TaviaaSzenga的个人专页

好耐無出黎食放題，中午見到附近有就即興黎食，呢間放題第一印象唔錯，通道闊落，枱面唔逼夾(好驚啲放題枱面勁細，嗌多兩碟都唔夠位)，好彩呢度二人枱都夠闊落，已經大加分!✨極尚海膽✨每次食放題最期待海膽，但次次都好似開盲盒咁🫣今日啲海膽超高質‼️ 無限encore ‼️‼️😍✨刺身拼盤✨有比較少見的長腳蟹🥰帶子大大粒，三文魚赤貝正常，吞拿魚無筋，特別係磯煮鮑魚幾入味，有再encore‼️💓✨壽司拼盤✨最鍾意食放題一口Size壽司，三文魚腩超油香✨自助區✨呢度啲職員做野好爽手，自助區Refill得好快，亦keep住有人清潔，好多放題都做唔到呢點第一次見放題有小龍蝦🙀🙀，即刻嗌黎試一試，傳說中的「回本位」🤣🤣位置闊落，坐得舒服…查看更多

今日總之就係好想好想食雞煲🤤🤤 見呢間咁近地鐵站、咁方便就決定呢度啦✨✌🏻深水埗地鐵站D出口一上黎轉右就見到👏🏻👏🏻👏🏻價錢十分親民🌟仲有串燒😍 所有嘢睇落都好惹味🤪 即刻叫左個雞煲先🥳⚜️ 麻辣雞煲 （半隻）（小辣） $128 ⚜️呢個價錢真係無得輸❗️❗️❗️ 上枱熱辣辣滾下滾下已經勁香🤤 係超惹味雞煲🥰 而且份量絕對唔少，半隻兩個人都好夠食🥢～雞肉無雪味，肉質夠滑，亦有雞油香味✌🏻 配埋芫茜一齊食真係好正，再加啖啤酒🍻🍻 返工有幾辛苦都唔記得哂😎 咁正嘅雞煲惹味湯底緊係唔好哂左🥹🥢靚肥牛 $98肥牛個比例幾好👍🏻 唔會太肥，食落牛肉味濃郁，唔會好似有啲肉「淡貿貿」，唔睇餐牌都唔知自己食緊牛肉，以呢個價位黎講表現好ok🫶🏻🥢 蓮藕 $27雞煲湯底最岩跟蔬菜～～ 如果怕菜類太吸辣，推薦試蓮藕✌🏻 爽爽脆脆食多啲都無負擔🥢 芝心丸 $36丸類必備！芝心加濃味雞煲，double邪惡之選✨✨🥢 唐生菜 $29平時菜就無乜好講，今次想特別讚下啲菜好靚好新鮮💖 店家亦有將頭頭尾尾切左，全部菜葉都好鮮嫩👏🏻 🥢 稻庭鳥冬 $20鳥冬軟滑彈牙👍🏻 撈埋雞煲汁真係可以食多兩個🥹🌟 後記：兩個人唔算試左好多嘢，不過前前後後都食左2個鐘，店家類似家庭式經營，服務好有溫度，差唔多埋單嘅時候見到好多街坊黎飲啤酒食串燒，下次都想試下🍻…查看更多

