影片
更多
2018-11-09
94 浏览
今晚同屋企人黎到尖沙咀既北海道爐端燒，氣氛有D似居酒屋咁好熱鬧。被安排坐左係塌塌米，感覺好得意～環境唔錯，擺設同座位都好有和風特色海膽 ($108)滿板金黄色既海膽睇見都流哂口水！海膽肉身滑溜幼滑，入口十分鮮甜，一D都唔腥。香草羊架燒 ($58)大大隻燒羊架外皮燒至香脆，啖啖肉嫩又多汁，味道充滿孜然粉同香草既香氣，好正！塩燒大蝦 ($68)大大隻燒蝦好入味，鹽烤保留到鮮蝦既原汁原味。不過一隻真係有D唔夠喉～黑芝麻汁煙肉沙津 ($58)叫左個沙津中和一下。黑芝麻汁味道好似平日既胡麻醬，但多左一份黑芝麻既香～撈埋生菜、蕃茄同青瓜好fresh，值得一提沙津仲有細細粒既豆腐，味道有D酸尾尾，同黑芝麻汁好夾味道！三文魚刺身 - 輕微香煎 ($82) & 三文魚刺身 ($78)點少得我最鍾意食既三文魚呢～每款都有六件厚切三文魚，三文魚件件肥美潤嫩，入口唔會太膩，好新鮮鮮甜。尤其鍾意輕微香煎後出左少少油香，帶點惹味之餘又保留到三文魚既原汁原味。三文魚三文魚籽飯 ($128）鮮嫩既三文魚肉配搭美味多汁既三文魚籽，味道當然十分夾。三文魚籽粒粒飽滿鮮甜，脆卜卜咁口感好好。飯就略少，餐廳好有心思咁已經將飯撈
環境唔錯，擺設同座位都好有和風特色
海膽 ($108)
滿板金黄色既海膽睇見都流哂口水！海膽肉身滑溜幼滑，入口十分鮮甜，一D都唔腥。
香草羊架燒 ($58)
大大隻燒羊架外皮燒至香脆，啖啖肉嫩又多汁，味道充滿孜然粉同香草既香氣，好正！
塩燒大蝦 ($68)
大大隻燒蝦好入味，鹽烤保留到鮮蝦既原汁原味。不過一隻真係有D唔夠喉～
黑芝麻汁煙肉沙津 ($58)
叫左個沙津中和一下。黑芝麻汁味道好似平日既胡麻醬，但多左一份黑芝麻既香～撈埋生菜、蕃茄同青瓜好fresh，值得一提沙津仲有細細粒既豆腐，味道有D酸尾尾，同黑芝麻汁好夾味道！
三文魚刺身 - 輕微香煎 ($82) & 三文魚刺身 ($78)
點少得我最鍾意食既三文魚呢～每款都有六件厚切三文魚，三文魚件件肥美潤嫩，入口唔會太膩，好新鮮鮮甜。尤其鍾意輕微香煎後出左少少油香，帶點惹味之餘又保留到三文魚既原汁原味。
三文魚三文魚籽飯 ($128）
鮮嫩既三文魚肉配搭美味多汁既三文魚籽，味道當然十分夾。三文魚籽粒粒飽滿鮮甜，脆卜卜咁口感好好。飯就略少，餐廳好有心思咁已經將飯撈左醬油，再加埋蛋絲～
燒牛舌串 ($38)
一串有三塊牛舌，燒得岩岩好，口感彈牙爽口，咬起黎嚼勁十足！牛肉香味好濃郁～大推！
左口魚群邊壽司（$48）
每set會有2件壽司。同丼飯一樣，壽司飯都係撈好左醬油，所以係啡色的～左口魚好新鮮，經過火炙滲出既油香令到整體口感更加入口即溶。
另外見到佢menu上仲有好多燒物既選擇—鮑魚、魷魚、蟹蓋等等，可惜今次人唔係好多，試唔多太多款～唯有下次再戰啦！
张贴
