舌尖上的小城市的个人专页

尖沙咀總比人一種繁華鬧市嘅感覺, 要搵一間想周邊比較清閑而性價較高嘅西餐廳好不容易呢間Dabyida Restaurant and Bar 絕對適合同朋友或伴侶好好放鬆咁享受美酒佳餚!今次想同朋友飲紅酒但又唔係好識揀, 侍應向我地推薦Amarone Della Valpolicella 2013 ($698)易入口, 唔會苦澀, 果味濃郁Wild Black Truffle Cream Soup ($88)個湯非常creamy, 飲落帶少少口感, 而且黑松露嘅香味好濃烈. 非常令人開胃Beef Carpaccio ($142)呢一道著名嘅意大利菜係好多意大利餐廳都好常見呢度將高質生牛肉切得非常薄透, 鋪上rocket, parmesan cheese同cherry tomato再用欖油黑醋做dressing, 開胃清新呢間餐廳用料認真, 芝士味特別濃香, 突出生牛肉鮮味Home-made Ravioli ($172)呢道自家製意大利雲吞用嘅餡包括mushroom, ricotta cheese 同black truffle加埋濃郁嘅牛肝菌忌廉汁, 配合得恰到好處Tuna Steak ($248)吞拿魚扒外層鋪滿黑胡椒,黑胡椒嘅香味同薄荷醬同黑醋汁唔會蓋過吞拿魚本身嘅鮮味加上吞拿魚扒本身肉質厚, 連埋外皮咬落去口感有兩種層次Foie Gras ($172)鵝肝煎得外脆內軟, 入口即溶, 油味適中,配以煎菠蘿入口, 唔會有飽擠嘅感覺Homemade chocolate pudding with chocolate ice cream ($72)擺盤好靚心太軟外皮有少少脆脆哋嘅口感一切落去心太軟裡面嘅香濃朱古力好似火山熔岩咁係咁流出黎Homemade pancake with grand marnier, served with vanilla  ice cream ($62)第一次食到甜橙酒調嘅醬汁味道酸酸甜甜, 淋上厚道適中嘅pancake 好好味!呢間餐廳除左食物同環境質素高之外, 侍應嘅服務態度都好好,好有心介紹每一道菜色同酒嘅特色…查看更多

今晚兩個朋友好神秘咁帶我黎大坑我毫無半點懷疑咁應邀原來係幫我慶生 好驚喜🙃一坐低就有好香嘅蒜蓉包我哋三個人點左set dinner內容非常豐富前菜有Caesar salad & crab cake酸酸地嘅沙律配上咸煙肉好襯好開胃炸蟹餅咬落去啖啖肉 而且蟹肉味非常豐富點tartar sauce一絕龍蝦湯嘅龍蝦味好濃郁，湯裡面有龍蝦肉增加口感本身對Ossobuco risotto 無乜好感但呢間餐廳用嘅牛膝好肥美 而且炆得岩岩好主角出場Rib eye煎得好香相信餐廳煮嘅過程中加入左烤焗嘅方法鎖住肉汁對我黎講，Medium 嘅rib eye 口感係最好加上餐廳用嘅食材都好靚 肉質好鮮嫩Side dish 揀左mushroom雖然各種菇味被蓋過左，但都唔錯食到飽一飽 少不得飯後甜品（我嘅生日蛋糕)一上碟已經聞到極香嘅朱古力味份量亦好大 絕對夠3-4人分享一刀切落去朱古力不斷湧出黎（建議食呢個時候要上碟後好快啲食 因為雪糕溶得好快）餐廳用嘅燈光都好柔和 令食客好舒服而且店員嘅服務都好好 唔會催客人食 只會留意客人差唔多食完就自動為你準備下一道菜好完美嘅一餐生日飯…查看更多

天時暑熱，食個雪糕解暑就最好不過，所以今日同朋友嚟咗食個tea，叫左個京都宇治抹茶set（$118）黎share雪糕當然揀返抹茶味，而除左雪糕之外，個set仲有抹茶芝士蛋糕、紅豆、栗子、丸子，同埋跟一杯飲品，我地就揀左凍檸茶。檸茶唔會太濃，微酸微甜，非常之好。雪糕則比較易溶，呢方面有少少扣分，但濃濃嘅抹茶味足夠挽回個分數紅豆軟硬適中，仍然保持到粒粒分明，甜而不膩；冇餡嘅丸子則十分煙韌有咬口，同紅豆一齊食就唔會淡貿貿；抹茶芝士蛋糕就有少少乾，好易散開，不過食落口都非常綿滑，抹茶同芝士嘅味道比例亦啱啱好…查看更多

