kwan0708的个人专页

之前聽朋友講過呢度好食，見都好多正評，就黎試下啦！六點左右黎到，有book位，都唔算多人。到7點到啲booking 就逐漸入座。我地最後選左尊貴海鮮套餐先上呢盤海鮮，流晒口水！😋😋加拿大野生海虎蝦好大只，超級鮮甜！蝦肉都好鮮甜爽口！蟹皇大元貝第一次食加蟹皇既元貝！蟹皇好濃郁，配合住爽甜既元貝食好高享受！韓國斧山珍珠蠔漲卜卜，好大只，咬落去時好creamy 好juicy ！好有蠔味，但唔腥！台灣花尾龍躉片肉好厚身，食落好有咬口，好多骨膠原大西洋野生青口紐西蘭刀貝蚌職員話重海水味，會有少少咸味，唔洗點醬油食，不過我以上都海鮮都無點過醬油，因為海鮮真係好新鮮甜美！食落又真係咸咸地，好好味！台灣九孔鮑魚好大只！清潔得好乾淨，咬落好爽口彈牙！第二盤海鮮野生琵琶龍蝦好特別，之前都未食過！呢個肉質相比虎蝦肉實少少，但都好爽口，清甜！好食！野生膏仔蟹好多膏！好濃厚既清甜味！蟹好好肉，蒸時間剛好，好嫩滑！啖啖肉，超好食！最後食埋個蔬菜盆同粥底就完美啦！好飽！職員話老闆做海鮮批發，時令海鮮先入貨，亦會親自選購最靚既海鮮，所以餐牌有時會唔同。海鮮全程由職員蒸，每款時間都唔同，計到最準時間個位就上碟，食到最鮮甜既效果，係屋企真係做唔到！！會再去！推薦！…查看更多

Lunch都幾多人，人少反而易啲有卡位❤️同個fd叫左個黃金鹹蛋炸雞，同牛肉大醬湯。個炸雞真係好脆，件件都好似食薯片咁有聲，而且啲鹹蛋黃都好平均咁樣分布喺啲雞件上面，份量比我想像中多，咸度適中，熱氣爆燈，好彩有幾舊醃蘿蔔中和下(which我起初以為係西瓜XD)因為我唔想咁熱氣，所以就叫咗個大醬湯，牛肉好多好嫩滑，加埋啲豆腐朔晒啲大醬汁，好正好好味，配飯一流。我特別仲好鍾意佢啲京蔥，唔會煮到淋哂，口感岩岩好。每人可以自助攞一個嘢飲，出邊仲有泡菜同埋韓式炒粉絲可以任攞。呢個價錢晏就食到個韓式set，滿意冇投訴。…查看更多

附近做完野都成兩點，又唔想食唔係好夠飽既下午茶，見到呢度午餐供應到2:30，就坐低食啦！Lunch set 有好多款，沙律、三文治、burger 、意粉都有，總有一款岩。最後我叫左個好豐富既午餐鴨胸菠菜扁意粉鴨胸厚切，好嫩滑，唔會鞋晒，好好味！菠菜都幾多，加埋個汁食好creamy!藍梅合桃蛋糕蛋糕鬆軟，好香藍梅味，面頭有一粒粒既合桃，食落唔會油淋淋，應該唔係加左好多油。最後飲返杯抹茶latte 就完美啦！抺茶好濃好香，好好味，唯一不足係唔夠熱，如果呢樣都做好就無得彈啦！好滿足既一餐，食完繼續返工…查看更多

極尚大喜屋可以話係以平民價錢食高級放題，無論刺身，壽司等款式，都唔係一般平價食材，三文魚子，松葉蟹，鮑魚，比目魚等，一般放題餐廳唔會提供嘅，呢度都比你任食食到夠，簡直物超所值，唔洗再去其他餐廳！菠蘿燒完好甜，有焦香味牛舌薄薄地，好香口虎蝦夠大只，芝士味濃！有幾十款壽司，刺身，熟食，燒烤，仲有粥，烏冬等等，食物款式比坊間放題餐廳多幾倍，連甜品都有好多款！全部都係特色甜品，雪糕雪條都係日韓款式，平時好少食到！刺身新鮮無腥味，夠晒鮮甜！打開個app落單，可以見到好有誠意，餐牌有好多好多食物，無論你喜好如何，點都會啱食。即使老人家唔食生冷野，都有好多款熟食，拉麵，粥，烏冬等等，可以照顧到佢地胃口。餐廳位置都好闊，BB車推入黎都無問題，不過最好放係Lift口附近的BB車儲存位置。一家大細又有老人家BB，想搵個舒服地方食嘢，極尚大喜屋係一個非常唔錯嘅選擇！…查看更多

