tristapig的个人专页

未幫襯但係已經感受到佢嘅超級差勁服務態度我住喺附近經過見到呢間嘢不過個女人服務態度好差所以最後冇幫襯到咁當然都唔會幫襯佢啦難怪周圍啲餐廳全部都咁多人得佢一間冇人…查看更多

星期三黎左一次食roll cake同飲earl grey chocolate覺得幾好同坐左個幾鐘都冇其他客人所以今日特登行20分鐘黎支持呢間小店cafe今日職員係第2個人店入面都已經有客人問今日mini cake係咩，佢話冇咁我就叫一個蜆肉意粉，佢先答今日蜆肉賣哂咁我就讓後面外賣客人叫先到返我我就問海鮮意粉有咩，佢先再答冇海鮮咁算啦我都叫左個三文魚炒意粉佢放低左碟意粉同一支叉我叫住佢有冇匙羹佢戴住一邊耳機聽唔到走左我見佢咁忙就行返去counter問大癲到佢第一句係話「我地冇匙羹」😹😹😹我已經呆左跟住佢拎咗支甜品羹問我「甜品羹你O唔OK?」我話冇辦法。。。然後個意粉仲要好難食其實賣意粉可唔可以入返幾隻匙羹今次會係我最後一次黎🥲服務個3分係畀上一次黎個男仔…查看更多

唔係講笑，叫左3個小食做下午茶燙青菜唯一放得入口起司肉鬆蛋餅點解呢個都可以難食:)點解個皮可以硬到咁麻醬雞肉粉皮最難食榜首個雞ok, 但唔係雞絲黎個粉皮勁厚完全冇味好似食緊橡筋仲有有個女店員大聲嘻笑勁煩完…查看更多

本人lunch hour 都算長，可以12-2 flexible 12點經foodpanda 叫左呢張單都明lunchtime 可能等得耐d所以12:55先打去餐廳問店員我@12:55pm你好呀我係xxxx單號xxxxx請問張單而家係咩情況我見到送遞員仲有6分鐘到哦即係你地已經整好左係等送遞員黎拎？係呀哦好呀唔該咁我等多陣等左10分鐘個app都冇更新@1:05pm你好呀我見個app仲未更新，可唔可以幫我check 下你係想cancel張單？你唔係整左？（checking）原來漏左張單但頭先10分鐘前打畀你地話6分鐘後車手到個車手到左啦但你未整？😹係呀咁你地要幾耐時間整好？5至10分鐘得架喇ok咁我10分鐘後見唔到個app有更新再打畀你10分鐘後個app更新了但最後都係1:30pm先收到野食老實講成肚氣，食物都好一般…查看更多