一踏入店內就已經聞到好香嘅味道本打算食麻辣火鍋打開menu見到多款各有特色嘅湯底, 於是就決定試下蜂巢豆腐白湯鍋 & 一品酸菜白肉鍋酸菜白肉加上湯裡面嘅薯粉, 配撘得好好味道酸酸地, 令人好開胃而蜂巢豆腐白湯鍋有好突出嘅人蔘味鴨血爽口嫩滑呢個足料養生鍋, 我趁未加煮其他食物忍唔住飲左兩碗店內提供多款醬料, 我特別中意呢間店嘅XO香辣醬但由於我地揀嘅湯底味道濃郁, 所以唔點醬汁更加好餐廳為每枱客人送上葡萄火撚夜明珠擺盤精美, 加上乾冰產生嘅煙, 非常突出每種顏色代表唔同嘅味道, 煮至半透明即可進食火鍋撚御用手切肥牛（大）($298)肉同脂肪比例均勻, 色澤睇得出肉嘅新鮮配上兩款湯底無論味道同口感都非常好脆鯇魚腩 ($58)件件都好大件好多肉, 煮到肉色變白即刻食用肉質非常爽口, 一啲都唔會腥香蒜粒炸魚皮($42)上碟時啲魚皮熱辣辣, 好明顯即炸咬口非常香脆即炸三秒響鈴卷($48)話明即炸, 上盤果陣仲好熱, 浸一浸湯即可食用鴛鴦雙蚌($118) (即珊瑚蚌&桂花蚌)份量唔少, 而且即使放入湯底煮熟, 都唔會煮走佢地本身嘅鮮味法式龍蝦湯爆漿牛丸($88)及蛋牛包心墨魚丸($68)牛丸切記唔好煮太耐, 咁先食得出裡面嘅流心龍蝦湯汁食落口都幾有特色, 但真係要小心「爆醬」而墨魚丸裡面包著蛋牛, 感覺較為普通飲品點左冬瓜檸檬沙冰, 好解暑!最後仲送上甜品, 腐竹糖水沙冰腐竹味好香濃, 加上凍食, 非常適合打完邊爐嘅人食…查看更多

對於熱愛食生蠔嘅我, 對於呢一間以生蠔為主打嘅餐廳好滿意。首先一入到餐廳, 雖然餐廳細細間, 但地方尚算寬敞而寧靜,而且餐廳周圍掛著歐式城市風景掛畫, 聽住憂雅嘅音樂進餐係一種享受!今次食左4款生蠔, 各有特式。首先點左餐廳嘅每月精選優惠套餐,Pacific Oyster + White wine ($69)本人唔係生蠔專家, 但印象中Pacific嘅生蠔大多都係好大隻,而呢次隻Pacific Oyster的確大到有啲誇張, 一啖未必食得曬,味道雖然last得唔耐, 但都唔錯。 另外3款生蠔包括:Yellow Stone ($18each), Rollex ($29each) & Krystale ($29each)Yellow Stone 細細隻令人可以一啖入口慢慢品嚐出佢嘅爽甜,Krystale 食落有好香嘅海水味, 食完佢陣生蠔餘香仍留於口中, last得較耐而Rollex 海水味不太重，但鮮甜度卻是眾蠔之冠！除左生蠔, 仲點左其他小盤。磯煮鮑魚($98)據我所認知, 磯煮係日本煮海鮮嘅特有方法, 令鮑魚肉質保持鮮嫩彈牙,而呢碟鮑魚亦食得出呢種效果。香煎法國鵝肝(HK$128)外脆內軟, 入口即溶, 食完唔覺太膩。牛油蒜蓉焗大蝦 ($118)大蝦好多肉, 香蒜味包圍整隻大蝦, 好味又爽口蘇格蘭煙三文魚($98)比起其他食物, 雖然比較普通, 但餐廳蘸得好香。…查看更多