如果講到要食出名嘅韓國菜，喺觀塘區嘅選擇的確唔多，我哋上網搵到喺亞太中心原來有一間韓國餐廳係非常之出名，所以就今晚諗住去試吓。Dodam佢哋有好多種唔同嘅炸雞味道，例如有鹹蛋黃味，蜂蜜蒜蓉牛油味，同埋辣醬味道等等，有差唔多成10款唔同嘅味道，總有一款啱你去選擇。而我哋就叫咗鹹蛋黃味，因為我哋都鍾意食比較濃味嘅。佢哋嘅炸雞真係好好食，骨同肉嘅比例啱啱好，而且係非常之亂畫，唔會話好似雞胸咁樣好鞋。當然要靠佢哋嘅師傅，唔可以揸得太耐，所以佢哋能夠做到皮脆肉嫩。我哋再跟住叫咗一個人蔘雞湯，人蔘雞湯入邊，佢哋所用嘅係雞髀，唔係用雞胸，所以係非常之嫩滑。再加上佢哋用料好充足，入邊有好多人蔘，成煲湯嘅人蔘味道非常之重，冬天食一定好暖胃。再叫咗個芝士牛排骨，芝士喺上枱嘅時候，仲係處於一個溶緊嘅狀態，夾起一份牛排骨，再撈埋啲芝士一齊食，個口感真係一流，好滿足！佢哋痴線嘅份量一啲都唔少，如果鍾意食芝士嘅人呢，就會覺得非常之好食啦，可以食到飽。整體來講係一間非常之好嘅餐廳，價錢唔貴，而且份量比較多，可以食到好飽都得，一家大細過嚟，可以唔使怕唔夠食，誠意推薦俾大家。…查看更多

香港無論係上一年定今年，都經歷到好多考驗，真係唔容易雖然香港人既消費氣氛麻麻，但有時候都要食返D好野，對自己好D，咁先至係無咁抑鬱。既然出街既風險咁高，一食就梗係要食好D，咁先至對得住自己，大家記得帶口罩喔!今次，就同大家推薦一間衛生情況非常好，食物質素非常高，服務態度無得頂既餐廳啦！呢間餐廳係香港已經有3間分店咁多，叫做「蟹仙蒸氣火鍋」，下稱蟹仙。老闆娘仲好好咁走過黎同我地傾計，希望香港人可以一齊其渡難關咁話！我今次揀左最近我屋企，位於新蒲崗既分店鋪仔細細，但選擇多多，有好多唔同既package經過店員細心介紹後，我哋選擇左呢個每位$399既package，中間價錢，但包羅萬有放心，食完一定飽到上心口，因為有超正既粥底環境超乾淨，店員都有帶口罩，今時今日食得安心最重要！記得食之前打電話黎bk定位一開始，店員會拎我哋既餐具用高溫消毒，真係放心哂！之後就會比我哋「混醬」蒜蓉加豉油，一定唔少得第一碟上枱既有越南虎蝦、深海龍躉片、韓國慶南蠔、日本大元貝每款海鮮每人一件，最最最安心又開心就係無一件係來自中國從老闆娘同我哋傾計過程中得知，蟹仙既老闆專門做海鮮起家，同唔同地方既中介人合作，取得最新鮮肥美既野生海鮮，絕對唔係養殖場o個d，海鮮食落去既質感真係唔同d，虎蝦肉質彈牙、龍躉片爽口、元貝、蚌同埋蠔等超級鮮甜正所謂一分錢一分貨，就係咁解！食過海鮮蒸氣鍋既人都知道，店員會逐樣海鮮為客人按時間蒸熟，所以時間岩岩好，想安全d絕對可以邀請店員蒸熟少少店員健談，服務一流蒸既時候有一種好夢幻既感覺鮑魚大過隻手指公，上碟時仲郁郁下，好新鮮賴尿蝦有成隻手臂咁長超多膏呀，估唔到連賴尿蝦都有膏店員話唔係隻隻都有，我地真好彩重頭戲係呢隻膏蟹勁勁勁大隻查實我平時唔太喜好海鮮，惟獨係鐘意食膏所以真係勁勁勁驚喜蒸熟左之後真係勁勁勁吸晴蟹膏好鮮甜，無苦澀味蟹腳蟹鉗全部好多肉，好肥美，平時如果我食咗唔新鮮既蟹肉，會喉嚨痕今次完全無，打破左我對海鮮既印象:)最後仲有新鮮既蔬菜原來蔬菜都可以蒸熟仲勁甜！最後最後既重點海鮮粥！店員話煲底有個出蒸氣既口，可以出一d蒸氣水所以水同粥既分量係岩岩好開頭有啲擔心會唔夠飽但食埋個粥之後，真係飽到頂住個肚夜晚都無肚餓無論服務、環境，定係食物質素都比5粒星如果真係出街食，希望大家可以食好野，大家一齊共渡難關💪💪💪💪…查看更多

