大統領 (已結業)

1

價錢合理！

厚切刺身！ 

地獄湯底叉燒烏冬定食

刺身定食！

經過聯和墟見到新野即時試試，日式裝修坐得舒服，店員熱誠，主動推介菜式，兩條友叫在三個餐，刺身定食，叉燒烏冬定食，燒魷魚加20蚊轉做定食，加在個帶子刺身，首先刺身質素甘既價錢都算合理，帶子厚切只係58，抵食叉燒好食不過烏冬麵質可以好d就完美，溫馨提示：地獄湯底堅辣啊！冷烏冬配我最愛胡麻醬無得輸啦！魷魚我覺得好大隻，好淋，汁不錯配係好朋友，一個定食有前菜有湯主菜加生果，街坊價錢，甘既質素，好滿意！
另一樣抵讚係隔離枱小朋友要食青魚定食，餐牌無但店員都肯幫佢整，好有人情味呢！