ilovetoeat1的个人专页

元朗食街一向臥虎藏龍，美食處處，最近多咗間新店－－阿媽豆腐花進駐，見價錢抵食，就買咗5款外賣同屋企人分享。芝麻糊豆腐花芝麻糊香氣濃郁，口感綿密，同嫩滑嘅豆腐花相互襯托，唔會太甜，暖心嘅選擇。芒果豆腐花冰涼嘅豆腐花搭配芒果醬嘅酸甜，感覺消暑，不過呢款甜度就稍高。黑豆漿珍珠黑豆漿嘅豆香比一般豆漿更濃厚，珍珠口感Q彈，唔會好硬，份量亦好多，口感豐富豆腐花珍珠滑溜嘅豆腐花配上Q彈嘅珍珠，消暑嘅一杯飲品。芝麻卷估唔到竟然有懷舊嘅菲林卷！質地軟糯，入口後濃厚嘅芝麻香自然散發，毫不黏膩，甜度亦較低，更能品味食材的原味。…查看更多

樂富工作日，lunch去咗alfafa 嘆個靚lunch ，餐廳環境好舒適，座位闊落。Lunch Set選擇都好多，價錢相宜，難怪吸引唔少客人！揀咗比較少見嘅慢煮鴨腿配香蒜炒意粉($128)，跟餐湯/沙律及餐飲。鴨腿慢煮處理，肉質嫩滑，毫不嚡口。如果皮先煎脆少少就更好啦！炒意粉蒜香十足，甚有鑊氣，份量都好足。是日餐湯係南瓜湯，南瓜味道香甜濃郁，質地Creamy，餐包都好鬆軟，唔錯！呢度嘅飲品選擇得非常多， upgrade要咗一杯薑黃latte，飲落薑黃香料味較重，帶有淡淡嘅奶香，比較特別少見嘅一款咖啡。…查看更多

太子站附近開咗間甜品小店～甜沁園，只做外賣，但內裡乾淨企理，裝潢溫馨，店員亦非常親切有禮貌，開業一段短時間已經儲落唔少熟客！甜品選擇好多，分咗香芒系列、芋泥系列、桃膠系列、豆漿系列、豆花系列，另外仲提供小食、便當及粢飯。揀咗個自選組合甜品($42)，可以揀晒自己最鍾意嘅配料！我揀咗仙草底，加芋泥、芋圓及小丸子，仙草口感滑溜，芋泥芋頭香味濃郩，口感綿密，加埋軟糯煙靭嘅芋圓及小丸子，口感豐富！香芒楊枝甘露($40)芒果份量慷慨，用上愛文芒，味道特別清甜！粒粒柚子酸甜清新，經典穩陣的配搭之選！芋泥丸子撈（$38）鍾意食芋泥嘅人（即係我😛）一定要點呢款！芋泥底，配料上再放有大大球芋泥蓉，務求每一啖都充滿芋頭嘅香味！配料有各樣嘅大小丸子、珍珠、西米，岩晒煙韌控！心思思買多條豬軟骨粢飯（$38）做翌日早餐。粢飯份量好足，大大條，餡料飽滿，除咗有肉鬆、油炸鬼之外，仲好創新地加咗豬軟骨，豬軟骨好入味，口感爽脆，係幾特別嘅嘗試。紫米豆漿都好天然健康。PS. 外賣袋好可愛呢…查看更多

夜晚想食糖水同甜品，去咗屋企附近嘅四季甜品。四季開業多年，見一段時間冇去食，就去睇下水準係咪仲keep到😝外賣咗3款糖水返屋企，同屋企人一齊分享：榴甘歲月（$47）用上金枕頭榴槤，榴槤味好香濃，食落口齒頰留香，好正！糖水底係椰汁西米，加咗椰果同新鮮芒果粒🥭，口感十足。芒果河粉（$45）河粉口感滑溜，芒果沙冰底清新消暑，非常解渴，加上慷慨嘅芒果粒，酸甜開胃，夏日必點！意式香滑奶凍（$38）估唔到奶凍先係呢度嘅招牌，好足料地用上新鮮雲尼拿籽，入口特別香滑！小店主要做外賣，但門外都有少量堂食位置。…查看更多

