fat.boyfoodie的個人專頁

前幾日同朋友去咗將軍澳呢間有中東特色嘅酒吧見面，雖然天氣有啲凍，但我哋都食得好開心，氣氛好好。我哋喺度除咗飲酒之外，仲叫咗幾樣有中東特色嘅菜式，包括：小食拼盤、素食小吃拼盤、鐵板墨西哥烤肉（雞肉）。將軍澳比較少呢類型嘅菜式，所以我都好少機會食到，今次終於食到，感覺好特別，好難忘！我尤其對杯cocktail同埋素食小吃拼盤印象深刻，因為前者好靚，飲起嚟味道又好refreshing，後者啲小食好特別，味道一試難忘，慢慢食住嚟飲酒認真唔錯！下次我會帶多啲朋友嚟飲酒！…查看更多

中秋節就到啦，因為好難就到晒咁多屋企人食飯，所以我哋一早就提早過節。朋友介紹呢間菜館免開瓶費、切餅費，仲可以自備飲品。另外，upload相上社交媒體，仲有汽水送😳我哋平時食開一般酒樓，都係啲平平無奇嘅菜式，食都食到厭……原來呢度可以按照我哋嘅要求加加減減啲菜式同埋口味。我哋一行人有幾位老人家，可以要求佢整得清淡啲。我哋叫咗2斤芙蓉蛋白蒸老虎斑，菜館已經幫我哋起咗肉，下面仲係燉蛋白，食落啖啖肉，夠晒滋味；八寶鴨，好彩我哋一早叫定，因為每日只有五隻；臘味糯米飯蒸大肉蟹，有飯又有蟹肉，好鮮味；開邊蒜蓉粉絲蒸澳洲龍蝦，好多蒜蓉呀，同埋隻龍蝦好夠新鮮啊，正！朋友介紹我哋呢間菜館真係無錯，因為好多嘢唔使加錢！除咗散叫，又有好多套餐選擇，小朋友嚟食又唔使計人頭，而且呢度主打食海鮮，所以我哋食嘅魚同埋龍蝦都好夠新鮮好好食！我哋下次一定會再嚟幫襯！…查看更多

黎巴嫩可能好多人都未必係邊，黎巴嫩係最西化的阿拉伯國家。由於地處地中海東邊沿海，黎巴嫩飲食更接近健康既地中海飲食。黎巴嫩飲食通常包括大量豐富的全殼谷物、水果、蔬菜、各類澱粉、新鮮魚類和海鮮。煮調特色係較少動物脂肪，大多用橄欖油。橄欖油、香草、大蒜和檸檬係最典型的調料。黎巴嫩飲食被認為是既健康又美味既飲食。與其他中東國家相比，黎巴嫩菜式比較豐富多樣，被稱為中東菜系之王。雖然人生未必有機去一次黎巴嫩，但想一嚐中東菜王，去將軍澳就已經得啦，係將軍澳南開左一間叫Maison Beriut提供黎巴嫩菜式既餐廳。餐廳裝修充滿中東特色，又位於海邊，係呢度食野真係好寫意，好似去左旅行一樣。最緊係呢度既食物除咗充中東特色外，味道亦分清新好味，同傳亞洲，歐美菜式口味有好大分別，由前菜到主菜，以致甜品都會令人有意想不到既味覺衝擊，如果大家想同朋友試下一啲有特色，想試新口味，十分推薦大家去呢度食飯，一定會俾到新鮮感大家。…查看更多

我一早就聽聞呢間火鍋放題性價比好高，選擇又多，適逢新年，梗係要約埋屋企人去擦餐勁㗎啦😋當日（平日）雖然我哋冇book位，但六點幾去到已經有好多人，所以我建議大家預早book位會好啲！我哋揀咗美國極黑和牛片（$298一位），同埋鴛鴦鍋（麻辣+豬骨鍋）雖然我哋叫嘅肉唔係最貴嗰種，但其實質素已經相當唔錯！除咗肉之外，呢度嘅火鍋料選擇真係好夠多，有海鮮、熟食（例如：芝麻雞翼，最特別嘅係有乳鴿），出面仲有唔少丸類、菜類、小龍蝦、水果、甜品、飲品（有清酒、梅酒、白酒、啤酒、珍珠奶茶😝任飲等），簡直你講得出嘅都有！最值得一讚嘅係呢度嘅衛生相當唔錯，好乾淨！去打邊爐最驚就係污糟，食完會肚痛，但呢度真係算好乾淨！香港最強嘅火鍋放題，牛站真係算係數一數二！…查看更多

