千葉敏莉的个人专页

去附近做完野差唔多12點，好耐無食過米記就諗住去食個early lunch, 諗住時間尚早，就算食完都應該未到食lunch繁忙時間，一入舖頭時見到成間舖得2個人分別坐2人枱同4人枱，有個白頭髮嘅男人問我幾多位，我示意1位，佢竟然叫我去2人枱搭枱（呢個時候見到仲有2張2人枱），我咪問佢「咁早都要搭枱？😧」，點知佢竟然話「你遲早都要搭枱架啦！🤷🏻‍♂️」，但跟住我話「咁我唔食喇🙄」就轉身行出去，跟住佢竟然話「你鐘意囉🤷🏻‍♂️」其實俾我坐住2人枱先，人多要搭枱我絕唔介意，我入去時仲有起碼廿個位，但你已經要我搭枱，仲要語氣極差！本身好鐘意呢間餐廳，亦都介紹過俾好多朋友去食，我唔要求要好好服務態度，亦都明白小店人手不足，但而家佢係「你唔鐘意咪唔好幫襯囉，我而家唔憂做，多你一個唔多，少你一個唔少」嘅態度，雖然好鐘意食佢啲食物同環境，但因為呢件事我決定永久black list佢😡…查看更多

半年前幫襯過幾次，覺得唔錯今日行徑就打算買外賣番屋企食1.餐牌唔同左，吞拿魚同三文魚種類少左一半，應該已經轉左手唔係我之前幫襯嗰時嘅老板2.之前三文魚同吞拿魚可以half/half咁揀，但而家只可以揀一種:(3. 佢問我個底跟咩，我問佢有咩跟，佢就話可以跟brown rice,sushi rice,藜麥，沙律，我就揀左三文魚配藜麥，收錢嗰時無端端變左$100(個餐牌寫住$85),跟住我咪問乜藜麥要加錢?有個肥女店員"嗯"左一聲就算，佢地喺我俾錢前已經將啲三文魚放左落啲藜麥度，即係我想reject都唔得，好!當我睇漏眼藜麥要加錢，跟住肥女店員問我要唔要加糖心蛋，見過鬼仲唔怕黑咩!我梗係問佢要加幾錢，佢話加$10,我話唔駛，跟住佢一臉"覺得你唔識貨"嘅樣同我講"我地啲糖心蛋好出名架…",而家唔係糖心蛋好唔好食嘅問題，係你要加錢嘅野通通無同人講要加錢/加幾錢，剩係問人地加唔加，作為店員我覺得要加錢嘅野要講囉，剩係問人揀咩/加唔加野，但又無講要加幾錢，已經唔係好唔好食嘅問題，係間舖頭老唔老實嘅問題囉…查看更多

