新年流流街道上唔係有好多食肆開門，但係見到三哥炸髀有間餐廳就行咗入去試吓佢，果然佢嘅「三多炸髀」🍗名不虛傳，無我失望！
嗌咗咖喱焗雞扒飯、炸雞髀配雜果沙律、忌廉湯、羅宋湯配蒜蓉包
先講講生炸雞髀配雜果沙律，外層麵包糠炸到金黃吸睛，卜卜脆，辣到任君選擇。生炸效果令雞髀保持嫩滑爆汁，辣到任君選擇。
沙律係罐頭沙律，不過都叫有心思咁加咗啲薯仔落去。
羅宋湯同忌廉湯都相當足料，忌廉湯每一啖都有蘑菇碎，比較重忌廉味，唔會好稀。羅宋湯就會比較辣，有西芹粒係湯頭到，兩個湯用嚟點麵包食都好好食。
講到蒜蓉包好正常地脆同香，但係重口味嘅我，就覺得要多啲蒜泥。
食得出係咖喱磚味道😧，豬扒好淋有豬味，有少少芝士係面頭，幾香口！個飯係炒飯低幾有誠意，但可以再炒得好食啲😂😵💫。
