Mantikdee的个人专页

星期六返工既lunch知道呢間餐廳開咗一段時間，但係之前一直都見佢有人排隊，見今日星期六碰運氣睇吓會唔會冇咁多人，果然嚟到唔使排隊就可以入去今日一行兩人過嚟食lunch ，我就叫咗個蔥油雞扒撈丁，佢係一個餐已經配埋丹麥酥同埋兩隻蛋，另外再加配嘢飲，嘢飲方面我叫做凍檸蜜，正常既呢個蔥油真係可一不可再🤮🤮但係塊雞扒係正常嘅朋友就叫咗個蒜香雞扒公仔麵，都係有配兩隻蛋同埋丹麥素，飲熱奶茶多奶，朋友話奶茶係古古怪怪既，唔係好飲既港式奶茶…查看更多

喺呢度買左兩張優惠卷食大閘蟹放題，星期六晚食，兩個人就$1116，事前打左去訂位，去到就嘟QR code兌換，食完返到屋企先發現無送到蟹粉小籠包俾我🥹個餐有菜苗，金湯海蔘，同埋鮑魚，食落正常出面自助區有片皮鴨，正常，但唔係成日有，要自己留意住甜品有楊枝甘露，好食，食左兩三碗👍🏻蛋白杏仁茶，一直煲住仲燶左，臭到😩蕃薯糖水，無試到熟食仲有海蝦同豬扒，無食到重點大閘蟹有三款，清蒸，太雕蒸同鹽焗但其實三款都唔太食得出分別，上枱既時候，無繩綁住既就係鹽焗，有繩綁嗰啲就係清蒸或者太雕蒸鹽焗嘅蟹會比較好啲，清蒸同太雕蒸嗰啲好多都係死蟹黑蚊蚊今晚嘅大閘蟹大部份都係蟹乸，只有幾隻蟹公，但係啲蟹公嘅白色膏食落都有啲怪，唔係好黏口嗰種，而係好似一舊膠，所以都唔係好夠膽食到完既時候要再俾$150,總括嚟講，真心唔建議大家去試…查看更多

之前聽過一個玄學家講食蟹會運氣好，今晚一於食一食呢間以蟹做主題既蟹慶同朋友兩個人揀左呢個$2788既二人餐首先黎個沙律，三文魚子松葉蟹沙律，仲有個醃牛蒡同水母刺身旁邊仲有隻蟹仔勁可愛，食落脆卜卜沙律食落酸酸甜甜好開胃，水母好爽口刺身有四款，分別係池魚帆立貝吞拿魚同赤蝦，各款刺身都好新鮮，我個人就最欣賞個池魚同赤蝦黑魚子海膽松葉蟹蒸蛋入面仲有帶子，菇同熟既蟹子，個蛋食落都幾滑有蛋香毛蟹配水雲醋蟹肉一絲絲既好新鮮，廚師仲好細心將啲蟹腳一開二，所以食既時候都好方便蟹蓋上面嘅係蟹膏，食落好香濃鮮甜，如果送白飯就一流喇浜燒鱈場蟹腳啖啖肉，肉質一絲絲既👍🏻👍🏻有少少燒過既香味A5和牛配左炸蒜片，和牛火喉掌握得好好，食落肉質好嫩，炸蒜片好香脆完全無蒜既辛辣，兩樣野夾埋一齊食真係好正甲羅燒配脆米甲羅燒入面有濃濃既蟹膏同蟹肉,食落好食到不得了,將啲蟹膏蟹肉加上脆米度食真係好滿足茶壺湯用杯仔黎飲係別有一番風味，另外仲可以加幾滴青檸汁飲，味道酸酸地飲落更加清新，茶壺入面既湯料都好豐富，有菇，魚，帶子，蝦仁同蟹肉等等材料十足黑松露三文魚子蟹肉炒飯店員會幫手加配料入鍋炒，落左黑松露醬落去炒真係好香最後仲有甜品有芝士蛋糕，可可味奶凍同抹茶味蕨餅芝士蛋糕既芝士味香濃質地軟滑奶凍奶味好濃郁食落口感又係好軟好水潤，大愛呢個呢餐加埋一食左$3067，總括食材新鮮，環境舒服，店員態度都友善，所以都算物有所值👍🏻…查看更多