因為家母好中意貓，難得佢得閒，之前又聽朋友講呢間cafe好多貓，滿心歡喜就帶媽咪黎玩下貓貓，點知真係中哂伏，而家我係個廁所入面打呢篇文（我媽都痾緊）我早過我媽到，一打開門見到真係好多貓，但係人仲多！唔知其他客人有咩感受，但其實貓係好需要空間，而呢間貓cafe係我去過最逼既一間。一打開門就覺得d貓慘慘地咁我都黎到，梗係照試下。因為我媽未到，我自己坐住先。其中一位店員其實全程都西面，不過我唔太介意，始終佢態度都未算差。我地2人要搭枱，咁都算啦。有其中一張櫈有2隻貓坐住左訓緊，到我媽到左之後我就唯有問個個店員我可唔可以拎張櫈坐因為我個位有2隻貓，但佢竟然叫另一個店員抱走（最後係拍走）個2隻貓，我見到就有d心痛。因為如果係抱/拍走，我自己都可以，同店員講係希望佢地有更好方法，而當時係有其他空位仲有一樣野令我覺得呢間cafe唔係好錫d貓，係因為門口位有個矮身既白色機（我冇留意係咩），我見到上面係放左黑色刺，好明顯係為咗防止啲貓跳上去，雖然只係用膠做，但我都覺得好似唔係咁好:(始終會有d貓跳咗上去之後拮親覺得痛不過最令我不滿既一定係衛生本人認為一間餐廳，特別係有動物既餐廳，最首要條件一定係乾淨。張枱有貓毛當好正常，但店員直接將餐具放係枱面，同埋我見到啲餐具唔係太乾淨，咁都算啦， 我自己抹下佢我叫咗花茶，花茶係用透明杯，不過真係好污糟，咁我就梗係叫佢換過個。佢喺我後面個櫃桶拎咗一個新嘅比我，的確係冇第一個咁污糟，但係都係好污糟佢污糟嘅程度係，根本就係冇洗過因為我頭先見着佢喺個櫃桶度拎出嚟，咁我就諗住自己開個櫃桶睇吓有冇其他比較乾淨嘅，點知一打開，我寧願自己冇打開過我見到左手邊係一啲花茶座，右邊就有一個白色半透明嘅膠盒，裝住幾隻花茶杯，但係全 部 都 好 污 糟 我望咗一眼之後就閂番埋，然後嘗試自己抹下隻杯大家都見到張紙巾係啡紅色⋯⋯我只係求其買下杯邊就咁。最後我用左自己帶嚟嘅杯（環保杯）我媽咪係飲凍飲，佢問我點解隻匙羹咁得意，我望一望，原來爛咗，好彩冇戒親我媽咪，睇嚟呢度嘅員工做嘢真係唔係好細心食食吓飯，聽到有一把聲好嘈，不停大聲咁重複一句說話。原來係頭先個店員喺度同零一個廚房嘅店員玩，但係就玩到勁大聲。其實咁多人嘅樓面，只係得兩個店員，人手已經明顯不足，但係個店員仲要同其他人玩甚至大聲到影響其他食客同貓最後講一句公道說話，其實食物質素係OK，除左個湯鹹左少少，整體味道我會畀3.5/5。但係食完之後我同我媽咪都同時肚痛唔推薦⋯特別是愛貓之人…查看更多

星期六是我一星期最期待的日子。因為每逢星期六，就會與友人外出「覓食」！今日就來到位於觀塘亞太中心（近apm位置）的Manhattan Grill & Bar! 一早聽聞這間餐廳的性價比很高，今日終於有機會與友人前往試試啦！行進店內，餐廳的空間感很大，侍應帶我們走近窗邊的位置就坐。窗戶的自然光滲透進餐廳，感覺倍感舒適、放鬆。翻開餐牌，餐廳是半自助餐形式叫食物的。除了餐牌上的主食外，我們還可以到外任取前菜、餐湯、甜品和各式水果！友人和我分別選了「香辣茴香燒春雞」和「澳洲草飼肉眼」（加$78升級）。餐飲方面，則叫了即磨咖啡兩杯。下單後，便與友人到外取其他食物。除了有沙律菜、水果、餐湯（粟米湯）之外，還有同種類的甜品，例如牛乳布丁、檸檬撻、芝士蛋糕等等，很豐富呢！重要的是，以上項目也是可以給客人「吃到飽」！返回座位後，咖啡先到！咖啡的奶泡是分開上，奶泡預先加熱，客人可以按自己的需要加進咖啡裏，咖啡味道香濃，質感很滑，比一般西餐廳的質素高。隨後主菜陸續送到！份量比想像中大，燒春雞肉質嫩滑，外脆內軟，不錯！至於牛扒呢，火候也控制得不錯，配菜還有友人最喜歡的薯條，兩款也非常豐盛，是滿足的節奏呢！…查看更多

