我最喜愛食日本菜，今日放工後我又約埋幾個同事一齊去食晚飯，我哋去咗一間叫做極尚嘅日本餐廳，佢叫極尚真係有極上嘅水準，當員工把食物放上枱時，已見到帆立貝色澤閃令令，非常新鮮，食落更加鮮甜可口，大大隻嘅鹽燒蝦，蝦香撲鼻，惹味非常，蝦肉夠鮮甜，肉質彈牙。
優質甜蝦，甜味夠濃郁，肉汁又豐盛，貨真價實，食到令你停唔到口。
三文魚刺身，見到油光立立令，三文魚肥大肉厚，咬開 放在口中，令你感到柔柔潤潤，軟綿綿嘅感覺，好食到不得了。
仲有多種嘅壽司都非常出色 ，尤其係佢個海膽手卷，咪錯過，頂級鮮甜嘅海膽，夠新鮮，質感軟綿綿，滑捋捋，鮮味無窮，配合精緻巧手嘅手作，令整個海膽手卷配合得天衣無縫。
仲有素食嘅菇，同樣咁美味，菇味嘅幽香，清爽怡人，夠爽滑。
一個雞軟骨，調味非常到家，雞肉味夠鮮甜，肉質豐富，軟骨煙韌有咬口。
食過呢個晚餐之後，大家心情靚靚，好有滿足感。