當大家出發去日本時，我就去一試Omakase🤭🤭今晚同朋友揀左呢間喺銅鑼灣既鰭逸,訂左七點半,上到黎人客唔算多,環境舒服唔焗促,我地一試梗係試個好啲架啦,唔係點試得真,揀左個$1480”逸”餐,有25道菜,經理仲介紹我地開番枝清酒,咁有佳餚開番枝美酒都合理既,豪一次啦$748三粒米清酒經理介紹話會飲到蜜桃，麝香葡萄，青蘋果，哈密瓜味,但我平時都比較少飲酒又唔太識飲,就未飲到有呢幾種生果味,但事實又真係幾甜口同好順喉既,經理仲超好俾左啲好靚既清酒杯俾我地飲,原來用厚身既清酒杯飲係真係會再甜啲,唔知咩原理呢沖繩水雲加松葉蟹水雲質地煙韌口感幾得意,配左個柚子醋酸酸甜甜好開胃鱈魚白子聽就聽得多,白子加左柚子皮同柚子醋,食落口感粉嫩粉嫩都幾有趣亦唔會覺得有腥既感覺安康魚肝又係一味剩係聽過未食過既菜色,廚師話係季節性既,第一次食感覺都幾新鮮,味道有啲似吞拿魚蟹黃豆腐配松葉蟹肉同德國黑魚子個豆腐真係好香,食到濃濃既蟹膏味,個豆腐都做得好滑,食完再飲啖清酒,正水八爪水八爪加左醋啫喱加辣椒蘿蔔蓉,個水八爪既肉仲係有啲捲曲,睇得出係好新鮮,最正係中間嗰粒吸盤,爽到不得了琵琶蝦有用清酒煮,肉質白雪雪,鮮甜彈牙活赤貝壽司活赤貝厚切,食到個爽甜獅魚魚腩加炸蒜食落有魚油感夠肥美新鮮秋刀魚第一次食,都幾好食,肉質都爽爽地既湯葉配三文魚子湯葉感覺係好薄既一疊腐皮,凍冰冰,好濃既豆味岩手縣石門貝廚師上碟前會打一打佢,個貝類即刻縮一縮,真係好新解燒平貝用紫菜夾住同加左七味粉,食落辣辣地,紫菜亦好脆牡丹蝦新鮮彈牙,仲加埋個用蝦頭煮既醬,yummy北海道鮮鳳子生蠔大大隻,用黎呃like都正,食落鮮甜,口感係我鍾意既爽爽地北海道象拔蚌壽司厚切爽口清甜,無得彈沖繩活車海老加柚子皮廚師控制個火喉,煮到一成熟,鮮甜爽口仲食到有淡淡柚子香赤鯥又係第一次食,廚師燒左個皮幾香口赤身加馬糞海膽同辣辣哋既蘿蔔苗口感軟滑,海膽味濃郁,送酒一流紫海膽用青瓜載住,份量十足,海膽鮮甜,我連舊青瓜都食埋慢煮四小時南非鮑魚配蟹膏麵豉醬兩個人分一隻南非鮑,個醬好香濃,鮑魚口感軟滑得黎又有少少咬口,火喉控制得好好甘鯛廚師用左個煮法叫松粒燒,魚皮上既魚鱗上油炸到成個松果咁,啲魚鱗真係好脆,一粒都俾我食晒,好似食薯片咁,最勁既係雖然個皮同啲魚鱗炸到咁脆但個魚肉仲係有肉汁,浸住個魚既係生紫菜醬加食用花雪花拖羅一問之下原來係大拖同中拖中間,都有入口即溶既感覺,軟滑無筋北海道白海膽用一片炸左既紫蘇葉載住,上面再加左淡雪鹽,我一啖就放晒入口,鮮呀毛蟹拆左蟹肉同蟹膏,上面係蟹醋啫喱同食用小菊花,下面仲有一啖仔飯,食落都係酸酸地,清爽玉子布甸用日本蛋做既，上面未熟晒好軟滑清湯有菇同魚,熱辣辣,雖然叫清湯佐但都幾好味,唔係滾水咁北海道哈密瓜清甜,為呢餐寫上完美既句號總括黎講,食材都好新鮮，海膽都食到三款❤️☺️👍🏻廚師阿明介紹好詳盡好友善，除左食左餐好既之外仲好似上左一堂咁…查看更多