由細到大，最中意就係食Old School 嘢！特別係冰室，一來選擇夠多，二來有濃濃地道港式味道，真係食極唔厭！今日同媽媽嚟到九龍灣龍城冰室食晚飯，未入到餐廳入面已經比佢門口既麵包櫃吸引住！麵包大大個，香噴噴，正呀！店內人頭湧湧，好熱鬧！打開餐牌，媽媽叮囑一定要叫個菜😂！好啦就叫「瑤柱金菇扒西蘭花」，另外叫一個「鮑魚雞煲」同「靚仔」-白飯，再加多個綜合水果茶！ 等一陣，野食就上枱啦！西蘭花大大棵，口感爽脆唔會太腍軟！鮑魚雞煲非常惹味，雞件肉質嫩滑，抵讚！綜合水果茶水果量十足，味道唔會過甜，解暑止渴！總結嚟講，龍城冰室性價比高，食物種類比一般冰室多，值得再去！…查看更多

難得放假，終於有時間約朋友飯聚一下。今次特別揀選了觀塘極尚大瀛喜，聽聞於放題界屢獲好評，今次跟朋友一齊嘗試嘗試！放題店位於亞太中心5樓，近apm位置。一進入店內已見人潮，即使是平日，亦座無虛席，利害！等了一會兒，店員帶我們入座，座位附近設有一個自助區供顧客揀選飲料（飲品選擇相比其他放題店為多）及餐前小食，如車厘茄、螺肉、中華沙律等⋯還有甜品區，除了芒果牛乳布甸外，還有雪糕、雪條等選擇！怪不得很多小朋友也聚集於此！這間放題店的魚生選擇很多，單定蝦的種類，已有3款，其中虎蝦刺身比較特別，質感彈牙，配合店內自家調製的泰式醬汁，一口氣吃掉20隻也絕無問題。除了刺身外，店裏還有壽選擇，作為「飯桶」，忍不住又叫了4小舊，分別為三文魚、油甘魚、黑松露赤蝦、香蔥鵝肝帶子蕁。此外，我們還叫了一個牛乳海鮮煲。煲內配料十足，除蝦外，還有黃芽白、豆腐、青口等。湯底味道濃郁，陣陣牛乳香味，大讚！另外，亦叫一個烏冬，細細碗，烏冬質感彈牙，湯底亦是最喜歡的鰹魚湯底呢！還有芝麻雞翼，只見友人吃完一隻又一隻，雞翼控定必大愛呀！總括而言，今晚的晚飯確實非常滿足，亦會推介給朋友的！…查看更多

放假放平日真係唔係咁易約人，今日終於約到個好耐冇見既朋友去食飯。係OpenRice 見到呢間日本餐廳評語唔錯，又係正mtr隔離就試下12nn去到岩岩開門，人流唔多，坐得都舒服。午市定食相對抵食好多，所以叫左2個餐，再加少少野食每個定食都有跟前菜、茶碗蒸、麵豉湯，賣相精緻。今日前菜係牛舌，食落一d都唔腥，好香牛味！我叫左刺身定食，分別有甜蝦、油甘魚、三文魚、呑拿魚、金目鯛各2片同一隻日本珍蠔。刺身全部厚切，呑拿魚唔會腥朋友叫左鰻魚丼定食，碗丼都幾大碗。我試過d鰻魚好軟熟完全食唔到細骨！我地仲加左蟹籽沙律同鹽燒鯖魚，前者份量夠哂大；後者冇咩細骨，燒得都好香總結：座位舒適，食物新鮮，悠閒食足3個鐘！…查看更多

好耐冇見呢個閨蜜！所以今次就約左佢係佢公司附近嘅呢間酒店食buffet 今次嘅主題係味歷亞洲，即係好多亞洲菜！我地比較遲入席，不過野食都好齊，有keep住refill食左少少菜之後梗係睇下有咩海鮮啦！小龍蝦、蟹、蝦⋯仲有我最愛嘅長腳蟹！食左十幾隻，好多汁好鮮出去拎完野食返到位，多左隻鮑魚。原來每位會送一隻磯燒鮑魚夠爽彈，味道適中，而且都幾開胃閨蜜中意食壽司，仲拎左幾舊刺身:)我試左三文魚都唔錯比較吸引我係中間嘅泰國菜，竟然有生菜包、烤魚！韓國菜有炸雞、年糕、豆腐湯等。一次過可以食哂咁多款真係好肚餓既話可以食埋隔離個自選喇沙湯麵🍜再隔離仲有牛扒添最後梗係食甜品！我整左呢個窩夫上面放左舊movenpick雪糕好好食最後今晚完滿結束滿意～…查看更多

