皇后米線 (皇后大道中)

呢排都好想食撈米線，但港島好難搵到一間好味嘅米線舖，咁啱見到呢間叫自己做「皇后米線」就入去試吓先

黑椒雞扒乾撈米線
雞扒新鮮炸起，粉漿有啲似連鎖店嘅炸漿仍保持到脆口，而黑椒一早已經混入炸漿所以大有濃濃黑椒味
反而雞扒份量唔多，肉質感覺上有少少梅但冇酸味嘅
失望嘅係明明叫乾撈米線，但係水汪汪似係湯米線多啲
酸菜嘅份量好慷慨，但略嫌過多搞到成碗麵好鹹好重口味
反而鍾意佢米線嘅質感，爽身偏幼身比較彈牙

份量比較少，加上環境衛生有待改善，食完都唔係好滿足