油蟹，再飲一啖熱湯真係fit 晒！☺️🟤 韓式炒牛肉炒牛肉夠晒香嫩多汁，個韓式醬料同蔬菜，甜甜哋送飯好正！ 🔵 炸雞外層金黃脆卜卜，一咬落去就知雞肉嫩滑多汁，仲有啲蜜糖喺面，鹹甜鹹甜咁，熱辣辣食落真係一流！🔴年糕香腸串、炸餃子唔少得仲有呢啲小食炸嘢，味道都唔錯，過吓口癮！😝…查看更多

今次去咗朗豪坊呢間韓式燒肉店，環境闊落仲有專人幫手燒肉，前菜任裝，性價比唔錯！ 🟡 罈子五花肉套餐招牌必試！厚切五花肉用傳統韓式陶罈上枱，儀式感滿分～店員幫手燒到外皮勁脆口😍！五花肉肉香爆棚，配韓式辣醬一齊食，食到停唔到口！ 🟢 炸醬炒麵麵條彈牙掛汁，撈勻肉碎同青瓜絲，同五花肉夾到爆！食完想encore～🤩 🟣 韓式冷麵湯底冰涼酸甜，麵質爽滑彈牙，加上青瓜絲，瞬間降溫🌬️.🟤 濟州特飲沙冰柚子+檸檬味超清新，配燒肉一流～😙 🔵 前菜任裝泡菜、醃蘿蔔、薯仔沙律等無限refill，未食主菜都半飽😂！款式多仲夠入味，誠意十足～ …查看更多

今次同班朋友去咗九龍灣呢間海鮮火鍋放題，一入去就見到個超巨型海鮮池，仲有即撈即煮嘅活海鮮，環境闊落坐得舒服，海鮮控必試！ 🔵 活海鮮任撈 最大賣點一定係個海鮮池，可以自選大蝦、花甲、鮑魚、肉蟹、花蟹，全部生猛上枱！職員仲會不停補貨無限量任撈任煮，保證入口鮮甜彈牙～👍🏻 🥰🥰🟠 金湯花膠雞鍋湯底金黃濃郁，花膠煮到好滑，成隻雞髀嘅雞肉嫩滑唔鞋口，飲落超滋補！仲可以雙拼其他湯底🥰 🟣 自助區任食丸類、響鈴、蔬菜、菇菌款式多，仲有榴槤、皇牌燒乳鴿王、鐵板鵝肝多士、鹽燒牛舌等星級小食，燒乳鴿皮脆肉嫩，鵝肝香濃，真心正！🥰🟤 原個木瓜雪耳燉糖水食到飽飽，最後當然要試吓佢哋嘅甜品！木瓜糖水清甜潤喉，好滋潤～ ⚪️ Haagen-Dazs任食杯裝雪糕同雪條無限拎，食多幾杯真係回本！ …查看更多

今次同班friend去尖沙咀一間隱世私房菜，主打傳統粵菜加創新fusion，每道菜都夠晒鑊氣，啱晒同大班朋友一齊嚟傾偈吹水！🟣 椒鹽瀨尿蝦 瀨尿蝦炸到金黃酥脆，肉質鮮甜彈牙，椒鹽香氣撲鼻！⚪️自制味菜炒豬肚豬肚尖爽，配自家醃製味菜，幾開胃！ 🔴 野生竹笙扒鵪鶉蛋配六月黃蟹粉 竹笙吸滿濃郁蟹粉，鵪鶉蛋滑溜，蟹粉鮮味爆棚，好正😻😻🔵 廣州荔灣豉椒炒蟹 蟹肉鮮甜飽滿，豉椒汁惹味得嚟唔會太鹹，帶少少甜辣，食到舔舔脷，連蟹鉗都要拆埋嚟食！ 🥰🥰🥰🟢 左宗棠辣雞 雞件外脆內嫩，醬汁甜中帶小小辣，送飯一流！🟠 蟹油撈麵 蟹油好香濃，仲有蟹膏碎撈勻，每啖都係精華，邪惡但忍唔住食晒！ 🟡 蝦子扒節瓜 節瓜煮到軟腍入味，蝦子鹹香突出，簡單食材做出高級感，清新得嚟又夠鮮！ 🟢 老陳皮香草綠豆沙 綠豆沙綿滑起沙，陳皮香氣霸道，加咗少少香草，甜度剛好！ …查看更多

