ShelbyChoi的个人专页

一早已經好想試，次次黎親都大排長龍。今次好彩，等左15分鐘左右就入到了。 蝦米醬炒鮮魷通菜蒜蓉辣椒絲味濃配無味的鮮魷，相當之夾，鮮魷切細配新鮮通菜炒得非常爽口，加上微辣非常的開胃菜！ 椰香咖哩叻沙米粉加油麵好特別，椰香味叻沙好香濃，大大隻蝦吸收哂味濃的湯底，配料還有豆卜、豆角、芽菜、魷魚圈，非常豐富！ 肉骨茶一字骨肉湯及藥材味道很平衡，飲落有回甘的味道，一字骨炆得軟冧，加少許蒜蓉和醬油便已非常可口，越食越想食！ 貓山王榴槤沙冰不同凡響的頂級貓山王榴槤蓉和冰打碎成沙冰，味道濃郁帶甘甜，一掃悶氣。 馬來西亞拉茶滑身的奶泡加上拉茶茶香和甜道，剛好中和一字骨的香濃味道！果然係傳統風味！…查看更多

朋友早幾日已經預先book咗呢間Cafe，去到果然係好多人，如果冇book定位嘅話，都要等好一陣子先入得。去到先知原來係間貓Cafe，入去前都要載腳套，消毒好雙手同探熱。因為我哋去到已經係2:00，所以我地午餐同下午茶都有叫d黎食。午餐方面：我地叫左香辣蒜香紅布腸野菌橄欖油炒扁意粉同埋瑪格麗特拉絲水牛芝士手工薄餅。香辣蒜香紅布腸野菌橄欖油炒扁意粉意粉配菜有紅布腸同菇，而意粉既軟硬度岩岩好，食落有香濃嘅橄欖油味，份量適中。瑪格麗特拉絲水牛芝士手工薄餅：Pizza配料有菇同水牛芝士，用茄醬做底，而餅底比較厚身，不過一d都唔硬，仲好鬆軟。芝士好多，味道濃郁，仲有拉絲嘅感覺。2個餐分別跟左藜麥胡麻醬野菜沙律。藜麥份量都好多手，同沙律一齊食味道都好匹配。餐飲方面，分別叫左菠蘿荔枝梳打，同菠蘿沙冰。菠蘿沙冰相對地較creamy，所以菠蘿味唔夠重，同我相像既菠蘿沙冰有d出入。等到下午茶時間，我哋叫多咗個西班牙香酥雞翼。雞翼一客有4隻。每隻雞翼都好大隻，黎工既時候仲係熱辣辣，食落外脆內軟，十分juicy，而且雞翼非常入味，高度推介。最後以雪山心太軟配雪糕作結。心太軟中間流出濃濃既朱古力醬，食落唔太甜。配埋朱古力味雪糕，味道一流。總括黎講，食物價錢一d都唔貴，而且質素仲好高，食既時候仲可以欣賞店內嘅貓，如果想嘅話仲可以買罐頭餵佢地食野，值得encore…查看更多

