醉月軒軒的個人專頁

今日lunch突然想食下拉麵，去左中環萬年大廈次郎拉麵，手機下單叫左個慢煮雞肉雞白湯拉麵，轉左要醬油湯，餐牌用日文寫，好奇用手機翻譯，原來是24小時慢慢燉煮的濃厚的醬油湯，店員話佢地D湯底無味精，食完又吾覺口乾好想飲好多水，而且個湯底都幾好味，D麵仲好彈牙。另外追加了火炙燒豚肉、慢煮雞肉，其實仲可以選擇雞白湯、香濃蝦湯、火山地獄激辛湯，或者加$20可以轉拉麵套餐，可配炸雞2件及罐裝汽水。日式炸餃子🥟吾係好大隻，一口一隻，但都幾好味。…查看更多

朋友移民澳洲，難得返嚟香港就陪佢去銅鑼灣SOGO買嘢，晚上揀咗朋友鍾意食嘅中餐，位於銅鑼灣廣場二期香馥樓食晚飯。朋友話呢度夜晚坐得舒舒服服，又唔會太嘈。呢度嘅餐具都好精緻，個茶壺有蠟燭一路熱住就唔會凍咗唔好飲。小食叫咗個一口蝦多士，炸到金黃色非常香脆，隻蝦又大隻。我自己就好鍾意飲湯，所以叫咗一個好有特色嘅紫砂功夫燉湯，用紫砂茶壺倒出嚟非常方便，可以慢慢飲，因為茶壺下面有蠟燭一路熱住，唔會遲啲飲就凍咗👍覺得特別好味，湯一定係熱飲先至係最好味。蜜汁厚切黑毛豬，個汁倒落去嘅時候好似鐵板燒咁啲香味即刻出晒嚟，厚切黑毛豬又有少少邊燒焦咗味道特別好食😋魚湯竹笙魚腐浸勝瓜，食完啲濃味嘅食返一個口味清淡啲嘅中和下，魚湯清甜，竹笙爽口。…查看更多

今晚去咗灣仔利東街金子半之助食飯，位置非常近地鐵站，先黎個鮭魚子玉子燒，軟綿綿嘅蛋卷，配上鮭魚子，一濃一啖互相配合。帆立貝魷魚天婦羅餅天丼，滿滿的炸物鋪蓋在白飯上，汁可以分開上，咁就唔使成碗飯都係汁。炸物有鮮甜嘅帆立貝、彈口嘅魷魚、炸蔬菜，外層輕盈酥鬆，沾上天婦羅醬汁完美結合。穴子&日本產牡蠣天丼，朋友好鍾意食牡蠣，牡蠣大隻又肥美，醬汁滲入白飯，令每一口炸物加白飯口感更豐富。雖然是炸物，但不覺得油膩。…查看更多

朋友話要去銅鑼灣人氣甜品餐廳HeSheEat食晚飯，我當然舉手贊成，佢D甜品好多選擇，但又有主食，吾洗食完飯又要去另一家店食甜品好方便，最啱我呢啲鐘意食甜品的人。菠蘿咖啡感覺清爽醒神，菠蘿汁配上咖啡的苦味都幾得意，呢杯咖啡會好有新鮮感。宇治抹茶士多啤梨鮮奶，上面有好好味嘅抹茶雪糕，中間係鮮奶，下面配有士多啤梨，層次十足。心太軟是日的焦點美食！外層皮薄仲有D脆口，朱古力醬一切開就流出嚟，黑朱古力甜度剛好，配埋個牛奶雪糕好正，一冷一熱係最好食😋特濃5.0牛乳軟雪糕芭菲睇落都好吸引，揀咗個芒果蜜柑，賣相打卡一流，牛乳軟雪糕好滑，濃郁嘅奶味同芒果絕配。除咗甜品，主食都好豐富，燒虎蝦帶子龍蝦汁燴扁意粉🍝龍蝦汁嘅意粉特別好味，仲有好大隻虎蝦👍 另外松露蟹肉牛油果蕃茄莎莎配墨西哥餅，淡淡蟹肉材料份量十足。…查看更多