Deer Coffee環境非常舒適，裝潢簡約但又不失溫馨。餐廳內有唔少綠色植物，令人放鬆。此外，餐廳仲提供咗室內和室外座位。在服務方面，Deer Coffee 的員工非常友善。中此外，餐廳的菜單非常豐富，而且價格也非常合理。這家餐廳提供西餐輕食為主，而且客人可以帶同寵物一起用餐，非常適合寵物愛好者。當日我同朋友點了明太子雞翼、白汁蟹肉意粉、經典芝士漢堡和抹茶拿鐵。首先是明太子雞翼，明太子的味道微辣，非常惹味。跟著是白汁蟹肉意粉，這道菜的汁香濃，蟹肉又鮮甜。經典芝士漢堡的芝士口感濃郁，漢堡肉質鮮嫩，非常好吃😋！最後是抹茶拿鐵，味道濃郁，而且抹茶的苦甜味道與牛奶的香甜味道完美結合，非常好喝。我同朋友都覺得Deer Coffee 是一家非常適合與寵物一起用餐的餐廳，味道也很好。如果你都想要西餐輕食，這家餐廳絕對適合你來👍…查看更多

估唔到阿杏飯團🍙開咗喺將軍澳呀，我一直想試好耐㗎啦，但又唔想專登出去旺角或者觀塘。今次終於有機會試啦！記得以前喺港鐵站有都飯團賣，但好可惜好似全部都執晒……其實有時晏就或者下午茶買飯團嚟食都幾好呀，起碼健康得嚟又飽肚。呢度嘅飯團選擇超多，有肉、素、海鮮，咩都有。今次我同朋友就叫咗廣島黑椒豬扒飯團，同埋金沙鹹蛋飯團。我覺得食落去好有驚喜，因為個層次好豐富，有生菜、肉/鹹蛋、肉鬆、酸菜、沙律醬等，最正嘅係佢個紫米飯超級煙靭，出面仲有一層脆脆嘅紫菜，好好食！$40左右一啲都唔會覺得唔抵！另外，呢度仲有唔少台式飲品，叫個飯團加杯嘢飲，仲有折，真係非常滿足！住喺將軍澳嘅朋友，都不妨去新都城阿杏飯團試吓😋…查看更多

難得聖誕節🎄，於是我就約咗好耐無見嘅朋友食飯。少女心滿滿嘅佢提議去銅鑼灣喫茶ちょうぼ。一開頭我都以為會唔會又係嗰d得個樣字，但食物質素普通嘅餐廳，點知我哋都喜出望外！無論環境定食物質素都值滿分！餐廳環境舒服，似足日本嘅喫茶店，柔和嘅燈光加上聖誕嘅擺設，令人感到舒適溫暖。我哋2人分別叫咗- 紅粉緋緋花環拿鐵- 焙茶牛乳- 聖誕庭園大蝦菠菜扁意粉 - 誕辰和牛漢堡蛋包飯 - 噹噹金賞唐揚炸雞 - 雪人布甸與牛奶大福盛咖啡同埋焙茶嘅味道非常濃郁，十足十日本嘅風味。我哋就最欣賞呢度嘅蛋包飯同埋炸雞，蛋包飯嘅汁好開胃惹味，隻蛋亦都做到流心嘅效果，飯加上茄汁🥫同埋其他配料炒得非常唔錯。而炸雞嘅汁十分juicy，加埋沙律醬，食落兩者好夾！我哋都一致認同喫茶ちょうぼ幾高質。當然一定同日本嘅喫茶店差d，但以喺香港嚟講，已經算係神還原了！…查看更多

想喺將軍澳食咖喱，我一定會揀嚟海傍嘅Chilli Lime🤤因為佢嘅咖喱款式非常多，而且仲迎合到我哋香港人嘅口味！當然除咗咖喱之外，呢度仲有多款馬來西亞、泰國、印度嘅菜式。如果暫時未有去旅行打算嘅朋友，嚟呢度的確可以止吓癮，一嘗東南亞風味！我同朋友叫咗泰式柚子鮮蝦沙律、串燒沙爹（雞肉/牛肉/豬肉）、印式椰香牛肉、酥油薄餅、馬拉盞通菜。當然唔少得一杯冰涼嘅啤酒，同埋朱古力奶昔啦！呢個印式椰香咖喱真係不得了，佢甜甜地得來又有少少辣味，送埋個薄餅，真係超級好食，食極都唔飽😂至於d串燒，肉質份量相當大，2個人食真係超飽！而且我哋叫嘅食物，所有份量都好多！如果多啲人嚟食會更好，可以叫多啲嘢食share！不得不提嘅係，呢度嘅環境都非常之chill，好有度假feel，喺度食嘢可以暫時放低工作嘅壓力。…查看更多

