JFhahaha的个人专页

呢間喺三家村公眾碼頭隔離嘅新開海鮮店-蟹仙華魴，位置方便，室內座位寬敞而且有VIP房，可以直達私家露台對住個超級無敵大海景打卡添😎😎😎，店內仲有幾個大魚缸，非常多種類鮮活海鮮，保證新鮮，性價比高不在話下，由上菜到蒸煮都係由店員一手包辦，服務一流！💯‼️專貴海鮮套餐（$449/ppl）呢個套餐有成十款嘢食，大部份係海鮮，海鮮超級新鮮之餘，價錢仲好抵啊👏👏！- 野生琵琶龍蝦外型與一般龍蝦🦞完全唔同，扁扁短身咁，開完邊之後好意外地見到入面大大舊肉👏。今次我都係第一次食琵琶蝦。估唔到味道比龍蝦更濃，而且鮮甜爽彈夠哂juicy，一食難忘👍🏻- 藻食綠膏蟹🦀呢種蟹主要食藻類，食得多漸漸啲膏會變成綠色，綠膏蟹出現機率較少十分珍貴。蟹身結實充滿一疏疏蟹肉，味道鮮甜，而蟹膏爆多，咬落去綿軟少少苦味帶甜，而且口感黏口，好正好難形容💯- 饅頭蟹呢款蟹我喺街市比較少見，外型獨特好似一個饅頭咁cute😂，第一次食呢隻蟹，雖然肉唔多，但係喺我食過最甜嘅蟹肉，真係超級甜，一流😋- 韓國釜山珍珠蠔呢款蠔size雖然唔大，但係形狀肥美飽滿，咬落去啲蠔汁爆曬出嚟，仲有一陣海水味同少少回甘添😚- 加拿大野生海蝦隻蝦🦐好新鮮彈下彈下，味道鹹中帶甜鮮味十足，而且食落Q彈爽滑，大大個蝦頭，我吮曬入面啲汁，甘香到不得了🥹👏- 台灣九孔鮑魚鮮味十足，清蒸時間掌握得非常好👍🏻，咬落去有彈性，但又完全不會韌，兼且甜到十足- 紐西蘭刀背蚌之前未買過呢隻蚌嚟食，今次食完之後有驚喜，蚌size好大，鮮甜多汁之餘仲充滿海水味，very nice🥰- 蟹黃大扇貝呢個大扇貝上面加咗勁多蟹黃，厚身大粒嘅扇貝咬落去鮮甜爽口😋，加埋清淡香口嘅蟹黃，一濃一淡嘅配搭突顯出好特別的效果。- 大西洋野生青口青口形狀細長，充滿海水鹹味略帶少甜，咬落去都幾爽口最後當然要飲埋佢個海鮮粥，本身熬咗好耐嘅粟米、芋頭同瘦肉粒，加埋一路滴落去嘅海鮮汁，粥底非常清甜，喺呢餐嘅完美句號✅✅Janna 翻撻指數：9/10🥢🥢🥢🥢🥢🥢🥢🥢…查看更多

呢間位於啟德新商場airside嘅高級中式餐廳-嵐月，座位相對舒服，而且裝修雅致有品味，食物ok之餘價錢仲相當合理添😋！北寄貝沙薑漬（$128）呢款係凍食。用了上乘嘅日本北寄貝👏，肉質肥厚爽脆，配合適量沙薑汁調味，作為前菜一流！🤗嵐月西班牙黑豚叉燒（$298）呢個係必叫叉燒，色澤暗紅，肥瘦均勻，而且師傅仲整到有少少焦香嘅燶邊，上菜時散發香氣，入口鬆軟得來有咬口，而且肉質鬆軟又juicy，very good 👍🏻 昆布龍眼蜜燴金蠔（$238）金蠔是季節限定，而且製作金蠔工序繁多，所以非常之珍貴。😁呢個金蠔煎得外皮鬆脆，咬落去軟冧之餘又充滿甘香蠔汁，風味一流。👏柑柚黑鱈魚（$288）賣相一流，做到似一嚿嚿豆腐磚，肉質外脆內軟，配上有柚子肉清淡解膩。皇帝蟹脆米泡飯（$208）蟹肉份量適中，幾乎有五碗飯嘅份量，加上鮮炸脆米粒增加口感，真係食到停唔到口。Janna 翻撻指數：9/10🥢🥢🥢🥢🥢🥢🥢🥢…查看更多