今日黎到銅鑼灣行街,行到肚餓咁啱俾我見到SOGO對面有麻辣派對,之前喺尖沙咀食過記得又唔貴又幾好食,所以決定又試下呢間分店上到黎門口已經見到入面既花花裝修,相信老闆一定係好鍾意花,入面有好多同花有關既裝飾,同壁畫因為都比較餓個人又大食既關係,我地兩個人叫左三個餐,最勁既係真係食得晒$78酸菜魚配飯加6小時燉湯(唔洗加錢)一如尖沙咀既酸菜魚咁惹味,魚肉滑溜有質感,切得夠厚,唔會好薄一夾就斷,魚皮都食埋,湯底酸辣適中個燉湯超級熱辣辣又足料,見到有雞腳同圓肉$78萵荀炒鮮牛肉配白飯燉湯萵荀翠綠爽口,鮮牛肉口感軟滑,食得出個牛肉有預先醃過先炒,叫左少辣,唔太食得出有辣,下次可以試下大辣$68大刀牛肉小麵加$10肥腸配凍檸茶仲有碟涼菜麵既質地似幼身既上海麵,食既時候會索到啲湯汁,配料份量十足,一啲都唔小家,牛𦟌夠稔咬得到,肥腸都洗得乾淨無怪味最後再有甜品綠豆沙🤭…查看更多

今日突然想食燒肉,就上OPENRICE睇下有咩好食,見到呢間燒肉都幾多好評同埋個個都話主打蒙古烤肉,所以就好好奇就黎試一試居酒屋嘅環境氣氛幾特別,燈光偏黃，個燒烤盤係特製圓拱形嘅鐵鍋，旁邊放左椰菜洋蔥香菇，一邊燒烤一邊肉汁就會流落去，洋蔥椰菜香茹仲可以添既$20椰菜絲沙律(已包爐邊椰菜洋蔥香菇)味道酸酸甜甜都幾醒胃，感覺清爽個調味有三種，分別係甜鼓油、鮮檸檬、蒜味洋蔥成吉思汗沙律$88沙律入邊有蕃茄生菜烤羊肉片同羊奶芝士，味道好惹味，辣辣地又酸酸甜甜燒肉酒埸牛肉大盛 $268厚牛舌,牛板健,牛小排,牛肋條,牛隔膜,牛肉片有六款嘅牛肉我特別鍾意食牛板健同牛舌，肉質好嫩同埋有牛味，牛舌夠厚身，口感爽口彈牙有肉汁炭火雞腿肉$78炭火雞腿肉睇落黑黑地幾特別，估唔到燒完都好滑，配埋Wasabi醬，味道都幾夾旋風腸$128因為阿妹鍾意食腸，所以叫左呢個旋風腸，長長哋一卷幾特別，展開一段一段燒，燒完之後咬落去都係脆皮同埋好有肉汁海之幸盛盒$188有蝦，墨魚，蟹柳同帶子,隻蝦都幾大隻，墨魚算爽口桂花烏龍水果茶$48蘋果梳打$38椰子雪葩$78菠蘿雪葩$78兩個雪葩都好食好清甜，一解燒肉既肥膩感，為呢餐寫上完滿既句號…查看更多