每次路經呢條街都會留意到呢一間餐廳,佢既工業風門面再加上每次經過時候餐廳都好熱鬧,終於的起心肝約朋友黎食。踏一門口第一部就愛上左呢間餐廳既特色裝修,餐廳間左一間大玻璃房, 如果一大班朋友黎開迷你party再好不過!我地3個人分別叫左3個set大家分享,前菜都係正路蒜蓉包同餐湯,個湯雖然淡左些少但都幾好飲,專登問侍應先知係甘筍薑汁忌廉湯,煎焗挪威比目魚扒 ($248)比目魚出名鲽鱼肉质细嫩, 肉多刺少,魚皮煎得非常脆口, 魚肉鮮嫩,配以酸酸甜甜嘅濃茄醬汁及翠玉瓜同茄瓜配菜,將呢塊魚扒烹調得恰到好處。炭燒英國21日熟成特級肉眼牛扒 (9安士) ($378)見到menu寫"dry aged"處理牛扒, 好奇問下侍應,好彩侍應都好樂意略解,呢種特別處理方法令水份蒸發出來, 牛肉嘅風味更加集中,而且肉質會變得更軟嫩,我地揀左5成熟, 口感外脆內軟。黑松露忌廉野菌意大利飯 ($168)雖然我個人不太喜歡餐廳用嘅呢種意大利米,但黑松露味真係好香, 配上芝士、野菌同醬汁, 色香味俱全。甜品有cheese cake, 加埋餐飲,食完呢餐一刻好滿足!…查看更多

本身想食隔離間拉麵，但實在太長龍喇唔想等，又見呢間新開嘅日式燒肉都幾吸引，於是就試下啦。侍應遞上餐牌嘅時候俾埋樓下泰國餐廳嘅餐牌話可以點泰國嘢，咦，又幾好喎，多好多選擇牛香脷（$30），雞皮（$25），雞腎，（$22）串燒全部都有辣粉調味，而辣度可以自己揀，鐘意幾刺激就幾刺激。雞腎好爽口，雞皮又卜卜脆，牛脷就略嫌有少少韌。脆炸金栗薯餅（$25）紫薯餅外脆內滑，而且加咗栗子，香甜得嚟唔會油膩秋刀魚（$45）條魚燒得算乾身，但秋刀魚本身魚味都幾濃，加檸檬汁調味就已經好鮮味，同旁邊嘅香草醬汁都十分之夾原條茄子（$56）我一向唔太鐘意茄子嘅腍pat pat口感，除非佢加木魚絲嚟增加口感。燒嘅時候應該係掃上咗醬油汁，整體好日本味，啱哂我口味上中下段蠔shooter（$168）生蠔係我嘅至愛之一，但shooter食法都係第一次。三種口味分別係香草青檸梳打、柚子酸汁及三文魚籽、道場之補（sake）。一啖過啜一個shot入口，淡淡嘅蠔味配埋濃味嘅醬汁，呢個食法都幾新鮮金柚沙律（$108）我哋見冇乜叫蔬菜，於是就叫咗個樓下嘅沙律。柚子又甜又多汁，加埋啲椰絲、蔥頭、醬汁等等，又惹味又清新下次可以試埋樓下嘅泰菜…查看更多

自從上次食過Mad for Garlic之後, 一直心思思想食多次今次終於可以再黎為蒜香而瘋狂今次專登揀同上一次完全唔同既菜式前菜揀左Garlic Bread Tower ($48)侍應上完菜立即幫我地準備將頂頭嘅蒜蓉塞入塔既中間再打平切開, 令付件外脆內軟既包都充滿住蒜香味個人認為呢個前菜必食推介主菜其中包括澳洲和牛M9 ($398)由於鐵板上, 可以叫生少少上, 而我就揀左4成熟上M9和牛嘅特色就係油花非常綿密, 分佈平均細緻, 肉質嫩而多汁所以呢塊M9和牛即使鐵板上菜, 肉汁依然鎖在扒內, 有入口即溶嘅口感加上被洋蔥及各種炸蒜片包圍著, 令整份和牛更加突出另一款係來自新menu嘅Mad Dak-Galbi Pizza ($148)新menu以韓式為主打, 但估唔到都可以融入喺Pizza度雖然各款配料(辣雞肉, 甜薯蓉, 韓式醃蘿蔔)都有自己嘅獨特味道加埋一齊喺薄餅上面係非常襯. 食落口同時享受甜酸辣咸四種味道而且薄餅本身好脆, 無得輸主菜最後包括Sizzling Kimchi Pork Rice ($158)炒飯配料包括韓式泡菜、蘆筍、香草豬肉加上韓國牛油喜歡食辣嘅可以配埋另上嘅辣醬整體上油而不膩, 酸酸甜甜嘅味道會令人食完一啖想食多啖每次黎親Mad for Garlic都有新驚喜, 食極都唔會厭!…查看更多

