blackbeary的个人专页

今日係旺角食完飯，有D想買甜品返屋企食，經過朗豪坊見到呢間日式蛋糕店就比佢吸引左入黎。呢度最出名係日本青森直送既蘋果批，我地買左外賣返屋企慢慢食。-青森蘋果批$33我地返到屋企輕輕叮返熱少少，果然熱辣辣最好食，外脆內軟，外面既酥皮好香脆，裡面嘅吉士醬加埋蘋果蓉好多，味道好夾，中和返蘋果酸酸甜甜，係我地食過最好食嘅蘋果批，食完好想再食！-香橙芝士蛋糕$28除左蘋果批，我地仲揀左呢個香橙芝士蛋糕，芝士蛋糕好鬆軟香濃，仲有微微嘅香橙味，味道好夾，而且一啲都唔膩，雖然個蛋糕有少少細件，但一件細細地岩岩好。呢度除左蘋果批同芝士蛋糕，仲有其他味道嘅奶油蛋糕、蒙布朗蛋糕、慕絲蛋糕杯，樣樣都好精美好想試下，不過一定要encore個好味蘋果批！…查看更多

今日行過發現觀塘開左間好靚嘅打卡Cafe，於是夜晚決定黎試下，平日嘅夜晚都坐爆哂，真係遲一步都唔得。我地點左幾個野食一齊Share。-邪惡熱溶芝士醬烤西班牙豬肋骨薯條$328超長的名字！份量好多，真係嚇一嚇，味道係超好食！D肉好嫩好軟林林，煮到骨同肉都好易分離，個味令我諗起外國rib fest既ribs! 薯條份量好多，多到我地食唔哂。雖然有少少貴但超級推介！-美國安格斯肉眼配阿根廷青醬$358因為個Ribs實在太好食，呢個有少少輸蝕，但味道都不錯，肉質好林，好有牛味！-Tiramisu pancake 梳乎厘$128好靚嘅擺盤，加上軟林林有空氣感既梳乎厘，好味打卡一流。-Papaya mango smoothie /strawberry avocado smoothie $52味道比較淡，好健康，唔太好甜既朋友比較適合。呢間Cafe 既裝修好靚，打卡一流，食物質素高，會推介比喜歡影相打卡又對食物質素有要求既朋友！…查看更多

今日Lunch去左黑門水產食日本野，一入到黎見到成間餐廳都佈置得好靚，好多貝殼裝飾，感覺好似去左日本咁，令人好懷念去日本旅行既日子。不過唔緊要，係度食野當自己去左日本啦！我地主要order 左魚生同燒物，見到個餐牌仲有好多唔同種類既食物提供，睇到乜都想食！首先個魚生我地比滿分，我地點左三文魚$58同油甘魚$88刺身，好Fresh又厚切，啖啖肉！好肥美！燒物我地叫左牛油燒帆立貝$72，即時有職員幫你係個爐仔度燒，夠哂熱，味道方面好香好鮮味！ 另一個好好味既係脆燒白穴子串$98，雖然價錢有少少貴，但絕對值得一試，燒得好香好好味。另外我地都覺得蟹味噌甲羅燒好正（$72），味道岩岩好，用餅乾送一流！食左好多野都唔夠喉，最後都加左個赤鬼海老天反卷，見到咁澎湃嘅三文魚子真係好開心，加埋裡面脆脆既炸蝦飯卷，口感唔錯，我地都食到好飽！呢間餐廳無論野食同裝修都好靚好有氣氛，好岩同朋友一齊黎扮去左日本！下次絕對會再黎。…查看更多

今日Lunch好想食burger,於是就過黎美麗華既burgeroom試下。呢間餐廳既裝修好美式，坐得都幾舒服，我地點左兩個Burger ，非常之飽！-大烤菇芝士牛肉漢堡$110（跟餐加$30）牛肉漢堡當然係食漢堡必點嘅，牛肉既肉汁都好足夠，但比較實淨，唔係好林，整體一般，反而跟餐送既薯條好好味，炸得好香脆，熱辣辣，份量都足夠。-軟殼蟹漢堡$108呢個都係跟左餐，見到餐牌有個推介既Logo就點左，軟殼蟹炸得幾香又脆口，我地都非常喜歡呢個，但如果有多D汁會更好！兩個餐都跟左個冰茶，一個菠蘿、一個蜜桃，兩款味道都唔錯，好fresh好爽，同burger 一起享用好夾！總結呢間Burger都唔錯，價錢唔算好貴，地理位置都好方便，下次會想試埋D唔同味道既薯條！…查看更多