星期二的上班日，經歷一整天的勞累，在筲箕灣下班後，會合在鰂魚涌上班的友人，終於乘巴士直入元朗，展開期待已久的Omakase之旅身為Omakase迷，壽司之神好久以前已經來過一次，其他時候卻大多在外地品嘗，因為日、台兩地的日本料理特別相宜。相反在香港要品嘗CP高的omakase 不容易，所以就趁著這天專程走入元朗encore了。Omakase最大的特點是不需要選擇，任師傅根據當日漁獲的鮮度「發辦」，自行決定菜單內容。我們選擇了$1200的套餐（因為我吃好多），點餐時把不吃或過敏的食材告知店員或師傅，師傅就會避開不採用。這家店的前菜漬物一直深得我心，今日的沖繩苦瓜，帶微甘，但一點也不苦，清新、開胃。可以無限添加的漬物，我最愛是豆瓣蒜頭，整個蒜頭放在嘴裏脆卜卜，大大減低蒜的辛味，是無法停下來的零嘴。這道「鰻魚冷麵」讓我開了眼界，一條條完整的小小鰻魚化成麵條，伴入冷麵汁、花瓣入撰，極為清香。可愛的螢光魷做成一根根迷你串燒，是上佳的佐酒料理。來自東京灣的螢光魷現在已經不螢光了，淋上由米、麵豉醬做成的特製醬料，略鹹。多巴結一下師傅吧，他才會為你送上無敵足料的北海膽赤海膽。海水味不濃烈，卻十分滑身。我最愛油香爆滿的魚質，這款新鮮銀鱈魚軍艦絕對充滿驚喜配上沙律醬，好邪惡呢！最後的魚湯，一看就知道骨膠原滿滿由立魚、池魚加入無數本菇煲成，魚香十足。只能放12張圖的我無法逐一放上圖片，最後用福岡的草莓作結，太滿足了…查看更多

友人生日，特別提出要到兒時回憶之地-小欖燒烤樂園！我們一行四人從旺角朗豪坊出發，乘搭小巴到達目的地。燒烤樂園全日任食任燒，星期六、日及公眾假期$140/1位，另收$40開爐費，收費合理！樂園環境非常寬敞，更備有多種娛樂活動設備，如「標機」、麻雀枱、單車等，在這裏絶對能待一整天也不會沉悶。食品方面亦非常多元化，一般什丸、豬、牛、雞應有盡有！但較為有特色的，莫過於多款不同口味雞翼！例如土匪雞翼、麻辣雞翼、南乳雞翼、燶便叉燒雞翼、韓式雞翼等⋯每一款都非常吸引呢！另外亦有一些收費食物供客人選揀，例如有金牌乳豬（需三天前預訂）、鮮味花蜆、炭燒虎蝦等，價錢亦相宜，非常吸引！想不到現在的小㰖燒烤樂園已作多元化發展，配套亦非常完善，值得再去！…查看更多

朋友話帶我去觀塘街市食飯，我以為打邊爐或者食雞煲、羊腩煲啦？點知行吓行吓，竟然行咗去一間個樣都幾decent嘅西餐廳，完全唔覺得自己係街市入面！入到去，鋪頭唔係好大，帶啲工業風咁，中見到啲職員整緊燒雞。坐低望下個餐牌，嘩！點解可以平到咁。.佢都唔係淨係平咁簡單，食物都好有特色。車仔麵係出面食得多，車仔意粉真係第一次食。可以自己揀餸、配料、醬汁等等，二價錢真係非常平民，街市價錢。我個餐加埋加埋，都係$68麵底可以揀扁意粉／意大利飯，朋友叫飯，好似好食啲！醬汁揀左蒜片茄汁，配料可以十二選二，每款配料追加+$10。牛柳粒唔會太韌，有啲咬口；蝦仁雖然係雪藏但唔會一大陣雪味。隨餐仲送伯爵茶或茉莉綠茶一杯飲品加$10轉特飲日落日出，其實係水蜜桃蝶豆花特飲，賣相幾好，味道都唔錯另外仲加左香橙鴨胸沙律+$10，份量都幾多，鴨胸都有至少四、五塊。dressing用新鮮香橙汁，味道清新！下次都可以再黎…查看更多

