joodee的个人专页

每次唔知想食乜，但係又好肚餓嘅一定會去光榮冰室，因為佢每一個套餐嘅份量到大到可以分兩餐食，無論係常餐，三文治系列，碟頭飯分量同味道都對得起個價錢。今次好肚餓咁揀咗叉燒炒滑蛋飯，唔夠10分鐘個飯就喺我面前，香噴噴嘅😆份量就唔使講一定夠食，雞蛋至少有五隻，叉燒嘅數量亦都滿足我呢一個食肉獸，不過餸同飯嘅比例可以再做好啲，就係永遠都食晒啲飯，但係啲餸都未食晒😂。味道方邊，雞蛋好香口又落咗啲牛奶去炒，叉燒雖然唔係蜜糖叉燒，但係味道依然好傳統叉燒味。可以落少少韭黃或者蔥花，令到個飯食到一半無咁濟。…查看更多

今天來到了香港繁華的鰂魚涌王牌冰室，品嚐了他們的招牌菜蝦仁叉燒蛋飯。這道菜份量十分足夠，一碗白飯配上鮮美的蝦仁、軟嫩的叉燒肉和香滑的蛋，看起來就十分誘人！蝦仁非常新鮮，口感豐富，而叉燒肉的肉汁豐富，入口即化。蛋則是煎得剛剛好，口感香滑。整個用餐體驗非常愉快，讓我感受到了香港美食文化的獨特魅力。店員的服務也非常好，熱情地為客人提供服務，讓人感到非常舒適。這道蝦仁叉燒蛋飯不僅美味，而且價格實惠，非常適合用作午餐或晚餐。…查看更多

安格斯厚牛吐司望上去幾靚仔，餡料十分之豐富有蕃茄醬、蕃茄粒、青瓜絲、生菜絲同埋牛肉漢堡扒。餡料唔會令到個包濕搭搭，不過可惜嘅係吐司本身都唔係好脆口。安格斯厚牛排，一啲都唔厚，不過好重牛肉味，唔算太多汁🥲烤肉炒麵一打開個盒唔係幾有胃口，但係$22呢個價錢又真係好抵。味道方面，所有材料都好鹹，烤豬肉係暖嘅唔係好熱，上邊嗰pat肉醬冇乜調味淨係好鹹，個面底同我想像中有啲唔同，諗住係似意粉咁嘅質地，事實係似油麵，係淋啤啤嘅，無咩咬口，入口即斷😅炸雞塊係全餐最好食嘅食物，好似中學小食部嘅炸雞塊，肉質比較結實。芋頭奶綠小芋圓芋圓口感偏淋，芋頭碎上，唔係一粒粒冇乜口感，奶味重過綠味，奶精味重。總結-可以一試，見呢間餐廳吐司嘅定價比其他較低，所以想試吓，下次不了…查看更多

之前係旺角食開同名米線鋪係荃灣開多間，心諗咁唔使去到咁遠食佢個豬軟骨啦哎呀，點知係豬軟骨食，都無麻酸辣撈粗，真係好啲可惜。不過，佢仲有第二款名物-沙嗲湯底。今次就食咗沙嗲湯底米線，豬扒加韭菜餃先講講個麵底先啦米線煮得爽口彈牙，食得慢嘅唔怕浸湯底浸到淋晒，湯底比旺角店清，好處係食完唔覺好濟。豬扒無調味，店員無問我分開定一齊，炸豬扒就咁放咗係湯上面，令到豬扒好快唔脆，呢個位有扣少少分。韭菜餃-餃皮厚度適中，但內涵較少，材料都唔算新鮮。…查看更多

越北牛肉粉專門店可以安哥再安哥嘅越式餐廳！上之識咗佢下午茶嘅雞扒飯之後覺得幾出色，今次試埋佢個慢煮豬手飯，一上台就聞到好香滷水豬手味，豬手嘅份量多過白飯，豬手夾起身好鬆軟，入口一啲都唔痴牙，啖啖肉，帶有豐富嘅豬手脂肪味，一啖豬手一啖飯。完美豬手可以配微酸辣嘅醬汁，令到豬手無咁漏有小量蘿蔔絲作配菜，可以緩衝豬手嘅邪惡味道。餐飲放面呢間餐廳有好多選擇，熱飲免費，凍飲加$3 ，特飲要睇返價錢，下次會試佢個芒果沙冰好似好好飲咁！…查看更多

