hungry.pancake的个人专页

呢間酒店今次同我最鍾意既brand Paul & Joe crossover，鹹點甜點都有好多花花同貓貓元素，最吸引既係食完tea可以去返新城市廣場Paul & Joe 專櫃拎番袋禮品 炸炸林捉住同樣貪靚既朋友一齊黎嘆個tea！『貓の花見』下午茶 (HK$388)拎左佢餐廳D花花黎打卡～同個theme好match🍵茶點方面，南瓜軟餅加芝士好好食，仲食到芝士上面淋左少少honey，一鹹一甜好得意。另外佢個鵝肝醬酥餅都好香脆，鵝肝味道濃郁～不過個酒釀番茄我本身唔係好鍾意梅酒陣味就覺得麻麻喇，同行既朋友就覺得唔錯，食埋我個份甜點真係好吸引，塊貓貓曲奇餅好有心思印左Paul & Joe既招牌貓咪，橙味好濃，甜度岩岩好！玫瑰蘋果撻既蘋果片keep到脆卜卜，加埋custard都仲好清新！另外仲有好可愛既肉球macaroon同超濃既朱古力tart，上面既食用花色彩繽紛，睇見都開心～最後加埋一都係$427，真心係幾抵食呀！…查看更多

係友人摻推薦下去到元朗呢間好養生既麵館，一於試試佢最出名既花膠湯麵發現除左花膠湯麵，仲有好多其他吸引既選擇：胡椒豬肚湯麵、冬陰功...另外仲有好多款燉湯同甜品～花膠湯麵 ($40) + 是日燉湯 ($68)花膠湯麵比較清淡，湯底幾鮮甜，呢個價錢有咁大塊花膠好足料，煮得非常淋身。最好食既係佢個冬菇，好入味！要讚下佢個 燉湯，材料豐富除左花膠、螺頭，仲有金華火腿、雞腳、鮮淮山...湯頭甘醇，十分滋潤凍鮮奶桃膠 ($45)唔夠喉，叫多個甜品桃膠絕對係平民的養顏恩物！凍鮮奶桃膠奶味香濃， 甜度岩岩好！ 桃膠份量好足，口感彈牙～之後一定會再同朋友黎試埋佢其他燉湯同糖水！…查看更多

諗緊生日食咩好，知道帝都酒店2+2 café既新自助晚餐係和風主題，岩哂鍾意食日本野既我，所以即刻拉左屋企人黎食自助餐慶祝我揀左第一時段入場，環境唔錯，食物種類多，即刻相機食左先任食火炙波士頓龍蝦即席會有師傅幫你燒龍蝦，燒到香噴噴，仲有兩隻日式醬汁揀～不過條隊都排得幾長，好彩一入座就mark實左龍蝦counter，之後可以不斷無限encore！吉列炸牛扒日本吉列牛紅到黎香港但我一直都冇機會食，今次梗係食盡佢！炸到脆卜卜既牛扒肉味香濃，又唔太油膩，岩岩好～另外仲有即切刺身同壽司，特別鍾意食黑松露三文魚壽司，三文魚好肥美鮮甜，配埋黑松露醬，陣鹹香味一流其他熱盤賣相都好吸引，不過我後來已經冇哂戰鬥力試哂咁多款，變左主攻海鮮士多啤梨芝士甜品今次自助晚餐既甜品原來都有主題，係士多啤梨加芝士。全部甜品睇落都好靚，一開始唔都唔知食邊件好～甜品味道都唔會太甜，特別鍾意士多啤梨綠茶mousse cake，個士多啤梨外型好頂癮，兩種味道都好夾！冇諗過仲有一個士多啤梨牆好可以比你任夾士多啤梨，D士多啤梨都算大粒，幾甜每次食自助餐都好期待雪糕！呢度就可以任食佢既Movenpick雪糕，我覺得法式焦糖燉蛋味最好食～…查看更多

