wf20cheng的个人专页

食物款式都算多選擇，有新鮮飛機貨，雞係用日本雞種，我推介菜式係長過筷子既燒雞翼👍🏻，師傅霆鋒式既灑鹽方法，再燒到外脆肉嫩，直得用少少時間等待。前菜漬物有驚喜，醃蘿蔔配上芝麻，加醃牛蒡同醃蕎頭爽脆，非常開胃。日式凍番茄🍅師傅送既小食，估佢唔到超甜，多汁！小食燒鱈魚骨- 配酒唔錯，燒到好香脆！海膽有兩款-加拿大同日本，我選擇在日本海膽，好新鮮。池魚🐠刺身，師傅會有個特製酸汁去點配，唔喜歡可以用新鮮即磨既wasabi , 另外師傅仲介紹可以加海鹽既食法，各有所好。生蠔刺身-新鮮壽司🍣- 壽司醋飯我覺得係靈魂，配搭唔同既材料，變成唔同味道，但唔係間間都有靈魂，溫度軟硬度好重要，食得出新鮮，師傅既誠意有，整體好食。燒白鱔-肉質夠晒肥美👍🏻鍋燒烏冬-湯底夠味，日本雞肉🐔好食，配一件天婦羅🍤，烏冬煙韌彈牙。日本黑豚肉🐷炒飯-有鑊氣😆並唔係撈飯，係真係炒出黎既飯。流心蛋薯仔沙律🥗- 我屋企老人家好欣賞，一個人食晒成碗， 味道唔錯👍🏻好鍾意去日本食野，除在係喜歡食物質素，最主要日本人嘅熱誠服務態度，係香港往往你俾錢，都只係會食到日本既食物質素，但得到係無靈魂既服務。 好多謝鎧軒，今晚既用餐係慶祝屋企人既生日，令我哋感受到你地既熱誠，每個細節都好用心做，仲專登幫我地係生日蛋糕上增添色彩，走既時候每位員工都帶有笑容講拜拜，成件事令我哋感覺到返在日本既感覺！…查看更多

同老豆慶祝生日，請埋親戚一行廿人，安排在一間望住維港景既房間，未食先興奮，係窗前影靚相，相當開心。頭盤係： 北京醬蹄凍 （估唔到最開心啫喱係底，可以食埋個擺盤。👍🏻） 茉莉花茶煙素鴨 麻醬雞絲撈起 （俾老豆撈起，有意頭有得撈，味道唔錯九秒九清碟）😋湯： 砂鍋雲吞雞 （好濃既湯，好大陣金華火腿味道，雲吞好食，雞都不錯👍🏻）主菜： 北京烤鴨 （皮脆，唔油膩，好食，包皮會座熱住，每塊皮用張紙隔住，好細心，唔驚黐埋一齊。） 富貴雞 （今晚最期待既餸，麵包包住荷葉雞，一推入黎，賣相已經嘩嘩聲，仲點埋火，好熱鬧氣氛，老豆同姑姐出去用金錘仔敲個麵包，影在張即影即有，之後仲有一個迷你錘仔留念，味道荷葉好香，雞肉好嫩滑，有鮑片，冬菇好好食入晒味，唯一係咸左少少） 炒鴨菘 （生菜包鴨菘，內有雪菜，生菜新鮮脆口，好好食） 東坡肉 （賣相未食已經攞分，出晒煙效果，相機食先已經夠開心，一d都唔油膩，入口即溶） 咕嚕肉 （好受歡迎既餸，味道正常） 原條翡翠桂魚絲 （普通） 宮廷四合蔬 （清清地唔錯，菇好食） 上湯豆苗 （正常） 小籠包 （爆汁👍🏻） 雜錦炒飯 （每位都讚不絕口，粒粒分明，炒得好食） 炒拉麵 🍜 （好食，賣相簡簡單單，但麵質好食，係佢地師傅親手拉。） 甜品：炸銀絲卷 拔絲香蕉 （侍應即時拔，大家圍住睇表演既時候😂 ） 茡薺餅 （賣相好靚，出晒煙，係煎堆仔，熱辣辣 面頭有蜜糖內有馬蹄蓉，睇得又食得👍🏻） 壽包 （普通）整體全晚都食得好開心氣氛好好，對住靚景有得玩有得食有得睇表演，有個靚仔師傅入黎表演拉長壽麵，好特別，每位員工都好好笑容，有禮貌，真心不錯👍🏻 …查看更多

11月25日 電話訂位，仲落埋某幾樣要預先訂既菜式包括拿破崙，網上話佢個拿破崙出色，屋企個老人家好鍾意於是滿心歡喜期待，蛋糕都無買，加埋生日牌當蛋糕切，六點鐘入坐， 一黎同我講拿破崙買晒，六點鐘就賣晒？ 我係第二枱黎，第一枱都係剛剛坐低，撞鬼呀？之後轉口風話前兩日唔記得打俾我講賣晒，仲有趣，你有預知能力2日後個拿破崙會賣晒？ 都嬲嬲地，你仲收我20蚊生日牌叫我放係個壽桃當生日蛋糕，都極度有趣，好明顯敷衍我，送在幾件糕品俾我，壽包又難食，糕品又唔好食，臨走俾我見到個經理托住兩個拿破崙入房，即是點？ 坐房有得食？今晚我都食在4千幾，第一次黎所以預早訂都可以隨時Cut單？ 不知所謂既服務態度，不如改在個訂菜規矩，熟客有得訂，生客免問，甘唔駛人哋專登黎你度食，唔會勞氣！ …查看更多

