$64既二人餐而家買少見少 仲要兩個餸都大大碟又好味 真係好少好少好少有🙈 物價高企都仲堅持收咁平 真係良心企業😍
新恆輝係QEH職員既另一個飯堂😋 雖然真係遠左少少 行過去又要經過停屍間附近(其實做得醫院都無可避免實會經過) 但呢度性價比真係超級高😍 注意$64係職員價呀 訪客價應該有分別既😅
環境其實就一般 行入去嗰條路又窄又濕 我去既時候仲要落雨😫 不過餐廳入面就比較似返d樣 有好多張大圓枱😉 唔係放飯時間去既都一定有位😀
唔好睇張相好似得嗰幾舊魚 其實係每人有5舊魚🙈 舊舊都有一張半八達通咁大 仲好厚肉😀 相反炸皮就好薄 薄到好似就咁沾蛋漿就炸 完全冇落麵包糠或者生粉既意思👍🏻 西檸汁今次就甜左少少😶 都有少少酸味 但酸d可以解下膩 食炸野都要去下油既😗
呢度出名除左用料非常足既餸之外仲有好誘人既醉雞煲😍 我一路默默食魚塊既同時 隔離枱既護士們係度食緊醉雞煲 太過分啦😭