之前網上見到呢一間文青打卡勝地嘅Cafe，一睇就已經好想試。Cafe位於旺角砵蘭街，地點都好方便，cafe有三層，座位都算好多，而且影相打加位都好多。Cafe係採取自助形式，先入座，後去收銀落單，之後會有一個電子機仔，野食到既時候就會通知你。不過注意返，食完之係，係需要自己清潔、要將d餐具放返好去回收站。串燒。吃燉飯配串燒 $158烤肉串、烤蔬菜串、日式照燒醬同溫泉蛋飯用左番茄醬做底，味道清新，十分開胃。串燒有兩串，每串都有豬肉、黃椒、翠肉瓜同茄子。串燒用左日式串燒醬，非常惹味。加上豬經過燉煮，肉質腍嫰。海底世界。海龍王真的來了 $228入面既海鮮有龍蝦同帶子同貓魚，配上羅勒堅果醬同溫泉蛋。燉飯既質地有d硬身，好香青醬味。飯既中間有貓魚粒同蝦粒，口感豐富。龍蝦望落唔算十分大隻，但食落啖啖肉，鮮味乾足。另外，加左一個兩人分享套餐 $128入面有1。桔梗沙拉一份2。麵包與無花果奶油和香橙白蘭地起司抹醬一份3。每日昔昔兩杯桔梗沙拉雜菜沙律，面頭有d番茄碎，配上黑醋汁，酸酸甜甜，非常開胃。麵包與無花果奶油和香橙白蘭地起司抹醬一份法包已經切開左6件，2個人食黎講，份量都算好多，麵包唔算好硬，配上奶油同果醬，味道香濃。每日昔昔杯既size好似拳頭咁大左右，面頭鋪滿左藍莓、花生同瓜子，奶昔帶有香蕉同藍莓味，最後，叫左一杯桔梗奶昔$58兩個人share。淨係個樣都已經夠吸精。奶昔唔算好甜，入面有d粒粒碎碎味道非常複雜，飲完都覺得好飽肚。總括黎講，因為坐位都算好多，所以等餐時間都需時，不過cafe內有好多影相打卡位，食物既款式、味道有驚喜，值得一試。…查看更多

鼎王麻辣鍋在台灣已試過, 但知道它遠道開分店到香港, 一於試試回味一下麻辣鍋‧先來麻辣鍋的酸度與辣度都可選擇, 鴨血與豆腐可無限添加, 麻辣鴨血大大件又嫩滑, 正!水蜜桃茶有很香的蜜桃味加上淡淡茶味, 相映成趣‧滷大腸頭本身已經滷得香嫩入味, 再加上麻辣鍋的酸辣味, 可惜份量不夠多‧千層凍豆腐完全吸收哂麻辣鍋的味道, 越耐越入味, 完完全全吸收哂麻辣湯汁‧老油條和豆皮外層炸得非常脆卜卜而不覺乾, 一放入鍋一陣就食得‧蛋餃蛋皮煙韌有蛋香一品蟹滑膏蟹滑彈牙有蟹味滑嫩‧上選牛小排紅肉及油花分佈比例均勻, 肉色有光澤, 厚薄適中, 賣相一流, 且牛肉味非常香濃, 肉質軟嫩, 入口即溶‧御選小羔羊本人食羊喜歡羊騷味, 在麻辣鍋未覺有羊騷味, 但在白肉酸菜鍋中, 淡淡羊騷味慢慢地散發出來, 令人為口大開‧員工態度非常友善服務不錯, 常帶笑容過來斟茶與禮貌地詢問客人要不要加湯, 看得出他們是用心服務每一位客人, 這點令每一位食客都覺被尊重！這些態度和專業不是每一家一流食肆都給與到‧…查看更多

今次來到日本大廈食日本野!set lunch更加抵食添阿! 餐廳行半自助既形式,有飲品機同檸檬,比顧客自行選擇,其實都幾free, 都係我覺得比較另類同有趣既一間日本料理餐廳 ! 刺身五點有五種刺身,吞拿魚鮮紅帶有油光,咬落仲有小小回彈,帶子新鮮口感豐腴,最得意係木板上面有wasabi,仲有楓葉點綴,更加有日本feel我地分別叫左炭燒日本雞拼盤同日式燒安格斯牛扒定食,兩個都好飽肚,發現餐廳中意將菜式擺得好靚好精緻,客人除左味蕾享受之外,仲有視覺上既享受,隨便影都好靚!…查看更多