真係好鍾意港式扒房，覺得比起啲和牛、Fine Dine牛扒更有特色，算係心目中既comfort food，每隔一輪就心思思想食下🥰但點都估唔到呢種主打舊式情懷的港式扒房都咁迎合到現時的飲食習慣，竟然有KETO Menu!!🙀🙀 平時出去食飯咁易肥，就算無行KETO都想當低碳食返餐😽餐湯可以揀豬骨✅老火湯或者✅羅宋湯，KETO Menu建議揀豬骨湯，今日係青紅蘿蔔湯，好有屋企Feel，湯料好足，餐湯都唔Hea，男朋友揀既羅宋湯都勁足料⭐️⚜️熱熔芝士紐西蘭牛柳 ⚜️好彩揀左有熱熔芝士🧀，無加真係會後悔😂😂，店員會拎個鑊仔埋黎將啲芝士到落塊熱辣辣牛扒上面，真係大❗️邪❗️惡❗️，因為塊鐵板又熱辣辣，所以全程啲芝士都係熔住的狀態，唔會凍左變成一舊舊，每切一舊牛扒都可以捲一圈芝士上去，超惹味，最後啲芝士仲可以撈埋落意粉度食，正🤤⚜️香煎挪威比目魚柳 (KETO Menu)⚜️塊比目魚成3寸舊，好誇張😹，塊皮十分之脆身香口，但出奇地魚肉又好嫩滑😼 切開唔會乾爭爭，配埋啲醬汁一齊食好夾，另外值得一讚係啲配菜，椰菜花🥦取代了薯菜減少碳水，半煎炸的方法去煮令到椰菜花十分香口，就算無澱粉質落肚，食完亦有飽足感🥰⚜️水牛城雞翼⚜️每次見到都必點！ 每間餐廳做法都唔一樣，呢度用左炸雞翼做底，口味偏酸偏辣，無咁鹹，值得試❗️⚜️黑牛、白雪公主⚜️欣賞餐廳有放埋呢啲懷舊飲品係餐牌，豉油西餐真係唔可以無左佢地🤪⚜️跟餐甜品⚜️好鍾意餐廳安排呢啲餐後小驚喜，唔需要係啲咩好厲害的甜品，已經可以令到成餐飯好圓滿⭐️後記見到有啲人話服務唔好，但我又唔覺，全程侍應都反應都好快，Keep住周圍睇下食客有無唔同需要，打卡影芝士又會等埋我Ready相機先，整體用餐體驗良好✨☺️…查看更多

次次食放題都要諗好耐食日式（刺身壽司個啲）、定係燒肉放題🤔 男朋友就例牌想食燒肉嫁啦🍖 但我有時又唔想咁熱氣😌🔥 今日一見到佢就話佢搵到間正嘢😂😂尖沙咀地鐵站行過去都好方便，原來係❤️❤️❤️日式放題+燒肉放題❤️❤️❤️ 天氣咁熱坐低緊係嗌左冷盤先❄️ 有泰式生蝦😋😋 一下啪左6隻🤣 青瓜沙律都唔錯，好新鮮清爽😙刺身🤩🤩基本款式都會有：三文魚、吞拿魚、甜蝦、馬刀具、八爪魚、鮑片✨ 三文魚重點推介💕 比一般放題質素好👍🏻😋 甜蝦都新鮮😉 男朋友食左好多🤣嗌多少少壽司先🍣 放題有樣好真係每樣都可以食少少😍 都係一樣推介三文魚腩壽司同埋花之戀🤩 係放題少有嘅encore📢 刺身壽司就住嗌就係為左食燒肉！！ 原本都唔特別想食燒肉，但睇到隔籬枱啲肉好吸引，忍唔住每樣嗌左啲黎試下😋🐖豬⭐️⭐️⭐️⭐️⭐️呢兩款豬都好正～ 《蜜運豚后肉》蜜糖配豬肉好夾好juicy🍯另外 《血池赤豚小排》好似切到好厚嘅豬頸肉咁🤩 大推介！！🐓雞⭐️⭐️⭐️《辛辣黑椒雞腿肉》用黑胡椒吊味，雖然無蜜糖汁咁吸引，但都新鮮無雪味👍🏻👍🏻 《孜然雞中翼》雞翼已開邊，🤩孜然味用黎燒肉一流，勁香口😙🐮牛⭐️⭐️⭐️⭐️款式好多～ 有牛舌、和牛粒，油脂感適中，唔會好肥膩食兩舊就飽🤣🤣 一片接一片都唔覺膩😋如果要比較，個人覺得淨係燒肉個part嘅menu已經好吸引😍😍 依家仲要有埋刺身壽司真係好滿足💕💕🌟額外一提：出面好多放題為左放多啲枱都仲做到好逼，嗌多少少都無位放，呢度枱面、位置闊落，成餐飯都坐得舒服👍🏻😉…查看更多