咁啱去開天后0個邊做野, 做完野差唔多2點半, 見呢間餐廳唔駛等位, 所以就入左去食, 坐低望左一陣個餐牌就舉手諗住叫d阿姐落單, total3個阿姐, 第1個阿姐0係最入面執緊枱, 第2個阿姐呢, 我一舉手佢就行過黎, 佢係見到我舉手, 但佢完全無視我, 行左去幫隔隔離枱落緊單,  第3個阿姐仲高招, 0係正我隔離, 我一直keep住舉手舉左成分鐘, 佢又係見到我, 但係佢依然唔理我, 自己0係度寫隔離枱張卡, 入面d食物分別係咩價錢 , 其實你幫人地落單先/做埋手頭上d野再幫我落單無問題, 可唔可講聲話轉頭會過黎, 佢地堅係由得我keep住舉手囉到第3個阿姐終於寫完佢手頭上d野, 但佢係就咁行左去, 我嗌左佢3次佢先過黎幫我寫單, 我同佢講 "午餐4號... (4號係炸雞肶配西炒飯), 我都未講完佢已經一句打斷我 "無喇喎", 但佢完全唔話我知, 究竟係賣晒, 定係過左時間無午餐 (因為個餐牌上面無寫), 最無禮貌係佢講完 "無喇喎" 就即時行左去, 有無搞錯! 我又要嗌佢幾次佢先番黎幫我落個常餐常餐個叉燒意粉都ok 0既, d旦炒到好老, 唔好食, 點知食食下, 隔隔離枱竟然0係度食緊炸雞肶配西炒飯囉! 我當時真係覺得有少少火滾, 因為我同隔隔離枱落單時間只係差1分鐘左右, 第3個阿姐同我講"無喇喎" 0個時, 第2個阿姐仲幫隔隔離枱落緊單, 點解隔離枱有得食呢?:(我埋單0個時都係諗住求個明白, 收銀0個個係第1個阿姐, 我就同佢講, 點解我同隔隔離枱差唔多同時間落單, 大家都係叫4號餐, 點解第3個阿姐同我講無4號餐? 我唔係追究d咩, 我想求個明白啫, 跟住第1個阿姐就話, "我幫你收左錢先再同你講啦" 跟住收左錢找左錢俾我, 佢就忽視我, 我咪更加火滾, 我咪講 "而家係咪即係第3個阿姐自己搞錯左, 以為4號餐賣晒?" 因為啱啱有另一枱人埋單, 所以第1個阿姐求其答左我一句 "可能頭先無炸雞肶啩" 跟住又再忽視我, 佢地3個0既態度擺明唔休做, 唔該去顧員再培訓下啦! d服務態度真係到不得了! 呢間野已經black list左, 一定唔會再幫襯呢間野囉!…查看更多

星期日上完跳舞堂, 由於仲有2個半鐘頭時間先到下一場, 所以同dancemate 靚女ann一齊去大坑搵食, 因為我未去過大坑, 所以去到就簡略地兜左一圈, 間間舖頭都有一條人0係度排隊, 經過炳記亦唔例外, 而我地亦都決定食呢間, 等排隊0個時本身決定想食咸手肉旦面, 但見同枱0既情侶2個都係叫豬扒面, 所以就轉左食豬扒面 + 奶醬多 + 熱奶茶, 而靚女ann就食餐腸面+ 奶醬多 + 凍熱奶茶等左一陣豬扒面終於上枱, 同平時茶餐廳d豬扒唔同, 係厚切+斬件上, 仲少少黑椒0係面, 其實小妹本身唔太鍾意食黑椒, 但係呢塊豬扒又唔係太大陣黑椒味, 反而令到塊豬扒好香! 好味好味! 而奶茶又真係好香好有茶味, 唔怪得知攞收, 亦都知點解咁多人排隊喇!我地就0個時已經4點幾, 而炳記咁啱又提早收4點, 所以佢地已經唔係太忙, 臨走0個時仲同老板傾左傾計, 老闆好nice, 佢仲好好人咁送左2張postcard俾我同靚女ann留念~~~ 其實我好少去d無餐0既地方食嘢, 因為散叫比較貴, 但係炳記真係少數可以令我捨得俾錢散叫0既舖, 一來真係好食, 二來好有人情味, 雖然大坑對我黎講好遠, 但係我一定會再去幫襯0既!…查看更多

自從office由荔枝角搬左去葵芳之後, 1個禮拜都有2-3日都會黎呢度食嘢, 其實個人認為冬蔭公係幾好食, 但我食過0既檬粉餐d小食, 麻辣米線就麻麻地, 好似個咩芋餅, 係魚餅入面有2粒芋頭0係度所以叫芋餅, 而d焗飯就睇好唔好彩, 有時好食, 有時唔好食, 所以我次次都淨係嗌冬蔭公…查看更多