冬天最岩打邊爐，今晚同朋友黎到8鍋臭臭鍋銅鑼灣既分店，一人一鍋唔洗爭最開心！店面好寬敞，四處橡木色既裝修意外地有D文青既感覺～Menu total有9種湯底揀，每種口味既配料都有唔同。同朋友都麻麻地臭豆腐，所以同佢招牌既臭臭鍋無緣了～但其他口味都好吸引，同朋友慢慢研究左一陣先有決定呢。最後我地揀左清甜健康既「蕃茄白豚」同惹味既「香蒜牛肉」，每鍋可以另揀白飯或者粉絲。最後揀左粉絲，因為可以吸哂湯既精華嘛～落左單後好快就有得食喇，等staff點左火，湯底就開始滾～熱騰騰既火鍋睇見都開心！「蕃茄白豚鍋」（$112)蕃茄湯底好清甜，配料都有營健康，包括有娃娃菜、白豚肉、豆乾、蕃茄、凍豆腐、椎山、木耳、蓮藕、菇...仲有粉絲，早已索哂蕃茄湯既味道！白豚肉爽口入味，椎山同蓮藕脆卜卜～「香蒜牛肉鍋」（$112）一送上黎就聞到濃濃既蒜香味喇！呢個鍋除左娃娃菜、粟米、蕃茄、金針菇呢D菜之外，仲有甜不辣、牛丸、蟹籽丸。主角牛肉片較為肥美，同樣好入味，份量亦都好足！小食點左「炸花枝丸」（$38）掛住台灣夜市常見既花枝丸所以點左佢～熱辣辣炸起既花枝丸雖然好邪惡但真係好好食。花枝丸炸到外脆內軟，但一D都唔油膩。為左解膩，我地都各自點左冰烏龍茶。朋友個杯仲揀左有奶蓋tim，不過飲落奶蓋奶味就唔係好重喇～冬日去食台式一人鍋真係又溫暖又保證食到飽，無論係聚餐定自己食都絕對係一個好選擇！…查看更多

今晚同屋企人黎到尖沙咀既北海道爐端燒，氣氛有D似居酒屋咁好熱鬧。被安排坐左係塌塌米，感覺好得意～環境唔錯，擺設同座位都好有和風特色海膽 ($108)滿板金黄色既海膽睇見都流哂口水！海膽肉身滑溜幼滑，入口十分鮮甜，一D都唔腥。香草羊架燒 ($58)大大隻燒羊架外皮燒至香脆，啖啖肉嫩又多汁，味道充滿孜然粉同香草既香氣，好正！塩燒大蝦 ($68)大大隻燒蝦好入味，鹽烤保留到鮮蝦既原汁原味。不過一隻真係有D唔夠喉～黑芝麻汁煙肉沙津 ($58)叫左個沙津中和一下。黑芝麻汁味道好似平日既胡麻醬，但多左一份黑芝麻既香～撈埋生菜、蕃茄同青瓜好fresh，值得一提沙津仲有細細粒既豆腐，味道有D酸尾尾，同黑芝麻汁好夾味道！三文魚刺身 - 輕微香煎 ($82) & 三文魚刺身 ($78)點少得我最鍾意食既三文魚呢～每款都有六件厚切三文魚，三文魚件件肥美潤嫩，入口唔會太膩，好新鮮鮮甜。尤其鍾意輕微香煎後出左少少油香，帶點惹味之餘又保留到三文魚既原汁原味。三文魚三文魚籽飯 ($128）鮮嫩既三文魚肉配搭美味多汁既三文魚籽，味道當然十分夾。三文魚籽粒粒飽滿鮮甜，脆卜卜咁口感好好。飯就略少，餐廳好有心思咁已經將飯撈左醬油，再加埋蛋絲～燒牛舌串 ($38)一串有三塊牛舌，燒得岩岩好，口感彈牙爽口，咬起黎嚼勁十足！牛肉香味好濃郁～大推！左口魚群邊壽司（$48）每set會有2件壽司。同丼飯一樣，壽司飯都係撈好左醬油，所以係啡色的～左口魚好新鮮，經過火炙滲出既油香令到整體口感更加入口即溶。另外見到佢menu上仲有好多燒物既選擇—鮑魚、魷魚、蟹蓋等等，可惜今次人唔係好多，試唔多太多款～唯有下次再戰啦！…查看更多