自上次同阿妹食完一間高級鐵板燒就對鐵板燒既熱情升溫不少,見呢間餐廳普遍既評價都幾好,今晚又黎同阿妹豪刷一餐七點去到餐廳客人唔算多,只有一枱,感覺幾清優舒服,餐廳佈局分左右兩邊吧枱,因此每位食客都可以睇到廚師精湛既廚藝同新鮮既食材我地兩個被安排坐喺右手邊既吧枱,最左手邊仲可以見到個魚池睇到生猛既海鮮,諗到一陣就可以食到都流晒口水今晚揀左個$2688 既D餐(二人餐)日本野菜沙律餐廳提供左幾種汁可以揀,有蕃茄蒜汁、柚子醋同芥末醋,我就揀左最穩陣既柚子醋,味道酸酸甜甜十分醒胃,除左新鮮又顏色鮮艷既沙律菜之外,仲有幾隻蝦仁,肉質都爽口彈牙,同埋又係有蓮芋好過癮日本原隻白松貝日本人叫既白松貝即係我地叫既象拔蚌,平時象拔蚌都係食刺身既多,因為刺身先最鮮甜,令我意想不到既係今晚呢個鐵板燒既象拔蚌竟然超乎我想像既鮮甜,廚師十分細心,放最上面既係拔既部分,口感比較爽口彈牙,味道都係鮮甜既,就算唔點旁邊既芥末忌廉汁都已經好好食,而下面幾舊就係象拔蚌既膽部分,雖然口感不及拔既爽脆,但鮮甜味十足更加濃味,最下面既係雞冠海草,無咩味道既,但廚師話有豐富骨膠原,咁當然要食埋啦,點番個汁食就啱啱好西澳龍蝦原隻澳洲龍蝦,睇樣已經好吸引,廚師亦煮得十分講究,首先煮既係龍蝦鬚,煮熟定型,預備用黎做伴碟之用,再黎原隻開邊龍蝦會先煮一煮,煮到稍熟就可以離殼再切件,再黎就係用番龍蝦頭既膏加上海膽,牛油同酒煮成既汁再燴一下,連煎好既大啡菇都一樣有用個汁燴一燴,真係一絲不苟廚師話個龍蝦煮到八成熟可以食到個彈牙又食到個鮮味,個火侯廚師的確拿捏得好好,我地食到既感覺正如廚師所講咁,肉質彈牙得黎唔會好韌又食到個鮮味,配堆個香濃既醬汁真係無得彈,個大啡菇都煎得好juicy厚燒加薄燒既日本和牛兩款都好正,未煎既時候已經見到個薄燒和牛既脂肪分佈得好平均,廚師先炒香一堆䓤蒜,煎好和牛再捲入去,一放入口和牛既油香再配埋蔥蒜真係一絕,阿妹食完都讚不絕口厚燒相比薄燒就更右加食到個口感,肉質稔滑有濃濃既牛味,加埋少少竹炭海鹽味道啱啱好,廚師介紹話個和牛係保持冰鮮而無冷藏過所以唔會有血水,呢啲道理我唔太了解,反正就係好食啦,連啲配菜都一樣俾我清晒,配菜有比較少見既日本既白露荀,南瓜同蕃薯,配菜都咁出色,所以全部都無得留低,俾我清晒三文魚籽海膽炒飯海膽鮮甜無腥味,炒飯炒得好乾身,粒粒分明,炒飯既配料都係爽口既,其實食到呢碟已經飽,但最後個炒飯都食晒就唔洗講咁多啦昆布鰹魚清湯個湯真係好清,配料有本菇,北寄貝同海草,食完濃味野清一清都不失為一個好既方案甜品豐富既一餐都要有一個甜品作結先叫圓滿既,雪糕有柚子,士多啤梨,雲喱拿同朱古力可以揀,阿妹揀左少有既柚子,而我就保守派揀士多啤梨,士多啤梨味食落似某M字頭品牌出品,柚子味就有驚喜,真係好有柚子味,威化卷都脆P.S: 廚師服務態度好好,每煮好一道菜都會做番介紹,服務員亦好有禮貌同友善,好勤力加茶…查看更多