今個星期五，可以補鐘放五點，一個人無聊在尖沙咀The One行街行了二個鐘後，見開始肚餓，但同時撞岩食飯時間，到到都好多人。突然見到一間立食壽司，叫翔壽司，鋪頭細細，仲有一個企位，所以毫不猶豫入左去食壽司。雖然鋪頭細細，但餐牌亦都有很多壽司去選擇。經過一連串研究餐牌後，自己點了刺身同鮪壽司併盤，包括一盒刺身，吞拿魚壽司，手卷食刺身包括有三文魚，油甘魚，池魚，甜蝦和帶子。刺身是新鮮的,色水光澤。味道無腥，無霉味。翔壽司的帶子有驚喜，很鮮甜，值得一試再試。油甘魚都算厚身，好有咬感。主菜當然是鮪壽司，包括有大拖羅，中拖羅，赤身，面脥肉同腦天都是吞拿魚不同的部位。吞拿魚肉質軟身，有口感。如果大家有食開香港一般吞拿魚，都會知道會有腥味。而翔壽司的吞拿魚壽司，完全沒有腥味。新鮮！是我第一次在香港食吞拿魚沒有腥味的壽司店！最後，由一個蔥吞拿魚手卷作最後結束。以一個人的分量都說，會很飽，很充足！下次一定要試下師傅發辦！！…查看更多

Forker平時都好少會去土瓜灣，都係多得我一個朋友介紹，話我知呢度有一間CP值極高嘅西餐廳，食完之後，我相信以後黎土瓜灣既機率會多左好多。餐廳既位置係喺土瓜灣嘅後巷小店，但因為個招牌都大大個，所以都好容易搵。餐廳唔算大間，座位一眼睇哂，因為book咗枱嘅關係，所以老闆都預先Set好咗張枱。一坐低，就已經見到一張500歐羅——餐紙。HaHa都幾有意思。餐牌得一張，價錢係由$298蚊起，再睇下叫咩主菜，在額外加錢。晚市套餐有前菜、餐湯、主菜、小食、甜品同餐飲。另外，值得一提嘅係黑松露薯條同沙律都係任食。無錯！係任食！！！而且refill速度快。店員會好細心介紹每一樣食物，所以我哋都諗咗一陣叫咩好。先講下前菜。西班牙黑毛豬拼盤左邊係莎落美腸，而中間既黑毛豬係豬柳部位，味道帶有咸香，而且相對地有咬口，配埋查左生蒜既多士，簡直係絕配。而且聽老闆講，佢地既 ham 係自己有份投資，所以唔怪得就算要升級其他款，價錢一d都唔貴。羽衣甘藍餐湯無錯，係羽衣甘藍！！羽衣甘藍平時拎黎打汁飲多，煲湯都係第一次見。望落去有d似中湯，而且係似菜乾湯。不過，佢係一個不折不扣既西湯。湯清清甜甜，而且充滿左羽衣甘藍，仲有火腿粒係入面調味。呢款西湯唔飲似平時果d落左cream，飲落一d都唔膩，仲好舒服呢！作為牛魔王嘅我哋，最後都係叫左兩款牛。燒濕熟成美國牛肩 佢用左慢煮方法烹調，熟既程度岩岩好，牛肩食落有口感，比較有𡁻頭，而且好香牛味，肉汁豐富。燒濕熟美國頂級肉眼牛扒 （另加$98）同樣地，肉眼扒都係用慢煮烹調。烹調後，再將表面煎香。最正既係牛扒已經切開左，肉質腍嫰，真心好味。薯條用黑松露炒過，熱辣辣得黎又香脆。而沙律又夠哂新鮮，黑醋又唔會太酸，忍唔住都食左2 round。甜品係cheese cake,cheese cake 細細件，食落唔會太膩。食完之後、飲返杯Earl grey tea，為晚餐畫上個完美句號。…查看更多

之前經過銅鑼灣一直都好想試呢間餐廳，所以就book左約朋友黎!一入門口staff都好禮貌唔洗等立即安排入座， 見到右邊有飲品吧，左邊有成枱小食 裝修靚而且座位闊落，一坐低staff就俾咗個menu我哋睇 原來而家做緊任食優惠!價錢好抵食！我地諗都唔諗就揀咗任食！任食餐牌出面成張枱都係可以任食嘅 好多選擇仲有我最愛嘅炸物！側邊有個飲品吧有橙汁 蘋果汁任飲 啤酒就另外加錢開始點食物啦 脆爆鹹豬手 一人份量幾好！話明放題 又可以試下其他野！名副其實係脆爆呀！層皮超脆但d肉又1 d都唔乾！encore左3碟自助吧嘅炸物 好脆好好味！仲有Parma ham配哈蜜瓜 一流!煙三文魚都好新鮮!仲有唔同嘅串燒 有雞牛豬 朋友話好正！最令我驚喜嘅係蘑菇芝士雞翼呀！呢個真係必食，勁濃芝士味啲雞肉又好滑 黑松露溫泉蛋都ok!卡邦尼意粉就不過不失啦！十總括黎講，任食真係好抵食！食物選擇多，份量適中，環境好，staff態度nice，一見到有空碟就好快黎收拾！有機會會再encore…查看更多