好鍾意食Banh Mi (越南法包) 🇻🇳呢日行開中環街市，見到有間主打Banh Mi嘅小店「越包兄弟」，賣相好靚仔，材料豐富，就同朋友去試下😋食完真係要大讚呀👏🏻👏🏻👏🏻一共有5款，包括：照燒雞、叉燒、燒肉、鴨胸（各一條$65）同”乜都有”（$72），$65有一整條法包，+$10仲有一杯凍越南咖啡☕️以中環黎講超抵食，唔貴又飽肚兼且夠曬滿足😛每條Banh Mi 都有齊醃蘿蔔絲、蔥及黃瓜、芫荽（可走）、肉，重點有肝醬，非常正宗，大大增加脂香，味道更有層次👅法包好香脆，我食唔曬一條，留咗半條第二日，用焗爐返熱番都仲係好脆口😙 入面包住滿滿嘅餡料，外脆內軟🤗 我哋揀咗鴨胸肉、叉燒同乜都有，每款嘅肉都塞得好滿，好足料🙂‍↕️加埋秘製醬汁，非常惹味！個人最鍾意”乜都有”，有齊咁多款肉，啱晒樣樣都想試嘅我🤭另外+$10試埋越南咖啡，有得揀凍啡或者齋啡，揀咗凍啡，有d似mocha，甜度比意大利咖啡高，但比平時飲開嘅越南咖啡甜度已經有所調整，可接受😝PS. 小店主要做外賣，有企位堂食😌…查看更多

尖沙咀一向物價偏高，而位於大街的龍百味小廚簡直是平靚正，中式主菜選擇超多，有肉、有魚、有菜、有海鮮，蒸炸炒炆都有，價錢低至$18，好抵食！呢晚收工太夜，打包了5款小菜回家同屋企人分享。飯和湯都係仼食仼飲，絕對飽肚。每款小菜都裝得滿滿，毫不客氣，高質又性價比高，難怪keep住都有人潮！椒鹽豬扒份量好足，豬扒大塊厚肉，炒得好有穫氣，椒鹽好入味，好惹味！咕嚕肉咕嚕肉係我最鍾意嘅中式小炒，平時喺屋企自己煮唔到，所以出街必點！呢度嘅咕嚕肉都係啖啖肉，真材實料，唔會話大大舊粉，仲有埋三色椒同菠蘿，酸酸甜甜。蒸鯇魚收工太夜，平時完全冇時間去街市買魚，所以見到有蒸魚，真係超開心！有黃立䱽同鯇魚，揀咗鯇魚，好大塊，魚肉嫩滑。苦瓜蒸排骨排骨好腍好多肉，苦瓜薄切炆得入味枝竹蘿蔔炆牛腩全部都好入味又唔會太鹹，牛腩鬆化唔嚡口，好送飯！…查看更多

平時成日見到好多人幫襯呢間生生市場，呢日唔想煮飯，就去咗買外賣齊齊分享！蜜糖蒜蓉無骨炸雞呢度嘅炸雞好有水準，炸漿沾滿甜甜嘅蜜糖蒜蓉醬，入口唔會太厚粉，內裡肉質juicy嫩滑，份量仲非常慷慨，必點！韓式海鮮嫩豆腐湯配飯天氣凍，飲一碗熱騰騰嘅暖豆腐湯特別暖胃。豆腐湯好足料，海鮮有蝦和魷魚、辣辣地之餘，味道都好鮮甜！吞拿魚紫菜飯卷份量一樣好足，每一件飯卷都包得紮實，餡料飽滿，一啖一件，滿足！韓式辣炒豬肉拌飯除咗辣炒豬肉之外，仲有芽菜、煎蛋、泡菜、紫菜、蘿蔔、青瓜絲，顏色豐富。味道穩陣，調味唔錯。…查看更多