今次同班食肉獸朋友殺到去試呢間潮汕牛肉放題，主打手切鮮牛同生猛海鮮，食材好新鮮！🔴 頭盤：海鮮拼盤有鮑魚、大蝦、生蠔同埋蜆: - 生蠔：肥嘟嘟脹卜卜，入口creamy得嚟帶海水鮮味，冇腥味！- 大蝦：蝦頭爆膏！肉質結實彈牙- 鮑魚：師傅處理得好乾淨，淥完完全唔韌！鮮甜度滿分！ - 蜆：冇沙兼肥美！🟠 手切牛肉圈圍住個爐擺到滿一滿，有以下幾款部位： - 雪花牛：油花靚，10秒即化 - 五花趾：筋位爽脆牛味濃 - 胸口油：驚喜！外表肥但食落香口- 匙柄：勁嫩滑有牛味！淥完牛肉再飲湯，精華喺曬度🥄 火鍋配料🟢手工蟹籽蝦滑蝦肉鮮甜彈牙，咬落仲有卜卜脆蟹籽，鮮味爆燈💥 ⚪️脆肉鯇魚片 切到薄薄一片，淥8-10秒就食得！肉質爽脆彈牙，魚味濃郁，簡單點薑蔥醬油就已經好正。 .🟤美國特級牛板腱呢款牛板腱都值得一試！油花均勻，肉味濃厚得嚟帶少少嚼勁，鍾意濃郁牛味嘅朋友會愛上～ …查看更多

今次同friend去咗尖沙咀美麗華廣場呢間泰國餐廳，環境超靚仲有好chill嘅打卡位，食物質素都唔錯！🟡 泰式小食薈萃今次試勻晒四款招牌小食，款款有驚喜！蝦多士炸到好脆、紅磚豆腐外脆內嫩、炭燒豬頸肉炭香十足，肥瘦勻稱仲juicy到爆，酸辣鳳爪好爽脆，酸辣汁醃到入味非常！ 👍🏻🟢炭燒沙嗲牛串 牛串燒得啱啱好，外面微焦入面嫩滑，沙嗲醬香濃帶花生香，仲有少少炭燒香氣，食到停唔到口！ 😍🟣泰式椰香鮮雞湯一上枱就聞到濃濃椰香～湯底creamy得嚟帶少少辣，飲落好暖胃！雞肉嫩滑唔鞋口！最正係佢嘅balance做得好好，椰香同香料令成個湯都好鮮甜！ 🥰🥰🟤酒香火焰骨視覺效果滿分！上枱時店員會點火，藍色火焰超打卡able～排骨燜到好淋，酒香入味得嚟唔會苦澀，好易入口。🟠泰胡椒和牛炒糯米河 和牛嫩滑，糯米河粉煙韌有咬口，泰胡椒夠香辣，仲好有鑊氣！ ⚪️黑糖椰子雪糕（位） 甜品都唔馬虎！雪糕椰子味香濃，配上黑糖醬，食完好滿足！…查看更多

今次同班friend去銅鑼灣問月酒店食佢地嘅中菜廳，佢哋嘅「嚐味套餐」喺Openrice做優惠，勁抵食，服務亦非常好！🟣 頭盤雙拼：椒鹽糖心鮑魚 + 鴛鴦海蜇絲 鮑魚外脆內嫩，椒鹽香口得嚟帶少少檸檬葉香👍 海蜇絲有麻辣同蔥油兩款汁，爽脆彈牙，麻辣嗰邊夠刺激，蔥油嗰邊就清香，好有心思！ 🔴 金腿蟹肉燴冬蓉羹 湯羹好滑，冬蓉切到超薄，蟹肉鮮甜，金華火腿吊味，飲落暖笠笠，好舒服🥳🔵 廿年陳皮拔絲虎蝦球 虎蝦大大隻，肉質爽彈，陳皮香氣濃郁，甜酸味平衡，食完仲有回甘，必食😍😍🟢 文火和牛 和牛慢煮到超軟嫩，入口即化，食落唔膩！ 🟠 亁燒椰菜花龍躉 龍躉魚肉厚實，魚皮膠質豐富，好有口感！ 🟡 蝦子花膠濃雞湯拌菜苗手工拉麵 湯底超濃郁，花膠厚身，手工拉麵彈牙，好鮮甜！ .🟢陳皮蓮子紅豆沙 紅豆沙煮到起沙，陳皮香突出，蓮子粉糯，甜度剛好～ …查看更多

