ChunKwongLo的個人專頁

人蔘雞湯人蔘味濃而且香 又唔會太苦澀 雞既精華都係曬入面 每啖都好香濃 而且佢既份量都唔係少 有足半隻雞 雞既肉質都keep到好嫩滑 而且人蔘既香味都滲透曬係入面 整體來講係唔錯既一款雞湯芝士辣炒年糕配薯粉＋魚糕串＋炸餃子芝士好濃郁好香 做到拉絲效果 年糕好煙靭 辣度幾高 幾好食同過癮 辣汁配埋勁掛汁既紅薯粉都好正 魚糕串都好入味 炸餃子都好足料 餡料好香 炸得好脆 成個餐配答得好好火焰卡邦尼年糕＋魚糕串＋炸餃子魚糕串同炸餃子同上面個餐一樣 至於個年糕既卡邦尼汁好出色 少少辣味幾開胃 卡邦尼汁好creamy好香 而且配料都好多 食落有d似食緊卡邦尼意粉既感覺 但多少少辣味 唔錯 墨汁魷魚卷飯墨汁魷魚好足料 飯量岩岩好 墨汁既味道係散發到成個口腔 魷魚好彈牙同新鮮 同卷飯夾得好好醬油蒜香炸雞炸雞件件都好大隻 蒜味好香 雞肉嫩滑得來好juicy 醬油同炸雞都好夾 幾推介既一款炸雞…查看更多

呢間九龍城既日本小店雖然地方小小，但有好多選擇，而家d海鮮都係日本空運到港，極新鮮，而且價錢唔算特別貴性價比極高，必試既有:1.特盛刺身丼呢個係舖滿三文魚既一個丼飯，三文魚極厚切，油脂香極重，鮮味極高，而呢度既飯亦都非一般好食，佢用左少少醋溝左落去，令到個飯極香，就咁食個飯都回票價2. 明太子醬燒劍魚腩炙燒效果好好，油脂分佈平均，明太子既味都好夾劍魚腩既油甘香，口感豐富，真係好食3. 珍寶帆立貝壽司呢個真心推介，帆立貝有半隻手掌咁大隻，食得出係極新鮮既，食落juicy又入口即溶，真心正4.加拿大海膽軍艦呢隻加拿大海膽軍艦味道比起其他種類既海膽偏甜一點，係由鮮味帶出來既一種甜，食落唔會太腥，口感岩岩好，而且係即開即食，鮮度十足。必食之一5.火炙蝦膏龍蝦壽司呢個一隻都係$35，性價比極高，佢有蝦肉同蝦頭比我地，蝦肉部分極鮮，蝦既肉質好好，彈牙又不失龍蝦本身既嫩滑質感，好好食，蝦頭方面就充滿蝦膏，建議食既時候可以落少少飯入去蝦頭入面撈d蝦膏再食，效果會好好多…查看更多

呢間算係西式菜亦算係一間酒吧，選擇極多，有各國唔同既特色茶可以揀。此外佢仲有好多cocktail mocktail可以飲，質素都好高，性價比算係上級。我地就嗌左：Spinach & Ricotta Ravioli即係芝士菠菜雲吞，芝士用既係水牛芝士，菠菜好香好足料，皮夠薄，每一塊都係扁身，勁易入口而且啖啖都係芝士，勁夾菠菜同豬肉餡，又唔會太膩太飽，岩岩好，好食。Calamari Fritti香炸魷魚鬚，呢個真係必食，佢每一條魷魚鬚既炸粉都超掛身，唔會話有分開既情況，每一條都外脆內鮮，真係好香口好好食。隨魷魚鬚上既汁更加係精髓，酸酸甜甜既酸辣醬勁開胃而且超夾魷魚鬚。開胃菜來講呢個算係一流。Mojito呢杯cocktail，有薄荷葉，青檸汁同朗姆酒等等，溝得幾好飲，清新得來好冰涼，好高質素既一杯cocktail…查看更多