朋友book咗位於銅鑼灣駱克駅的御鐵食鐵板燒，去到唔使等有得入坐。首先前菜係顏色鮮艷的西柚蝦沙律，隻蝦都幾大隻，一邊食一邊望住廚師燒活龍蝦，龍蝦七成熟能保持肉質爽口鮮甜，蝦膏加牛油做醬汁超香。活南非孔雀鮑魚，配上新鮮海苔醬汁有另一番風味。牛舌心係牛脷嘅中心位，非常爽口入味。鹿兒島A4和牛薄切燒，夾住蒜片及蔥花一齊食好好味，之後仲有炒雜菜。最後仲食埋炒到金黃色的海膽炒飯、甜品荔枝味雪糕配傳統牛油多士😋…查看更多

朋友今晚帶我去食Omakase，晚市訂位竟然有折，整晚望住廚師精心烹調每一道菜好像一場表演一樣，Omakase就有這個福利。瀨尿蝦茶碗蒸，蒸蛋嫩滑，瀨尿蝦鮮甜，配上柚子皮、百合、冬菇口感豐富。薄切鯛魚可以跟花瓣/Wasabi一齊食，擺盤好像一幅畫，仲可以加D香蔥豉油帶出鮮味。炸薯仔波波配上食用金箔三文魚子，下面係鮮甜松葉蟹肉，口感豐富。季節食材有秋刀魚刺身，非常新鮮，可以加啲蔥醬油一齊食。香蔥絲配活內紫貝，一定要飲埋啲湯，好鮮甜，上層係蔥絲嘅香味，下層活內紫貝爽口彈牙。北海道生蠔🦪肥美多汁，配上特製調味更好味。大吞拿魚經火燒一燒暖暖哋，配上大蔥粒在上面一齊食，再配上非常之脆嘅紫菜，一手放入口，一啖過更滋味，非常肥美。天婦羅無花果可以加少少鹽食，引返個香味出嚟，一鹹一甜，原來又好夾。無花果炸完後果味更濃。香魚漢字「鮎」，燒乾魚之後，鹽烤是最常見也最簡單的做法，在洗淨的魚身灑上薄薄一層鹽巴，呢個飯充滿魚香味。自家製金箔芝麻朱古力，裏面有啲脆脆米粒，口感煙韌，好似有少少海鹽味。…查看更多

今日同朋友去咗深水埗素年食飯，聽個名就知道係食素嘅餐廳，叫左平時都好鍾意食嘅日式咖喱吉列豬扒意大利飯，個飯又幾好食，而且個豬扒都真係好似豬扒，仲好大碟添。本地有機青瓜牛油果藍莓蘋果沙律🥗仲有粟米、新鮮嘅沙律菜、瓜子仁配自家製蘋果紅菜頭沙律汁特別又健康。主食配可餐飲品京都字治玄米茶或斯里蘭卡伯爵茶，亦可升級任何一款飲品包括酒精類飲品，正價減$12。追加甜品可以正價減 $10，本來想叫日本南高梅柚子青提慕絲蛋糕及糖漬檸檬伯爵茶杏仁撻，點知原來甜品真係會賣晒㗎，結果就叫多幾個小食。黃薑焗福花配自家製乳酪、香芋番薯波波各有特色，香芋番薯波波食完一粒又想食一粒，係一款好香口嘅甜品。…查看更多

今日去咗西環地鐵站附近KOME KUSHI ，6:00-8:30 HAPPY HOUR COMBO 串燒三串+啤酒都係$98，包括一口甜薯、秋葵、雞軟骨、雞中翼、汁燒雞肉串，其他加＄10牛油烤芝士年糕、煙燻豚肉蘆筍卷、汁燒牛舌尖，串燒燒得好食，雞翼燒到剛剛好金黃色，芝士年糕軟綿綿，真係食到停唔到口，配埋Suntory 啤酒，真係飲完一杯又一杯。朋友就鍾意食啲特別啲嘅串燒，厚切牛舌心、雞皮、雞心、雞肝全部俾佢叫晒，仲食得好開心。我都唔執輸，叫咗燒油甘魚鮫、櫻花蝦爙原條茄子🍆 油甘魚鮫好多肉，肉質又嫩滑！食完咁多肉配返個茄子先夠完美。…查看更多