真係忍無可忍先至寫呢個食評, 其實兆康食嘢真係無乜選擇, 所以叫親外賣都係嗌新聯輝, 好多年前就真係又抵又好食, 但自租埋隔離舖兼裝修完之後, 食物同服務質素一日比一日差, 尤其是其中一個女收銀, 次次打親電話去問lunch/dinner有咩食, 佢都好唔願意答你, 試過有一次話佢好忙唔得閒講我知有咩嘢食, 總要CUP我線, 就算答你都係勁無禮貌, 完全唔優做咁, 次次嗌外賣都好似嗌交咁, 次次叫完外賣都好火滾今日嗌0個個收銀阿姐D態度又係超差, 同我0係度鬥大聲, 我可以話我唔幫襯係因為呢個收銀阿姐問題係價錢愈黎愈貴, 一個DINNER要40幾蚊, 好唔抵囉, 又唔係好食, 試過有一次嗌DINNER, 佢送0個D啫喱係熔左, 自此之後我寧願0係市中心或新墟買外賣返黎食算…查看更多

呢個負評係俾service0既尋日9:300係朗豪坊睇完生化危機之後一行七人去小肥羊諗住打邊爐, 攞左飛之後就企0係度等, 等左一陣有一班人攞飛, 等左15分鐘之後, 遲過我地黎0個班人竟然可以入座先, 咁我地覺得唔公平咪即刻問個知客, 點知個知客話"佢地8個人, 啱啱有張8人枱, 所以俾佢地入座先", 呢個咩道理黎架, 我地黎先竟然唔俾我地入先係因為我地係7個人唔坐得8人枱, 要等7人枱, 後來我地要等多10分鐘先有得入座, 其實所謂0既7人枱同8人枱係一樣size, 只不過係少1張椅, 其實0個班人攞飛0個時有問過係咪可以即刻入得, 個知客同佢地講前面仲有一張枱0既客等緊(即係我地), 所以我真係唔明點解係會俾佢地入先囉:(嘢食都係普普通通啦, 無乜特別好食, 無乜特別難食另外都發生左小插曲, 又係關於門口個知客0既, 我地到0個時, 已經有2個阿伯不停哦個知客話等左40分鐘都唔入得, 不停係到嘈, 又話佢地3個人, 俾張2人枱佢地3個人座都得, 個知客就同0個2個阿伯講2人枱真係好細佢地座唔落, 跟住個2個阿伯唔理, 一直0係度哦, 哦左一輪個知客頂唔順0個2個阿伯不停哦佢, 就同樓上0既部長講睇下可唔可以快d搵張枱俾佢地坐左先, 其實0係旺角食飯, 間間餐廳座底都要等1個鐘架啦, 都唔明有咩好嘈…查看更多

尋晚放左學之後有要事落旺角, 辦完事後打算食埋dinner先番屋企, 突然想食炒年糕, 所以就行左去北京拉面店入去0個時真係打左個突, 雖然10點過左晚飯時間啫, 但成間舖頭除左我之外, 得另一pair情侶, 我記得之前都試過10點黎, 但係都起碼半間舖都有人食緊嘢我叫左個招牌炒年糕同豆漿, 豆漿無豆味, 少味, 同飲水差唔多, 至於炒年糕, 成碟炒年糕最深刻係d雞雞, 好鞋之餘, 一d味都無, 剩係食到有雪味.... 撇開雞肉唔講碟年糕都算ok 0既…查看更多

見d廣告話小華堡餐$25.5 仲要送雪糕新地, 梗係仆到去買黎食啦, 屯門店唔似其他店咁有幾條龍俾人排, 係叫d客全部排晒一行, 跟住邊條行快第一個就去0個行買但係呢個安排超差, 因為好多人扮晒睇餐牌, 實質係打尖, 我只不過0係burger king短短5分鐘我都見到有2 group人係咁打尖, 個收銀仲要明知佢地係打尖都唔叫佢地去排隊 (因為後面排左差唔多10個人), 唔知係幫我收錢0個女仔係咁定係其他人都係咁啦, 我同佢講要小華堡套餐拎走, 之後問我飲咩, 再問我0係度食定拎走, 我諗可能頭先聽唔到, 咪同佢講多次係拎走, 找完錢俾我又唔俾張單我就打發我走, 又唔似其他burger king咁0係俾錢隔離0個行寫個牌註明等食物企呢度之後最火滾係個女仔示意我過去攞食物, 但原來佢都係以為堂食無幫我打包, 跟住我已經滾滾地同佢講"我都話我拎走囉", 佢仲要0係度發呆唔理我, 跟住佢後面個男仔見到我咁火, 即刻攞d紙袋出黎幫我打包d食物, 跟住個男仔同個女仔講"俾個蓋我come番杯雪糕", 個女仔就繼續遊魂咁, 到條仔叫佢第二聲先去食物就ok 0既, 但service真係要改改, 我會俾多次機會0既, 不過下次再係咁唔會再幫襯囉…查看更多