呢間日本餐廳唔算大間，但選擇竟然都有好多，由烏冬去到壽司到刺身等都有，每一款都賣相唔錯既，我地就嗌左：蟹籽沙律：非常足料，有青瓜，蟹籽，蟹柳等等，加埋自製既沙律汁，作為前菜係好開胃壽司：三文魚壽司條三文魚勁長勁厚，鮮味都好出。好少見咁長型厚肉既三文魚，正。自家制玉子壽司玉子勁厚, 又甜又口感充實, 好食。最正就要數火炙焦糖鵝肝壽司, 鵝肝有用火槍係表面加上焦糖燒過, 香得來又油脂味濃, 鵝肝既味道超出,好有特色。烏冬:我地就叫左個豚肉烏冬, 豚肉入口即溶而又冇太多脂肪, 肉感厚實味道又香濃。湯底係豬骨湯底, 都飲得出係落足料既。手卷:吞拿魚手卷既吞拿魚都非常出色,  入口溶得來d鮮味係慢慢滲透出來。飯既份量岩岩好, 有少少壽司醋令到個手卷層次又升級。帶子好大粒而又唔會太腥…查看更多

叫左個鯪魚球湯飯等左半粒鐘，問一問侍應有冇漏單，就一句撻埋來話鯪魚球即叫即炸架，唔係做好比你。我咩都冇講淨係講左句ok唔該，個位侍應就講左句粗口然後走左去。。。湯飯等同滾水落雜菜溝飯，鯪魚球得個咸字又霉又酸酸地咁。。。下次都係不了…查看更多

呢間係西營盤飯店最出名係機械人煮飯，佢唔係成間舖都係機械人打理，而係係煮飯既過程入面用既係自動既機械，例如炒餸等等都係用自動既機械來做，雖然係咁，但質素都相當唔錯。呢間餐廳主要係食地道小菜為主，我地就嗌左：1.紅燒馬鈴薯排骨馬鈴薯炒得好香，紅燒排骨都好腍好入味，估唔到機炒都咁咁入味同咁有鑊氣，配料都好香，辣椒同蔥夾落去排骨度係非常之香口同令到排骨既味道更香同有層次。2.宮保雞丁佢既辣唔算大辣，就算食唔到辣既人都可以食。反而佢突出既係酸酸甜甜既味，開胃得來又勁夾雞丁既嫩滑，而且雞丁都好多好足料，唔錯。3.大兄攸縣香乾炒肉呢個炒肉用既係豬肉，加上花生，蒜，辣椒等等炒成。非常之香，肉質都好嫩，鑊氣又好夠，真係唔錯既選擇…查看更多

食過旺角御滿屋，今次同一班朋友想食銅鑼灣呢間，係門口見到有大量甜品飲品，原來仲有極多唔同既日式食物：炸物: 天婦羅都多選擇，南瓜天婦羅南瓜好甜，炸粉唔會太厚。雜菜餅好足料，脆得來每一種蔬菜既味道都好出，尤其芋頭，芋頭味勁香，值得一試。其他既炸物，特別既有炸芝士竹輪卷，芝士味超香，而且炸得啱啱好，絕對推介。刺身: 刺身方面選擇多，除左一般既刺身之外連泰式生蝦，池魚刺身都有。泰式生蝦鮮甜，而且有用過泰式既腌料去做，一啖一隻好好食。池魚冇乜筋，入口即溶而且鮮味十足，好食。 手卷 手卷細細隻，一啖一隻，其實幾的色過癮。海膽手卷係推介，海膽既海水味勁重，海膽超足料厚肉，每一啖都係爆滿海膽，完美。 壽司： 壽司有一般既三文魚壽司，帶子壽司，吞拿魚壽司等等, 全部都算新鮮，尤其係個三文魚壽司同帶子壽司，厚得來鮮味濃，處理得好好，油脂分佈啱啱好，油甘香好好，食完會再想叫多幾碟。另外佢仲有一d手作壽司，例如牛油果軟殼蟹，柚子油甘魚，白松露吞拿魚壽司等等。牛油果軟殼蟹口感好好，牛油果既質感岩岩好中和到軟殼蟹既油膩，好好食。柚子油甘魚酸酸地，夾埋油甘魚既甘香味真係好開胃。白松露既松露香完全帶到吞拿魚既鮮味出來，都幾好食。  燒物:蒲燒鰻魚細細舊，易入口，燒汁又香，而且每一舊都好厚肉，鰻魚味香，燒得啱啱好。鹽燒青花魚都好正，魚肉唔會燒到好粗糙，肉汁又鎖得好，皮脆肉嫩。 …查看更多

