hkfoodpix的个人专页

終於做完FYP 今日叫做有少少時間出黎同朋友食個飯傾下計😀 今次黎左Red Chicken食炸雞😚 一入門口已經好似入左間韓國bar咁 少少幽暗既環境如果有埋啤酒就正啦 電視一路播韓國歌同mv 仲有太陽的後裔添😍一坐低就梗係叫酒先啦 honey beer原來係蜂巢加啤酒 呢個組合好少見 估唔到咁好飲 啤酒易入口 又有微微既蜜糖味 中和返啤酒既苦 米酒就係平時樽裝既 好重酒味 如果飲唔慣既就唔太適合揀呢種飲品啦😉 炸雞就梗係重點啦😀 蜜糖汁好好食 同鹹鹹地既炸雞配搭就啱啱好 餐廳好貼心咁提供無骨炸雞 女仔同男朋友仔黎食就唔會因為要處理d骨搞到無晒儀態啦😀 炸皮好薄 薄到好似冇粉咁 雞肉又好嫩 真係忍唔住一啖接一啖咁食😌 隔離既薯條都好好食 冇乜鹽 serve既時候仲熱辣辣 平時出去食蛋卷都係好似壽司咁 入面包住d餐肉紅蘿蔔青瓜 今次係齋蛋卷 仲係好大碟 差唔多4人份量 原本以為會好漏好滯 但我地食食下都食左大半碟😚 蛋卷偏甜 同蛋壽司既味道相近 店家仲好周到咁切晒一片片 方便客人夾🤗 蛋上面有熱溶芝士 仲可以牽絲添 木魚片好多 但淋左燒汁係面之後就扁晒 食落有d酸添😖 極大量既飛魚子令蛋卷既口感豐富左好多 又脆又軟 就算食唔晒d蛋 我地都有清晒d飛魚子😚紅雞真係唔錯 啱晒一堆朋友聚餐傾計 仲要食無骨炸雞 下次一定會再同朋友黎😋…查看更多

Nathan Left彌敦南岸位於尖沙咀The Hart 平時好少特登行過去 舖頭唔似隔離左右既酒吧咁顯眼 條路又比較窄 抬頭都睇唔到廣告牌🙈 不過好彩有staff係門口介紹 仲有塊好細既黑板寫左餐廳名同facebook ig先見到😀我地沿住樓梯上就黎到餐廳😀 門口左邊係吧枱同飲酒既 右邊就係餐廳部分 最遠處搭左個台俾駐唱歌手👭 呢度有幾組駐唱歌手 每星期黎一兩日 如果有特別想聽既 記住早兩日打定電話去餐廳 問清楚每組歌手既表演日期📅餐廳環境比較暗 十分適合上班族放工後飲下野吹下水 呢度仲有兩大部電視不斷播住球賽 男人們黎到唔想聽歌既 睇波都係一個唔錯既選擇👍🏻坐低無耐就有staff過黎幫手落單 態度非常親切😍 知道我地唔想飲酒就即刻幫我地轉做soft drinks😚 叫一杯可樂仲送多左1/4個檸檬😝坐左一陣聽幾首歌d野食就開始上枱啦 首先上枱既係煙三文魚凱撒沙律😋！呢度既煙三文魚塊塊都好大片 又唔會太鹹😍 平時買真空既煙三文魚都會有d油係面 而呢度就唔見到一層油👍🏻 仲毫不吝嗇咁落左好多好多芝士 之前食過凱撒沙律既芝士唔係硬就鹹 呢個一d都唔硬 唔會考牙力😁 沙律菜好脆好新鮮 仲睇到廚房好有誠意😍 通常食到既凱撒沙律都係一堆菜係底再加dressing係面 呢度就貼心好多 廚師已經幫食客拌好 唔洗食客左夾右夾咁麻煩😌跟住上既係兩碗湯😀 唔好以為兩隻碗細細隻冇特別 左邊既意大利雜菜湯好多料 有平時羅宋湯既料之外仲加左西蘭花同少少瓜類蔬菜🍅 飲完即刻覺得自己食左足夠既菜量 健康左好多😅 右邊既法國龍蝦湯就更加分 稠既湯本身已經好濃龍蝦味 點知又真係咁好有一大舊龍蝦肉😍 $68都抵晒👏🏻湯飲到一半就上左萬眾期待既豬肋骨加薯條🍟 一碟有8條肋骨 兩個人食食得晒既已經好飽😧 服務仲好好 我地影完晒相侍應先開始幫我地逐舊逐舊切😍 豬肋骨上面既甜辣汁十分惹味 再加上邪惡既芝士真係想引死人咩😂 唯一就係豬肋骨本身調味不足 食左面既汁同芝士後 入面既豬肉就真係得豬味 好彩d肉冇烤到過熟🙂 侍應姐姐見我地用手食就俾埋濕紙巾我地☺️意粉係鹹左少少 不是炒意粉仲保持到al dente真係唔容易 帶子有三隻 隻隻都又大隻又彈牙 而家諗返都想即刻食多次😍…查看更多