Ninetys係我第二次來食，上次係灣仔食過，覺得佢食物同咖啡都好出色，今日就同朋友來食個brunch board, 餐廳位置係誠品裡面，文青味道濃厚，加上咁岩坐到窗口開揚海景位，食得開心，簡直讓人心情愉快。由於時間好早，我地點左兩個brunch board, 每款可以叫4-6 個小食，加埋飯或者面包，最後係食到好飽🙈今次我特別highlight幾個好味既講下。-Half spring chicken 呢個真係好好味，雞肉好嫩滑，好入味，甜甜地，冇諗過份量咁多，要兩個人Share先得，唯一問題係冇地方食🙈，因為食張台、成個餐盤都係食物，搵唔到位置食。-Sakura shrimp and crab fat scrambled egg呢個蛋整得好滑，有蝦同蟹肉，增加左滑蛋既味道層次感，另外個black truffle scrambled egg 都好值得推介，岩哂鍾愛黑松露嘅人。-咖啡Flat white/ piccolo latte兩款都選了fruity blend, 好香既咖啡果味，一直都冇懷疑過ninetys既咖啡水準👍🏻呢間Ninetys食物質素一流，加上靚海景，值得再來！…查看更多

今日係觀塘駱駝漆度行街買野，係11 樓見到呢間新開嘅餐廳，望望Menu都幾吸引，於是就入去坐低試試，6點幾唔算好多人，我地都幾肚餓，所以點左幾個野食一齊Share!-麻辣海龍王海鮮意大利飯$168呢個係今餐我地最喜歡的，辣辣地嘅味道，加落意大利飯度好有驚喜，唔會食到好滯，反而仲開胃左，海鮮材料有好多，相當超值。-辣椒墨西哥玉米餅配扭扭薯條$58完全係性價比高，用玉米餅炸左個碗仔出黎放扭扭薯條，內外都食得，好鬆脆，配埋黑松露蛋黃醬，作為餐前小食好唔錯。-黑胡椒碎蜜糖鴨胸意粉$148擺盤好靚，鴨胸肉質好軟，意粉加黑胡椒都好好食，整體唔錯。-星辰大海$48好仙氣的名字！改得好好，杯野飲好靚，底部好多閃令令，係碟豆花加上梳打汽水。-雲呢拿咖啡$38香濃咖啡，朋友好喜歡！雖然觀塘駱駝漆平日都好多人等Lift，但呢度係絕對值得排隊上黎食嘅餐廳，高質性價比高！👍🏻…查看更多

今日同朋友搵地方食少少野做宵夜，行過呢間餐廳係食雞煲、串燒同火鍋，於是我地入到去坐低，叫左個泰式鹽燒烏頭，燒羊肉串同埋清酒煮珍珠蜆。先黎既清酒煮珍珠蜆，煮蜆有淡淡酒香味，蜆吐沙都吐得好清，唔會食到成口沙。蜆煮得幾嫩，唔會嚡口，蜆肉本身都幾肥美同幾juicy。跟住黎左燒羊肉串，羊肉有加孜然粉調味，亦都有少少辣味，燒出嚟好香脆，肉質唔嚡好惹味。最後黎既係泰式鹽燒烏頭，烏頭魚鋪滿左鹽，開左魚皮聞到有好香既香料味，烏頭魚肉唔腥，亦都幾嫩。幾好食。呢間餐廳都唔錯，幾好食，下次多人D既時候想試試個雞煲。…查看更多