中環既印度菜並不多，呢間位於中環皇后大道中既印度餐廳就係其中一間。佢既位置唔難搵，但就真係需要有人指路先會識得上去。我地一開門，就即刻有位印度既侍應招呼我地，原來成間餐廳都係正宗既印度人開，成間餐廳既格局都好有印度風格，周圍都係印度既壁畫。佢lunch最近就搞左個lunch buffet，就8x蚊一位，都好多選擇又賣相唔錯。但我地細食所以就揀左叫印度既地道菜，都好有質素：乳酪烤餅：乳酪味重得來，夾落塊香脆薄餅度既效超好，乳酪係脫脂乳酪，酸度比較高，夾落油分重既薄餅上面食個效果係中和得好好，而又不失薄餅既香味。呢個真心推介青瓜乳酪青瓜切絲，放落無糖乳酪再攪拌而成。青瓜既分量好多，解辣去油膩都一流。口感非常清新，真係好好食乳酪特飲酸度頗高，而且唔會太甜，好清新。乳酪味濃得來又香，真係好好飲…查看更多

呢間酒樓日頭係一間普通做茶市既酒樓，一到夜晚，就有蒸氣火鍋同埋小菜夜市等供應。我地係旺角行完街，咁啱見到佢個蒸氣粥底火鍋好似幾吸引，於是就上左去食，之前都有食過元朗個間分舖，幾好食，於是就試埋呢間喇。佢勁多材料選擇：1. 粥底我地揀左個蟲草雞粥做粥底，佢係即叫即落米同水煮，夠曬新鮮。2.海鮮類佢一開始係按人頭計每人有4碟既海鮮揀，咁我地就揀左蟶子，扇貝，鮑魚同龍躉。全部都勁新鮮，蟶子夠曬彈牙同爽，鮑魚超多汁同勁大隻。扇貝好大粒，汁鮮味濃。龍躉超厚肉而肉質又夠曬嫩滑，正。3.肉類雞係佢地最出名既蒸氣材料，有順德污糟雞同蟲草花雞兩種。污糟雞一d都唔污糟而且仲好正，夠曬鮮嫩同juicy。蟲草花雞勁足料，有紅棗，蟲草花等。d雞食落有蟲草既香味之餘又甜甜地咁幾好食。其他肉類好似豬頸肉都好出色，蒸完個效果又夠脆同入味，好食。4.蔬菜南瓜當造，蒸完夠淋又好甜，但真係唔可以蒸太耐，如果唔係就會爛曬同有少少苦味。茄子係成條切塊咁一件件羅去蒸，夠曬juicy而且好夠味。5.糕點冇錯，連糕點都有得蒸，佢有幾款點心糕點可以揀，我地就揀左個馬拉糕同紅棗糕。佢係即叫即落爐蒸即食，熱辣辣又鬆軟又香。好食過平時茶樓叫既蒸點心，而且又唔駛同人爭，正。6.飲品汽水同支裝啤酒都係任飲既，另外竹蔗茅根水等等都係任飲…查看更多