夏日炎炎，最好飲番一杯消暑嘅飲品。呢一間happy lemon係我由細飲到大，偶然經過都會買返一杯飲，依家越出越多款式，連黑糖飲品都有，不過因為今日真係實在太熱，所以都係揀返一啲較清涼消暑嘅飲品爆檸黑烏龍茶(少甜少冰）$25爆檸真係夠晒酸，而且好Fresh，加上我又叫左少甜，比一般酸還要酸。岩哂呢d又熱又焗既天氣，飲完人都覺得清新d益力多晶鑽綠茶（少甜少冰）$27無諗過益力多同綠茶都可以好夾，加上入面有d晶鑽，口感同質地都似椰果，飲落層次豐富，口感一流。就算叫咗少甜，甜度都適中，因為可能本身益力多都帶有甜味，…查看更多

上次去黎紅橋附近食嘢嗰陣見到呢一間西餐廳，都已經好想試，所以今日決定黎食。餐廳嘅門口招牌係用左木系，入面嘅裝修係以黑色格調為主，甚有氣氛。我哋6:30鐘左右嚟到，餐廳已經full左一半。我哋兩個人。叫左個main course同pasta share食。分別係頂級安格斯肉眼扒配薯角$148 同Fusion 避風塘軟殻蟹意粉 $98。另外加左$35有是日餐湯、蒜蓉包、是日甜品同杯餐飲。先講下餐湯，今日餐湯係蘑菇湯。蘑菇湯唔算太特別，略嫌蘑菇味唔夠重。而沙律反而有少少驚喜，湯律上有一片蘋果同蜜桃，食落格外清新。而蒜蓉包夠哂香口脆身，而且好香蒜蓉味，咬落脆卜卜。頂級安格斯肉眼扒配薯角 （7成熟）。牛扒唔算厚身，但係大大塊， size同塊面差唔多大。好唔到唔算厚身嘅牛扒都做到七成熟嘅效果。牛扒好重牛味，肉質腍嫰。另外，除咗送貨之外，仲有菇同沙律菜做配菜。Fusion 避風塘軟殻蟹意粉意粉上鋪滿左軟殻蟹軟，軟殻蟹又大又多，而且軟殻蟹嘅外層比炸粉漿包住，鬆脆軟身。意粉既質地唔硬唔軟，質感啱啱好。而意粉比想像中辣，但辣得好過癮。雖然係有d辣，但意粉入面有d沙律菜，啱啱好可以中和返果陣辣嘅感覺。而甜品係Tiramisu，質地挺身，甜度週中，不過掛住食唔記得左影相，但作為晚餐嘅總結一流。…查看更多