真係名副其實一碗小麵😂 一碗小麵係紅磡近紅磡雞蛋仔附近 如果唔係特登去搵呢間舖頭應該行過無限次都唔會入去嗰種🙈 小店舖面好細 最多都係坐得十零個人 仲要好窄 好似冰室咁 張四人枱只係勉強坐到四個人😅小店係比較貼心既😀 呢間舖頭主打傳統重慶麻辣 為左客人辣得滯 枱上面有任斟菊花水同檸檬水 係必要時沖一沖淡d辣😘湯底非常好味 飲一啖唔會話得普通既辣椒油味 仲有好多花椒八角 香得黎又會慢慢覺得嘴唇愈黎愈熱同愈黎愈麻👄 走既時候幾驚個唇腫到好似花師奶咁🙈好彩冇事🙈幼身既上海麵煮得啱啱好 煮過頭好易變糊 呢度就煮到條條分明仲好有咬口😋 豬手就煮得好腍😂 平時我係唔食豬手既 不過見咁多人推介 我又再次挑戰我既極限😂 豬手除左有好豐富既骨膠原 呢度仲保留左小小肉既部分 原全冇渣😍 唯一唔滿意就係豬手上面有d毛😶唯有咬走佢啦🙈…查看更多

新開既what's dogs除左有最原始既香腸熱狗 仲有走左熱狗界最尖端既雪糕熱狗😍 始終都係街舖仔 門面企理亁淨對食客黎講已經留下好印象😀 門口仲有張摺枱 唔習慣行住食或者怕整到周圍都係既 可以選擇係坐低食😀等熱狗既時間都幾長 我地仲一路以為漏左單 其實係因為熱狗係即叫即烘 仲要先係面搽一層蜜糖😋 烘熱既時間控制得啱啱好 唔會過硬之餘 麵包既香同甜會慢慢係口入面散發出黎😛 細心食仲會食到好香既蜜糖味😍加埋上面滿滿既3.6牛乳雪糕 一凍一熱真係好正😍 不過雪糕真係溶得太快啦 我影兩張相已經溶到連個形狀都唔見埋😗 如果可以實淨d就好啦😉 我地明明叫左榛子醬 望住佢落醬既時候已經心有一絲不安 點解會稀成咁既😅 食落個答案就更明顯啦 因為落既係糖漿😑 OREO就中規中矩啦 不過既然加得$3就想有多d oreo碎啦😗…查看更多

$64既二人餐而家買少見少 仲要兩個餸都大大碟又好味 真係好少好少好少有🙈 物價高企都仲堅持收咁平 真係良心企業😍 新恆輝係QEH職員既另一個飯堂😋 雖然真係遠左少少 行過去又要經過停屍間附近(其實做得醫院都無可避免實會經過) 但呢度性價比真係超級高😍 注意$64係職員價呀 訪客價應該有分別既😅環境其實就一般 行入去嗰條路又窄又濕 我去既時候仲要落雨😫 不過餐廳入面就比較似返d樣 有好多張大圓枱😉 唔係放飯時間去既都一定有位😀唔好睇張相好似得嗰幾舊魚 其實係每人有5舊魚🙈 舊舊都有一張半八達通咁大 仲好厚肉😀 相反炸皮就好薄 薄到好似就咁沾蛋漿就炸 完全冇落麵包糠或者生粉既意思👍🏻 西檸汁今次就甜左少少😶 都有少少酸味 但酸d可以解下膩 食炸野都要去下油既😗呢度出名除左用料非常足既餸之外仲有好誘人既醉雞煲😍 我一路默默食魚塊既同時 隔離枱既護士們係度食緊醉雞煲 太過分啦😭…查看更多

星座冰室既地理位置比較難搵 係openrice見到既係一個普普通通茶餐廳既門口 大家都以為係尖沙咀某條舊街既轉角🙅🏻 其實佢係香檳大廈既地庫 行到去近the mira有個門口轉入去 會見到星座冰室既牌📌 沿住箭嘴方向既樓梯落就到架啦 但中間會見到某類全身按摩既廣告👀 女仔驚既就唔好自己一個黎啦✋🏻叫得做冰室既大部分都保存左香港舊時茶餐廳既模樣 環境唔會太乾淨 亦都比較迫🙇🏻 同埋見到沖野飲煮野食既水吧😀 仲有膠匙膠筷子 呢d原來已經慢慢變左經典😶蕃茄撈蛋係呢度既招牌✌🏻️ 滿滿既湯有好多切粒蕃茄 再將蛋漿撈落湯造成蛋花😊 飲第一啖湯就食到蕃茄既甜味 不過飲多兩啖就開始覺得鹹 仲會口乾😗 如果廚師大哥好人既你仲可能會係蕃茄撈蛋入面有唔少牛肉碎 咁就更加鮮甜😋通粉就比較遜色 因為煮得太稔 通粉有d會煮太耐 已經漲晒🙈😭希望鍾意出前一丁又唔想加錢既都可以黎食下😀…查看更多