今日同朋友行街，見到呢一間叫做一方堂嘅日式居酒屋。睇睇吓俾佢啲食物吸引咗就膽粗粗上去試吓，估唔到都有驚喜啵。講吓環境先，一入到嚟餐廳環境非常舒服，裝潢非常有特色，靜靜哋地方又夠大，環境很好。再嚟入重點講一講餐牌先，價錢普遍嚟講同出面嘅居酒屋差不多，但嘢食嘅選擇相對多少少，令我呢啲有選擇困難症嘅人有少少煩惱。首先我哋叫咗一個刺身盛合（$368），內容有吞拿魚，甜蝦，帆立貝，赤背，海膽同埋兩款唔知道咩嘅魚刺身。呢一個盛合嘅刺身都非常之新鮮，吞拿魚好厚身口感一流，甜蝦同帆立貝非常鮮甜。海膽係令我最印象深刻嘅一款，色香味俱全，鮮味同甜味都好出。呢一盤刺身點埋豉油簡直係yi之棒！唯一可以改善嘅地方就係Wasabi唔太辣。再嚟叫咗一個炸芝士波波。炸芝士波波比起出面嘅大粒啲，一啖咬落去啲芝士爆曬出嚟非常好食。跟住因為本人偏愛鰻魚，叫咗兩件鰻魚壽司。鰻魚非常之後厚身，壽司飯亦都有落心思調味好足。一啖放入口非常之滿足又好食。跟住見到個餐牌有個切片和牛有幾得意，所以叫嚟試吓先。上枱時，佢將牛扒切到一條條形狀，雖然口感冇咁足，但係勝在入口即溶。調味方面都做得好好，再配上牛扒醬汁，簡直係食過返尋味呀。見未夠飽，再叫多一串雞翼同羊架。雞翼就正正常常出面水準，但係非常Juicy。估唔到個特別位係個羊架，如果你鍾意食羊嘅話一定非常之愛呢一個羊架。一咬落去非常之「蘇」又爆曬汁，絕對稱得上係一個出色嘅羊架。咬完一啖之後，嗰一浸蘇味不斷喺口入邊會回傳，蘇得嚟又唔會難入口非常之正！最後叫咗兩串雞串串燒，都係唔差過出面嘅水準正常發揮。最後，好好彩冇意間發現咗呢一間小店，完全冇失望，仲有少少驚喜添。價錢方面屬於中位，但食物絕對水準之上。希望有時間可以過嚟食多次啦！人均消費$250左右Janna 翻撻指數：8/10🥢🥢🥢🥢🥢🥢🥢🥢…查看更多

呢間餐廳位於荃灣市中心，地點方便，而且室內環境設計得幾舒服，食物ok之餘價錢仲相當合理添😋！我哋叫咗幾樣嘢嚟食！季節海鮮鍋（龍蝦湯配白飯）$88海鮮有蝦，青口，生蠔🦪，三文魚，魷魚🦑等等，鍋底有芋絲，菜，菇🍄，豆腐。 熱熱嘅海鮮鍋都幾鮮甜，配埋飯食唔錯！初見傳統芝士蕃茄漢堡包配炸薯條（$95）呢個漢堡包份量大，包皮脆口，漢堡鬆軟多汁， 必點之選！👏加$38可以升級套餐，有三文魚刺身同埋南瓜湯飲，不錯。Janna 翻撻指數：7/10🥢🥢🥢🥢🥢🥢🥢🥢…查看更多