炸雞不嬲都係我嘅最愛，但並唔係間間都整得好食，所以我次次食炸雞都會去李家，因為佢嘅質素一如既往嘅好，從來都冇令我失望。每次我都會叫甜辣炸雞，因為佢d汁超jucy，甜甜辣辣咁，好開胃🤤撈埋個白飯嚟食，真係好正，食一個飯都唔夠喉！除咗炸雞之外，呢度嘅燒五花腩肉都係一個唔錯嘅選擇！鐵板嘅熱力哄住啲五花腩，食落去熱辣辣，點埋啲醬汁，包埋啲泡菜一齊食，好有層次，好滿足。今次我同朋友仲試咗個烏冬，清清哋，入面有魚腐同埋紫菜，用嚟解辣同埋解下啲油膩食物都非常之唔錯！我哋見到宜家menu仲有唔同口味嘅炸雞拼盤，都非常吸引，好啱外賣買返去一大班朋友share嚟食。大家一定會食得超級開心！提外話，如果呢間分店有埋玫瑰醬年糕烏冬就更好啦，因為呢個烏冬，李家真係整得超級好食！…查看更多

雖然去完韓國無耐，但我已經開始掛住當地嘅燒肉啦🤤有朋友介紹喜來稀肉，佢話比較正宗同埋老字號啲，於是我哋二話不說就去咗食。呢度嘅前菜，例如：泡菜、醃蘿蔔、沙律菜、醬油等，全部都係自助嘅，而爐邊蛋亦都可以免費任加。對於我嚟講，真係覺得好方便，因為狂攞前菜一啲都唔會覺得唔好意思！餐廳嘅燒肉種類唔少，我哋當日就叫咗喜來韓豚五花肉、豬及牛護心肉，呢3種肉都各有特色，燒起上嚟燒肉汁非常入味！不過大家就要小心，同要快d翻肉，因為爐嘅火侯非常勁，一唔小心就會燒焦。另外，我哋仲叫咗個海鮮泡菜餅，幸好佢嘅麵粉一d都唔多，泡菜同八爪魚份量偏多，食落一啲都唔會覺得滯。銅鑼灣呢間分店環境都幾大同衞生，不論同一大班朋友定係屋企人嚟都幾適合。…查看更多

呢排突然好想食港女下午茶☕️於是就上openrice睇吓有咩好食，跟著就見到呢間好多好評嘅花系打卡餐廳 — 就是偏偏喜歡你。呢度2人份量嘅下午茶set價錢為$398加1，包2杯飲品。本身我哋只想嚟打卡，但無諗過個set嘅食物質素都非常唔錯，我哋喺各方面都好滿意！tea set上層係甜點，分別有2款macaron、2款蛋糕🍰；中層係鹹點，有芝士菠菜酥、魚子撻、素菜卷；下層係餅類，有煙三文魚多士、2款鬆餅。各款食物都出奇都好味，而且唔會好漏同過甜，好啱怕肥嘅朋友仔嚟！我特別鍾意個鬆餅，因為佢個皮好脆身，偏向似曲奇皮，入面嘅麵粉又唔會過多，啱啱好，唔會食完就食唔到其他嘢！環境方面，餐廳係以花系為主，每一張枱都圍繞着好多花，其中仲有一兩張枱係鳥籠做主題，非常特別！不過最特別嘅呢，就係呢度有隻bunny兔仔，佢非常活潑，成日喺枱下面周圍跳嚟跳去，好鬼得意！其實食下午茶都未必需要去酒店食，呢度都係一個唔錯嘅選擇！…查看更多