今日係附近上完training，見到有間韓食，位置唔算好多，都坐左幾多人，所以就買返屋企食。外賣擺放妥當叫左兩份腐皮壽司每件唔同味！餡料都好多，富韓國特色既食材粟米沙律甜甜既粟米加清新既青瓜，好爽甜！醬油咸魚仔呢個係我最中意食既！好多好多既魚仔撈混晒醬汁，好入味，但又唔會太咸。好食！醬燒牛肉雖然係雪凍左，但牛唔會好肥膩，咸咸地既醬油味同牛肉好夾。中間果舊係辣味魷魚，味道較其他辣，魷魚好爽口！泡菜豬肉有腐皮既甜甜地，唔算好辣，但好有泡菜味，豬肉唔鞋，都算幾嫩滑柚子茶濃味，涼涼地既天氣飲佢唔錯！個人幾中意食韓食，但每樣食又飽得濟，呢啲就剛剛好，一件件，一次可以試到好多款！除腐皮壽司仲有其他野食架:)…查看更多

聽同事講得多，今日總算有機會黎試下！每日到食飯時間就勁多人，客似雲來！今日遲左少少放lunch，唔洗點等位。同朋友兩個食，叫甘多碟好似有啲誇張秘汁泰式生蝦一碟六只，大大只，蝦肉晶瑩剔透，食落好爽，好新鮮！點埋個酸辣汁食，正呀！作為前菜一流！泰式炒通菜好香馬拉盞同蒜蓉味，通菜炒得好爽，沾晒啲汁！正！泰式無骨豬手好大份！啖啖肉！多骨膠原之外又唔會好肥膩。鹵水醃得好入味，好香！芒果冰熱辣辣既天氣飲返杯芒果冰係最佳既享受！爽呀！…查看更多

之前朋友帶我黎過，覺得幾唔錯，就帶中意食中菜既屋企人黎食啦！預先問定爸爸媽媽中意食物，再預訂，黎到就可以上菜、開餐啦！叫左個大蜆野菌豆腐湯材料好足，個湯好濃，有陣陣海鮮既清甜味！呢一鍋大約裝到6,7碗。前菜有個麻辣鹵水拼盤，開下胃先！有金錢肚、手撕雞同豬大腸。金錢肚同豬大腸都好稔，鹵得好入味，但又有麻辣既味道，好惹味！手撕雞一樣好入味，雞肉都好嫩滑，啖啖肉！豬大腸厚身，但好入味，又稔，好食！蒜蓉粉絲蟶子皇蟶子到！！上枱時已文到好香既蒜蓉味！超正！蟶子好大只，超長！蟶子好新鮮，蒸既時間剛剛好，所以肉質好鮮甜，好爽口！啲肉長過只碗呀！胡椒大肉蟹好吸引！好大只！岩晒鐘意食海鮮既我！蟹身先拎去炸再用胡椒去炒返，食落去好香胡椒味！好好肉！好鮮甜，肉質爽嫩，唔會梅晒。蟹鉗好大只！yummy！炆龍躉腩龍躉果然係龍躉，啲肉同普通魚好唔同！首先個皮係好厚，炸左後脆脆地，又有少少魚油，正！肉質較實同滑，好味！鵝掌鵝掌超大只，相等於平時兩三只鳳爪甘！但炆到好稔，菇類有三樣，我都唔識分但炆得幾稔，食落又幾爽口。唔好睇佢甘多汁，但唔咸的，剛剛好，有菇味！士多啤梨骨同平時食既沙拉骨或古魯肉好唔同，新口味！好香士多啤梨味，個汁甜甜地，limlim的。排骨好大件，都好多肉，唔會剩係得骨。yummy！御膳炒飯炒得乾身，唔會好濕或太乾硬。似係用左豪油或甜豉油去炒，食落甜甜地，有蔥花既香味！材料有菜粒、牛肉同蝦等。好好食既炒飯！紫薯布甸好精緻，個透明杯配紫色既布甸好靚。布甸滑溜溜的，好香紫薯同奶味！令人回味既甜品！喜歡的一間私房菜，整體上都好好，推薦！！御膳 (觀塘)觀塘敬業街65-67號敬運工業大廈12樓F室35759567…查看更多