經常喺尖沙咀飲嘢嘅時候都會經過天文臺道呢間叫「蟹仙」嘅餐廳，門口有大大個螃蟹🦀️🦀模型。今晚終於有機會，約咗朋友嚟食呢間出名以蒸海鮮做主打嘅餐廳。Order咗個尊貴海鮮套餐（$449），內包含10款食物，當中九樣海鮮同一款有機蔬菜籃🫰🏻，而且店員會為每款海鮮調較時間，不用客人費心🤝🤝。等我逐款食物介紹一下。-原殼蒸扇貝，大大粒非常鮮甜，有淡淡的鮮味，如果加埋粉絲， 一流！🥢-野生膏蟹仔，蟹身大小適中，膏質特別稠密蟹膏特別多👍🏻👍🏻，膏味帶有海水鹹味及鮮甜味，而且色澤飽滿，齒頰留香☺️，令人一食難忘！-澳洲青龍蝦，此龍蝦味道香濃又鮮甜，而且肉質又爽滑彈牙，勝過其他龍蝦，出現在咁優惠嘅套餐，性價比非常高🤭🤭！-大西洋野生青口，呢個真係唔可以唔提大家，要原味放入口，不用點任何醬汁😋😋，味道鮮甜，肉質彈牙無根，質素與一般青口截然不同😍😍-台灣九孔鮑魚，由剛從水缸撈上來鮮活還動的鮑魚，蒸出來的色澤均勻，鮑魚大小適中，有淡淡的鮑魚味而且有咬口。☺️-日本野生大赤蝦🦐，赤紅色的蝦頭及蝦身非常巨大，肉質彈牙，蝦頭有濃濃的蝦膏，超好味。-韓國釜山珍珠蠔，蠔身飽滿，味濃爆汁，食落有蠔味同埋海水味，不得了👍🏻👍🏻-台灣花尾龍躉片🐟，龍躉片厚度適中，肉質爽滑彈牙，魚味香濃，加埋可自製調味的醬油十分配合🤗！-黃金翡翠螺，肉質爽彈有口感，而且比一般螺肉味道較重。最後加埋啲飯落煮成充滿海鮮味道精華的粥，完美結局。👏👏👏Janna 翻撻指數：9/10…查看更多

最近天氣真係超級熱，咁熱嘅天氣最啱食壽司刺身呢啲生冷嘢！於是我就四圍捐吓。終於俾我哋旺角發現咗一間好物！呢一間「八居酒屋」係我比較鍾意嘅其中一間居酒屋。入呢一間餐廳就覺得非常之有feel。無論環境格局定裝潢都帶有日本嘅氣氛。講返正題先，嘢食方面總共叫咗5樣嘢。首先係店主強推嘅牛舌，講到明係鎮店之寶！因為別於一般嘅牛舌，呢度嘅牛舌係十分厚身。一放入口，豐富嘅口感，爆汁嘅juicy ，彷彿我好似真係同緊一隻牛喺度….Anyway果然係鎮店之寶，做得非常出色。跟住就係三文魚刺身。刺身做得好厚好甜。一放入口即刻有涼快嘅感覺。唯一不足係wasabi 唔夠勁。再嚟就係炸蠔，一上嚟非常熱辣辣。炸蠔做到外脆內軟又唔會太油，而且份量亦都好大塊十分鮮甜。然後就係加洲卷。加洲卷正常發揮，唔差過出面嗰啲。不過本身我自己好鍾意加洲卷。所以 正啊！最後就係芝士鰻魚壽司。芝士好濃，鰻魚好甜。做得好出色。 總體來講呢一間居酒屋其實有驚喜嘅。價錢唔算太貴，嘢食同環境都優秀。係一個非常之唔錯嚟食日式料理嘅地方！人均消費$150左右Janna 翻撻指數：8/10🥢🥢🥢🥢🥢🥢🥢🥢…查看更多

呢間位於荃灣大鴻輝嘅放題餐廳，我想食好耐，今日忙裏偷閑，終於有機會去食😀😀，放題分了四個選擇ABCD餐，咁難得到來，我當然要是最豪華的D套餐啦👏👏👍🏻，星期一至四成人每位是$588 ，星期五六日就是$598，內有110品食物，有火炙大拖羅壽司，避風塘芥辣炒蟹，加拿大海膽刺身，香煎鵝肝，仲竟然有松葉蟹腳，非常之驚喜，全場任飲任食2.5小時，另收加一服務費。🤝真是非常滿足呀，大拖羅十分新鮮🍣，一啲根都冇，其他魚生，包括油甘魚，三文魚，刺身包括，泰式生蝦，生蝦刺身，超厚帶子，海膽等等都非常鮮甜，另外松葉蟹腳亦十分大隻，蟹腳鮮甜，有少量海水鹹味，而又不過鹹，餐廳上乘之選👍🏻👍🏻，而且十分細心，給了兩把大鉸剪去處理蟹殼！另有海膽手卷和生蠔，壽司都好鮮甜，值得推介😇😇。而且每次order幾多樣海鮮，上菜時的份量一點也沒有減少，這是十分重要。😃✅✅熱食有羊架🍖，雞軟骨，十分令人驚訝的，尤其是是那個香煎比目魚🐟，比目魚肉質冧滑，油分充足，一點也沒有煮得過火。出面仲有熱食區，可以任取沙律薯條，無限各式各樣的飲品🥤🍸供應，最後竟然可以包一個Häagen-Dazs或者Movenpick雪糕添，令在場的小朋友👧🏻🧒個個都興奮。Janna 翻撻指數：9/10🥢🥢🥢🥢🥢🥢🥢🥢…查看更多

