食神小智的个人专页

難得放假嘅星期日，重臨西環舊居閒逛懷緬過去時光，並相約友人共進晚餐。剛巧得知火鍋撚西環有新分店，對於我呢啲一年四季都可以打邊爐嘅吃貨嚟講緊係再要去食啦🤣落單之前店員已經放低咗一大盤嘅醬料比我哋自己混醬😋嗰個陳年XO香辣醬無得頂啊，鹹鹹香香仲有啲蝦米粒，就咁食已經好惹味啦👍🏻當然，打邊爐最緊要就係個鍋底😍，今次就叫咗「祖傳秘製麻辣鍋」拼「一品酸菜白肉鍋」嘅鴛鴦鍋底😋麻辣鍋嘅辣對於我嚟講啱啱好，又唔會搶哂食材嘅鮮味，而酸菜白肉鍋嘅白肉入哂味，無得彈啊👏🏻我哋仲點咗安格斯肥牛，牛味好重，食落唔Un🤟🏻當然少不了我同友人打邊爐食麻辣鍋嘅最愛鵝腸同埋黑柏葉，食得出兩者都唔係冰鮮，入口爽脆😌最後仲有隆重登場嘅鴛鴦滑—「黑松露墨魚滑」同埋「蝦滑」啦😋個墨魚滑黑松露味好突出，配合得天衣無縫；蝦滑就新鮮爽口彈牙，仲要有原隻蝦肉🍤真材實料😋食咗咁多肉就緊係要食番啲菜啦，生菜新鮮而且份量多，算係幾抵食，蘿蔔鮮甜無渣，切成條形入口啱啱好😋食完仲送咗個糖水中和一下😍好值得讚賞👍🏻…查看更多

那晚放題真係好多野食，我個胃納量實在讓我無法試食晒咁醒多幾美食! 位於觀塘亞太中心，地方超大，成間裝修到好似酒店自助理餐咁，D卡位又大又寬，又有大落地玻璃窗，好grand ，我地一行四人家庭，揀了大卡位坐，D野未到已到飲品櫃揀野飲，有竹蔗茅根，錫蘭檸檬茶，椰汁，韓國野飲，原來啤酒都有任飲，女友人佢鐘意熱野，出面自動飲品櫃有熱柑桔，綠茶等，照顧周到。刺身水準可以，特別有海立魚，好有魚味。壽司質素不錯，特別愛吃黑松露三文魚和蟹膏赤蝦壽司。手卷也好味，香蔥拖羅，芒果軟殼蟹，海膽手卷都好好食，因為D食材好新鮮，我建議唔好encore 太多，唔係太飽會試唔到其他野。小食味付螺肉，泰式生蝦，魚翅海哲撈D醬汁好好味，微辣又夠香，好開胃。燒物如燒羊架，燒鮮菠蘿，帆立貝，牛仔骨，真係食完encore 又encore，好正! 女友人話花膠雞湯正，真有腍滑花膠，我都有食，D湯好鮮甜。燒物如燒海蝦，脆皮腸，炸野吉列蠔，紫薯波，榴蓮炸蛋，夠晒香口，全部都好好食結尾係甜品同雪糕，我地開心死，芒果糯米糍，芝土餅，法式燉蛋... 好食又唔會甜死，重有雀巢雪糕，雪米糍，Mega大腳八，Melond韓國雪條...任食，總之太多野揀，真係試唔哂，二佰幾每人食到變飽鬼，好過去酒店食自助餐，重要D野Order咗，好快到，好好。…查看更多

