保頓冰室

尖沙咀有間裝修懷舊嘅冰室，播着張國榮嘅歌曲食飯，好似去左八九十年代。午餐蒜蓉粉絲蒸海蝦配白飯，蒜蓉蒸粉絲個汁好好味，新鮮蒸熱辣辣，粉絲及蝦吸晒汁送飯一流👍 再加個蒜蓉炒時菜，夠晒健康。


凍香滑奶茶，茶味濃郁，少甜剛好，有傳統冰室嘅水準。甜品首選絕對係雪糕菠蘿包，大大個菠蘿包中間有兩球大雪糕，一口雪糕配上脆口的菠蘿包特別好味😋


生炸雞髀配薯條，再加冰凍檸檬紅茶，下午茶首選，雞髀皮脆不油膩，薯條外脆內軟！瑞士汁雞翼一碟有四隻，瑞士汁夠晒入味。