原本諗住黎大坑同媽咪去下啲打卡Cafe🤣🤣點知佢話呢間好嘢黎，叫我一定要試下☝🏻☝🏻中午時段餐廳其實客人都唔少，勝在佢地座位闊落坐得都舒舒服服～ Lunch Set選擇唔少✨但既然媽咪講到啲滷水鵝咁非試不可🤔🤔 都係試下招牌滷水鵝😋😋送上黎好似和食咁，除左主食仲有湯、配菜，仲有配埋飲品🥤，最鍾意咁樣每樣都可以試少少，好精緻😍😍講左重點鵝肉先，鵝肉滷得入味， 配上潮式特有蒜香醋汁更加帶出鵝肉的鮮味， 鵝肉件切得岩岩好，仲啖啖肉，十分滋味媽媽點的酸菜魚都係老闆推介👑 果然都唔錯，魚件滑得黎唔會梅，肉質爽彈無腥，湯頭亦唔差，酸菜味濃，不過就唔算辣，如果辣多啲啲仲過癮🌶不過我最欣賞既係佢地的配角🥰🥰🥰樣樣都咁出色，估唔到普通Lunch Set都食到呢個質素🙌🏻🙌🏻🙌🏻1) 滷蛋🥚十分十分入味！！🙀🙀 滷到連蛋黃都軟棉棉，真係要 滷夠時間先做到，呢啲位就睇到店家的誠意，唔會因為係配菜就Hea做👍🏻👍🏻2) 酸菜「潮食」有酸菜都好普遍，但出面既味道都大同小異，「鹹」仲多過「酸」☹️ 但呢度既酸菜食得出同出面唔一樣，仲有少少甜，就咁食唔送飯都忍唔住一啖接一啖，正!😎3) 紫菜牛丸湯手打牛丸都絕對係「潮食」經典，估唔到一次過食到~ 店家亦好唔吝嗇🤣 即使係跟餐湯品都有兩粒大大粒牛丸，入口彈牙，肉香十足，配埋紫菜湯真係好夾😋😋😋下次想試埋潮式凍魚，同埋一定要Encore 配菜!! …查看更多

已經係第三年係Ritz Carlton慶祝生日，不過今次就冇安排到staycation，反而去咗佢嘅米芝蓮餐廳Tosca度試下～一入門口就會經過佢哋最signature嘅bling bling隧道，現場睇原來更加壯觀，好似帶咗你去另一個世界咁樣✨ 真係好靚好打卡able🤣RitzCarlton 始終比較高，睇到嘅維港景色會比較遠，同尖沙咀沿海嘅餐廳相比會冇咁壯觀，但可以睇到兩岸維港全景，各有千秋💕坐低冇幾耐就送上餐前小食，其中一款係和牛他他，另一款就唔係咁清楚🤣用黎配酒verygood 過咗冇耐又送上另一款餐前小食，呢一款有貝殼匙羹，睇落都好得意，食落都好有儀式感✨ 下邊終於係我哋自己order嘅食物：呢款前菜真係全晚highlight，一試難忘！甜甜酸酸嘅sauce配上鹹鮮嘅魚子醬同埋鮮甜嘅藍龍蝦，味道好夾😍Main我哋就揀咗二人份嘅和牛西冷，切開大概每人有三件，和牛味道香濃，每一啖都係口中釋放油脂香🤤 肉質亦唔係得個冧字，口感適中👍🏻最後因為生日甜品還是仲有驚喜（不過我呢度就唔post啦😎） 前菜同主菜都好出色，甜品可能偏向意大利口味，唔算覺得太wow，另外佢哋都有自己送上嘅小甜品。…查看更多

已經食過呢間Cafe好幾次，到而家先的起心肝打食評🤣 通常過去食都係下午茶，除左因為下午茶本身有套餐好抵食， Cafe地方好大好闊落，坐得好舒服，有時都會約朋友一齊chill下🥳呢度嘅窩夫真係重點推介，每次食嘅水準都好穩定，每次送上嚟嘅時候都係脆卜卜熱辣辣（淋左嘅窩夫真係好難食㗎），配埋雪糕同咖啡真係最完美嘅下午茶😍不過就算唔好甜食都唔緊要，下午茶套餐仲有啲沙律同埋其他輕食～ 呢個牛油果煙三文魚沙律我都成日食✨ …查看更多

