大滿喜日本料理 (已結業)

兩星期前已經約咗班同事一齊去食放題，諗左好多間放題都唔知食邊間好，最後有個同事提議不如試吓旺角呢間大滿喜，因為我之前都食過樓下嗰間樂天大喜屋，所以都有興趣試吓呢間大滿喜，不過因為都係大喜屋集團，所以我諗應該都唔錯。一入門口就見到個飲品櫃，飲品嘅種類都幾多，有茶類、可樂、忌廉溝鮮奶、果汁、維他奶，仲要有酒添， 真係一家大細都啱。出邊有個沙律吧同小食吧，可以自製沙律食，另外仲有啲小食，例如炸餃子、薯格等等，仲有個甜品櫃。呢排電視都成日講唔好食咁多三文魚，我自己就叫咗一碟試吓啲刺身，北寄貝同鮑片都好好食，好鮮甜。我最愛嘅火炙壽司，啲飯嘅size細細舊唔錯，火炙三文魚入口即溶，建議一定要食，另外仲有啲卷物，另外梗係要推介一下大喜屋最出名嘅芝麻雞翼，香脆可口，雞肉嫩滑。仲食咗好多種唔同嘅菜式，每一款都幾好食，同埋好出色，另外佢啲位坐得好舒服，因為我哋係五點半入座，所以都唔係好多人，建議如果返shift嘅朋友都可以試吓五點半食，七點半黎座。