之前食早餐經過見到menu已經想試,唔知咩事最近有po 酸菜魚癮,今晚黎到當然必點金湯酸菜魚一試啦,另外見到個menu有麻辣香鍋同間鋪頭一樣名既,我估係招牌菜啦,咁黎到當然都要叫黎試一試,個香鍋有好多款配料可以選擇,可以按自己喜好揀肉類,海鮮或者蔬菜菇菌咁樣,價錢大概二十幾至六十幾蚊一款餸,豐儉由人,一個鍋最少要揀五款餸,而個鍋既辣度都有幾款揀,有香辣,麻辣同醬香,辣度都有五個程度可以因應個人口味可以揀,正所謂有得揀先至係老闆$188金湯酸菜魚原來個酸菜魚本身有酸菜同魚之外,已經有埋雜菇菌,萵筍同薯粉,但我個麻辣香鍋又叫左呢三樣野…..真係暈左喺度……個金湯酸菜魚落枱時夠熱,魚肉嫩滑,仲連住少少魚皮,本人超愛食魚皮,湯底充滿酸菜既酸味,十分醒神,偶爾唔小心咬到啲花椒感覺酥麻,薯粉十分煙韌滑嘟嘟,食既時候記緊要小心咀嚼,吸埋湯底既酸麻十分惹味可口$26麻辣香鍋叫左$48田雞,$28芋頭,$28雜菇,$28萵筍同$22薯粉而辣度就小試牛刀,揀左小辣田雞,芋頭,雜菇菌基本上都有走過油先煮,所以成個鍋都係炒得好乾爽,唔會濕立立好多汁,田雞肉鮮甜有質感,食得出絕對新鮮,而薯粉就保持到一貫既煙韌，而且份量都好多今晚兩個人食左四百蚊度,人均$200,鍾意食辣既朋友都值得一試…查看更多

臨近中秋節,知道利東街既燈籠已經掛上,當然要過黎一打下卡啦,原來呢條街都有幾多餐廳,見到金子半之助竟然唔洗排隊當然要一試啦,平時屋企附近奧海城間分店成日都見大排長龍所以想試都未有機會同朋友兩個入到去被安排左坐四人半卡位,都好闊落坐得幾舒服,店員仲為我地準備黑豆茶,開頭都怕會難飲,好彩入口都好飲同埋有淡淡既豆香,睇番個menu介紹原來黑豆有好多好處第一次黎當然飯同烏冬都要一試啦$138江戶前天丼 有前菜，味噌湯配埋前菜有醃蘿蔔同埋酸薑,食煎炸野用黎解膩真係一流天婦羅有穴子, 海老, 小貝魷魚, 溫泉蛋, 海苔同埋莢豌豆重中之重當然係穴子喇,一大條星鰻口感豐富充滿著魚既油香,同朋友share一人一半都好滿足,個魷魚肉質白雪雪又厚身,咬落柔軟唔會好似擦子膠有魷魚味,好食個溫泉蛋又係一絕,流心蛋配埋個已經有啲汁既飯無論係視覺定味覺都真係無得輸最估唔到既係海苔姐係紫菜同個莢豌豆姐係荷蘭豆做左天掃羅原來可以咁好食,食到個脆但又唔會覺得食到一口粉漿,厲害迷你天丼配溫稻庭烏冬$118天掃羅有菇菌，海老，南瓜，海苔，莢豌豆菇菌好食,咬落去仲有菇汁唔會炸到乾晒,個南瓜都好好食,食落去係粉既質地,唔會水汪汪一pat野,同埋好甜口另外仲追加左白魚同菇菌,成舊白魚天婦羅都係無骨既,啖啖肉有魚香,魚肉質地都結實唔算鬆散溫稻庭烏冬會有店員拎一盒四款既配料可以自己隨意添加,落左勁多海帶兩個人食左$346.5…查看更多