食放題為左可以係咁食，最主要係可以約埋朋友一齊開心食，今次揀左極尚大喜屋，之前食過樂天大喜屋今次要試下高級Ｄ既極尚大喜屋，睇下有冇分別先!!首先緊係講下刺身先啦，我地叫左甜蝦刺身，蝦好新鮮，味道口感一流，食完忍唔住再叫多次！！熟食方面，我地叫左牛肉鍋，因為sukiyaki 既底真系會上癮，加左菜加蛋係個湯到，加埋真系好好食。雞軟骨好有雞味，唔會太硬，口感幾好！仲叫左天婦羅，天婦羅既炸粉唔多，所以唔會食粉多過食料，而裹面既蝦係好彈！一口牛柳粒！蒜香味夠，牛肉有口感，份量足，唔會食唔曬。最後重有雪糕食！侍應食到咁上下就俾張雪糕menu 揀！可以揀movenpick 或者 hagandaaz ! 總括黎講極尚大喜屋既味道係好食，份量岩岩好，食放題最容易係食唔曬，而間分量岩岩好！…查看更多

我自己就好鍾意食D小店自家製既野，尤其係出面唔係好多地方食得到呢間沁沁麵，全部都係自家湯底自家滷製等等，勝在夠住家Feel，價錢都唔算貴湯底唔油唔膩，清清地，好香甜雞湯人蔘味，但一D都唔甘唔苦，不過同韓國個D人蔘雞湯唔同，呢種係好廣東Feel個D煲湯味，可以滋補一下麵好細好滑，我最怕食到D又霉又爛既麵，撈埋湯一口湯一口麵食仲正秘製炸肉丸，個口感好得意，出面炸到好脆但入埋仲係好juicy好軟熟，食一粒再接一粒有D停唔到口，炸得好香口，但唔會覺得好熱氣食完一D都唔口渴，唔添加味精，睇黎以後可以多一個選擇了…查看更多

外國經常正餐都係食漢堡做正餐架啦，同2個回流番黎香港既朋友約埋出黎，都係食漢堡我地各自各叫一set漢堡，每個人都唔同口味，配料都唔同，睇下邊個至正至尊漢堡係店舖誠意推介，有雙層芝士，夾雜炒洋蔥、蘑菇同煎蛋，煎蛋仲要流心，蛋液流哂出黎混為一體超級正，有兩層牛肉，加上一塊煙肉，簡直係大集燴，好肥但好好食麵包柔軟香口，我要左個沙律，沙律菜同青瓜粟米車厘茄夠哂清新，沙律汁好好味，食完已經好飽肚和牛漢堡加鵝肝，鵝肝好大塊好肥美，咁埋塊和牛肉扒，肉扒牛味濃郁肉質軟嫩，底底有溫室豆苗，肥美一點帶清新，朋友點了粗薯，薯條多肉有口感，亦香口，好食另一位朋友既就夠經典，牛肉搭蕃茄生菜，再加埋煙肉，層次豐富不失口感，配左薯格，更為香口朋友食過都大讚好味，回流番黎既朋友都舉哂手指公，水準真心唔錯…查看更多

是日星期三，趁人少少吾洗同人逼約埋好友去松一松，擦餐勁嘅。💃🏻💃🏻經好友介紹黎到位於旺角既［御滿屋］。日式放題近年開到成巷成市，而哩間係第一次黎，膽粗粗一於入去一試究竟。嘩！嘩！嘩！未行到座位，就已經被玲瑯滿目既汽水吸引。細心一睇，原每一個雪櫃擺放既都吾一樣噶！一層層五顏六色，有清熱既，有解腻既，亦都有一醉方休既。🍺🍶仲有任添飮既日式梅酒Sake]添丫！適合要求吾高既朋友一酌過口癮。好怕食魚生，尤其咬到凍冰冰，軟淋淋，（肉質梅）既三文魚。所以交俾好友一支公KO哂佢地喇！見到佢食得幾滋味，um。。。吾會差得去邊。而作為壽司控既我，一坐低就迫不急待地攞起支筆剔取令人垂涎三尺的壽司😍😍芸芸選擇中，點了鰻魚，三文魚🐟，蟹柳，凡立貝同軟殻蟹🦀。芝味系列VS炙燒系列各有千秋。細細舊壽司飯同大大件配料，主次分明；再放上嘀骰既Cheddar Cheese，味道溫和。一口一件，令成個口腔瞬間被鰻魚濃郁既甘香，凡立貝既鮮甜，淡淡既芝士味包圍住，一件接一件，真係食到翻尋味。 放題點少得Tampura,🍤🍤Order左海蝦天婦羅同 南瓜天婦羅想知道炸物會吾會太油，睇下張吸油就略知一二。紙既油漬足以證明師傳炸得乾身。𥚃面海蝦肉質彈牙，外皮鬆脆，若不是擔心隔日爆痘肯定會再And Call!唯一美中不足既係南瓜味道吾夠，甜味欠奉。甜品試左北海道牛乳布甸同木糠布甸整體造型吸引，尤其係用左牛牛花紋，可愛又吸引。味道方面牛乳比木糠優勝，但奶味略嫌不足。食到尾聲原本想叫個透心涼既棉花冰作終結，之但係。。。。太飽冇位拉，嗚嗚～🤧…查看更多