剛搬到聯和墟，成日經過呢間小店過其門而不入，今晚好奇心驅使下終於試第一次！ ☺️餐牌上選擇都算多，酒類都好多款式 🍻🥂今晚點在肉眼同一塊T骨，餐飲可配酒同無酒精飲品，頭盤有沙律或餐湯，主菜選擇都算多，。佢件肉眼驅使我寫今次食評，心諗298有咩質素？！ 一入口牛油油口juices 到不得了， 牛味濃郁👍🏻🎊 下次唔食牛，我見到隔離枱紅酒煮豬排賣相唔錯，可以一試！😗環境好舒適，簡簡單單無豪華裝修，坐得自在，三五好友吹下水飲下酒既好地方，店員又好有熱誠。 👍🏻😄牛排好有驚喜，係個湯蘑菇味淡口在d, 價錢好親民，有晒誠意值得推介！ 😋👍🏻…查看更多

好耐無寫食評，呢間係唔打唔撞路過此地，見到間野黑黑地，新開張八卦睇下個餐牌，估佢唔到係食西餐，又估佢唔到甘有驚喜！ 忍唔住讚一讚！西蘭花🥦忌廉湯好滑呢個雞翼六條友食在三碟，炸得香脆呢個焗蠔一黎大家都讚好靚，芝士同煙肉好食，蠔又夠鮮，我地食在兩碟！👍🏻呢個魚頭🐟一定大過我個頭🙆🏻‍♀️，煎得脆脆，魚肉超滑，滿口魚油，班愛魚人士九秒九ko在佢呢件西冷5成熟，無呃大少，點解用呃？😏因為最近去過一間元朗好出名西餐，無論3成5成，黎到係變在7成，嬲到班男人出煙🤬，價錢係佢既2倍幾！ 🤫肉眼有牛味，剛剛5成，煎得非常好👍🏻呢個黑毛豬係店家推介菜式，我自己都好鍾意食，八成熟剛剛好，肉質夠嫩豬油入口即溶，不得了！呢個田園沙律配烤雞，擺盤好靚，夠晒大碟，雞件煎得香脆，推介！呢杯啡大少不停推介，叫朋友一定要飲，又香又濃！連續食在兩日，第一日兩條友食完，即時推介俾朋友，第二日同4個朋友黎都好滿意，我地唔係食家，不過呢間小店起埋一大班人食得開心，每碟食物擺盤好有心機，廚師誠意十足，價錢親民，值得支持一下！…查看更多

小確幸-微小但確切的幸福，無錯，呢個小小既燒布丁的確帶來我今晚小小既幸福。我試既係原味同朱古力，首先跟著佢既指示紙做，每份燒布丁附上一隻紙碟俾你，倒轉搖一搖，布丁就會滑出來，焦糖即時佈滿即個布丁，成個過程都幾過癮，好似個布丁係我自己整甘開心。（當然係我想多了）味道方面我喜歡佢唔太甜，超滑，第一口入口即溶，滑到直入喉嚨，之後第二口第三口，好快ko一個，滑到無朋友，好好味呢！本身我係一個超級貓頭鷹愛好者，見到佢個貓頭鷹招牌入去睇下，諗住係支持下貓頭鷹粉絲，食完今次我諗我變埋佢既布丁燒粉絲了。…查看更多

經過聯和墟見到新野即時試試，日式裝修坐得舒服，店員熱誠，主動推介菜式，兩條友叫在三個餐，刺身定食，叉燒烏冬定食，燒魷魚加20蚊轉做定食，加在個帶子刺身，首先刺身質素甘既價錢都算合理，帶子厚切只係58，抵食叉燒好食不過烏冬麵質可以好d就完美，溫馨提示：地獄湯底堅辣啊！冷烏冬配我最愛胡麻醬無得輸啦！魷魚我覺得好大隻，好淋，汁不錯配係好朋友，一個定食有前菜有湯主菜加生果，街坊價錢，甘既質素，好滿意！ 另一樣抵讚係隔離枱小朋友要食青魚定食，餐牌無但店員都肯幫佢整，好有人情味呢！ …查看更多

搬在新鋪第一次黎試，舊鋪去過幾次令人懷念外脆內軟既雞蛋仔，個蛋香味出面好難搵到，估唔到新鋪既質素差在甘多，完全無蛋香味，外硬內唔軟，格仔餅不知所謂，超甜唔緊要，仲超硬，做得甘差超級失望，等我山長水遠黎食！ 唉！…查看更多