今晚同朋友去佐敦Marco's Oyster Bar & Grill食晚飯，好耐冇見就出嚟聚下舊，呢度環境唔錯，餐廳仲佈置了好多打卡位。脆炸德國咸豬手套餐，有煙三文魚沙律🥗加香濃的牛肝菌忌廉湯，豬手份量充足，並已切件上碟方便食，配菜係薯條同沙律，豬手皮香脆，肉質嫩滑同時保持到肉汁，薯條唔太幼外脆內軟，豬手同薯條都幾熱氣，配返小小沙律中和下油膩感。海鮮意大利飯，一上枱就覺得性價比都幾高，有隻幾大嘅龍蝦鉗，又有蝦同蜆，意大利飯都好入味。流心的朱古力心太軟，配上雪糕球好好味，朱古力味濃得來唔算太甜，套餐加$20就有。隔籬枱有人生日現場嘅結他歌手同佢哋慶祝，餐廳環境氣氛非常之好，歌手好識得炒熱個場，如果同朋友嚟慶祝生日，的確係一個好地方。…查看更多

中環餐廳好少會有折扣，難得俾我發現呢間A Lux週末brunch於Openrice 訂位有全單八折優惠，即刻同個朋友book兩個位食。除咗八折，Brunch個頭盤Antipasto 都係Unlimited，可以任你refill，真係好抵食。用餐環境寬敞清靜，一坐低服務員就詳細介紹個brunch有啲乜嘢食，真係好專業，又有禮貌。首先送上麵包有三款，其中一款係我最鍾意食嘅牛角包，好食程度真係食幾個都可以。之後送上香檳，如果唔飲酒精飲品都有其他冇酒精嘅飲品選擇。頭盤都有幾個小食，我最喜歡就係水牛芝士蕃茄沙律🥗超級鍾意食水牛芝士配上新鮮蕃茄沙律菜，健康又好食！哈密瓜 Parma Ham就係我第二個至愛，咁好食當然要refill啦。其次仲有三文魚、蛋捲等。Live homemade pasta station有多款意粉選擇，可以自由配搭海鮮、配料、香料、醬汁等，即叫即整，喜歡的話還可以看着廚師即場炒意粉👍主菜羊架厚身，肉質粉嫩多汁，帶點羊羶味，最啱喜歡吃羊嘅朋友。肉眼扒五成熟，充滿油脂，肉質嫩滑，鎖住肉汁。餐廳signature 甜品A Lux colada，充滿椰子味mousse的朱古力球，非常可愛別緻。Smoked matcha lava tart, vanilla ice cream，抹茶迷必食，柔滑抹茶流心配上雲呢拿雪糕🍧完全是夢幻組合。…查看更多

同朋友晚上飯局找了一間上環樓上環境好有情調的餐廳，睇得出餐桌要求都好高，每次上菜都會換碟，收起不需要用嘅刀叉，非常認真。本來想叫個DELUXE DINNER SET，但朋友唔食牛，所以最後散叫。餐前有麵包，微暖的麵包配上橄欖油及醋真係最佳的配搭，比起平時用牛油更加健康，又好味。黑毛猪火腿凱撤沙律，羅馬生菜夠爽脆，黑毛猪火腿與鮮甜的沙律菜，永遠都係絕配。主菜是法式西班牙黑毛豬鞍，黑毛豬多汁，配上薯蓉蔬菜，夠飽肚，又不會只食肉太膩。烤虎蝦海鮮濃湯，虎蝦大隻，湯底濃郁，仲有海鮮青口帶子，非常足料。北海道帶子蘆筍米蘭意大利飯，帶子大隻又彈牙，蘆筍幼嫩，一粒粒又Creamy嘅意大利飯未食已經聞到香味。甜品法式伯爵茶焦糖燉蛋，上層脆卜卜的焦糖面，下層香滑的燉蛋，每一口都有好滿足的感覺。意式奶凍，牛奶味濃奶凍好滑，配上少少酸味的新鮮水果，更突出奶凍的原味。…查看更多