這天放假，與家人去了這間元朗新開張的有名炸雞店，一試店內多款不同口味的炸雞。這次，我們點了一個炸雞任食升級套餐，炸雞口味包括：韓式甜辣炸雞、初雪炸雞、白郡主炸雞、大韓廚師炸雞、蒜香醬油炸雞、招牌炸雞、大蔥炸雞和芝士潘朵拉炸雞（一個人須加8元），當中亦非常細心，以上炸雞均可以選擇有骨或無骨，喜歡連骨吃的朋友可以剔選有骨版，而貪求方便的朋友便可選擇無骨版，任君選擇。本人覺得最好吃的是招牌炸雞，帶點辣，但不算太辣，連我這個完全不能吃辣的極端口味人士也説不太辣，我想真的不能吃辣的朋友也會有如－海之戀－一樣，一試戀上。但本人覺得韓式甜辣炸雞真的非常辣，非常辣，非常辣！！！！因為很重要，所以要說三次！這個口味對辣辣愛好者來說，就是一個能滿足味蕾的恩物，可是，如果和我一樣，不能吃辣的人，我只可以說～～自求多福吧，兄弟～～～最後一樣本人十分推介的是加二十元的罐裝飲品任飲優惠，同時也可享有特飲半價優惠，挺划算的說。任飲的飲品也甚多，大約有十款可供選擇，包括：樂天飲料三款、可樂、啤酒等等，配上炸雞一流。…查看更多

我最喜愛食日本菜，今日放工後我又約埋幾個同事一齊去食晚飯，我哋去咗一間叫做極尚嘅日本餐廳，佢叫極尚真係有極上嘅水準，當員工把食物放上枱時，已見到帆立貝色澤閃令令，非常新鮮，食落更加鮮甜可口，大大隻嘅鹽燒蝦，蝦香撲鼻，惹味非常，蝦肉夠鮮甜，肉質彈牙。優質甜蝦，甜味夠濃郁，肉汁又豐盛，貨真價實，食到令你停唔到口。三文魚刺身，見到油光立立令，三文魚肥大肉厚，咬開 放在口中，令你感到柔柔潤潤，軟綿綿嘅感覺，好食到不得了。仲有多種嘅壽司都非常出色 ，尤其係佢個海膽手卷，咪錯過，頂級鮮甜嘅海膽，夠新鮮，質感軟綿綿，滑捋捋，鮮味無窮，配合精緻巧手嘅手作，令整個海膽手卷配合得天衣無縫。仲有素食嘅菇，同樣咁美味，菇味嘅幽香，清爽怡人，夠爽滑。一個雞軟骨，調味非常到家，雞肉味夠鮮甜，肉質豐富，軟骨煙韌有咬口。食過呢個晚餐之後，大家心情靚靚，好有滿足感。…查看更多