一路都聽春水堂係珍珠奶茶嘅始祖，所以一直都好想試吓呢間過江龍✨ 好期待😎春水堂同大部份嘅台式料理唔一樣，行嘅中價路線，入到去地方都好闊落，但座位唔算好舒服～原來除咗珍珠奶茶之外佢哋都仲有好多台灣嘅特色美食，我哋揀咗麻辣牛肉麵、麻油麵線、滷水牛筋同埋主角珍珠奶茶💕原來滷水嘢都係台灣美食嘅特色之一，佢哋嘅滷水食落同香港嗰啲唔太一樣，感覺比香港嘅再濃味好多。珍珠奶茶都絕對冇令人失望，佢哋嘅珍珠奶茶比出面嘅茶味更加突出更加濃，飲落亦冇出邊珍珠奶茶個種化學味，舖頭門外可以直接買珍珠奶茶，唔一定堂食先飲到☺️…查看更多

呢間日式串燒店雖然係尖沙咀，但係由地鐵站行過去都要10至15分鐘左右，如果唔係嗰日特別想食串燒都未必會搵到呢間舖頭，其實行行吓都唔係好遠嘅～可能因為平日晚上，又係新開，晚市客人唔多，可以慢慢食。呢度定位嘅係日式串燒店，所以定價都唔平，唔可以好似港式串燒店咁4-5串咁嗌，不過雖然係貴啲，但係質素都好好多👍🏻✨ 落咗單之後起碼都要15至20分鐘先至開始上，應該係即叫即燒～ 可能等得耐，串燒一入口就真係更加覺得好食🤣 比較深刻係：雞頸皮、柚子雞肉串食得出食物質素好好，老闆亦好有心，私心推介lunch嚟食，因為有set lunch會更抵食🥳…查看更多

今年媽媽生日竟然臨時先話唔想食中菜，想食日本嘢，咁啱我哋喺九龍塘就揀咗千両✨ 雖然知道都算係大集團，之前食過質素都唔錯👍🏻👍🏻 因為知道係星期六晚，所以我哋提早6:30就入座，果然一到七點開始就要排隊～～ 我哋一共三個人首先就叫咗個壽司拼盤，估唔到壽司拼盤入邊都有拖羅（但係就得兩件我冇份食🥲） 另外我哋仲嗌咗啲卷物同埋刺身仲有個牛肉鍋，三個人食都好夠👍🏻👍🏻 最後仲嗌咗支清酒，清酒用嚟配刺身真係世界級！！成餐飯全部都好滿意，無伏位～ 店員好有禮貌，座位亦都闊落舒服，適合聚會✨…查看更多

之前喺MOKO買嘢換咗優惠券可以喺商場食肆用，揀咗呢間星期六日超多人排隊嘅Cafe，今日係平日所以下午茶時間都唔使等位就可以入到👍🏻🎉坐低先發現原來呢間都係過江龍Cafe，最出名嘅係牛油鬆餅，另外都有唔同嘅Tea set可以揀，我同Mami一個揀咗最傳統嘅鬆餅，另一個就揀咗佢嘅芝士蛋糕。雖然呢度主打係食牛油鬆餅，但係佢呢度嘅咖啡都好香，果然甜品配咖啡先係最夾嘅🥰 同媽咪傾咗陣計牛油鬆餅就送咗過嚟，🥞呢個樣真係好Classic嘅鬆餅樣😂😂 不過我都好鍾意呢種好Classic嘅感覺，識落真係好唔一樣，首先個口感比較結實一啲，同出邊嘅疏乎厘pancake完全唔一樣，雞蛋同埋牛油味都好突出，自己一個人食晒成個都幾飽㗎～另外嘅芝士蛋糕就普普通通，唔算太特別～…查看更多