係盛八食過燒牛脷之後真係停唔到🙈時不時都想食牛脷🙈前兩日經過佐敦就揀左巨一麵堂 為左食兩片牛脷頂一頂癮😂舖頭係內街既轉角位 都要行得幾入下👣當係食大餐前做下運動啦😶舖頭唔大 大部份都係圍住開放式廚房既bar枱 bar枱對住冷氣會涼少少 啱晒行到成身汗既我💦 牛舌拉麵既湯底好濃 不過就比較油 為左唔好吸收咁多脂肪我就忍住 飲左幾啖乍🙈不過點飲都冇口乾 飲水係為左平衡下 沖返淡少少先食到牛舌同溏心蛋既味架嘛😍拉麵係幼麵 本身比較鐘意硬麵😊呢度既師傅控制得非常好 我冇特別叫硬麵啦 但d麵彈牙得黎 食到最後都仲可以keep住同一個質感👏🏻冇返咁上下經驗手勢都做唔到👍🏻牛舌好腍仲好入味😋同個湯底直情係絕配😍仲要一d都唔吝嗇 諗住睇圖得細細片 點知兩片牛舌已經cover左我大半個碗😀下次叫五片牛舌一定大滿足😁玉子比起牛舌就冇咁突出啦😶可能因為成碗拉麵都比較濃味 食玉子既時候就食唔出佢特別之處😐整體黎講性價比都頗高👏🏻間唔中食餐貴少少既lunch都唔過份呀😀…查看更多

沾麵真中係徳美壽司隔離 係一條非常暗既巷仔 不過係呢附近搵食搵得多已經認得晒路😀舖面好暗 座位都唔算多 所以店面職員連收銀都係得三個👩🏻👩🏻👩🏻 我去既時候唔多人 但已經有少少忙唔過黎既感覺😓 點菜同加水都舉左幾耐手 要捕住佢地望過黎嗰一刹那🙋🏻講返沾麵🍜 依舊揀左凍面 可惜熱湯好唔耐熱 我都未食到一半已經凍左🙅🏻 湯亦唔舊濃 雖然濃又會俾食客話鹹話唔健康 但都唔洗稀到沾唔到汁咁喎😅 我揀lv.1辣係因為再揀辣d就要加錢 但我又唔覺得我需要加幾蚊要多d辣油喎😓沾麵今次我落左一湯匙既熱湯落去 唔會黏埋一舊舊👍🏻 不過d麵好似tangle咁 成日都夾唔到😔 麵係煙韌既 只係小麥香比較弱😐平時d筍同豚肉絲會放係麵嗰邊 呢度就放係湯入面😜 豚肉好乾好硬 比我想像既差太遠🙈 性價比唔夠高呀🙅🏻另外叫左燒牛舌同燒雞腎😀 日式餐廳既串燒大部分都冇乜驚喜 呢度亦都一樣😔 燒雞腎有少少燒過龍 而且調味既時候亦十分闊綽 鹹左少少 但落左檸檬汁之後 又酸又鹹就更加奇怪😗 燒牛舌不過不失 不過比起去韓燒日燒既牛舌就相形見絀😖 價錢亦比較貴😓…查看更多

lunch冇野做又唔想煮 就走左黎the cup食第二次 最多人叫既Recommended 蜜糖雞肉飯🐔上次同學食既時候話好好食 我都好期待😍黃色既飯上面鋪滿左炸雞件🐓再加左燒汁同蜜糖汁✌🏻️其實我都唔知點解d蜜糖汁咁黃咁稠好似芥辣咁既樣 但事實上係冇乜味既😓 我估d汁既作用係令到d飯濕少少 係炸雞上面減少d油膩感😦 雞件切到一口既大細非常貼心😚唔洗我咬幾次 整污糟就唔好啦🙈 不過個炸皮又乾又硬 我到最後都冇食晒🙈 今次the cup之有少少失望😭…查看更多

冰室好細 雖然有冷氣風扇 但因為冇門 舖面涼極有限😅 冰室得一個廚師 多人既時候就可能要等耐少少啦😗講返碗米粉😍 一拎埋黎已經好香沙嗲味😍呢度既沙嗲唔係就咁一pat沙嗲醬 而係用沙嗲煲出黎既湯 碗底仲見到一粒粒花生同胡椒😚 個湯好甜好濃又唔會辣😊 啲牛肉係冇落過梳打粉既 係真正既牛肉texture😁…查看更多

