minionbob的个人专页

今日比男朋友威下，帶我去食好西！😍我真係好鍾意食德國香腸同豬手，所以佢就帶我嚟試吓間德國餐廳，睇吓係咪真係咁好食先。入到黎位置唔係好多，不過都坐滿晒人，咁啱男朋友book咗位，黎到有張枱留俾我地，雖然枱唔係好多，不過都幾闊落，都坐得幾舒服。因為我哋唔係食得好多所以我哋叫咗個香腸拼盤同埋德國鹹豬手，豬手上枱時熱辣辣，個皮好脆，啲肉好鮮嫩，再加上芥辣去食，味道啱啱好，香腸有幾款唔同嘅味道，配埋酸菜真係一流，我哋兩個人食嘅份量啱啱好。…查看更多

好耐冇黎食啦，次次都係同朋友嚟食，今次就同男朋友嚟食，我最鍾意就係佢嘅瑞士雞翼同瑞士雞髀，每次嚟到都要食。佢哋嘅嘢食真係好好食，我平時都會晏晝嚟食，今次特登夜晚過嚟試吓。午餐肉配公仔麵真係無得輸，配上番茄湯底，濃郁又香噴噴，加上滑樓嘅炒蛋，真係不得了。我哋陪左個香腸拼盤，事關我真係好鍾意食腸仔，不過我就唔係好食得辣，佢其中有一隻係比較辣，所以我俾咗我男朋友食。芝士肉醬焗薯角，新鮮焗出嚟熱辣辣，香噴噴，芝士仲可以拉絲，不過份量就真係幾大跌，我哋兩個都食唔晒。最後梗係有我地最愛嘅雞髀啦，男朋友好細心切開一嚿嚿俾我食，每件點上瑞士汁食入口好滑，又香，真係冇得頂。…查看更多

今日個朋友喺外國返嚟，特登同佢試吓食香港好出名嘅雞煲，所以約咗佢哋呢一間食，啱啱上到黎見到有個大魚缸，入邊有好多特色嘅魚，好靚。佢嘅鋪有好多選擇，我哋都係叫咗麻辣雞煲，半隻雞中辣，另外佢仲有好多小食，其實本身都好想試吓，但係又驚食唔晒所以唔叫。佢真係有好多種唔同嘅嘢食，佢最出名嘅就係手打丸，我哋叫咗個四寶丸試吓，另外在叫咗好多唔同嘅食物。調味料真係有好多選擇，有我最鍾意食嘅芝麻醬，其實唔係好多鋪頭有芝麻醬可以食。我哋叫咗四寶丸、韭菜餃、牛柏葉同埋一個烏冬，烏冬係稻庭烏冬，佢啲丸真係好爽口彈牙，韭菜餃入邊好足料。整體上呢餐唔錯，價錢中規中矩，最重要係坐得好舒服，有個靚景可以睇，有機會下次到想再嚟。…查看更多

兩個女仔girl’s talk, 呢度真係一個唔錯嘅選擇。啲嘢食好味不特止，仲可以坐到收舖🤣🤣🤣啱晒我地！呢間主要食西餐，佢有啲套餐都幾抵食！我哋嗌咗個意大利飯同豬手，沙律同餐湯，兩杯嘢飲，已經夠晒飽！佢個餐湯係粟米忌廉湯，好creamy 👍🏽👍🏽 南瓜蟹肉risotto🤤🤤其實我好怕膩，出邊一啲餐廳食risotto都會食到個肚好濟，但呢度呢一個完全唔會。好香南瓜味之餘，食落去個感覺好Rich😂😂配上蟹肉真係好夾。另外個豬手都好有驚喜！估唔到少少一間餐廳，焗嘅豬手都可以咁高水準！個皮好脆好香之餘，d肉個味做啱啱好，唔會太咸👍🏽👍🏽其實咁樣已經食到好飽，原來佢仲有甜品，我哋加錢要咗個心太軟，朱古力味好濃！配埋雪糕very good。所以話女仔係有第二個胃一d都冇錯🤣🤣🤣…查看更多