今日同媽咪去咗西九文化區，行咗一輪都搵唔到啱食嘅餐廳，跟住經過M+醒起有一間新開嘅餐廳喺地下個層，一於走去試吓呢間餐廳嘅Menu好特別，絕大部份都係好有香港特色嘅餐點，連雞蛋仔都有，但同時又會有啲西式嘅餐點，好似Pizza同埋意粉咁樣。餐廳範圍對住西九文化區，望出去真係好舒服，夜晚黎應該更有feel🤩 因為唔係好肚餓，所以我哋就帶咗一個Pizza黎share，本身都諗住呢間餐廳唔係專賣pizza，應該都係普普通通咁，但出到嚟都唔錯喎，勁多芝士～批底唔會太厚亦唔會太薄，岩岩好👍🏻 配咗個梳打特飲，享受左一個悠閑下午茶💕…查看更多

媽咪好鍾意食酸菜魚，今日特登帶佢嚟呢間試吓，好似好多人都有推薦呢一間酸菜魚，果然一去到真係好多人，好多附近一家大細都過嚟食飯～ 可能因為我哋兩個人，所以好快就安排咗入座，啲姐姐仲驚我哋坐得唔舒服，特登安排咗卡位俾我哋添😍等咗唔係好耐酸菜魚就到咗，果然名不虛傳，好香好香，忍唔住即刻試咗啖湯，酸菜味好突出，有少少辣但唔會太辣，好過癒😎 魚肉都非常之滑，而且唔腥，絕對係心目中完美嘅酸菜魚😚 成日都好想返轉頭再食多次😍另外我哋仲嗌多咗個煲仔炒生菜，係用個火爐慶住個煲仔上菜，勁有鑊氣，估唔到商場嘅小餐廳都咁有好味～～ 推介推介🥳…查看更多

因為係附近返工，經常都黎金子半之助食天，天婦羅每次都食得出啲材料好新鮮，亦唔會有好膩好多油的感覺，或者呢啲就係師傅的功架。另外食炸嘢最驚就係食到萬年油味，都係係返天婦羅專門店食會放心好多💕夏天配凍烏冬真係好正，冬天就會揀返熱烏冬，個人覺得天婦羅配烏冬先係最夾，店員亦會係落單後拎一大盒烏冬配料比你自由落，雖然呢度主力唔係烏冬，但個烏冬都好出色，軟滑帶麵粉香(凍食更明顯～）另外都呢度一坐低就有嘅黑豆茶都好特別，出面好少有~ 應該比較養生? …查看更多

好多年前仲係北京道Aqua嘅時候我地已經慶祝過一次Anniversary，當時的景色對正維港落地大玻璃真係好靚，搬左過黎的感覺又唔同左，無咁喧賓奪主，維港景依然好靚，但未至於搶哂fo，可以專注係食物上多啲，但呢度依然有打卡位，一入去就有條Bling到爆的走廊，同Ritz Carlton嘅Tosca好似~ 我地無叫到Set Dinner，散叫左啲自己鍾意的餐點，前菜係 《西西里島紅蝦及扇貝冷盤配魚子醬,芹菜冰沙及西瓜柚子凍湯》，紅蝦配魚子醬呢個組合係all-time-fav，好開胃，紅蝦好鮮甜，但怕瓜類的草青味就要小心Main簡單叫左個 《黑松露自家製意大利幼麵配 36 個月巴馬臣芝士》，好難出錯的組合，不過食落都唔覺太普通，芝士香氣令到整碟意粉的層次無咁單調，如果其他Pasta都睇唔岩，可以一試另一個Main叫左 《 紅燒牛小排配芹菜麵包屑,雙色蘆筍及百里香汁 》 雙色蘆筍唔認真睇仲以為係蒜頭，Haha~ 兩款蘆筍都好甜，無渣，配落牛小排一齊好夾，可以平衡到油膩感最後仲有少少唔夠侯，嗌多左個壽司卷，配料新鮮，唔錯最後最後，為左打卡竟然嗌左個5款甜品拼盤，打卡好靚，食哂好飽~ 雪糕推薦，其他就正常發揮…查看更多