甜品永遠係填補心靈空虛既良方😍 大家冇睇錯 白色一噠噠唔係我手震 係碟甜品噴緊煙 淨睇唔食都已經夠晒吸引😀紅 係 分子野莓雪葩🍓 -- 好酸😐 酸係有開胃作用但係過酸啦 完全蓋過晒其他野既味 連心太軟入面既朱古力漿都變左野莓味😗白 係 分子雲尼拿雪糕🍨 -- 唔講都唔知佢係雲尼拿😂 因為雪得好硬又一粒粒咁 好似食緊白朱古力😍重點來了😍 心太軟😍 原本對心太軟好就期望 始終都係不死既甜品類 但叮得太耐啦 入面熟晒咁滯 得返好少朱古力漿 蛋糕部分過乾 已經唔鬆軟😗將tiramisu放係盆入面係幾出色既gimmick黎既👍🏻上面仲插住塊葉🌱一個盡責(兼貪玩)既foodie決定從塊葉開始研究呢盆盆栽😁咬一塊葉 咦 原來係薄荷葉😗 食一啖泥 上面有d oreo碎 下面就係好滑既cream😀 味道上唔算突出😅 再加埋薄荷葉一齊食 係草既味😅 盆栽底有少少蛋糕 但就太濕太甜 如果唔係見到個樣都唔係好知自己食緊乜😑…查看更多

Wasabi用左即磨山葵 食到入面既顆粒 仲有少少鹹鹹地 老闆話係山葵本身既味😁 呢種wasabi保留左少少攻鼻既感覺之餘冇左平時食preserved wasabi既辣味😋 覺得鹹或者辣既就食返啖軟滑既牛奶雪糕 甜甜地 中和返wasabi既味😀…查看更多

沾麵用既麵比較粗 好似烏冬咁😋 睇過咁多人既食評就梗係識揀凍麵😁 日本傳統食法就係食凍麵加熱湯既 凍面非常煙韌 但係就好易黏埋哂 夾既時候就會斷開😔 一開頭就最好加一湯匙既熱湯落去 咁d麵就會易d散開 方便自己夾👍🏻 熱麵就比較稔身😀 濃湯真係濃湯 可能因為我揀左辣 魚介味俾辣油蓋過左 但食落就冇原味咁heavy🙈 d麵既掛汁力超強 平時冇食開重口味既沾汁沾半條麵就夠啦😀 筍好入味 叉燒就半肥瘦但有d乾 最欣賞半熟蛋😍 流心永遠都最得我心😍P.S.兩個女仔一個叫中一個叫小share食啱啱好 叫得太多食剩就唔好啦🙈…查看更多

小王牛肉麵呢排擴張得非常快 開到好似鋪路上市咁😵 裝修都算幾靚 有開另一邊counter專做外賣飲品 廚房同舖面只係一塊玻璃之隔 透明度高左 顧客自然望到廚師煮面既認真or hea樣😂 見d侍應傾計傾得咁開心又咁大聲 真係會忍唔住想搭兩句嘴😶半筋半肉麵我揀左粗麵 係刀削麵咁闊不過比刀削麵厚d 唯一係煮既時候冇整散d麵 d麵就算浸係熱湯入面都痴埋一舊舊😰 牛筋同牛肉我就比較鍾意牛肉多d😉 牛筋煮得好稔身但唔入味 比較似將一舊肥膏擺入口既感覺 可能係我唔太鍾意入口即溶既牛筋🙈 牛肉比較好 入味之餘唔會硬 中間有少少筋位食落口感一流👍🏻 酸菜好鹹 不過都係用黎吊下味架啫😊 湯好油🌚 碗麵個面已經明顯有一層油 唔係好夠膽飲啦😐碗麵貴得黎份量唔多 一個普通女仔既食量應該會覺得啱啱好 男仔就可能要叫多碗小食啦 但閒閒地叫多個台式小食都40蚊走唔甩😱…查看更多

魔豆既靚女姐姐好好人👩🏻 見我行埋去就問我有冇食過 推介我食邊款😀 呢間應該係全港唯一一間用斑蘭做主題既甜品舖？😀 呢杯斑蘭軟雪糕個底有好脆粟米片 仲會配埋有加斑蘭既糖漿😉 其實雪糕已經夠甜 再落糖漿就有少少過頭 但就有好大陣清新既斑蘭味😍 食落比labmade既斑蘭椰絲雪糕更重斑蘭味☺️雪糕好滑 落左好多奶 所以都避不免溶得好快 唔適合我呢d食野食得特別慢既人 我已經盡量食快d 只係杯雪糕溶得更快😭如果可以實淨d就好啦😭…查看更多