今晚同朋友去咗呢間燒肉店，之前食過一次都唔錯，佢地最近有澳洲和牛海鮮燒肉+榴槤放題😋😋鐘意食榴槤既我即刻去試。 肉類同海鮮選擇多，前菜仲可以無限添加，性價比高👍侍應態度親切，會主動推介菜式，幫你揀啲好食嘅，體驗加分！👍🟣 前菜：海帶同牛脷前菜試咗海帶，帶點酸味，清爽開胃，簡單但好食👍。牛脷好軟熟，入口嫩滑，咬落有淡淡牛味。🔴 帆立貝帆立貝新鮮，燒一燒外層微脆，內裡軟嫩，帶點海水嘅鮮甜，食落好滿足，推介俾鍾意海鮮嘅朋友！🌊🔵 牛肉牛肉係亮點之一！✨肥牛油香濃郁，牛板鍵肉質嫩滑，封門柳牛味濃，燒得啱啱好，肉汁保留得宜，食落好有質感😋。醬汁洋蔥牛肉都好有特色，洋蔥甜味同牛肉嘅鹹香好夾，食完印象深刻。⭐️⭐️🟢豬肉：五花腩同果汁豬肉五花腩燒到金黃，油脂香但完全無腥味，入口軟腍🐷。果汁豬肉小食帶點果香，味道清新，作為配菜好有新意，值得一試！🟠 馬來西亞 D24榴槤✨✨✨壓軸有榴槤甜品，濃郁香甜，質地軟滑，鍾意榴槤嘅朋友一定會滿意！😋…查看更多

今次同朋友去海底撈.宴聚打邊爐，試咗佢哋最新招牌湯底，仲叫咗幾款高質配料，真心滿足！🔴 花膠雞湯鍋底湯底超濃郁，花膠煮到軟滑，雞湯鮮甜到不得了，飲落去滋補又暖胃，打邊爐前必飲兩碗！ 🟠 椰香冬陰功鍋底驚喜之作！椰奶香濃，冬陰功酸辣度啱啱好，帶少少甜味，好開胃～特別係配海鮮，超夾！🥰🟡 大顆粒蝦丸蝦丸真材實料，咬落去彈牙又多汁，仲有大大粒蝦肉，鮮味爆棚！必點～ 🟢 西班牙梅豚肉豚肉片薄切，肥瘦均勻，淥幾秒就食得！肉質嫩滑帶甜，配花膠雞湯超正！ 🔵 桂花蚌新鮮爽脆，一啲腥味都冇！放落冬陰功湯底煮，吸晒酸辣香，口感一流～ 🟣 姬鬆茸菌菌香濃郁，煮耐少少都唔會爛，咬落爽口，同雞湯底絕配，健康又美味！ ⚪️ 高山娃娃菜清甜爽脆，打邊爐必備！娃娃菜索晒湯底精華，食落仲有淡淡甜味，正！ .🟤 凍豆腐吸湯能力滿分！尤其放冬陰功湯底，一咬爆汁，酸辣椰香全入晒味！…查看更多

第二次嚟到 UnME，依然無令我失望！😍呢間餐廳地方寬敞、氣氛舒服，好啱喺啟德睇Show前同朋友坐低慢慢歎✨。今次試咗以下幾款菜式：🔴 黑魚子、鮮蟹肉牛油果 配 酥炸脆球入口清新，牛油果綿滑配鮮甜蟹肉🦀，加上啖啖鹹香黑魚子，油炸脆球口感一拍即合🟠 北海道帶子、虎蝦、海鮮 配茶壺龍蝦湯店員會係你面前倒湯，龍蝦湯濃郁香滑，海鮮鮮味十足🦀，帶子熟度控制得好準，入面好軟熟，仲有好多蜆肉🟡 蘋果木煙燻法式鵝肝配炙燒焦糖香蕉鵝肝香滑豐腴，煙燻香同甜美焦糖香蕉🍌意想不到地夾，甜鹹交錯，層次感一流🟢 烤龍蝦尾海鮮汁燴飯飯粒吸滿海鮮精華，鮮味濃重😋，龍蝦尾肉質嫩滑🦞，好大隻同彈牙🔵 UnME 杜拜朱古力開心果提拉米蘇必食甜品，超級推介✨✨！外面層朱古力味濃而不漏，我自己本身都好鍾意食開心果，入面既開心果提拉米蘇甜度適中唔膩，好驚喜！上面既杜拜朱古力脆脆亦好好食！🟣 藍柑咖啡維也納雪山賣相高貴打卡一流🗻，上面一層Cream好厚實，中間既咖啡好易入口，層次豐富⚪️ 京都柚子酒柚子味濃，清新解膩…查看更多