邊爐就打得多，蒸氣火鍋就真係少試店內地方闊落，坐得好舒服醬料款類好多，任意調配海鮮款類繁多，可以散叫，亦有套餐選擇，同朋友一齊揀B餐海鮮份量唔多，但每款都好大隻呢間店特別之處係侍應會幫你蒸、計時同上菜👍🏻貝殼類海鮮有幾款，唔識分但紅色果款就最鮮甜其他幾款貝類海鮮都好好食連埋本身啲汁一齊食簡直原汁原味大大隻元貝配上黑松露黑松露味唔會蓋過元貝嘅鮮味芝士同金菇本來就係絕配，但反而襟左蜆肉嘅鮮味龍蝦啲蝦膏多到出曬黎，望住佢都流曬口水蒸完啲肉質好爽口花蟹仔雖然細細隻，但蟹膏又多又鮮雪花和牛啲脂肪分佈得好靚因為本身喜愛生少少嘅牛，店員計時早少少就自行上菜冰菜蒸完望落好似有層冰膜包住因為冰菜本身無乜味，配上咸咸地嘅肉碎入口都唔錯係facebook打卡有海黃蜆送由生米、南瓜、豬骨，加埋海鮮一直蒸出黎流落粥底嘅精華，配上蔥同埋菜脯，味道好豐富呢餐蒸海鮮雖然份量較少，未必食得飽，不過食到原汁原味嘅海鮮真係抵返曬！最後仲有飯後生果送!…查看更多

香港地麻辣鍋隨處都有，但好味嘅就要比啲心機搵。呢間任食火鍋啲麻辣除左好味之外，加埋烤魚概念都幾特別。其實除左麻辣都仲有其他唔同風味嘅火鍋。因為第一次食，唔敢挑戰太辣，所以揀左一隻辣椒仔嘅流灘辣。但係呢度嘅麻辣一啲都唔流灘，配料好足，條魚吸收完麻辣湯嘅精華，辣得黎好好味好過癮！食完條魚之後就可以加湯落其他火鍋配料。驚喜嘅係啲海鮮除左飽魚同扇貝外任食之餘，每款海鮮都好新鮮，麻辣湯底煮完後都唔會失去海鮮本身嘅鮮味！呢度啲安格斯牛同豚腩片都唔錯，尤其係安格斯牛，厚度適中，食落口感一流👍🏻飲料方面點左紅桑莓蜂蜜茶，味道唔錯…查看更多

天氣咁凍就好想食火鍋暖笠笠！第一次試呢間邊爐放題，一黎就好多款火鍋揀一眼就睇中左忌廉芝士火鍋😍其實其他湯底都好吸引！惟有下次慢慢續個試。本身都驚個湯底會搞到好濟好溜，但系尼個又吾會喎，叫芝士鍋另外個上一盤芝士比客人自己調配芝士濃度所以完全吾洗驚太濃或者吾夠味。店鋪上既牛肉同其他火鍋放題既擺盤有啲唔同，都幾特別每塊牛嘅脂肪比例都好均勻。濃郁既芝士肥牛真系好吸引，完全唔需要點任何醬料不過要提一提，因為芝士湯底較為𠎀身，所以十肥牛用既時間會耐少少，同時比啲肥牛足夠時間吸收芝士味。除左牛，店內好多火鍋配料供應，當然唔少得海鮮。大大隻元貝同蠔，煮出黎都幾有鮮味👍🏻👍🏻話就話火煱放題，但系點會少得剌身。店鋪內既剌身都好新鮮，特別系啲蝦，好鮮甜😋雖然只係點左幾款，但店員擺盤都盤有心機！除左「吃」，當然唔少得「喝」，飲料嘅種類真係好多款，點都有一款岩飲！誇張到我都忍唔任影相比啲朋友睇🤣食飽後可以慢慢坐食下雪糕，雪條同雪米糍。每人$159起兩小晚任食，無論款色同味道都不遜色👍🏻…查看更多