依家去食放題，好多格局同野食都一式一樣，不過嘢食嘅質素都可以好參次。吉壽算係數一數二，嘢食好食，坐得舒服，而且食物選擇多嘅放題。我哋去食嘅時候已經係九點。但佢唔會因為食得夜，而冇晒d野食，起碼放喺出邊嗰啲嘢食，我哋見到佢又周不時都會添返👍🏽👍🏽👍🏽刺身我哋就嗌咗兩輪，費事食唔晒，咁就晒野。佢啲份量唔會比少，而且夠晒凍，好新鮮！大家真係要試吓佢d刺身蝦！！佢有虎蝦，不過我硬係覺得泰式食法會滋味d🤣🤣🤣日式牛肉鍋都係必點！！湯底好甜，豆腐好滑，而且牛肉份量都好多！亦唔會太老！一口牛🤤🤤🤤永遠冇伏！好冧又夠晒味！佢串燒都有好多款揀！雞軟骨！must encore!!有時好怕佢有陣味，但呢到完全唔會有！好少放題會有海膽食，呢度有海膽手卷！而且細細件，唔會食到太飽。顏色唔係特別鮮色，不過絕對唔係臭味海膽。食得太多肉，都要嗌下啲粟米平衡返🤣🤣🤣最後就食返條雪條。捧住個肚走🤤🤤🤤…查看更多

上openrice見到呢間雞煲火鍋有85折wo！仲要6-9pm都有😍 出面果d成日限你7:30pm前埋單先有折🤷‍♀ 根本就唔岩我呢d收7點既人士🤷‍♀ 所以就約朋友試下呢間啦！一坐底佢就比左個醬料盤我地自己溝🤣🤣 我溝左個勁好味又勁重口味既醬🤣 我地仲叫左個花膠雞煲！係花膠雞煲阿👸一聽就覺得好補骨膠原👸入面仲有足半隻雞😮都好滑 加埋d螺片 好鮮甜！！果然係餐廳招牌之一！！個頂級雪花肥牛份量都幾多 滾幾滾就食得 肉味和嫩滑程度都💯 配合我自己調嘅醬料 吊出哂牛肉既濃郁味道💯💯💯兩個女仔食到呢度已經好飽😂😂 不過都仲要陪朋友食佢最愛嘅響鈴 原本以為好普通啦 同出邊買嗰啲差唔多 但原來呢個鬆化好多wo😮 size都大條好多 唔似出面買果d！吸少少湯再食超好味😮😮 朋友超滿意！😍佢飲品都有d新意思！試左個韓國嘅芒果啤酒 又幾好飲wo😍 見到佢仲有一d送酒嘅特色小食 生蝦刺身 辣酒煮花螺都幾正咁 不過真係太飽了😮 下次可以考慮一下！😍😍…查看更多

第一次食Running燒😍朋友果然無介紹錯呀！🤩呢間韓燒真心正！餐廳環境相當唔錯🍴 枱與枱之間唔會太迫👀 唔洗怕比隔離枱既人聽到曬對話內容嘛😝 不過餐廳內座位唔算太多 如果一行多人 又或者撞正特價時段 就要早d去拎位喇！🕘食物方面，每張枱都會有幾款前菜 超開胃😋 清清地又可以中和到燒肉既油膩🥕留意店員會提醒你白蘿蔔唔係要黎食 係用黎洗走鑊上既焦架🚨食物種類都幾多🤔👀 應有盡有😍 尤其係無限量供應既海鮮呀😍 開頭以為海鮮質素會係麻麻 一般雪藏海鮮 點知好驚喜！ 蝦同蠔都好鮮味 食到停唔到口呀🤤 但留意海鮮要夜晚先有供應呀⚠肉類都有好多款呀😇 有豬雞羊牛既唔同部分 真係每樣試少少都已經好飽喇！岩曬食肉獸😏我地嗌左一籃生菜包住d肉食 無咁滯👍🏼 熟食都有唔少選擇！炸雞有辣🌶有唔辣🍖🍗 個人覺得質素拍得住出面既炸雞店呀😍 炸雞餃子送啤酒🍻一流呀！基本野飲，汽水/解茶都係包架😍 但如果想嗌啤酒送肉 就要另外收費喇💰 最後最後 幾飽都記得要食埋呢到既甜品呀！🍦…查看更多

約咗兩個好耐冇見嘅朋友，因為朋友結婚所以今次特登約出嚟食餐飯，咁啱佢哋入開來大埔，所以想約黎試下呢間bar。我哋點了三款食物，一款海鮮西班牙飯，飯身較軟及多汁，海鮮份量多。因為有個朋友比較喜歡食素，所以我哋叫一個素的Pizza，新鮮熱辣的pizza，配上重重的芝士，而配菜的份量多，看上去個邊似過火了，但吃上去味道剛剛好，好味。最後點了個焗豬手配蜜糖醬，豬手的肉鮮嫩多汁，加上薯角作配菜，一流。而我都好喜歡個蜜糖醬，出邊好多地方都係配燒汁同黑椒醬，而呢度陪嘅蜜糖醬食入口好Fresh，不過點少少食就夠，如果唔係會過份甜…查看更多