今日行街見有少少肚餓就上咗去呢一間叫bitcino嘅酒吧度諗住食少少嘢chill吓，但估唔到竟然會有意外驚喜！首先一入呢一間酒吧餐廳就覺得非常之有feel。無論環境格局定係音樂都好有情調氣氛。幽暗嘅環境最適合就係情侶過嚟坐低食吓嘢傾吓偈摸吓手仔😂講返正題先，我同朋友總共叫咗兩樣嘢醫下肚仔。一個就係佢嘅Fish N‘ Chips（$128），令一個就係佢嘅chicken tikka pizza($138)先講吓佢嘅炸魚薯條。食物一上嚟非常熱辣辣。炸魚做到外脆內軟又唔會太油，而且份量亦都好大塊。睇嚟講炸魚做得好好。薯條雖然份量唔多，但每一條都大條粗壯，口感一流。熱辣辣嘅薯條配上我最愛嘅茄汁，正！然後就係Chicken Tikka Pizza。呢一個香料咖喱雞pizza 十分足料同埋做得好好味。每一啖咬落去都有好香嘅咖喱雞同埋芝士味。餅底都做得好鬆脆。通常呢一類Pizza我好驚會做到好鹹，但呢一個調味適中所有配料都配搭得好好，非常推薦！嘢飲方面，就叫咗一杯招牌嘅Bitcino（$148）同埋runner runner（$148）。兩杯嘢飲做到好清新。由於我朋友唔太識飲酒，呢兩杯水果酒啱晒佢飲。唔會太烈又易入口。總體來講呢一間酒吧其實有驚喜嘅。價錢唔算太貴，嘢食同環境都優秀。係一個非常之唔錯，用嚟輕鬆吓chill嘅地方！人均消費$280左右Janna 翻撻指數：8/10🥢🥢🥢🥢🥢🥢🥢🥢…查看更多

今日同咗朋友去呢一間「德美壽司」一入到嚟嘅感覺已經十分不錯，環境夠闊落裝修亦都好靚。再睇一睇個餐牌，食物嘅款式非常之多，賣相都好吸引。搞到我地揀咗好耐先決定到食咩好。講返重點先，我哋總共叫咗加州卷、鐵板牛柳粒、厚切三文魚片，鰻魚飯同埋日式烏冬。首先想講佢哋每一樣嘅份量都十分之多。加州卷（$49）嘅體型比起平時見到嘅大好多，啲配料亦都塞到滿一滿。一啖食晒擺落口，個口感真係無敵。然後就係鐵板牛柳粒（$88），唔止個牛柳粒入口即溶非常惹味，其他配埋嘅薯蓉、南瓜，粟米同埋洋蔥都十分之好食。絕對係我食過嘅鐵板牛柳粒之中最好食嘅！跟住就係厚切三文魚（$66）。呢一碟三文魚雖然得5塊，但係每一塊都十分厚身同埋新鮮，食落口感同味道一流，一啖食晒十分之滿足。唯一可以進步嘅地方係個Wasabi味都唔太夠，個人覺得可以再搶鼻啲。再嚟就係個鰻魚飯（$100）首先鰻魚做得好夠味好出色，飯身咬落好有口感。份量好多，齋食一個都已經夠晒飽肚。最尾就係鍋燒烏冬（$70）可能因為成餐飯有太多驚艷嘅位同埋前幾個菜做得太出色。呢一個烏冬稍為失色咗啲。雖然係咁樣講，但其實味道都唔差，配料都有好多。最有印像係天婦羅好好食，好大條好有口感。最後餐廳亦都好貼心咁免費送咗一個甜品泡芙俾我哋。總括嚟講，呢一間德美壽司價位中等，食物質素同埋份量絕對對得起個價錢。所有嘢都做得好好，絕對係我返食嘅不二之選！人均消費$187左右Janna 翻撻指數：9/10🥢🥢🥢🥢🥢🥢🥢🥢🥢…查看更多