放工見到金馬倫道呢間龍百味小廚好多人，行近去睇吓，原來係主打平民小菜。餐廳非常光猛，地方乾淨企理，堂食座位仲好多，可以坐得闊落，仲見到有幾個外國人入去試吓香港獨有嘅”this this rice “！餸菜選擇非常多，分5個價錢：$18、$22、$26、$28、$48。揀咗五款小菜外賣：鳳梨咕嚕肉咕嚕肉啖啖肉，醬汁酸甜，好送飯。陳年黑醋一字骨醬汁酸甜平衡得好好，都係送飯之選。蝦仁炒蛋份量好多，蝦仁好大隻，入口彈牙。西蘭花炒雞柳除咗西蘭花同雞柳之外，仲有三色椒，健康！咖喱薯仔牛筋腩呢個幾有驚喜，咖喱味道對辣，薯仔炆得好腍，牛筋腩完全唔嚡，仲好入味！堂食的話，白飯$5仼裝，$6已經有一碗老火靚湯，對於想食住家餸嘅人嚟講，性價比好高。…查看更多

又係朋友帶路！去咗尖沙咀樓上呢間串燒居酒屋「爖月」，價錢合理，款式多樣，食物質素高質，性價比高。手揸餅海膽蝦卷（$148）呢款係餐廳名物，點咗一客試下！巧妙地運用中式手揸餅取替紫菜，口感鬆化，入口富牛油香，包住海膽同蝦，口感幾豐富。比翼雙飛乳鴿有啲估唔到呢度竟然有乳鴿食，味道仲要都唔錯。乳鴿唔會太乾，肉質juicy，如果外皮脆啲就仲正啦！明太子玉子燒玉子燒好嫩滑，包住慷慨嘅明太子，更添鹹香。月見免治雞肉棒雞肉棒自家製作，直接放喺蘭王蛋上，完全被蛋汁包圍，又有蛋香又令到口感更為濕潤。雞皮呢個燒得乾身佐少少。鵝腸呢個燒得好好，調味都岩岩好。油甘魚鮫魚皮燒至焦香，魚肉嫩滑。…查看更多

想食Omakase，朋友推薦鮨燐，咁啱早排餐廳做緊6折週年祭，晚市14貫壽司套餐有6折優惠，立即把握機會過嚟試吓！餐廳人氣十足，平日full house! 不過師傅服務都好好，服務每枱客都好細心，唔同客人嘅唔同需要都記在心上，令我留下深刻嘅印象。今日嘅前菜有松葉蟹豆腐、芥末粒貝、南瓜甘露煮，每款都配搭見心思。之後就係壽司環節啦，每款都採用時令食材，晚晚都唔同。長崎伊佐木伊佐木魚味清雅深海池魚深海池魚來自鹿兒島，肥美甘香，入口有少少嚼勁九州車海老車海老好彈牙，配搭柚子皮，多咗果香及清新嘅感覺北海道帆立貝好新鮮好鮮甜！池魚用薑蓉及蔥花可平衡池魚比較濃重嘅味道北寄貝師傅一拍就收縮，用料新鮮，難怪口感咁爽脆！秋刀魚好開心有秋天當造嘅秋刀魚！秋刀魚油脂豐滿，佐以薑蓉，齒頰留香。中拖羅好肥美，油花分布平均銀鱈魚輕輕火炙，令到油脂更加釋放出來。配搭柚子及胡椒，可化解銀鱈魚嘅油膩紫海膽海膽好鮮甜，每瓣都好完整飽滿。大拖羅大拖羅有少少筋，所以越嚼會越有魚味，由於油花太密佈，所以入口就在口中化開，好幸福。黑鯥 黑鯥油香同樣豐腴，火炙後更加肥美。赤身醬油漬過，突岀魚味。火炙左口魚邊左口魚邊入口即化，佐以辣蘿蔔及蔥花，令味道更有層次。麵豉湯食完14件壽司，用一碗麵豉湯暖暖胃作結，好美滿。黑豆抹茶奶凍估唔到甜品都有驚喜！黑豆抹茶奶凍奶味香濃，抹茶濃郁，兩樣一齊食，味道好夾。…查看更多