平時好少食沫茶主題嘅菜式，今次同朋友專程黎試下。先點左冷抹茶蕎麥麵，麵質煙韌，非常有口感。將啲小配料加入碗冷麵汁，將麵浸完入口味道唔濃亦唔淡，仲有啲野咬下，配菜中仲有酸蘿蔔令人開胃。雖然沫茶味唔算突出，但麵質同味道都已經抹茶半月布丁，睇落平平無奇，一入口沫茶味好濃厚，布丁質感整得恰到好處，食完都覺得好surprised!抹茶蕨餅，配上沫茶粉同黑糖醬，甜甜地又唔太膩，彈牙口感岩岩好，擺盤上睇得出廚師嘅心機。香港限定芭菲，呢杯甜品分左好多層，每層都各有口感。頂頂係沫茶雪糕，之後陸續會食到湯圓，蕨餅，草莓等配料，食食下會發覺由濃郁綠茶味慢慢轉淡，淡味又返酸酸甜甜嘅配料。飲品點左焙茶牛奶，茶香都好出，加上牛奶令杯飲品好滑。選擇凍飲時建議少冰，因為放耐左啲冰融左可能令茶香淡左。…查看更多

見同事每次黎都食燒春雞，加上妹多隔黎權都食到好滋味咁嘅樣，我都忍唔住試下一上碟啲香味出曬黎！望住佢真係會流口水，配埋附上嘅華鹽更加美味。餐廳伙記服務幾好又風趣。加埋杯凍茶多奶成件事都只係$67。又平又好味嘅lunch係邊搵！…查看更多

用蒜頭做出各種唔同菜式咁有特色點可以唔試試！坐低先點兩個starters呢個Apple & Frisee Salad 嘅dressing 好唔錯，配上各種配料，有味道，有口感，裡面夾雜住一粒粒嘅blue cheese，連同菜食唔會覺得酥。Dracular Killer，麵包中間已經被切半，方便客人放入蒜頭，啲蒜油非常香，將蒜油搽上麵包上面再入口，香味十足！Gorgonzonla Pizza 估計係將blue cheese放入 Garlic Naan 再焗，蒜香味同blue cheese加起黎好配，如果愛甜嘅朋友可以搽上糖醬。澳洲 M9 和牛，因為鐵板上菜關係，建議點medium 已經可以，一上場，蒜香味不斷湧埋黎，配上洋蔥，蘑菇同蒜片，蒜粒，蒜蓉，聞到都流曬口水。雖然咁多蒜，但都唔會蓋過和牛本身嘅肉味。飲品點左White Wine Berry Cooler同Red Wine Berry CoolerWhite Wine Berry Cooler 味道唔太出眾反而Red Wine Berry Cooler 味道會出啲，飲落無咁平平無奇最後甜品點左個Garlic & Banana Nutella Pizza估唔到garlic都可以製作甜品，大膽創新。P.s. 食完可以去洗手間用餐廳為客人而設嘅漱口水，都算細心…查看更多

鑽石山終於有返間似樣嘅韓燒店，當然要去試下。由於下午茶時間去，唔需要等位就入得。先試左少量前菜，都係基本唔錯店員好有心咁教我地啲蛋煮到半熟時可以加入栗米、泡菜同芝士配料，點埋佢地果度嘅芝麻醬汁真係好好味叫左個炸獅子狗，味道同口感都唔錯，可惜唔夠熱燒肉包括五花腩同雪花牛。五花腩煎出黎好入味牛啲脂肪分佈得好平均，口感彈牙，加埋生菜同配料食一流飲品點左柚子清酒，柚子味唔會太重。小插曲係我地唔小心倒瀉左2/3，店員主動幫我地重新調一樽新嘅，好細心！地方算寬敞，坐得舒服呢個休閒下午茶好難忘！…查看更多