經朋友介紹今日朋友兩個一齊黎到旺角呢間西餐廳,雖然話喺旺角,但呢個位真係平時係完全會忽略左,唔係有人介紹都唔知呢度有間餐廳星期六下午兩點去到,客人只有兩三枱,環境都幾好,裝修簡潔,枱同枱之間唔會好迫,傾偈就啱晒叫左兩個set lunch,每個餐可以揀兩款餐前小食,一個主菜同飲品,我地加左$28轉飲smoothie餐前小食方面叫左四款share食蕃茄mozzarella salad個黑醋夠開胃炸蠔炸得外面酥脆入面多汁,唔會乾晒蟹肉忌廉薯餅正常發揮餐湯餐湯係磨菇湯,飲到有一粒粒既磨菇粒,真材實料主食青口意粉青口好軟滑,少有地食到青口既鮮甜,意粉火喉亦控制得宜,係我鍾意既口感盲曹魚柳配時菜魚上面一堆泡泡原來係用蕃茄煮成既,魚皮煎得幾唔錯,脆脆地又唔會過火,而且有少少醃味,魚柳都好食,唔會過於鬆散或太實飲品方面叫左抺茶牛油果smoothie估唔到抺茶同牛油果個味道都幾夾,同埋個smoothie真係打得好滑,又唔會太甜,做得幾好Blueberry & strawberry smoothie呢個就比較甜,但真係有食生果既感覺,好fresh ,因為鍾意飲甜野既關係,個人比較鍾意呢杯總括黎講,餐廳出品幾好,有heart,價錢適中,如果想同朋友靜靜地傾下偈食下野真係幾唔錯既選擇…查看更多

今晚同阿妹兩個出黎搵食就食豪少少,揀左呢間喺銅鑼灣食鐵板燒既樓上鋪六點半去到餐廳人未算好多,阿妹想坐近鐵板燒既吧枱,但我個人就比較怕熱,所以最後決定坐卡位因為我又想食龍蝦又想食鮑魚,經店員介紹就揀左呢個$2880既二人餐首先出場既係意大利玫瑰花茶玫瑰花味清香樸鼻,熱辣辣飲落去好舒服,即刻喚醒我既嗅覺同味蕾牛油果海蝦沙律沙律色彩繽紛,感覺好清新,兩隻海蝦彈牙,配左啲酸酸地既汁,似係柚子醋,十分開胃,入面有一片有好多窿窿既植物叫蓮芋,聽店員講係蓮花既莖部,食落係爽口既好得意,唔係周圍有,之前只係喺澳洲食過金箔松露海膽蟹肉糖心蛋剩係睇個賣相都覺得夠晒貴氣,又金箔又海膽,用黎打卡真係啱晒,蟹肉都鮮甜,無蟹殼,海膽配溏心蛋好嫩滑鐵板燒帶子上枱仲有個火焰show睇,加左酒同日本栢葉,味道更加香,帶子好大粒又鮮甜鐵板燒活龍蝦配龍蝦膏海膽醬龍蝦肉雪白彈牙有鮮味,龍蝦外邊燒符得比較熟,肉質會比較結實有咬口,而中間就無咁熟比較軟滑,味道就比較鮮甜,點埋個用龍蝦膏同海膽做既醬汁成個味道又再升一個屠層次鐵板燒南非孔雀鮑魚鮑魚都十分大隻,有我半隻手掌咁大,師傅好細心咁切開左三大舊方便我食,首先就試左個原味先,肉質結實彈牙,食得出鮑魚既新鮮,鹽鹽香香咁好正,之後再點個師傅特製既海苔蟹肉醬食感覺又唔同左,食落無咁咸,又多左海苔既香味同蟹肉既鮮味日本熊本A5 和牛厚燒和牛叫左五成熟,入口嫩滑無筋有牛味,點旁邊既粉紅岩鹽同黑胡椒就更加惹味,師傅掌控既火候亦啱啱好,而旁邊既野菜有茄子,南瓜同大啡菇西班牙黑毛豬柳配香煎野菜和炸蒜片完全估唔到原來豬肉都可以咁好食,真係值得一試,肉質好嫩,肉味都好濃郁,個炸蒜又脆卜卜,一齊食好夾刺身帶子豆腐鯛魚湯 魚湯係奶白色既,十分香濃,豆腐亦好滑,帶子鮮美,仲有舊龍蝦頭可以食,湯既配料仲有啲野菜同菇類黑松露三文魚子海膽炒飯呢個杯真係不得了,海膽既份量亦好足,完全無欺場,因為食既時候唔太方便,店員介仲好細心咁主動幫我倒落隻碟度,海膽鮮甜,黑松露醬亦好香,飯粒炒得好乾身彈牙,粒粒分明火焰鐵板梳乎厘雪糕 雪糕味道有薑味同抺茶可以揀,我地叫左各一, 梳乎厘軟滑,空氣感十足,兩隻雪糕都好味,薑味雪糕認真夠薑,十分辛辣,但我個人都係比較鍾情於抺茶,食完呢個甜品,呢餐就正式畫上完美既句號喇,十分滿足既一餐PS.一定一定要重點讚賞店員既服務態度,特別係阿Yan,服務十分殷勤細心到位,會主動添茶又會介紹菜式,實在感覺係賓至如歸…查看更多