心思思想食日式火鍋，但度度都一式一樣……將軍澳Popcorn呢間大將，竟然有做埋大閘蟹放題，仲有樂天熊仔餅雪糕🍦窩夫，真係非常吸引，所以就下定決心揀咗佢嚟食。我哋揀嘅爆膏大閘蟹放題$498（150分鐘），除咗有大閘蟹、肉類，仲有唔少海鮮，例如：沙白、蝦滑。另外，出面亦有唔少火鍋料、熟食同甜品，選擇真係好多，不禁令人花多眼亂。餐廳首先上咗湯底同每人2隻大閘蟹，d大閘蟹雖然係任食，但質素一d都唔差，隻隻都係爆膏！食完大閘蟹，當然就要試吓其他火鍋料啦，呢度嘅食材質素亦都唔差，尤其係肉類，但如果轉用QR code落單就會更加方便。而我就想特別講吓佢嘅窩夫，餐廳一早已經整好咗啲蛋漿俾我哋自己自製窩夫，今期仲有樂天熊仔餅，真係好啱我呢啲鍾意食朱古力嘅朋友！個窩夫超級有蛋味，外脆內軟，加埋啲軟雪糕同埋配料，真係又好玩又好食！以日式任食火鍋來講，大將食物選擇真係非常多元化，大小朋友應該都會好鍾意。…查看更多

唔係間間酒樓嘅中菜都整得有水準，特別係連鎖集團，但將軍澳呢間樂天經典就出乎意外地整得好有水準，每樣菜都無令我哋失望。我哋今次就叫咗$398嘅星州盛宴2人套餐，仲叫咗黃金焗螃蟹$248。套餐份量非常多，由餐飲、前菜、熱炒、蔬菜、飯麵，到甜品咩都有，我諗3-4個人食其實都應該夠🤭先講吓焗螃蟹，個鹹蛋黃好香，蟹嘅肉新鮮得嚟又多汁，好正，絕對對得起$248呢個價錢！至於其他菜式，每樣我哋都好滿意，尤其係咕嚕肉同埋楊州炒飯，咕嚕肉嘅汁酸酸甜甜，而且個肉炸得啱啱好，粉唔會太多，又脆又林，出色！而個楊州炒飯就炒得粒粒分明，好有鑊氣，食得出師傅整得好有工架！平時唔鍾意食飯嘅我，都忍唔住係咁食！我亦都好欣賞呢度嘅飲品都幾健康，有無糖豆漿可以揀，真係唔怕肥。至於啲甜品，香茅凍一啲都唔甜，綠豆爽嘅甜度亦啱啱好！總括嚟講，樂天經典嘅菜式都幾似家庭小菜，好食之餘，又唔多油，唔似大排檔啲小炒咁，咁重味精。…查看更多

又到一年一度食大閘蟹嘅季節啦！等等Hea呢間台式餐廳呢排喺網上勁hit，呢度除咗有任飲任食台灣美食之外，仲有大閘蟹放題！搞到我都忍唔住同朋友嚟食😝呢度最特別嘅地方係大閘蟹有4款口味，分別係清蒸、花雕、鹽焗、麻辣。我自己就最鍾意清蒸同花雕，我諗都無諗過原來大閘蟹都可以有咁多味！另外，d大閘蟹嘅膏真係超級爆多，好啱我呢d平時食極都覺得未夠喉嘅人去食！食完咁多蟹，梗係要試吓其他嘢啦！我哋食咗台灣阿宗麵線同埋芋圓，喺台灣嘅感覺即刻返晒嚟啦！不得不提嘅係呢度仲有好多各式各樣嘅台式飲品，當中餐廳嘅薑茶仲係每日新鮮整㗎添！我哋係7點前離座嘅，所以價錢仲會再平d! 我哋臨走嘅時候仲見到餐廳有外賣大閘蟹，叫Mr. Crab大閘蟹教主。下次我哋唔嚟食，都可以同屋企人在家分享！…查看更多

我好耐無食串燒啦！心思思好想去食，於是就同朋友去咗尖沙咀喜膳燒擦翻餐勁嘅😋通常好多串燒店都好污糟同埋超多味精，但呢間舖頭都幾唔同，衞生唔錯之餘，啲嘢食冇咩味精得嚟又幾好食！我哋尤其鍾意佢d燒海鮮（白鱔、燒妃蚌、蟶子皇）因為厚肉得來好爽口！而d芝士燒海鮮生蠔更加係我嘅最愛，上面有勁多芝士，入面d肉仲好新鮮，正！而家$88仲有六隻，好抵！除咗海鮮之外，其他串燒質素都非常唔錯！我會推介大家叫明太子雞翼，因為唔係度度都有得食！另外，鍾意食芝士嘅朋友，都可以叫芝士響鈴。至於呢度嘅肉類串燒，同樣都無令我哋失望，好好食！最後，食串燒梗係要叫杯啤酒啦，但近排我自己就戒咗飲酒，佢嘅冰糖雪耳雪梨水就啱晒我啦！既可以解渴，又夠滋潤！喜膳燒嘅食物質素真心唔錯，我絕對會嚟第二次！…查看更多