家住筲箕灣，好多街坊都話呢間潮州美食小菜夠巧手，今晚無人住飯，獨個兒來搵食。小店是典型打冷式飯店裝修，比大排檔食得舒服，起碼大熱天時唔會食到身水身汗。好想食肉餅，店員介紹呢個銀魚爆牙肉餅，好想食。一食真係巧手！肉好彈牙，蒸到好有肉汁，入面有D馬碲粒，加上上好的銀魚仔，還有芫茜蔥粒，淋上惹味生抽後，層次一流，又鮮又有肉香又彈牙爆汁，如此家常菜做到咁好，足見師傅功力十足，真係高人也。另外叫了一個久遺了的蠔仔粥，蠔仔比較大，但十份鮮味，去腥做到足，食到有方魚碎味道，加上濃郁蔥香和芫茜香味，加上胡椒粉香，呢款鮮到震蠔粥，係必食潮物。還有個例湯，菜乾煲豬骨，清甜潤喉，無咪精，好潤。心想我都應該跟佢地學下師啦。…查看更多

在觀塘返工，知道呢間餐廳都幾多人食野，今晚加班無返家吃飯，想來吃鐵板餐。七十幾蚊一個鐵板餐，算抵了。真正鐵板上，熱到呢，雞扒好大塊，煎到好嫩滑，完全無雪子藏味，加埋D放落去就”咋咋聲”的黑椒汁，好食又唔會好乾。有隻太陽蛋，打破佢流晒D蛋汁出來，再蘸那條煎香的香草腸仔，正！另外，配上邪惡法式薯條，香脆可口。另外叫埋芝士焗西蘭花，芝士焗到起焦，西蘭花有點脆口，食到濃烈的芝士味，蓋到那些草味。咸檸樂也好好喝，咸檸又咸又香，配上可樂出奇地好喝。今餐鐵板餐抵食又好食。…查看更多

大熱天時，濕重，好想食下麻辣，友人相約到此食麻辣火鍋，話牛肉好正。個門面都好正下，成間尋秦記咁，兵馬都出埋！入面裝修全部都古色古香，幾正下。湯底係麻辣+素滋潤湯鍋，麻辣湯只點了少麻少辣，但香味夠，麻重辣少，正合我要求。另外個素湯有薏米、茨實、粟米、紅蘿蔔、百合和紅棗等，好清潤又足料，食得辣多，飲下呢個湯，又可解辣，好甜好潤。講到牛肉，今次點了A4特級和牛和安格斯牛，我地都係牛迷，A4的牛味真係好濃郁，豐膄肉味，入口就溶化入口似的，三佰幾蚊，但好味好值。至於安格斯牛，牛味無咁濃，但肉質鬆無渣，入口甘香。骰仔牛肉粒，本地牛，油花夠，啖啖肉口感好，吸麻辣湯汁最好味！食牛呢間好值。豬梅肉上蝶好美，成朵粉紅玫塊咁，豬梅肉肉味淡，但唔韌好鬆軟，有一種特別肉味，不是”蘇”味，都好食。另外個皇牌魚皮餃好正，因為用魚肉做成的澄麵皮，好煙韌好爽，入面有半肥瘦豬肉和韭黃，灼熟係爆出油香和肉汁，好食。 蝦滑夠鮮亦彈牙，無腥味也不是粉蕾蕾的，蝦新鮮之故。那Jar水蜜桃沙冰也清甜解渴，最抵死有個腐糖水沙冰，用個秦式酒杯盛載，味道OK。…查看更多

成日都聽過重慶燒依個名，今次終於有機會試下啦！😋😋😋原來重慶燒係唔單止有燒烤仲有雞煲食，選擇都幾多。我地食左好多野，但就特別介紹d比較好食既。先黎個冷盤，川味海蜇好惹味，夠曬辣，好爽口，而且份量都幾多。麻辣雞煲真係唔講得笑，雞好嫩，而且夠曬辣，食完我個咀已經腫腫地。燒翠玉瓜好爽脆，咬落入面仲有汁，冇燒乾👍🏻而且都好夠味，仲有少少辣。芝士焗金針菇，芝士十分多！！！焗到芝士溶曬，再配以牛油調味既金針茹，依個配搭真係無得輸！燒雞中翼外皮燒到好脆，入面d肉仍然好嫩😋好好食！燒雞皮係我既推介，雞皮燒到好脆，而且d雞油香滲曬出黎，香到不得了，嗅到已經好吸引。一串話甘快就已經食曬。燒娃娃菜吸曬調味料既味😋唔會太冧，岩岩好，但份量就少左左d。燒雞軟骨都好好食😍😍😍雞軟骨都好有咬口，而且燒到好香，食到軟骨同雞肉既同時，仲食到少少脂肪，正到呢！黎依到食串燒係一定要叫！黑椒腸上枱已經切左一粒粒，好細心，方便我地甘多人share。黑椒味濃，而腸仔個皮燒到好脆，入面腸仔肉仲好juicy…查看更多