見係花花主題幾靚，所以特登約左朋友一齊黎牛頭角食呢個tea。初時打電話book，兩日內打左起碼4、5次先有人聽。間cafe唔算近地鐵站，距離B6出口大約十幾分鐘。甜點方面：玫瑰茉莉花+薰衣草烏龍茶雪糕：冇耐就好快溶，玫瑰花味不過不失，薰衣草個款香精味太重，同埋太甜，個筒唔係好脆玫瑰cup cake：個cream死甜，蛋糕好乾...牛油曲奇+蝴蝶酥：呢兩款算係最好，但味道都係普通另外玫瑰荔枝慕絲都係太甜鹹點方面：冷豆腐：加埋桂花蜜個味道怪怪地玉子燒：玉子燒味道幾甜，普普通通但反而已經最正常，可惜得好細粒蛋卷：食出有D咖哩既味道？味道正常，但同其他菜好唔夾梅子冷麵：呢個真係食左一啖就唔想食...個味好怪，加埋個玫瑰花汁好似洗頭水咁，我朋友見到我地既反應就直情冇食到服務反面，倒水係我地自己黎既。叫極都冇服務員行過黎。然後野飲就三個人淨係上兩杯，埋單又係拖左好耐。因為食物質素、地點又遠，搞到成個gathering唔係好開心，非常失望。決定以後揀tea set要謹慎D，唔好淨係睇宣傳睇個樣。…查看更多

周末一大班人去元朗食野搵位都有D難，最後揀左新記煲仔雞粥，等左大約15分鐘～當然要叫佢既招牌貴妃雞粥，仲叫左田雞粥同海鮮粥。但最後都覺得貴妃雞粥味道最好，雞味濃郁，粥熬得好綿，好鮮甜！雞件都算多，咁大煲呢個價位，實在好抵食！海哲手撕雞：好鍾意佢個醬汁甜甜地，同海哲、雞絲味道好夾。酥炸魷魚鬚：魷魚鬚即叫即炸點會唔好食！外皮酥脆，肉質彈牙。秘製雞中翼：因為「秘製」兩個字叫左黎試試，但發覺其實味道冇咩特別，當係普通炸雞翼係係好食既。整體都係最鍾意佢個貴妃粥，下次同朋友黎再試多幾樣小菜先～…查看更多

個晚係D2 place等左好耐一間食店，最後放棄而入左呢間餐廳諗住試下，味道唔錯。新加坡無骨海南雞飯：食海南雞當然要揀油飯，油飯幾香口，雞件皮唔係好薄但肉算係嫩滑厚身，份量好充足。鮮魚湯龍躉頭米線：湯幾甜，但因為魚肉經過油炸，令到個湯變到幾油，整體味道ok，但我較鍾意佢個海南雞飯。套餐自選小食分別揀左新加坡魚餅同雞肉串。新加坡魚餅：味道不過不失，偏油。雞肉串：醬汁惹味，相比起魚餅冇咁油，雞肉幾嫩滑，唔錯！…查看更多

平日Lunch time黎到D2 Place呢間北海道爐端並唔係好多人，所以唔需要等位。最後lunch set我揀左「三文魚及三文魚籽丼飯」（$118）丼飯既整體份量岩岩好，除左主角三文魚同三文魚籽，仲有甜甜既雞蛋絲。丼飯魚生既用料食得出好新鮮，厚切三文魚肥美，味道幾鮮甜，不得不讚下佢既三文魚籽，粒粒晶瑩飽滿，而且份量都好多，食落脆卜卜好甜，一D都唔腥。見到佢餐牌上面除左刺身壽司，仲有好多種類，包括串燒、定食、中華料理等等，都幾吸引。呢間餐廳食身質素高，只係服務員態度麻麻，有D影響心情～…查看更多

今次終於去咗食一直好想試嘅Urban Cafe，每次經過見到佢個menu D菜式名咁得意，就會心思思去試～「一山不能藏二虎蝦意粉」：見個名幾得意就點左黎試下。蕃茄醬味道超濃郁，可惜意粉量唔夠，所以變相有D重口味。不過面頭既兩隻虎蝦幾大隻～「一廠龍蝦芝士意粉」：大大隻龍蝦擺左係芝士意粉上面，幾吸睛，可惜食落肉質唔夠滑，冇咩龍蝦味。醬汁方面，味道濃郁，好重芝士味。我幾鍾意佢隻手製意粉既口感，不過份量有Ｄ少。「龍蝦湯」：不得不提佢個唔洗額外加錢就飲到龍蝦湯鮮味幾濃郁，會有兩粒小小既龍蝦肉。比起主菜，我反而更加鐘意呢碗餐湯「冰蜜桃茶」：佢既pasta偏重口，所以食食下會好想飲野。呢杯冰凍既冰蜜桃茶就係一個唔錯既選擇，幾解渴。…查看更多