外國返嚟嘅朋友好掛住潮洲粉麵，所以去左元朗潮州大勝牛雜粉麵，一齊食返個宵夜。送飲品，叫咗懷舊嘅利賓納同埋豆漿，豆漿更出色，豆味香濃。 我哋叫左碗招牌嘅崩沙腩河粉真係好有驚喜！呢個部位嘅牛腩肥瘦相間，非常軟焾，帶有少少筋位，保留口感。而且仲好入味，份量亦唔少，好好食呀🤤！另一碗叫咗潮州魚片角雙拼牛丸河粉🍜，金黃魚片角同牛丸味道屬正常，但勝左兩樣都夠彈牙爽口。另外仲叫咗份五香牛雜做小食，估唔到份量咁多，一大碟包括咗牛柏葉，牛大腸、牛肺等等嘅部位，好足料。牛雜嘅滷水味夠入味，而且煮得好腍，最底下嘅白蘿蔔更加吸收晒所有精華，非常好吃！小店服務態度唔錯，希望食物亦可以繼續保持水準啦！…查看更多

位於H Zentre嘅『炑』主打日式傳統割烹，可以同時食到壽喜燒+天婦羅，雙倍滿足感！呢日就約咗朋友試下！餐廳環境好靚，裝潢好有格調，空間亦非常闊落，坐得舒適！客人亦可以近距離欣賞到師傅席前製作料理，同時滿足視覺享受。我們點了價錢較相宜的套餐（($1188，經由OpenRice 網上訂座有8折)，主要是和牛壽喜燒的份量會比另一個套餐少一點，適合女生們。先上前菜，師傅都會選用時令食材，呢日有北海道白粟米、石川縣金絲瓜及陳皮水果茄。北海道白粟米刺身非常清甜。金絲瓜來自石川縣，巧妙地加了指天椒，辣辣地好過癮！水果茄則來自靜岡，剝皮後入口更加細緻。呢碗茶碗蒸好有誠意，上面放有北海道瀨尿蝦，瀨尿蝦彈牙紮實，鮮味香濃，配以柚子皮點綴，味道好有層次。呢個套餐最特別就係有天婦羅及壽喜燒！呢度嘅天婦羅全部都水準好高，逐條即炸即上枱，確保味道最佳！除咗常見嘅蘿蔔蓉之外，炑仲有自家製梅蘿蔔蓉，坊間比較少見。北海道草蝦外層嘅炸粉好薄，入口酥脆，包住彈牙嘅蝦肉，口感十足！蝦頭都炸得超脆，成個食都得，師傅建議我哋灑少少柚子鹽，令味道更豐富！日本白魚用紫蘇葉包住炸成天婦羅，魚肉嫩滑，外脆內軟，食落仲有紫蘇葉嘅香味。沙薑蠔蠔身飽滿肥美，炸至外脆內creamy，面頭淋上薑蓉汁，再用烘至香脆嘅紫菜包住同吃，口感好豐富！愛知縣無花果充滿天然果香，入口清甜。熊本縣赤茄子好新鮮，口感爽脆！然後就開始壽喜燒啦！呢度用北海道十勝和牛，牛味香濃！依次序由西冷、肉眼、肩肉食起，師傅話咁樣由淡味食到濃味，味道及口感更佳！每片和牛都油脂豐腴，油脂分佈平均，一放落口就溶化開，好正呀！壽喜燒湯底用牛骨熬製，配搭新鮮嘅日本野菜：絹豆腐、冬菇、甘筍花、淡路島洋蔥同葛粉絲，好鮮甜！大蜆清湯暖胃鮮甜，鮮味十足！甜品有我至愛嘅黑糖蕨餅，好驚喜！蕨餅口感軟糯，好食！…查看更多