睇區內社交網站既街坊分享，話西灣河呢間阿爺燒鵝餐室斬料唔錯，所以就黎試下啦！燒味林立，花多眼亂，都唔知揀咩好掛住兩大口燒鵝！好肥美！望落去好脆皮，一定好正！哈哈，最後斬左幾盒走燒鵝係呢度出名既菜，點會唔揀佢呢？要左下庄，唔算話好多，但都有一盒。鵝皮既色澤好好，每一個部位既皮都燒得好靚！食落個皮好香，煙薰既味道！有少少油脂一齊食，簡直係極品！正！好味！仲叫左半斤乳豬。只豬應該都幾大只，好大件，同有啲肉食下由斬到返屋企開飯約一個中到，但估唔到咬落去個皮仲係超超超級鬆脆！！個皮又脆又鬆化，無得頂！值得一讚！好食！呢度除左出名既燒鵝外，我覺得乳豬都好好食，好脆！大家黎到除燒鵝外，乳豬都係好選擇！…查看更多

荃灣都真係幾多野食！今日朋友就簡左黎食越南野！餐廳唔算好大，但座位坐得舒服，唔會好逼！職員用電子儀器落單，好快手，又無漏單！叫左六串串燒，三牛三雞串燒用左香料去醃，有啲香茅味！正！雞肉嫩滑，燒得黎有肉汁。個醬好香口，有啲芝麻同花生味，唔會好咸，唔錯！啲肉都算大舊正！火車頭湯河材料有唔少，幾豐富，有牛展、蘿蔔、牛腩、牛肉、牛丸等。牛肉未全熟，浸一浸個熱湯就剛好熟！湯清甜，河粉爽口！牛丸都幾彈牙，金錢展夠稔，入味！好食！越式三寶撈檬有香茅豬扒、雞翼同扎肉。剛炸起，好脆口同香口！檬粉個汁酸酸地又有少少辣，撈埋食好正！夏天食好岩，較有胃口！牛油果軟殻蟹米紙卷呢個又係好yummy ！米紙夠稔但有咬口，軟殻蟹脆脆地，夾埋粉絲同菜同牛油果好清新，點埋酸酸地既汁好好食！蟹頭膏炒通菜推介！通菜夠嫩，唔會好難𡁻。炒得好惹味，送飯一流！即使我無叫飯，自己都食左半碟！椰青夠凍又清甜，岩晒熱辣辣既夏天！解渴一流！珍多冰，不過不失唔錯既一餐！會再黎！…查看更多

每次黎親都唔少人排隊，但勝在夠快，一陣就買到！今日午餐屋企人話唔想煮，就叫我落樓買巧手，仲千叮萬囑叫我睇下今日做咩特價飯，就買咩俾佢。原來真係有特價飯，仲要$20！仲平過711啲叮叮飯！抵到爛！！而星期六係鳳爪排骨飯，正！即使唔係特價，蒸飯都係$25，抵！仲有每日特價既凍包，平過蒸左既，早餐食岩晒！食送 既份量唔少，鳳爪同排骨都好入味，又稔！仲有好多既菜，唔錯！章魚肉餅飯章肉好爽口，一粒粒甘係肉餅入面，好有咬口！肉餅入味，好食！雞扎係我點心至愛！雞肉大件又嫩滑，芋頭鬆化，仲有大大件既豬肚！正！叫左生薑紅棗同海鹽柚子茶前者幾薑，有紅棗味。後者咸咸地，有一粒粒既柚子。兩支都唔錯，幾好味！巧作係抵食又唔錯既選擇！…查看更多