呢間御滿屋係旺角來講都好出名，今次同一班朋友想食放題，入到去已經係門口見到有大量飲品同甜品凍櫃，入到去睇menu發現原來仲有極多唔同既菜式：壽司：壽司有一般既三文魚壽司，吞拿魚壽司，帶子壽司等等。全部都好新鮮好足料，尤其係個三文魚壽司同帶子壽司，厚得來鮮味濃，處理得好好，油脂分佈啱啱好，油甘香好好，食完會再想叫多幾碟。另外佢仲有一d手作壽司，例如牛油果軟殼蟹，柚子油甘魚，白松露吞拿魚壽司等等。牛油果軟殼蟹口感好好，牛油果既質感岩岩好中和到軟殼蟹既油膩，好好食。柚子油甘魚酸酸地，夾埋油甘魚既甘香味真係好開胃，我地都叫左4 round。白松露既松露香完全帶到吞拿魚既鮮味出來，真係超好食。刺身刺身方面，選擇又係超多，除左一般既刺身之外連泰式生蝦，池魚刺身都有。泰式生蝦鮮甜，而且有用過泰式既腌料去做，一啖一隻好好食。池魚冇乜筋，入口即溶而且鮮味十足，好食。手卷手卷細細隻，一啖一隻，其實幾的色過癮。海膽手卷係推介，海膽既海水味勁重，海膽超足料厚肉，每一啖都係爆滿海膽，完美。燒物蒲燒鰻魚細細舊，易入口，燒汁又香，而且每一舊都好厚肉，鰻魚味香，燒得啱啱好。鹽燒青花魚都好正，魚肉唔會燒到好粗糙，肉汁又鎖得好，皮脆肉嫩。炸物天婦羅都好多選擇，南瓜天婦羅南瓜好當造又夠甜，炸粉唔會太厚。雜菜餅好足料，脆得來每一種蔬菜既味道都好出，尤其芋頭，芋頭味勁香，值得一試。其他既炸物，特別既有炸芝士竹輪卷，芝士味超香，而且炸得啱啱好，絕對推介。…查看更多

呢間係土瓜灣既拉麵門面唔算好突出，但唔算難搵，入面既格局真係好有日式風格。佢既招牌拉麵都有唔少，日式便當都有，當然仲有日本酒同小食喇。我地就叫左個黑蒜醬油拉麵，黑蒜味唔會太濃但豬骨味好重，食得出係真材實料煲出來既湯底，豚肉質地冧而油脂重，麵既質地啱啱好，好好咬口又好掛湯汁，配料都好足，整體來講成碗拉麵係好有誠意。另外我地仲叫左個雞白湯沾麵，呢個麵，由個湯底去到麵質都係極高質素，沾麵用既係太麵，軟硬度啱啱好，而沾麵既汁又係極濃，有極重魚同雞既精華，最正既係無論浸豚肉定麵落去都係極之掛汁而且勁夾，係高誠意之作。除此之外先地仲叫左一碟溏心蛋，流汁既效果非常之好，蛋食得出係日本蛋，味道上面都係勁正，蛋黃滑得來唔怕太過黏口，好好食。下次經過紅磡一定會再來食…查看更多

串燒食過好幾間, 呢間既串燒都算係特別既一間, 原因係佢地串燒既整法非常之地道。佢地既燒茄子就係一個好例子, 一般既燒茄子係一分為二再加調味料, 但呢間係將茄子打橫切開左一舊舊先再羅去燒, 食落juicy好多而且唔會太乾身。除左茄子, 串燒豆腐都係必食, 佢既豆腐係炸左兩次, 個皮炸到岩岩好, 用既燒汁好惹味, 夾落炸豆腐度效果超正, 甜既燒汁超夾脆既豆腐。牛油金菇包超足料, 食得出係用左忌廉汁去溝牛油, 非常之滑, 同金菇超夾,好滑口又唔怕太軔, 正。燒菠蘿唔會燒得太乾身, 幾開胃。肉類方面, 安格斯牛肋串又係推介, 冇太多既筋, 入口即溶而油脂又好充足, 真係好食。燒雞胸軟骨都好特別, 未食過連埋軟骨燒既串燒而且咁正, 軟骨既雞味好濃, 好食。豬仔脾勁大隻, 燒得岩岩好肉汁超足。海鮮既代表有汁燒魷魚筒, 魷魚燒得超正, 彈牙而又好夠鮮味, 佢原隻魷魚上勁大條又好咬口, 真係好好食。除左串燒, 呢間竟然仲有埋簿餅同小食。我地食左個墨西哥簿餅芝士雞肉, 有少少辣, 個雞肉好正, 味道勁出, 簿餅唔會太厚身, 加埋青紅椒同埋水牛芝士,  配搭出奇地好, 唔會好膩, 高質。下次一定再來試埋其他野食…查看更多