星期六十二點黎到餐廳,環境闊落光猛,自然光入到餐廳,感覺舒服,十二點未有太多客人,我地兩個被安排一張四人卡位,爽,另外冷氣都好夠涼我地揀左食100分鐘既B餐,湯底就揀左杏汁白肺湯同餐廳新出既魚湯杏汁白肺湯滾起好香,飲落好清甜,白肺都係洗得好乾淨魚湯有幾片脆肉鯇,肉質彈牙有魚應有既鮮味,另外有幾隻蝦同沙白蜆,啲蜆雖然好細粒,但出奇地鮮甜同埋無沙既除左用QR code落單外,出面亦有自助區有野飲,蔬菜,熟食,涼拌,雪糕等等我最鍾意飲佢地自家既洛神花茶,酸酸甜甜最開胃,同埋天氣咁熱飲佢就最啱涼拌個麻辣薯仔絲同蒜蓉青豆都好食,咬落去shor shor聲好清脆熟食既炸金菇同炸粟米都好食,有驚喜叫左黑松露墨魚滑同蟹子墨魚滑,食落彈牙有咬口,有鮮味,店員仲超好幫我搞混分成兩粒,呢啲服務去邊搵呀,值得一讚另一驚喜係個羊肉卷,個口感係爽爽地咁勁出奇雪糕係密桃乳酪味,好食,食完一杯仲唔夠要添食,真係估唔到總括黎講四百幾有咁多野食同咁既環境都算超值…查看更多

最近天氣日日都三十幾度,熱到個人都無咩胃口,就想食番啲酸酸辣辣既泰國野,今日黎到尖沙咀K11就揀左呢間阿閒泰,好彩早到,六點半都未有好多客人,所以都坐到一個比較舒服既位置,餐廳環境都算開揚,唔會好焗促,光線明亮阿閒泰酸辣柚子沙律$88新鮮既柚子配埋酸甜汁好開胃,柚子一啲都唔老,唔會起渣,份量亦唔會太少泰式生蝦刺身$98$98泰式生蝦有六杯,上枱造型都算別緻,好似六杯cocktail咁,每一杯都有一片蒜頭同一粒辣椒,唔小心食到粒辣椒真係辣到不得了,好刺激,蝦肉彈牙同埋都有鮮味,來貨唔錯泰式冬陰公湯粉$118冬陰公湯粉上枱時會另外有椰奶同微燒過既半個青檸,十分細心,未落椰奶時個湯顏色比較清澈,味道亦比較辣,落埋椰奶同青檸後味道既層次即刻昇華左,個湯變得香濃同酸酸辣辣,湯粉既配料有兩隻蝦,青口同菇,蝦都係夠新鮮肉質彈牙,都算驚喜,出面坊間好多冬陰公都係會跟啲霉蝦架嘛,所以呢個真係驚喜,另外湯粉係比較幼身既,會索到多啲湯汁阿閒泰秘製滷豬手$98呢個豬手一上枱香到不得了,開頭都會怕豬手會好膩,結果真心好好味,佢配左一碟酸汁,點左完全唔會覺得油膩,味道仲唔係得個酸字,應該餐廳有再調過味,旁邊既雞蛋都無欺場,係半熟溏心蛋,另外旁邊仲有啲酸菜我都無放過,居然俾我食晒利申:平時我係唔好酸菜既芒果希臘式乳酪軟雪糕$78呢杯野我係俾佢個外貌吸引到所以叫既,又好彩佢都唔係得個樣,入面有芒果醬,芒果肉,芒果爆珠,粟米片,乳酪雪糕,配搭十分豐富,層次分明,絕對係感官既享受,不過個人就覺得芒果醬可以稍為少啲,雪糕又多番啲就更加錦上添花喇今晚兩個人連加一食左$528…查看更多