今日我住喺外國嘅姑姑難得返嚟，問我有咩好食嘅火鍋店介紹，我就帶佢去新港城中心嘅一鼎 ·台式火鍋試一試。佢哋呢度係一人一鍋嘅配套，所以我哋可以試唔同嘅湯底，而且有唔同嘅肉類套餐揀。我哋兩個就揀咗店入面人氣套餐澳洲200日純榖飼牛套餐🥩，價錢$339，90分鐘任食。首先揀湯底。我揀咗紅燒火牛湯底，帶有微辣嘅味道，湯好濃亦好香，好開胃。我姑姑就揀咗燻鰹魚湯底，湯有濃郁嘅魚香味，有一種清甜嘅感覺。旁邊仲有無限量供應火鍋料嘅吧台畀我哋自己揀想食嘅食材。🥗焦點當然係純榖飼牛肉，口感真係一流。煮熟之後入口即化，配埋湯底之後更加鮮甜，滿滿的牛肉味，連好耐冇食火鍋嘅姑姑都大讚好食。👍🏼我哋仲食咗其他小食。例如芫荽和牛串，二荊椒和牛串同埋煙肉鵪鶉蛋等等。畀我哋可以享用到好多唔同嘅台灣小食，真係好美味。🤤我姑姑畀呢間店嘅評語係環境舒服，店員都好有禮貌，食物種類繁多又好食，下次返嚟仲要再嚟食！🤩…查看更多

最近我地發現一間人氣超高、口碑一流嘅泰國菜餐廳—”泰“ 喺旺角開業咗，我同班姊妹見大家都大力推崇就決定一齊去試下👩🏼‍🤝‍👩🏽。我地一行六人，一齊去享受呢個泰式晚餐美食旅程。《青木瓜沙律》🥗入口涼爽，青木瓜味道清新，配以特色嘅泰式醬汁，清新中帶點微辣，真係一試難忘。《豆卜釀蝦》🦐每一隻豆卜都釀滿新鮮蝦肉，一咬落就有一流嘅鮮甜滋味，真係超正！《網皮春卷》🥢網皮春卷酥香口感佳，裡面包裹住味美食材，每一啖都是味蕾嘅驚喜。《泰式炸魚餅》🐟魚肉燜得十足，味香嫩滑，配上特製醬汁食，每一口都有泰國風味。《冬陰功炒蜆》🐚燒得啱啱好嘅冬陰功炒蜆鮮美得嚟又夠味，每一隻蜆都豐富口感。------------------------------《椰汁紅豆冰》🍧椰汁紅豆冰清新潤口，紅豆夠香，配上椰汁就加倍清香！《椰汁珍多冰》🥤飲左呢杯得意嘅飲品，有種清甜椰香，齊齊呼一口涼真係醒神又消暑。食完呢次泰式美食體驗，我同我哋姊妹們無不贊好👍🏻，大贊佢食物質素高又實在。埋單每人都無超過$400，仲好近旺角地鐵站，去到就梗係極方便💖。如果你都鍾意食泰國菜，記住去”泰“ 揾吓佢們啦！…查看更多

上朋友屋企食飯，點可以兩手空空？無意中經過呢間太極手撕雞，見到好多人排隊，就買咗d餸上去加料。每樣食物都係店員即席製作。例如手撕雞，店員會將手撕雞、醬汁、芫荽、洋蔥絲、青瓜絲撈匀，最後撒上大量香噴噴嘅芝麻。手撕雞用上清遠走地雞，雞味突出，肉質嫩滑。泰式辣汁辣度適中，唔會太辣，但好惹味！由於有朋友唔食辣，我仲買咗蔥油手撕雞，蔥油嘅蔥味好香！連配料嘅洋蔥都吸收埋蔥油嘅香，好好食！麻辣牛𦟌份量慷慨，麻辣夠麻夠辣，牛𦟌好腍！麻辣鵝腸份量都係好多，仲有花生、青瓜絲、芫荽等等配料，麻辣汁調味好好！…查看更多