91
當日（平日）雖然我哋冇book位，但六點幾去到已經有好多人，所以我建議大家預早book位會好啲！
我哋揀咗美國極黑和牛片（$298一位），同埋鴛鴦鍋（麻辣+豬骨鍋）雖然我哋叫嘅肉唔係最貴嗰種，但其實質素已經相當唔錯！除咗肉之外，呢度嘅火鍋料選擇真係好夠多，有海鮮、熟食（例如：芝麻雞翼，最特別嘅係有乳鴿），出面仲有唔少丸類、菜類、小龍蝦、水果、甜品、飲品（有清酒、梅酒、白酒、啤酒、珍珠奶茶😝任飲等），簡直你講得出嘅都有！
最值得一讚嘅係呢度嘅衛生相當唔錯，好乾淨！去打邊爐最驚就係污糟，食完會肚痛，但呢度真係算好乾淨！
香港最強嘅火鍋放題，牛站真係算係數一數二！