今日食呢間餐廳位於紅橋附近，係輕鐵站行過黎都要兩、三個字左右。雖然唔算十分方便，但就份外寧靜。門口招牌大大個字寫住Marka House，一定唔會睇唔到同認錯。店舖唔算大間，一眼睇晒，餐廳大個係可以容納到20幾30人。座位寬闊舒適，裝修甚有格調。晚餐嘅set dinner有兩個價錢，分別係$138同$238。我哋叫咗兩個set dinner，分別忌廉蝦意大利麵 $138同露絲瑪利法式烤半雞 $138。再加多左一個小食，香烤蟹餅 $80。沙律係煙蜜火腿沙律，而餐湯係鱈魚南瓜湯。煙蜜火腿沙律用既唔係平時食開既黑醋，比黑醋仲要酸多少少，但十分開胃。作為前菜沙律一流。而煙蜜火腿雖然只得一塊，但就大大塊，放在沙律中間非常搶眼，煙熏味道香。鱈魚南瓜湯個湯好creamy，而且南瓜味濃，飲飲下既時候仲發現有幾粒鱈魚粒，鱈魚粒不會腥，十分足料。忌廉虎蝦意大利麵意大利麵似係手工製嘅感覺，煮出黎軟硬度適中，意粉唔算好creamy ，但忌廉味濃，虎蝦竟然有5隻，而且隻隻都好大隻，食落爽口彈牙。露絲瑪利法式烤半雞 切開第一下已經好有驚喜，因為隻雞除咗雞鎚位置係有骨之外，其他地方都係無骨，食落啖啖肉。雞既外皮烤得好香，肉質腍嫰。另外，有薯條做配菜，份量都算多，薯條新鮮炸出黎，外脆內嫰，熱辣辣。香烤蟹餅一客有八件。蟹餅咬開一啖之後，入面原來充滿了蟹肉，可以好清楚見到一條條蟹絲，十分足料，而且蟹味十足，必食之選。總括黎講，呢間西餐廳食物質數高，價錢合理，值得一試。…查看更多

今日黎左九龍灣整野，是旦入左一間茶餐廳。無諗過原來呢間茶餐廳咁高質數。先講下入面環境。地方又大又乾淨。而且卡位數目好多，坐得舒服，裝修有小小歐陸風格，完全唔似茶餐廳。望下本menu，菜式選擇好多，除左有一般常餐、潮州粉麵、仲有焗飯、咖喱、鐵板、小菜、繪飯、西式意粉等等，要諗食咩都真係需要花一d時間。因為有好多野都想試，所以最後我地2個人share左一個意粉、同埋3個小食。唔係講笑，樣樣野都真係抵食夾大碟。牛肝菌帶子意粉 $71意粉大大碟、用左帶子、菇同洋蔥同埋忌廉汁炒成，帶子份量多，竟然有5隻。成個意粉都好creamy，菇味濃郁，但牛肝菌味唔算突出，但都覺得好好食，好有水準。韓色炸雞$38炸雞係新鮮炸出黎，黎到仲好辣口，雞炸到外脆內嫩，一d都唔鞋口，就咁就都已經好入味，點埋韓式辣醬，仲更加有風味。避風塘茄子$38一d都唔似小食，似係一個餸，份量大得驚人。茄子被粉漿包圍住、炸到脆卜卜，但一d都唔油膩。面頭有d炸蒜，食茄十分香口。$38蚊呢個價錢，真係抵到爛。避風塘豆腐 $38同樣地，表面雖然只有一層簿簿既脆皮，但炸到好香脆，入面非常嫰滑，表面既椒鹽唔會太鹹，味覺岩岩好，愈食愈開胃。總括黎講，d小食一d都唔小食，一來價錢便宜、二來份量真係好大，我地2個人叫左3個小食，都要慢慢食先食得哂。而且食物水準超班下次有機會要試下其他野，真心推介。…查看更多

之前喺深水埗已經想食呢一間平民牛扒。但次次去親都係好多人排隊，所以每一次都係有緣無份。原來旺角都有一間分店，今日六點幾黎到，見唔使排隊，所以決定同朋友試吓。點菜方式係透過門口果部自動售票機，揀自己想食既牛肉部位同份量，坐低之後，職員就會為我地奉上火山石燒牛扒。牛扒既價錢都只係由$80-$350不等，當然都係睇返係咩質數同份量。我地每一叫左一款，分別係同西冷400同日本直送和牛（富油脂）300g。西冷既肉味好重，肉質富彈性，但相對韌少少，口感豐富。而日本和牛，油脂分怖平均，肉質油嫰，而且食到啖啖既油香。真係一分錢一分貨。牛扒都係自己切成一小塊再慢慢煎熟。咁自己想食幾熟都無問題。食牛扒相對地膩，而餐廳入面就有自助吧，無論係白飯定沙律，都係任裝，仲有蕃茄牛肉湯，解膩一流。而且，仲有好多唔同既醬料，例如黃芥辣、自家製燒汁、辛味芥末燒汁等，可以用黎點牛肉食。總括黎講，牛扒性價比高，而且牛既部位都算多，例如有日本和牛、牛柳、牛肩肉眼、牛肋骨排等，種類都選多，如果唔駛排隊的話，值得一試。…查看更多