其實我都估唔到,當初以為呢間係一間涼茶舖, 內裡既環境格局又真係幾似一間傳統既涼茶舖, 原來竟然係出名食甜品。呢間康端甜品一向都出名食芋圓, 咁見咁出名於是就叫左個熱既西米露芋圓來同埋一個凍既紅豆沙芋圓來試喇。熱既板椰汁西米露既椰汁又幾香, 西米都一粒粒好分明, 而重點既芋圓又真係比預期中好食, 尤其係蕃薯芋圓, 勁香蕃薯味,而個芋頭都勁重芋香。紅豆沙方面, 紅豆沙既口感好正, 紅豆又大粒而又夠沙, 唔會太甜岩岩好。…查看更多

呢間串燒既位置好近地鐘站，但如果多返少少指示會容易d搵到，但呢間串燒真係燒得好出色。呢間主打有串燒同埋麵類。串燒選擇好多，海鮮到肉類到蔬菜都有。麵既湯底選擇有辣有唔辣，有烏冬有拉麵等。亦有各式各樣既冷盤同小食可以揀。我地就叫左大量串燒。最出色既係和式燒茄子，真係好入味，茄子燒得啱啱好，佢用既秘製燒汁又同茄子味道好夾，又大條，係原條燒茄子。另外個燒大啡菇都好重汁，一咬落去d菇汁就燒出來，正，唔怕燒得太燶，真係啱啱好好好食。另外個燒雞肝又係一流，食落唔會太澀太苦，反而食得出好新鮮同處理得好乾淨，口感夠沙又有燒烘既香味，真係值得翻兜。另外個半熟蛋串燒又係勁正，完全做到燒到啱啱好流心個下先勁，調味又夠好，真係一流。重有佢個燒阿根廷紅蝦都係推介之一，夠鮮味，調味調得好好，唔好太腥或者太靭。羊鞍都好食，香草又夾，唔會太酥太靭。而個燒雞脾肉都好足料，雞既質感好好，好夠肉汁。燒菠蘿係連皮上份量極多，真係好特別，未見過咁足料既燒菠蘿。燒三文魚腩有少少次燒鯖魚，但食落完全係三文魚既質感，真係勁香油甘味同鮮味。最後個燒韮菜就真係好入味，調味調得好好，食落唔怕太難咬，真心正。呢間我地應該會再來多幾次…查看更多

同幾位朋友行開商場見到呢間野好似幾好食咁而且我又想食日本菜喎 咁就去試吓啦 個午市定食 芝士煙肉烏冬淡淡嘅芝士香 令到個烏冬冇咁濟 今餐有味噌湯 同小菜醬油炒麵 將由炒麵啲味好出好濃嘅醬油香味 甜甜地幾好食 海鮮大板燒 呢個係DIY自己整 自己落手落腳炒 幾好玩 整完之後仲可以自己加啲燒汁沙律醬紫菜碎木魚 味道唔錯雞腎鐵板燒 超好味 加咗少少檸檬汁更加正幾爽口芝味烤蘆筍波菜 芝士味好重 番茄汁煮埋蘆筍同菠菜連埋芝士 比例啱啱好唔會太過火…查看更多