前日經過此店，見到人地碟牛忍唔住嘩在一聲，估唔到小店藏靚牛，正。今晚兩條友抱住食靚牛既心情回一回佢。選在胡椒豬肚湯拼清湯~ 胡椒豬肚唔夠濃，可以胡椒重d, 清湯ok. 雞湯底正常野。手切安格斯牛頸脊 ~ 靚仔到不得了，只需118 , 平靚正， 有牛香味 ,夠晒厚切，大大件！蝦滑拼墨魚滑 ~ 細碟在小小， 不過兩款都好彈牙，新鮮！雪花肥牛~第一碟18蚊，牛味不錯，引到肥豬王要叫多一碟，第二碟58 不過份量好多，同好大件。脆骨腩~ 一般聖子 ~ 一般 56 蚊兩隻 雲吞拼水餃 ~ 細細粒 雲吞 有好香既冬菇味同豬肉味 好新鮮，水餃係韭菜餃，都好食脆香鈴 ~不是自家整的 :(竹笙 抵食 26 蚊 大大碟飲埋竹水同啤酒 都係600有找 ,甘既價錢甘既質素，又一邊爐好選擇！題外話 老細好有型，大隻得黎又nice ,另外個女仔都好nice ，呢餐好滿意！:)…查看更多

我係台灣食過兩次，因為好食覺得排隊等係值得，香港都要等，難得朋友排定隊所以去試下。蒜香粉皮肉醬汁味道正常，白肉唔夠肉香，一般。紅油抄手 雲吞好食，個汁好甜，應有既麻辣酸甜味 佢只做到甜紅燒牛肉湯麵最似台灣既味道，，湯濃有牛香，肉質夠淋酸辣湯 好足料 有酸辣香味 好飲蟹粉小籠包我咬在一口，望住個匙羹，好失望，湯汁呢。。。 無湯汁既 小籠包好失望 !服務 無問題，最大既問題係衛生，上菜位男侍應不停咳，唔載口罩，佢仲要用按完口既手上菜俾我，嚴重扣分！好嘔心！…查看更多

同高貴既好朋友相聚，佢又想打邊爐，唯有去d 高級既食店咪失禮佢。。一入去感覺好大，安排在卡位俾我地兩個，坐得好舒服，完全自成一角傾計一流。花竹蝦刺身 最近大愛 肉質超彈牙 好新鮮 好多膏 好鮮甜 頭同尾放埋落去滾 一流栗米蕃茄薯仔湯 夠香 好夠味 栗米好甜 牛肉粒 好多 夠料水餃皇 推介 一粒水餃有4隻大蝦 係新鮮蝦 好有驚喜 超爽 彈牙 一d 都無欺場 好值呢個價錢。雪花肥牛正常野，我覺得唔夠牛香，可以更好。炸響鈴 唔油 好脆 唔滾都好食值得一讚係佢地既服務，由門口到裡面所有員工都擁有一個親切既笑容同超超超有禮貌，加湯既速度同次數令我唔覺個湯有少過 哈哈 好誇張 不過真係好讚！…查看更多

一心過黎大圍揾甜品食，下午4點幾路經此地，見坐滿晒人，拉過朋友去試下，點在兩款話推介既甜品無死錯人啦！我點在雪糕配窩夫，樣正常，誰知我諗住切d 俾朋友試，硬到呢。。。 好彩我仲有牙咬，我深信將呢件所謂窩夫掟出街，會掟得死人難食到呢。。。 點解可以甘難食？ 好野 ! 拿破崙 我地已經無咩期望，抱住無咩期望就唔會太失望既心態，兩個字，新鮮！ 唉！80蚊食d 甘既野，真係唔明點解仲坐滿人。…查看更多

路經大圍見到呢間鋪面細細，但迫滿人同排晒隊，抱住唔好蝕底既心態我又排。 腸粉一入口估佢唔到超超超滑，細細條又夠晒熱，好好味呢！推介！牛肉球 好粉 肉質好散 唔好食 可以唔叫 .:(…查看更多

成日經過呢條巷仔都坐滿人，好熱鬧！ 大少話呢間野既咸雞好出名，今晚終於同我黎試。東江雞 唔鞋口，肉質仲好滑，甘晒味唔點沙薑都已經好正！五柳魚塊個汁好正送飯一流，可惜魚塊質感好實，似食緊魚柳包裡面件魚柳。。。魚雲湯 大少最愛，夠熱，好鮮甜，唔腥，薑味唔會過份，正！…查看更多

台灣既美食我成日都好掛住，呢間台灣麵第一次試，款式超多，店鋪超大，坐得舒服。酸辣牛筋腩麵 ~ 睇個名吸引，酸辣湯底 我最愛，可惜喝一口湯超淡，我要自己另加兩大湯匙醋，先似返酸辣湯既味。。。 牛筋腩 夠淋 鹵肉麵 鹵肉好食，肥羔夠香入口即溶，夠大件，好味！串燒肥牛金菇 一口牛 雞翼 ~~ 三串都好淡口，好淡口 俾兩粒鹽我 咩味都無 台灣既口味係重口味，但佢偏偏所有野都超淡，佢應該行健康路線，唔係我要既野。…查看更多