近年香港人比較注重健康，Poke bowl係其中一樣潮流輕食，低卡低脂，材料豐富又飽肚。今日係深水埗買電子野，順道一來食個健康嘅lunch!-808 $108呢個poke bowl係由魚生、沙律菜、多種配料、壽司飯同醬汁組成，材料有吞拿魚、枝豆、三文魚子、雜菌香菇、山葵乳酪醬等等，醬汁比較多，成碗壽司飯同埋材料都撈滿哂，好好味道，食落唔算好飽滯，但如果可以少D醬汁更好。-Nalu $98呢個材料有八爪魚、皇帝蟹棒、辣椒碎同埋辛味蛋黃醬，好好味，微微嘅辣，好開胃，八爪魚好好咬口，個人比較喜歡呢個飯。Lunch set 好抵食，價錢包埋個野飲，可以揀冷壓果汁，或者熱茶消下滯，如果唔夠，仲可以加錢加自己喜歡的食材，健康之餘又飽肚既午餐！…查看更多

今日約左朋友係觀塘食野，我地都係好鍾意食韓國野嘅，揀左呢間好近地鐵站嘅，真係好方便，附近又有巴士站，地理位置非常好。我地好早就去攞位，好彩唔洗排隊就食到。點左個炸雞同埋粉絲都好好食！-原味韓式炸雞$98 半份我地點左半份炸雞，有兩個雞鎚、一隻雞翼同一隻下脾，份量都夠兩個人Share食，兩個醬汁都好好味，炸雞好好味，好脆！下次想試埋個蜂蜜提子脆米炸雞。-泡菜茄子炒粉絲$88好想食粉絲，所以揀左呢個素食嘅粉絲，材料好豐富，感覺比較健康，有菇有茄子、泡菜椰菜同埋翠玉瓜，唔係好辣，如果再辣少少會更好。餐廳仲有好多野食選擇，講得出嘅都有，有石頭飯、炒年糕、水冷面、豬手，等等呢D熱門韓國菜，係一間多元化又交通便利嘅韓國餐廳！…查看更多

今日去尖沙咀食完晚餐，想食D甜品，咁岩係the one 見到呢間食pancake 既專門店就入黎試試。呢間pancake 既選擇有好多，有咸點有甜嘅，睇到我地款款都想揀，最後揀左兩個一齊share!-焦糖香蕉pancake $98Pancake 好軟棉棉，可以自己加糖漿，焦糖香蕉個皮好脆，整體唔錯。-雜果朱古力pancake$108色彩繽紛嘅dish,望到讓人開心起來，滿滿的生果粒，加埋Pancake, 作為飯後甜品岩岩好！呢間係尖沙咀行完街一個抖下食甜品嘅好選擇🥞👍🏻…查看更多

一個悠閒嘅下午，行開附近見到呢間餐廳，見餐廳環境幾舒服，入去食個brunch 嘆返個下午。一坐睇睇Menu見多好多選擇，主要係pizza, pastas, salad, 飲品有酒精，soft drinks等。叫左個Italian sausage pizza $118, Pumpkin salad with ruccola $88, 同埋叫左杯pear margarita $78. 先黎左杯Pear margarita, cocktail佢係即場mix既， 杯cocktail幾好飲，唔會有酒既苦澀味又唔會太甜，有淡淡桃味，好易入口，唔錯。Italian sausage pizza一上枱夠哂熱辣辣，餅底唔厚，意式腸肉碎辣辣地幾惹味，mozzarella 芝士份量好多，一拉塊pizza完全做到拉絲效果，仲有好有種磨菇做餡，好味道。Pumpkin salad with ruccola，南瓜沙律配火箭菜，南瓜碎完全食到南瓜既甜味，再加埋火箭菜配黑醋同另一個salad dressing. 食落去酸酸甜甜咁，幾清新。整體來講，呢間餐廳都唔錯，我會再嚟既。…查看更多