看到餐牌，就見到D野飲好得意，有蝶豆花，紫貝天葵，即刻同fd一人一杯試下味，個味都ok，唔會話好假，但就有少少甜，不過呢D見仁見智。放題例牌都係刺身，又幾新鮮，令到翻晒光，D帶子幾甜，三文魚都算厚切，收貨友人都係海鮮狂，見到機燒，已經即加，冇走雞，果然冇失望D，好似入左大人國咁，D蝦、 象拔蚌，花甲，帶子大隻到，真心加幾廿蚊有咁大隻真係諗唔到，重有醉蝦同蜆，有幾足料睇個火就知食左一陣到壽司，放題黎講，真係幾好，雖然舊料一般，但D魚生，海膽用料絕對唔差，而且好貼心地係整細舊，岩晒女仔眼闊肚窄，又可以試多幾樣，另外，最估唔到的係D野食種類多到，有泰國生蝦！最癲的係-蛇羹，從來未聽過咁勁，不過自己就唔敢食除左放題，外面重有D甜品，飲品，甚至熟食自已拎，但已經好飽，只係食左雪米滋總括黎講，都算高質，下次會再同黎食過…查看更多

見近期磯燒放題興起就放工約埋同事一齊黎潮聖下。上到黎已經見到長長隊龍，好彩我地事前已book定枱，唔洗等好耐就入得。一坐底就見到碟上有包好得意嘅濕紙巾，哈哈。冇錯！佢表面係一個0.03但其實佢只係一個濕紙巾。好喇！講完呢個就要講下重頭戲，坐底冇耐店員就拎左盤海鮮俾我地，全部都好新鮮！我地急不及待放啲聖子、鮑魚上去燒，燒到咁上下店員會走過黎提示我地邊啲海鮮已熟食得，讚！海鮮食落鮮甜，啖啖肉超好味！另外我地都嗌左啲刺身熟食。刺身好新鮮，三文魚肥厚，其他貝類刺身都超好味！佢地嘅熟食都冇令人失望，特別係雞翼。對於雞翼迷嘅我表示滿意！食到咁上下店員送上一個龍蝦粥，個粥超鮮甜！讚！最後最後不禁要讚下飲品同甜品。飲品種類多，有我最愛嘅有汽利賓納。去到見到雪糕櫃不禁嘩左聲，啲款多不在話下，仲有好多好少放題會出現嘅雪糕都有。食到最後2個人表示滿意飽住走。…查看更多

見朋友仔極力推介Happy Friday,就約左朋友仔去左黃埔個邊係韓國野,環境唔錯座位舒服,侍應服務態度都幾好,價錢都合理!一黎就送上小食前菜,款式都多一共有5款,甜薯甜甜地幾好食,泡菜唔算好辣幾惹味,大豆芽夠晒爽口!我地叫左個韓式原味炸雞,雞粒熱辣辣一層炸粉,雞粒炸得金黃香脆,但食落冇咩味,不過脆口食落唔會淨係得炸粉仲卜卜聲,炸粉同雞粒配搭比例岩岩好,我地揀左冇骨,食落非常方便唔洗吐骨,只差在炸雞冇味要自己加埋其他野黎食另外叫左個石鍋牛肉飯,香嘖嘖熱辣辣送上枱上,配料有蘿蔔絲,大豆芽,紫菜,菜,蛋,同主角牛肉,仲有蛋漿撈埋一齊食,不過唔知點解亦都冇想像中咁好味,味道亦都屬於偏淡,有d蔬菜配搭下口感好好多,牛肉都算嫩滑…查看更多