1
呢度嘅前菜，例如：泡菜、醃蘿蔔、沙律菜、醬油等，全部都係自助嘅，而爐邊蛋亦都可以免費任加。對於我嚟講，真係覺得好方便，因為狂攞前菜一啲都唔會覺得唔好意思！
餐廳嘅燒肉種類唔少，我哋當日就叫咗喜來韓豚五花肉、豬及牛護心肉，呢3種肉都各有特色，燒起上嚟燒肉汁非常入味！不過大家就要小心，同要快d翻肉，因為爐嘅火侯非常勁，一唔小心就會燒焦。
另外，我哋仲叫咗個海鮮泡菜餅，幸好佢嘅麵粉一d都唔多，泡菜同八爪魚份量偏多，食落一啲都唔會覺得滯。
銅鑼灣呢間分店環境都幾大同衞生，不論同一大班朋友定係屋企人嚟都幾適合。
1