今日要係尖沙咀上堂，Lunch黎左呢間好靚既打卡Cafe食野，想搵個地方坐得舒服休息下抖下，入到黎見到D座位都好寬闊，應該坐得幾舒服，咁岩坐到近海景既位置，真係非常開心。-龍蝦冬蔭意粉$178首先賣相已經滿分，擺得好靚，材料都豐富，好多龍蝦肉，味道就偏淡味，有輕微冬蔭嘅味道，如果可以再濃D應該更好。-泰式奶茶意大利芝士餅$88呢個係我最鍾意既，真係好好味，不過味道偏甜，岩哂中意食甜野嘅人，都係建議Share食，因為個份量比較多。-玫瑰泰奶茶$48味道唔錯，有淡淡玫瑰味，唔算好甜。呢度除左有a la carte menu可比你單點之外，仲有D lunch set 好抵食，包埋當日既餐湯同埋餐飲，加少少錢仲可以升級飲品同加甜品，下次約女仔朋友黎食真係岩哂，可以打卡又提供舒服嘅座位。…查看更多

今日特登去左土瓜灣同媽咪食日本野，呢間係朋友大推既一間餐廳，佢話呢度既 丼飯好高質，叫我一定要試試，我地兩個人點左幾樣野一齊Share，食到好飽好滿足😍。-花錦魚生丼$188係一個色彩繽紛嘅丼飯，講得出嘅都有，粒粒三文魚、左口魚邊、赤蝦、金蟹子，等等，材料新鮮好食，飯係壽司醋飯，上面加左隻蛋，好好食，魚生口感各不同，好食！-夢之丼$298呢個都係大推嘅，好多材料，排得好靚，有三文魚溶、三文魚子、牡丹蝦、海膽、帆立貝等等，每樣魚生都好新鮮好好食，價錢有少少貴，但絕對係高質嘅選擇。-左口魚邊壽司$96兩件入口即溶左口魚，必點，輕輕炙燒過，好香。-法國蠔$76/真鯛薄切$78材料好新鮮👍🏻-蟹膏豆腐$48呢個好好食，大推介，好特別嘅小食！-柔煮鮑魚$68加入左少少醬汁，味道唔錯，切成薄片容易入口。呢度雖然位置有少少遠，但職員好有禮，時常幫忙加熱茶，環境又舒服，值得過黎試試。…查看更多

今日要去又一城買野，同朋友行過見到呢間係Salon旁邊嘅Cafe，裝修燈飾好吸引，睇下餐牌見到食物係以輕食為主，而食物同飲品都會加入CBD（大麻二酚），係會令人放鬆心情，同埋會訓得好D，我地就決定試試。我地點左個雙色吐司$98，揀左芥末蟹肉同吞拿魚腩沙律做topping，醬汁揀左cream cheese 同松露蛋黃醬，先試試個味道，我地比較喜歡芥末蟹肉果個toast, 好清新好light, 絕不感到好膩好飽，味道唔錯，吞拿魚腩沙律嘅toast 味道正常。餐飲我地揀左熱mocha 同埋蕎麥茶，個杯好靚，加左CBD味道其實唔係好食得出😂，杯Mocha 幾好飲，係我好喜歡好濃朱古力味果種，至於蕎麥茶就比較暖胃健康，可以飲下消下滯咁。呢間輕食Cafe食物野飲都唔錯，等朋友整頭髮嘅時候可以試試，放鬆下心情👍🏻👍🏻…查看更多

今日同朋友相約觀塘，黎左呢間小店食個brunch, 見到牆身上有塊好靚又搶眼嘅大壁畫，令人心情舒暢既感覺。入到去，叫左兩份american style 既all day breakfast. 各$96兩份既食材好豐富，有沙律菜，腸仔，煙肉，炒香左既磨菇，炒蛋，薯角。一份跟雞胸同牛角包，而另一份係跟黑毛豬同堅果包。炒磨菇炒得唔錯，有牛油香味，煙肉薯仔都煎香過，微微地脆口。炒蛋炒得嫩滑，跟餐既黑毛豬同雞胸味道都唔錯。個餐我地揀左roasted almond latte同rose latte，咖啡係即磨既，咖啡幾香，唔苦，rose個杯幾重玫瑰花香味，最特別係飲到尾先見到咖啡內真係原粒有玫瑰花。而杯roasted almond latte都幾香濃，亦唔會好甜。總括嚟講呢間係一間有特式既小店，值得推介。…查看更多