又係Happy Friday既時間,同事好有興趣一試呢個打卡威士忌burger咁就黎一試啦,十二點半放飯行出黎好彩唔洗等位,點餐係直接行去Cashier落單後就可以坐定定等野食,所有野食都係即叫即整唔會凍冰冰我叫左個$88雙重芝士手打牛肉漢堡另加$18有薯條同埋非酒精罐裝飲品,聽到店員話好似另加$10可以轉做芝士薯條,罐裝飲品大部分都係汽水,我就揀左西柚味汽水,小食我就買左個$78六件忌廉芝士蘑菇釀雞翼雙重芝士手打牛肉漢堡雙重芝士就係漢堡入面除左有兩片芝士外仲另外加左芝士醬,愛好芝士既朋友真係要試一試,牛肉亦好足料大大塊,入面既配料除左應有既蕃茄生菜仲有京蔥同個漢堡都好夾,口感幾爽跟餐既薯條都唔馬虎,食得出係啱啱炸好辣手既,上面灑上左淮鹽十分惹味,另外點埋茄汁就無咁熱器喇,同埋值得一提既係啲薯條係有薯皮架,係堅薯仔忌廉芝士蘑菇釀雞翼呢個真心好好食,雞翼已去骨,釀埋芝士同蘑菇喺入面真係無得輸,上枱都係熱辣辣既,同埋雞翼入面仲有肉汁好juicy同事們都係愛酒之人,所以就叫左$93威士忌雙重芝士手打牛肉漢堡,我都借黎影左張總括食物質素唔錯,有心做好既,樣樣都係新鮮熱辣整出黎…查看更多

今晚收工同朋友過黎銅鑼灣行街兼食個晚飯,又想食扒又想食甜品就即刻諗起呢間餐廳$98鰻魚滑蛋蓋意式紅飯鰻魚長長一條夠大舊,肉質淋滑,燒汁甜甜地又不至於好甜好漏,配埋滑蛋一齊食味道啱啱好,口感唔錯,平時少食飯既我都忍唔住食多兩啖,旁邊仲有加左黑醋既沙律菜好開胃$168烤紐西蘭肉眼牛扒配燒汁(配薯條)落單時店員會問要幾成熟,今晚就叫左七成熟,肉質軟滑,火喉控制得好好,成塊扒由頭食到尾最後一舊都係好好食,完全無話鞋口或者好乾既情況薯條都炸得幾好,外脆內軟無雪味或者炸唔透既情況,同埋塊扒本身都有醃到,所以就算唔點燒汁都已經好夠味餐飲叫左熱既Cappuccino(L)口感濃厚,唔加糖都已經好飲甜品叫左$60宇治金時厚焗鬆餅 另外加左$10麻糬呢個甜品真係有驚喜,鬆餅厚身,外脆內軟熱辣辣,加埋麻糬喺鬆餅入面,食落煙煙韌韌幾過癮,甜度亦適中,嫌唔夠甜既朋友,佢旁邊仲跟左一碟黑糖糖漿,鬆餅上面仲有紅豆,抺茶雪糕加白玉,成碟野感覺好豐富,又靚又好食兩個人埋單$397,性價比都幾高PS 店員服務態度好,又細心,門口旁邊圓形卡位好坐…查看更多