等個fd荃灣收工一齊食飯 問佢有咩好介紹🤓佢就帶左我黎呢間越味皇🤔一入去裝修都幾越南風喎 頭頂有d越南帽做既裝飾 都幾有feel既 坐位都好寬敞 俾左張卡位我地坐👏👏好啦 睇野食先！由於我減緊肥 想食light d🤔所以我地就叫一碗粉share食 叫左個火車頭湯河 有牛肉牛腩牛丸牛柏葉 仲有白蘿蔔 好多款餸☺☺加啲青檸同辣椒仔提升哂個湯底 又開胃啲哦 同埋一碗既份量超多 兩個人食都夠飽 下次可能要少河粉就夠我地仲要左個越式扎肉蒸粉卷 粉卷皮都算薄 扎肉超靚 唔會好似出面有時無味道咁 記得配埋佢每枱都有既越式魚露 我浸哂落去食咁濟哈哈😂每人仲加左杯野飲 我就叫左牛油果沙冰 飲落去好重牛油果味好驚喜喎！估唔到牛油果做野飲可以咁夾 做沙冰口感又creamy唔係得啲冰 超水準的！！fd就飲越式滴漏咖啡 佢話咖啡豆味好香濃 一啲酸味都無 好易入口☺☺…查看更多

兩星期前已經約咗班同事一齊去食放題，諗左好多間放題都唔知食邊間好，最後有個同事提議不如試吓旺角呢間大滿喜，因為我之前都食過樓下嗰間樂天大喜屋，所以都有興趣試吓呢間大滿喜，不過因為都係大喜屋集團，所以我諗應該都唔錯。一入門口就見到個飲品櫃，飲品嘅種類都幾多，有茶類、可樂、忌廉溝鮮奶、果汁、維他奶，仲要有酒添， 真係一家大細都啱。出邊有個沙律吧同小食吧，可以自製沙律食，另外仲有啲小食，例如炸餃子、薯格等等，仲有個甜品櫃。呢排電視都成日講唔好食咁多三文魚，我自己就叫咗一碟試吓啲刺身，北寄貝同鮑片都好好食，好鮮甜。我最愛嘅火炙壽司，啲飯嘅size細細舊唔錯，火炙三文魚入口即溶，建議一定要食，另外仲有啲卷物，另外梗係要推介一下大喜屋最出名嘅芝麻雞翼，香脆可口，雞肉嫩滑。仲食咗好多種唔同嘅菜式，每一款都幾好食，同埋好出色，另外佢啲位坐得好舒服，因為我哋係五點半入座，所以都唔係好多人，建議如果返shift嘅朋友都可以試吓五點半食，七點半黎座。…查看更多

平時食開嘅日本餐廳，大部份都係食啲大型連鎖店，今次終於比我搵到間細舖頭，啲嘢又好食又大件。先來個前菜，叫咗個溫泉玉子牛油果凱撒沙律，啲牛油果都幾多，份量都幾大，兩個人食啱啱好。之後叫咗個黑豚肩燒丼， 佢用嗰啲咪係珍珠米，好彈牙，豚肉好香，同埋食落口唔覺得佢係雪藏味。其實我好鍾意食魚同埋芝士，之後我哋叫咗個雙重芝士鰻魚卷，呢個餸簡直不得了，鰻魚好大件，兩種芝士混合埋一齊食，味道好重，但係又唔會搶左鰻魚嘅味道。最後呢一個係見到隔離枱叫咗呢個，所以我有跟住一齊叫，佢叫做石狩鍋，勁大個三文魚頭，下邊有啲蔬菜係底，魚頭係笑過，好香好好味，個湯比個魚頭浸過之後好濃味。…查看更多

今晚約左同妹妹食飯，咁啱今日打風，仲諗緊今晚出唔出去食飯，點知五點幾就落咗波，到最後梗係出去食返餐啦。係開尖沙咀附近諗緊食咩好，妹妹就話不如食burger，行開美麗華見到呢間開門，所以就入去試吓啦。入到去都幾多外國人喺度食，睇返個餐牌又唔係貴👍🏻👍🏻👍🏻同埋佢啲款式都幾多，我哋叫咗個鵝肝鱈魚柳漢堡啲鵝肝入口即溶，魚柳外脆內軟，好香，同埋個包好多醬，正！其實因為我好鍾意食魚，所以之後叫咗個鱈魚柳手指條，佢嘅炸皮一啲都唔厚， 同埋佢啲冇雪藏味，啖啖肉！之後叫咗個炸洋蔥圈，佢入邊嘅洋蔥啱啱好熟，咬落去一啲都唔辣，仲甜甜地，我都幾推介呢個！臨走前發現原來銀聯卡做緊優惠，成滿＄300有七折，但係其實佢啲嘢食都唔係好貴！…查看更多