成日都同屋企人黎煮打菜食飯，主要送菜好岩胃口，味道又好！最中意食佢個生煏大白鱔煲，可以選野味香辣或蒜蓉果皮蒸，我選左後者，正！蒜蓉好多，甜甜地，好香！加埋少少果皮既香味，味道一流！白鱔肉質好嫩滑，無物骨，新鮮！底既肉邊有少少焦，更香口美味！:)好多莞茜蔥，令香味更多一層！Yummy ！好食！白鱔生買都成百幾二百蚊斤，係度食整埋俾你都係二百零，化算醬燒野菌牛仔柳醬汁甜甜地，野菌好香！牛仔柳唔韌，啖啖肉！加埋醬汁食，正！洋蔥同香芹都好甜好爽口！楊州炒飯料好多，有叉燒、蝦、生菜同蛋絲。炒飯粒粒分明，好香蛋香味！夠鑊香，炒得唔錯！兩個人，叫兩送一飯已好足夠，夠晒飽！推薦大家！…查看更多

呢間餐廳好特別，點睇個格局都係西餐廳，們菜式竟然係中式！個菜式擺設都幾高檔，打破平時一盅三件既傳統，感覺完全唔同晒！而且個味道一啲都唔遜色，好好味！首先講下個環境先，有bar枱，座位闊落，坐得幾舒服，燈光暗暗地，幾浪漫！餐廳位於頂層，望出去個view 幾好，幾高！一共有兩層，樓上唔知係咪露天呢？無上過去，所以唔知啦，如果係露天都幾正！講返食物先！叫左兩杯野飲右邊果杯係Fairy Green ，唔算好甜或好濃，有淡淡既青瓜同蘋果味。左邊係Blue Tint，係butterfly pea tea and lemon , 相比fairy green 甜少少，好fresh。燈影紅曲米牛腱凍凍的，好入味，厚厚地，肉同筋分明，好爽口，好味！櫻花蝦避風塘茄子望落似炸豆腐，但其實係茄子黎！炸到好鬆脆，入面係軟棉棉既茄子！加上脆卜卜又香口既櫻花蝦食好夾！正！花膠螺頭片波士頓龍蝦湯個湯超濃超足料！清楚見到有一大舊既龍蝦肉、花膠同螺頭片！！好香龍蝦味！竹笙如意海皇羹材料好足，料多過湯！有竹笙、蝦、帶子等！金莎芥茉鴛鴦蝦球有兩款口味既蝦球！炸到好鬆脆！芥茉蝦球，芥茉好香，配炸蝦球原來係甘夾既！好喜歡呢個配搭！金莎蝦球係用咸蛋黃去炸，沙沙既咸蛋黃好香口！好食！竹炭金泊蝦餃黑色既蝦餃都係第一次食，個皮好煙韌，仲有啲金泊係面，頓時高級了！入面既蝦肉好多，好爽口！脆皮意大利風乾火腿蘿蔔糕配果醬蘿蔔糕好多蘿蔔絲，炸到卜卜脆，個果醬應該係蘋果醬，甜甜的，點蘿蔔糕食好岩，好好食！阿拉斯加蟹肉金柱蛋白燴飯份量唔算好多，但食到有好多蟹肉，個飯炒底，粒粒分明，唔錯！正如一開始所講，餐廳好特別，菜式好好食，一改平時中菜既傳統，中西合璧，正！係一個唔錯既選擇，會再黎！…查看更多

新舖頭開張，晚飯時間排晒長龍！勝在地方夠大，流動率高，好快就有得入座！雖然係太古，仲要係晚市時間，但價錢唔貴，無加一，唔怪得之甘多人！佢有兒童餐，都唔少野食，吸引啲細路食飯餐湯材料都幾足，好甜。:)黑松露蝦球炒蛋 套餐:$70好香黑松露味，為平時食開既蝦仁炒蛋加添左一種獨特既味道！好香！蝦球好大只，好爽口，食落好彈牙，蝦球都算多，有成十大只！蛋幾滑，整體唔錯！又大又爽口甜酸菠蘿生炒骨 套餐$70即叫即炒，熱辣辣，有鑊氣！生炒骨外皮好脆口，唔會稔晒，肉質爽，稔，有肉汁。個汁酸酸甜甜，好開胃！綿滑蛋白杏仁茶極度推薦大家要飲！佢同杏霜有啲似，但濃味好多，甜甜的，好濃，有蛋白既香味，好好飲！紅豆冰紅豆夠綿，唔算好甜整齊上幾好！值得黎開飯既餐廳！…查看更多