位於荃灣中心嘅一間牛腩麵舖，直接入主題，嗌咗碗爽腩飯，包一杯野飲，牛腩飯好快就上枱，牛腩就比較啦肥同細嚿，但係口感同味道就一絕！咬落去有牛腩濃郁嘅脂肪味道，口感爽脆唔會鞋身。除咗牛腩同其他傳統麵店會有嘅嘢食，仲有啲三文治同頹飯選擇。…查看更多

香煎雞扒鐵板燒雞扒有三隻手指咁厚，雞皮煎得好香脆，肉質保持嫩滑，完美之作。飯嘅份量好多，足夠成年人嘅份量，有好多粟米粒，每一啖飯都有粟米粒嘅存在👍🏻👍🏻可惜煎蛋就咁打落鐵板受熱，好快熟。…查看更多

叫咗個好開胃嘅前菜 - 泰式燒牛肉沙律分量足 但係牛肉比較鞋口反而菜好新鮮嘅 加返啲檸檬汁更加提升味道仲有脆腰果伴菜 正呀喂紅咖哩雞飯有食唔完嘅雞 但可惜啲雞有陣雪藏味加上薯仔無咩落功夫 過下油鑊都好呀讚位係紅咖哩唔錯 都做到好香椰奶味唔太辣小椰菜好惹味 落咗唔少蒜頭同醬料不過啲菜就老咗少少 要咬多幾下😵‍💫😆可惜食唔到打卡甜品 芒果糯米飯 好傷心🥲🥲🥲反而驚喜叫咗個炸榴槤蛋 出奇地好重榴槤肉 但做唔到外熱內冷嘅感覺…查看更多

喺尖沙咀嗰間間餐廳都有咁上下價位 難得搵到一間價錢相宜 一於直接入去試下質素如何先🙃🙃先叫咗幾樣小食包括 炸池魚hmmm 比起我 去過嘅餐廳都比較細條 而且炸得乾身 完全冇肉汁可言😑 可取之處係先有調味 唔使點沙律醬都ok🤨驚喜位係豬骨湯烏冬冇諗過豬骨湯係咁濃稠 加上份量都好足夠 最鍾意嘅係好多蔬菜🥬🍄 而且烏冬係讚岐烏冬 又另一抵讚位食物都算唔錯 選擇多元化 係一間香港較為地道嘅居酒屋可惜職員嘅態度 真係要改改佢 食完第一輪之後加咗單 上菜後十分鐘 職員同我哋講要離開因為已經夠鐘 但加單嘅時候從來都冇提醒過 最後食物都未食完就已經走咗嚕😵‍💫🤯…查看更多

三多脆卜卜，人人食過笑呵呵😆😆😆新年流流街道上唔係有好多食肆開門，但係見到三哥炸髀有間餐廳就行咗入去試吓佢，果然佢嘅「三多炸髀」🍗名不虛傳，無我失望！嗌咗咖喱焗雞扒飯、炸雞髀配雜果沙律、忌廉湯、羅宋湯配蒜蓉包先講講生炸雞髀配雜果沙律，外層麵包糠炸到金黃吸睛，卜卜脆，辣到任君選擇。生炸效果令雞髀保持嫩滑爆汁，辣到任君選擇。沙律係罐頭沙律，不過都叫有心思咁加咗啲薯仔落去。羅宋湯同忌廉湯都相當足料，忌廉湯每一啖都有蘑菇碎，比較重忌廉味，唔會好稀。羅宋湯就會比較辣，有西芹粒係湯頭到，兩個湯用嚟點麵包食都好好食。講到蒜蓉包好正常地脆同香，但係重口味嘅我，就覺得要多啲蒜泥。食得出係咖喱磚味道😧，豬扒好淋有豬味，有少少芝士係面頭，幾香口！個飯係炒飯低幾有誠意，但可以再炒得好食啲😂😵‍💫。…查看更多