尋晚同同事收工，放工冇野做經過開荃灣就一齊去左食飯，呢次黎到呢間位於大鴻輝的滿屋。去到九點幾都重見到好多人係入面食緊野😂咁大家都未食晚飯，一黎大家都走去凍櫃拿野飲，飲品種類都好多，我就揀左支桃茶飲，涼一涼先😌飲完啖凍飲就緊係戲玉-怒點野食，我地交完紙唔洗五分鐘，d野食就擺到成枱都係😍首先就緊係食我最鐘意的刺身，三文魚同蝦都好肥美🤤刺身蝦有兩種，赤蝦同甜蝦，赤蝦就好大隻同好厚肉，而甜蝦就真係鮮甜d🤣，食哂兩款後，雖然赤蝦少見d，但我覺得甜蝦啱我食d👍🏻香芒花之戀同花之戀，味道方面分別唔大😂，兩款三文魚都好厚肉炸物方面我地就點左炸蝦天婦羅同芝麻雞翼，兩樣都即叫即炸熱辣辣，雞翼真係可以再encore，咬落外脆內軟，入面重有肉汁，正呀😋跟住就黎左好多件芝味系列壽司，一啖一口剛剛好唔會太大件，如果上面塊芝士再燒溶d就更好😝除左凍櫃有野飲，呢度重有張紙剔特飲，我今次就叫左藍糖荔枝梳打，杯野重可以額外加三色Q果，增加口感，飲落甜度啱啱好，都幾好飲😊再黎就試食個蒸扇貝，肉都算大隻，略嫌唔夠咸，自己加豉油即刻提升番隻扇貝的鮮味😆食到尾聲就食d香口野-燒雞軟骨，卜卜脆咸咸地☺️到左最後當然係食甜品啦，食完雲尼拿味哈根大師，為呢餐作出一個完美的句號。🤣…查看更多

今晚約咗個朋友一齊食飯，咁岩知道附近開咗呢間餐廳一段時間，但都冇食過，所以就諗住過嚟試吓。呢度嘅晚餐好多款式，同埋好多fusion菜，而且價錢都唔貴，初初睇完個Menu之後都諗咗好耐食乜嘢，諗來諗去都諗唔到，到最後我哋決定咗叫一個主食， 之後叫幾款小食啦。啲湯都幾creamy，同埋佢哋都好特別係比牛角包，上枱時係熱辣辣。之後嚟咗個蘑菇燒汁豬手粒焗飯，飯上面除咗有燒汁之外仲有芝士，不過佢啲豬手係豬手粒粒，而唔係一隻隻，啲豬手都幾淋，佢啲燒汁都幾多每一啖都有燒汁味！兩款小食，一個芝士凱旋薯皇同埋辣茄醬焗青口，我朋友讚個青口好好食，辣度啱啱好，而個薯皇就冇乜太大特別，不過佢哋啲食物勝在大份同埋好平。飲品淨係叫咗杯熱柚子茶，佢落嘅柚子蜜都幾多，成杯野嘅甜度都唔錯。推介！不過建議夜晚黎食可能要早少少，我哋六點半嚟到已經坐左幾張枱，七點半基本上有人已經係出面等位，所以早啲嚟會比較好。…查看更多

其實之前同女朋友都已經食過一次，食完之後好想再嚟食多次，不過今次想試吓其他食物。可能我哋太早度，黎到嗰陣時2樓冇乜人，我哋就拿拿臨即刻嗌嘢食。主食我哋叫咗個蘆筍韓牛石鍋飯，佢啲飯係用韓國米主啊，加上葱粒、牛肉粒、蘆筍粒，食落好香，再加上佢有飯焦，口感一流。之後嚟咗個蜂蜜芝麻雞， 啲雞炸得好香，再加埋佢嘅蜂蜜芝麻醬，好好味，啲雞下邊仲有沙律菜係底，正！零一個小息就係芝士韓風卷，味道好濃，我特別鍾意食呢一個，一口一件，瓜、肉、芝士，每一啖都有不同嘅口感，下次黎要再食。炒蜆，超級惹味，不過我覺得辣左啲， 可能我唔係好食得辣，如果攞嚟送飯嘅話一流，我哋食緊嗰時我見隔離幾張枱都有食緊呢一個。推介！…查看更多