收工攰攰地 同朋友去左旺角黑布街依家Ale Proj嘆下 我地叫左四款嘢食蔥油漬蠔 $64哇呢個蔥油漬蠔好特別，用廣島蠔配自家製黑啤煮既，佢個蔥係炸出來架，香味超濃郁，食起來係特別香口！用來做前菜呢就Perfect！炸卡津雞翼配腐乳醬 $78嘩，一嚟就五隻雞翼，而且係大雞翼！個雞皮炸到金黃色，食落口非常香脆惹味！！做research 先知原來「卡津」係美國一個族群既特色料理，唔怪得個味道咁特別，咸咸地幾惹味！個皮炸到咁好食咬落去仍然保持到肉汁係到wor ！配埋個腐乳醬，非常新鮮呀呢個配搭～ 👍🏻椒鹽浦Boy $54 半份啤酒醬炸蝦配法包 + 蛋黃醬～ 一來到呆在，因為就算係叫半份都好！大！份！半份都有3隻椒鹽大炸蝦～迫爆左個法包，食落口咸中帶微辣！！配埋個涼伴捲心菜中和返d椒鹽～ 個配搭出奇地好fresh ！！三重芝感 $48 半份用sourdough bread 配cheddar cheese, Swiss cheese, mozzarella cheese ～ 三款芝士係個法包到流晒出嚟～ 配埋個烤蕃茄有種甜甜地酸酸地嘅滋味～呢個配搭口感非常豐富！熱情果黃薑綠茶菌 $48 呢個有氣茶甜甜地酸酸地好開胃，仲要加埋黃薑呢啲Super food 好健康咁🤣 （提外話：個玻璃樽好靚⋯⋯⋯） Cloudy cider $84 好清香嘅蘋果，好驚平時啲cider好甜，但係呢一個係啱啱好！酒精濃度7.3%，平時少飲酒都好易入口！不論食物同飲品都水準以上，正！人均消費$188左右Janna 翻撻指數：9/10🥢🥢🥢🥢🥢🥢🥢🥢…查看更多

大角咀一帶可以稱得出係美食天堂 唔同種類嘅菜式都可以喺呢度搵到 美國嘢 日本嘢 泰國嘢 越南嘢 台灣嘢 應有盡有 但講起台灣嘢 我今日決定要為呢間好食嘅台灣餐廳宣揚吓 呢一間餐廳就係 「老厝邊」「老厝邊」呢一間餐廳可以話係我喺大角咀嘅top3餐廳 先講一講地點 位置鄰近奧運地鐵站距離大概5分鐘 十分方便 而店入邊嘅環境亦都十分整齊闊落 裝橫都幾有台灣特色講返重點 一入到餐廳 店員就即刻推薦我哋餐廳有好多唔同嘅新品可以試試 咁我地就點咗兩個餐 一個係$50「麻醬雞絲涼麵」 ，另一個係 $68「絕對真愛雞滷便當」，飲品就點左綿綿芋頭仙奶同黑糖珍珠鮮奶朋友本身就好鐘意食撈涼麵 老厝邊嘅涼麵做得好好 口感彈牙 配料亦都做得好好 撈埋一齊好好食 再加上喺咁熱嘅天氣食呢一個涼麵 簡直係人生一大樂事 而呢度嘅黑糖珍珠鮮奶亦都係水準之上（珍珠好好食！！）另一個就係我見到個名好特別就點咗嘅「絕對真愛雞滷便當」原來主要配料喺有雞肉同埋茄子嘅 雞肉嚟講佢隻質感很好 軟綿綿嘅口感 好似一咬就溶開咗咁 味道亦都好夠 雞肉嚟講做得好好 茄子食得出好香好濃味 亦都十分不錯 而綿綿芋頭仙奶亦都好好飲 加上我自己本身好鐘意食芋頭 呢一杯真係我最愛最後仲叫左個起司肉鬆蛋餅 肉鬆香口 正😋下次要再試其他食物先 人均消費$100左右Janna 翻撻指數：9/10🥢🥢🥢🥢🥢🥢🥢🥢🥢…查看更多