銅鑼灣分店環境好寬敞、裝潢典雅，好適合聚餐。今次平日夜晚8點去到就唔洗等～通常嚟到都一定會點呢個Kikusan卷，咁大碟都只係$68:免治拖羅蓉、大大粒三文魚籽同金黃海膽好吸晴，所有野都好鮮甜。中間係青瓜卷，咬落脆卜卜，味道清新。CP值超高，一次過可以食哂拖羅魚籽海膽，又新鮮，可以再叫多碟辣肉碎溫泉蛋飯（$88）：相比起Kikusan卷，呢個飯就比較失色。辣肉碎偏鹹，撈埋溫泉蛋、蔥花同飯，依然覺得鹹，不過肉味幾香。我會推介佢個「千層豬扒擔擔麵」，炸豬扒炸到脆卜卜但唔油膩，擔擔麵有少少辣，加上香濃湯汁同滿滿花生碎，比呢個溫泉蛋飯更好食！…查看更多

周日tea time嚟到ifc嘅Lady M，排隊時間大約20分鐘，唔算好耐～今次點咗原味同抹茶口味各一件原味千層蛋糕：第一啖就覺得好甜！奶味十分香濃，蛋糕皮薄，食落入口即溶。可惜食多幾啖會開始有D膩呢。抹茶千層蛋糕：想比起原味，我比較鍾意抹茶口味。用上了甘醇清香嘅抹茶粉，中和咗千層蛋糕cream嘅甜味，所以整體嚟講比原味更加好味。一件cake 70蚊值唔值就見人見智。整體我覺得做出咁薄嘅皮係的確難得，抹茶口味將抹茶同奶香兩者平衡得好好，甜品控值得回頭再幫襯～…查看更多

牛角點菜，最鍾意揀鹽漬口味嘅肉，覺得調味之餘又唔會cover咗肉本身嘅鮮甜。個人覺得厚切牛脷比牛脷片更好食，但唔可以太熟，如果唔係會好靭～鹽漬雞脾肉肉質十分嫩滑，配牛角飯食味道一流。和牛粒雪花紋分佈平均，入口即溶，牛味好重。牛肋肉配月見汁嘅醬汁其實係松露、醬油加生蛋撈埋一齊，味道甜甜地我覺得普普通通，香味係幾獨特，但點咗呢個醬汁，反而遮蓋咗個肉嘅鮮味。特別推介牛角雪糕（雲呢拿味）：牛角食飯點唔少得牛角雪糕！雲呢拿味奶香味濃，重點係每啖都會食到甜滋滋嘅黑蜜，加上黃豆粉中和味道，感覺就好似食緊日式黑蜜蕨餅咁～…查看更多

耐唔耐就會嚟德美食飯，今次又拉咗個朋友同我食lunch set～點咗套餐之後會送上煙三文魚沙律、茶碗蒸、麵豉湯。茶碗蒸用料少咗，尤其係雞粒明顯細舊過以前，但味道都係唔錯嘅～我就依舊點咗「北海道三色海鮮丼」：帶子、三文魚同油甘魚一樣鮮美甘甜，仲有粒粒爽脆蟹籽。唔洗特別加醬油，配上美味嘅溫泉蛋撈飯，已經好好味。朋友點咗「海鮮鍋烏冬」：熱辣辣嘅烏冬有蝦、蛋、菜、冬菇咁，朋友話味道普普通通，冇咩特別。我覺得比起熱食，呢度主打嘅刺身壽司係會做得最好嘅。另外點咗「三文魚壽司」同「左口魚邊壽司」：三文魚肥美鮮甜；微微燒香嘅左口魚邊入口即溶，食一兩件其實唔太夠喉！埋單午市免加一，每人都只係百一蚊到，性價比好高啊…查看更多

一直都很喜歡Simply Life的蛋糕，價錢不貴又很有水準，每次經過都會買幾件～每次去餅櫃時選擇困難症又發作了，款款精美，各有特色。七彩繽紛的蛋糕令人心情大好！這次選擇了「綠茶茉莉花千層蛋糕」和「榛子朱古力蛋糕」。綠茶茉莉花千層蛋糕 ($36)綠茶味濃，口味偏甜，但沒有蓋過茉莉花的清新花香。千層蛋糕平薄，忌廉唔會好膩，會再買！榛子朱古力蛋糕 ($36)榛子朱古力蛋糕層次豐富，夾著香滑忌廉、慕絲和鬆軟海綿蛋榚，加上面層的榛子果仁豐富口感，很好吃～…查看更多