朋友生日，請佢食IFC呢間高級中菜慶祝，環境真係靚到爆燈，仲可以一邊食一邊望住維港夜景，每道菜都係藝術品級數，今次我就試咗佢哋Tasting Menu世味人生，等我逐樣同大家分享！ 🔴甜椒醬蟶子皇 蟶子肉質爽脆彈牙，配埋個秘製甜椒醬，微辣中帶蒜香，好惹味！🥳🟠百香梅茄 百香果汁嘅酸甜，點綴咗茄子嘅味道，幾開胃！🟡20年花雕浸鮮蝦 一上枱就聞到濃濃酒香！蝦肉吸飽20年陳釀花雕，爽口得嚟帶住醇厚酒香，食完個口餘韻停留成分鐘！ 🟢杏汁肆菓燉螺頭湯 螺頭煮到淋滑入味，杏汁香濃得嚟唔油膩，最驚喜係湯底有哈密瓜粒，清甜到以為飲緊滋補糖水～ 🔵蟬衣玉帶 帶子勁厚切，嫩滑程度同刺身有得揮，面頭嘅炸芋絲都好脆！🟣海苔銀鱈魚 鱈魚皮炸到似玻璃紙咁脆，一啖咬落去「咔嚓」聲！魚肉嫩到用叉子輕輕一壓就散開，好好味😍😍😍🟤子薑欖豉蒸雞 雞肉滑到唔使咬！子薑嘅微辣同欖豉嘅鹹香完美融合，最邪惡係墊底嘅木耳索晒雞汁精華，送飯可以連食三碗唔停口！⚪️香芒雪燕烏豆花 芒果甜度爆燈，雪燕又好滋補，食完成個人都幸福滿滿✨ …查看更多

今日約左前同事，咁岩就係D2 Place附近，佢就話帶我去食間好野，一入到INN，感覺都幾靚，好多打卡位，都幾適合同朋友慢慢傾計。今次叫咗佢哋嘅二人餐，$498有前菜、主菜、甜品同飲品，味道唔錯，性價比一流。🟡 前菜有脆炸芝士條。芝士條外脆內流心，咬開一刻有拉絲超邪惡，芝士香味勁濃郁，配埋微甜嘅醬汁，好滿足。而係三選二既前菜，我地就叫左煙三文魚沙律同埋啲菜新鮮爽口，煙三文魚鹹香帶少少油脂，配埋沙律醬一齊食好開胃，另外仲叫左是日餐湯，為黎緊既餐點作準備😍🟢 主菜我地揀咗燒美國豬肉眼扒 12oz。成塊扒上枱已經香氣四溢，燒得啱啱好，外層有焦香，入面仲Keep住嫩滑多汁。油脂分布平均，咬落好有嚼勁但又唔韌，仲搭配左蕃茄等配埋配菜同醬汁☺️ 另外，個香煎銀鱈魚蕃茄意大利飯都好有驚喜，飯粒煮得啱啱好，唔會太腍，番茄醬酸酸甜甜，非常開胃，鱈魚新鮮滑溜，味道層次感豐富。🔵 甜品係原味忌廉法式多士。Size都幾大，多士外脆內軟，唔會太甜，好有蛋香，配埋忌廉一齊食，好爽呀，啱晒打卡同收尾。…查看更多

前幾日同朋友試呢間位於西環石塘咀嘅加拿大餐廳，菜式選擇多，由西式到輕食都有，價錢合理！🟠 蒜蓉蝦 (Garlic Prawns)蝦肉爽彈鮮甜，蒜香勁濃，仲要啲油香滲晒入蝦肉，一啖咬落去juicy爆棚！ 🟡 魚手指 (Fish fingers)外脆內嫩，炸得啱啱好！魚肉冇雪藏味，點埋他他醬，酸酸哋好開胃，細路大人都啱食！ 🟢 番茄肉丸 (Meat balls in tomato sauce)自家制肉丸紮實彈牙，番茄醬酸甜適中，仲有啲香草香，撈意粉或者配麵包都一流！ 🔵 脆脆凱撒沙律 (Crisp Caesar Salad)沙律菜新鮮爽脆，煙肉同麵包粒脆卜卜，感覺健康。🟣 牛扒之夜 (Steak Night)牛扒火候控制得好好，medium rare切開粉嫩多汁，肉味濃郁，配黑椒醬更加惹味！ 🟤 冰抹茶拿鐵 (Ice Matcha Latte)抹茶味香濃，甜度適中，抹茶控一定鍾意！ …查看更多