今日突然想食韓國嘢 喺旺角諗住是但搵間韓國餐廳食吓 行行吓見到一間感覺唔錯嘅韓式餐廳就入咗去 勢估唔到無意中嘅發現 呢一間「韓燒大叔」就成為咗我心目中嘅no.1入到餐廳 環境闊落 裝修靚 坐得舒服 老闊見我哋有選擇困難咁 即刻就推薦我哋食鎮店之寶。「正宗嘅韓國炸醬麵」同埋「石鍋牛肉飯」套餐。上餐時間好快 熱辣辣嘅兩個套餐已經送到 先講一講啲配菜 一個套餐包三個配菜 我地就叫咗泡菜 青瓜同埋豆芽 非常開胃 跟手再試埋跟餐嘅泡菜湯 作為泡菜控嘅我 簡直俾呢配湯迷到 味道夠濃 料夠足 讚啊！輪到戲肉啦 老闆強調佢哋嘅炸醬麵係正宗韓國嘅味道 唔試由自可 一試我就愛上咗 麵質十分彈牙 口感豐富 而且味道做得十分好 簡直就係我對上一次去韓國食到嘅味道再嚟就係石鍋牛肉飯 牛肉夠味唔會好「鞋」其他配料都做得好好 撈埋一齊後十分好食 最重要係最底有大量飯焦（本人好鐘意食飯焦）佢竟然話呢個石鍋飯算係佢食過之中最好食嘅總結嚟講 呢一間韓燒大叔嘢食好好味 價錢亦都算公道 成為咗我其中一間最愛嘅韓國料理 有機會一定會再食一次！人均消費$100左右Janna 翻撻指數：9/10🥢🥢🥢🥢🥢🥢🥢🥢🥢…查看更多

呢間位於尖沙咀嘅餐廳，裝修暗暗地好有情調，入面仲有board game玩添！😆卡邦尼意粉🍝（$118）配料有蘑菇同煙肉🥓，加埋佢嘅卡邦尼醬汁好掛汁，食落唔漏之餘仲好豐富層次口感。😋😋All day breakfast 🍳 ($138)入面有三文魚、牛油果🥑、沙律菜🥗、雞蛋、蕃茄、薯餅、牛角包🥐窩夫。擺得好靚，而且食物種類好豐富，完全有水準！👍🏻炸雞件配他他醬（$88）叫咗呢個香脆小食🔥，炸雞件份量好足😃，配合埋他他醬，如果飲埋啤酒真係一流。🙌另外order咗焙茶拿鐵同熱朱古力，咖啡師非常有心😍，特登拉花整左兩個靚到bling一聲嘅動物🦁🐴喺兩杯飲品上，值得一讚。Janna 翻撻指數：8/10🥢🥢🥢🥢🥢🥢🥢🥢…查看更多

環境企理乾淨，枱與枱之間闊落，成間鋪有居酒屋氣氛。掃QRcode落單好方便。每枱都有人燒肉但油煙唔會好重，樓底高通風做得好好。食物（美國安格斯雪花牛＄168）石板上已有油，店員提醒先燒蔬菜菇類，之後再燒牛肉。脂肪豐富入口即溶，肉質嫩口鮮甜，一路燒會有聞到牛肉既油香，色香俱全。安格斯牛肉鍋（88元）轉地獄湯安格斯肥牛份量多共有數大片，油花唔錯，食起黎牛味幾濃，肉質柔軟。鍋有大量蔬菜，娃娃菜，椰菜，豆腐，芋絲，魚腐，再加上地獄湯湯，食材都吸滿湯汁，少少香辣，配飯一流！南瓜湯濃郁，刺身厚身肥美，入口即溶。…查看更多

大角咀美食推介——老厝邊今日去到大角咀搵好野食比門口大大個招牌吸引到就入左去食😜多人到要等20分鐘先有位呢間舖頭係以台式食品為主今次試左4款食品 分別係大腸麵線🤤🤤豬大腸好腍完全無腥臭味😍蒜味+酸醋味加埋係會食到停唔到口😚我覺得仲好食過台灣食到嘅麵線🤪塔香鹹酥雞🐓開頭食落口覺得味道唔夠濃 以為佢會好鹹😝但食第二舊開始覺得味道岩岩好最正係雞既口感好軟身 完全唔嚡熠熠勁想encore🤣起司肉鬆蛋餅好濃芝士味 就係擺左一陣攤凍左都仲可以有拉絲狀態👍🏻👍🏻👍🏻滷雞腿便當呢個係佢哋新推出嘅食品 一上枱就聞到滷水嘅香味 飯唔算好多，開頭以為唔夠食，但隻雞髀真係好大好大好大隻😍配埋豆腐肉碎，雞蛋芽菜 蘿蔔生菜 最後竟然係食唔晒😝最後每人嗌咗杯嘢飲 食咁多嘢$215已經埋到單抵到好爆人均消費$110左右Janna 翻撻指數：9/10🥢🥢🥢🥢🥢🥢🥢🥢🥢…查看更多