鱟地坊幫襯再幫襯嘅麻辣餐廳鱟地坊多麻辣餐廳，點解要揀呢一間呢？就係因為佢一個午餐只係要$50-65蚊就可以食到好食同大份嘅麻辣野，仲包埋野飲！我今次叫咗午市嘅小辣水煮牛同小小辣嘅酸菜魚，個日都多人買飯食，都等咗20分鐘左右先講講水煮牛，牛肉係鮮牛嚟，唔會用鬆肉粉整到好淋或者好重鹼水味，有10幾塊牛到，足夠你食一碗飯，個底仲有好多芽菜同埋好多旺菜仔酸菜魚個魚係鯇魚片嚟好少骨，都有十幾舊左右，亦都有好多芽菜同旺菜做底，可以幫你做到均衡飲食！…查看更多

炸雞世一呀喂 仲好味過Jolibee😌🤫😎炸雞套餐 半份炸雞炸薯條加沙律炸雞外層似KFC炸粉 卜卜脆好有邪惡感 但又會忍唔住食晒🥰🥰 啱啱炸起 juicy多汁 爭啲辣親嘴仔🤣 配甜辣醬 食停唔到口粗身炸薯條 略嫌炸得比較乾 當薯片食OK牛肉石頭鍋飯熱辣辣上碗😌 牛肉預先醃好甜甜地 撈埋隻生蛋冇得輸😌 仲有瓜同紅蘿蔔絲 惹味得嚟有啲菜平均返🤣🤣食物質素高但服務質素有待改善位姐姐係會俾說話啲客聽㗎🙃 sosad…查看更多

作為荃灣人嘅我，梗係認識民豐啦，每次經過都心思思想買佢啲糯米糍食由以前$5買到依家$6 ，依然係好大粒好足料仲好聚手添最鍾意食係芝麻味，就咁睇餡料有齊黑芝麻加砂糖唔知有冇白芝麻呢。芝麻好香食落唔算話好甜，如果一啖拍落口嘅話簡直係爽呀糯米皮好軟糯，有輕微嘅椰奶味，配甜甜地嘅芝麻餡，感覺好幸福花生餡就真係比較少食，但印象係有少少原粒花生同埋比較濕潤，感覺比較甜講真咁嘅價錢冇得輸，即使要排隊都值得排啦。只係每次去完都有一大浸韭菜味…查看更多

呢排都好想食撈米線，但港島好難搵到一間好味嘅米線舖，咁啱見到呢間叫自己做「皇后米線」就入去試吓先黑椒雞扒乾撈米線雞扒新鮮炸起，粉漿有啲似連鎖店嘅炸漿仍保持到脆口，而黑椒一早已經混入炸漿所以大有濃濃黑椒味反而雞扒份量唔多，肉質感覺上有少少梅但冇酸味嘅失望嘅係明明叫乾撈米線，但係水汪汪似係湯米線多啲酸菜嘅份量好慷慨，但略嫌過多搞到成碗麵好鹹好重口味反而鍾意佢米線嘅質感，爽身偏幼身比較彈牙份量比較少，加上環境衛生有待改善，食完都唔係好滿足…查看更多

午市韓式兩餸飯送熱飲餐廳午市選擇有好多，今次就揀咗午市set $52蚊，主食分別有齊韓式粉絲同白飯，而配餸有三樣選擇分別係烤牛肉、烤雞肉同泡菜豬肉我同朋友分別揀咗烤牛肉同泡菜豬肉，可以share試下唔同食物先講講配菜，兩樣都嘅口感同味道都幾大分別，泡菜豬肉有好濃泡菜嘅甜咸味，但豬肉同泡菜夾唔嚟、口感就入口即散、感覺唔太新鮮烤牛肉就需要啲牙力先咬得爛，味道就係好原始嘅牛味，好彩佢係有加咗少少少韓式甜醬，其實就真係冇咩味亦唔好味囉三色粉絲，有木耳絲同蘿蔔絲，但係三樣嘢都偏淋，木耳絲同蘿蔔絲冇發揮到佢爽口嘅作用，可惜白飯正常但又係偏淋另外叫咗炸雞，4嚿成為20蚊，水準差過打邊爐放題，仲要係凍嘅唔理價錢幾多，但成份set冇一樣係好味，亦睇得出餐廳無心做呢個set，呢個定價唔值得去食…查看更多