但約咗兩個食極唔肥嘅朋友打邊爐，佢哋話去旺角火水爐，一聽個名就知道係一間好有特色嘅打邊爐鋪頭！去到門口，覺得自己好似去咗時光倒流，變咗做以前嘅戲院咁淨係門面嘅裝修已經好用心，我最鍾意佢嘅霓虹燈，夜晚嚟到更加有感覺。上到樓上，見到好多壁畫、火水爐嘅擺設，顏色鮮明，睇到都覺得靚～入正題終於嗌嘢食！我哋叫咗套餐，咁就唔使煩食咩啦～套餐係每位收費，其實一定食得飽，因為入面係有超多嘢食，當中有幾款都係任食添！如果真係唔夠嘅話，都可以再追加拌盤，原價大概中等價位。我咁鍾意食雞煲，梗係揀返個雞煲底啦！雖然我地得三個人，但係呢個雞煲雞件都唔少，作為前菜已經飽飽地雞煲好惹味同入味！之後就上肉！包咗一碟牛同一碟黑豚肉，黑豚肉味道就口感都有驚喜，而牛肉係比較濃味，有嚼勁。重頭戲當然係呢個海鮮拼盤啦！淨係睇張相都知道己有份量！一人一隻大鮑魚、聖子、蜆呀蚌呀等等，魚類比較新鮮食到最咪飽飽，仲送埋個甜品！有啲似台式刨兵咁樣，下面係冰底，上面就擺咗其他配料，包括涼粉、雜果、紅豆。刨兵好大碗，三個人食都食唔晒…查看更多

CP值非常高的一家餐廳呢！又到了星期三，又是我帶媽媽出外吃飯的日子。這次來了家附近的觀塘，尋找便宜又好吃的東西。在門外見到$18能吃到一個鮑魚雞煲或者花膠雞煲，立即狗衝進來！由於要惠顧滿＄80以上，才可以用優惠價購買雞煲。所以我們點了兩個餐，另外＋1個鮑魚一品雞煲。媽媽選了鐵板餐，美式海鮮大餐。裡面包括一隻大蝦、一塊魚柳、兩隻青口、三粒帶子，可以選飯、意粉、薯菜。我們選了薯菜，有一大個焗薯！焗薯非常軟熟，而且超級甜，味道有點像番薯～吃完鐵板餐，再來一個套餐！原來炒菜會配送一個白飯，還有湯，所以這個時候，其實我們已經半飽了XO醬西蘭花炒雞柳份量很多，XO醬味道較淡，吃不到辣的也能吃。除了雞柳和西蘭花，還加了洋蔥、辣椒等添加風味附送的湯可選紅湯、白湯、或者中湯。羅宋湯用料豐富，酸甜適中～重頭戲當然是優惠價換來的＄18鮑魚雞煲！雖然價錢超級便宜，但是一點也不馬虎。鮑魚雞煲裏面都有四至五隻小鮑魚，迷你樣子可愛～雞件份量大概有三分之一至半隻雞，惹味濃郁！吃了那麼多東西，當然要喝一口冰涼的水果茶。這家餐廳裏面有兩種果茶，一種是以茶作基底；另一種則以橙汁做base。我選擇了後者。果然橙味很出，裏面也加了少許蘋果，整個感覺就是健康除了＄18雞煲，晚餐時段指定套餐只需＄45！下次一定會帶爸爸來吃～…查看更多