今日同朋友出旺角諗唔到食咩，最後又黎左urban Cafe。鍾意呢一度嘅原因係因為佢環境好似真係好舒服、而且夠衛生，最重要嘅係有我最鍾意嘅小動物——貓貓。 另一方面，佢有冇限時，傾計聚腳真係一流。今次叫咗煙鴨胸青醬忌廉意大利飯，通宵紐西蘭牛肉眼扒配薯菜（黑松露燒汁）。本身諗住加個芝士薯球，點知賣晒，唯有下次黎再試過。煙鴨胸青醬忌廉意大利飯$55成個飯好creamy，青醬味濃，已蘑菇同紅椒粒做配菜，不過煙鴨胸只係得三片，略嫌份量有d少。燒紐西蘭牛肉眼扒配薯菜（黑松露燒汁） $69牛肉眼扒雖然唔係厚切，但係都大大塊，而且牛味好重，同黑松露燒汁好夾，肉質腍嫰、薯角份量多，$69呢個價錢真心抵食。飲品方面，除咗洛神紅莓乾花茶同藍花皇家荔枝紅茶。因為感覺上花茶相對地較健康。兩款口味既花茶，一開始嘅味道都係清清淡淡，不過越煲越濃，可以睇到洛神紅莓乾花茶由淺紅色煲到深紅色。總括黎講，性價比高，會再回頭。…查看更多

媽媽生日，佢話想食私房菜，左搵右搵之下，朋友介紹左我黎御膳，食完之後，都覺得值得推介同再回頭。Book 左位之後，喺食之前2日，職員都會confirm 我地個菜單同價錢，咁就一定唔會出錯啦。我地最後叫左個菌鵝伴大鵝掌餐（五位用）。先黎什菌大蜆豆腐湯湯既材料雖然得大蜆、雜菌、豆腐同莞茜，但成個湯都已經好清甜，蜆既size好大隻，食落一d沙都無，豆腐夠哂滑。之後到麻辣鹵水拼盆拼盆入面有牛肚、青瓜伴手撕雞、同豬大腸，豬大腸同牛肚除左夠哂鹵水味之外，食落仲有麻辣既感覺，辣得好過癮，手撕雞既肉質夠哂嫰滑。跟住就係蒜蓉粉絲蒸蟶子皇不愧為蟶子皇，size 非常之大隻，長度比手掌還要長多少少，非常厚肉肥大， 蒸既時間啱啱好，唔會太老。蟶子上鋪滿左蒜蓉同香蔥，非常香口，配埋粉絲食，味道一流。之後薑蔥炒大肉蟹，唔使講，肉蟹都係非常之大隻，用薑蔥炒非常蘟，肉蟹厚肉鮮甜，食落落啖啖肉。食嘅時候忍唔住將蟹殼嘅汁都啜埋。薑蔥炆龍躉腩龍躉腩多肉厚滑，食落啖啖肉，龍躉肉炸得非常香脆，加上用香蔥爆炒，非常香口招牌御膳炒飯炒飯非常足料，用咗膳、蝦、帶子肉粒同香蔥炒成。飯粒分明，甚有獲氣。士多啤梨骨呢款菜式雖然好多地方都可以食到，但要整得好食並唔容易。士多啤梨骨非常入味，而個茨汁帶有淡淡的士多啤梨香味，加上肉質腍嫰，真心好味。到今晚既主菜菌皇伴大鵝掌，亦都係我媽媽最中意既一道菜式。鵝掌比鹿茸菌、野生黑虎掌菌同姖松茸包圍住。全部都好新鮮爽口。鵝掌夠哂腍同入味，呢度菜真心高檔。而今晚嘅甜品係紫薯布丁， 紫薯味香，布丁唔會太甜，作為晚餐嘅總結一流。…查看更多