朋友帶我去了銅鑼灣一間食潮州菜餐廳「鬼滷」，是一間好西式的潮州菜餐廳，前菜是爆谷，所以個名又改得幾好，結果一邊點菜，一邊食爆谷，好似去戲院睇戲咁😂店舖不是很大，但環境不錯。椒鹽普寧豆腐朋友話必叫，的確外脆內軟，就算吾點汁都好好味。食潮州菜當然要叫蘭王蛋蠔餅，非常鬆脆，新鮮整起當然特別好食，大大粒蠔仔，好足料。主菜潮式滷水拼盤，揀三款包括滷水鵝肉、墨魚、豬腩肉。鵝肉切得好薄，廚師刀法不錯👍 墨魚彈牙，豬腩肉又唔覺得好肥，仲好入味，而且下面用蠟燭加熱，一路保持住溫度更加好食。飲品茘枝接骨木梳打，用自家製的包裝夠特別，要了少冰，味道不會太甜。…查看更多

朋友升職加薪要去食飯慶祝，就去了灣仔距離地鐵站好近的家賀屋刺身寿司專門店食晚飯。首先小食是炸三文魚皮，魚皮切成條狀，同平時出面形狀不同，非常鬆脆，不覺油膩。長芋山葵漬，也超級爽口。今晚主菜是刺身，好大盤又放得好漂亮，這是食日本菜的特色，一定要打卡。三文魚腩刺身好彈牙，食得出好新鮮，不過食Wasabi就要小心，平時出面壽司店要落好多Wasabi先覺得夠，但這裡的Wasabi真材實料，險些令人以為我哭🤣第一次食水母刺身感覺好特別，原來水母刺身係咁爽口㗎！真鯛薄造無論賣相還是味道都一流，很新鮮！我喜歡食鰻魚，特盛山椒鰻魚丼想不到鰻魚這麼大塊，平時通常鰻魚就好長好瘦，今次的鰻魚就好闊，份量很多。青龍🐉個名很特別，其實是一款壽司，入面是炸蝦，外脆內軟，好似一條龍。飲品北海道燒酎茶割酒味比較濃味，Snowball cocktail，雖然其實都是有酒，但可能比較甜，覺得好好飲就會飲得好快。…查看更多

今日去咗尖沙咀海港城Tea Moment 活在茶下，這個中文名很容易記得。以為呢度只係食甜品，但其實都可以當lunch食😋輕食午餐可麗餅系列有4款鹹食，煙三文魚牛油果可麗餅，又有三文魚又有牛油果及蛋係一個好健康嘅午餐；火腿滑蛋芝士可麗餅，個蛋熱辣辣又好滑；另外素食有菠菜磨菇羊奶酪可麗餅、海鮮可以吃黑松露帶子忌廉可麗餅。午餐可以加配精選茶飲可獲減＄15 優惠，雲南滇江熱茶茶味好香；蜂蜜滇江燕麥奶，蜂蜜的甜味和滇江茶的香味融合在一起，燕麥奶令口感更豐富。玫瑰寒天軟雪糕，雪糕軟滑，淡淡的玫瑰花香雪糕配上寒天的凝膠，口感清涼。…查看更多

今晚在位於灣仔QRE Plaza Bifteck一間好有情調的餐廳同朋友食晚飯，這兒適合約會，晚上比較少人，適合喜歡比較靜嘅餐廳嘅朋友。今晚餐廳咁啱都見到有人同朋友慶祝生日，服務員親自唱生日歌送上祝福，非常溫馨，簡單而隆重。 服務員送上Carbonara時特別提示，每一口都充滿蛋黃醬的意粉最好配上風乾豬面頰肉粒，更能帶出蛋黃醬嘅味道。Garlic Creamy Mushroom 的蒜蓉忌廉醬非常creamy，而且有好多蘑菇，份量多。French Duck Breast with Orange Gravy 鴨胸嫩滑，配上菜與薯仔不錯，橙味醬汁夠特別。Burrata Salad 芝士蕃茄仔非常清新又好食。…查看更多