星期日下午茶時間間度度都咁多人, 行過見未食過就諗住試下, 經理安排我同老公仔坐卡位, 一坐低已經覺得超唔掂, d卡位超污漕, d漬一睇就知係好耐無抺過, 已經即刻無乜胃口, 心諗拿拿臨食完就走, 叫左個炸雞扒魚湯面同肉燥飯, d嘢食真係窄到不得了, 三扒2撥食完完就拿拿臨走人題外話, 侍應d態度都窄窄地, 雖然對我地無嘢, 事緣好似隔離枱叫左碗面, 上枱0個時個客話要米線叫佢換過, 其中一個女侍應就好大聲同另一個講 "佢話佢要米線喎, 佢有講過話改米線咩", 另一個就附和"我唔記得佢有講過話改米線囉"總結: 嘢食 + 態度 both窄 = 等執笠…查看更多

4月9日係拍拖紀念日, 但係由於我有事做所以遲左一日先慶祝, 老公仔俾我話晒事, 話我想食乜就食乜, 本來想食韓國嘢, 但係0係門口睇到d餐牌, d價錢都幾貴, 跟住行到天文台道, 見到上海老正興, 就突然想食小籠包, 所以就入左去我地2個人嗌左小籠包,醉雞,雞絲海哲,炸銀絲卷,清炒蝦仁,酸辣面個醉雞真係好掂, 呢碟醉雞係我咁大個女, 食過最好味0既一碟, 清炒蝦仁都唔錯, 不過食多幾啖就覺得好dry, 雞絲海哲,炸銀絲卷同酸辣面都係普普通通, 而個小籠包就差唔多食飽都未黎, 個waiter叔叔話個蒸籠啱啱換左水, 要等佢煲熱番d水先可以蒸小籠包, 好味就好味, 但係食唔晒要打包囉....第二日蒸番d小籠包黎食都仲係咁好味, 已經計劃緊下個月一出糧又再去食過~ …查看更多

朋友仔約我去演藝學院開放日, 順便夜晚食飯聚舊, 由於我地2個都鐘意食壽司, 順利成章想搵d地方又平又可以坐得耐, 上openrice search到銀座藏人, 見d comment都唔錯, 所以就打電話去book位我同朋友仔準時6點就到, 坐低左就即刻問侍應點落單, 原來係睇完本menu之後填number點菜, 咁就梗係狂點壽司刺身啦! 估唔到0既係三文魚子壽司都可以任食喎!0個晚點左刺身: 三文魚, 吞拿魚, 魷魚, 甜蝦, 北寄貝,赤貝,帶子,縲片,章紅魚 (新鮮! 不停encore)前菜: 芥辣八爪魚, 三文魚子羅白蓉 , 蟹子沙律, 炒牛蒡, 酸北寄貝(我覺得羅白蓉麻麻地, d味同平時食吉野家點鯖魚0個d好唔同)壽司: 三文魚子壽司,馬刀貝壽司,帶子壽司,黑鳥貝壽司,象拔蚌壽司,彩花卷,醋鯖魚壽司(1個字, 正!)熟食: 天婦羅,蒸旦,炸魚餅,炸生蠔,忌廉薯餅,串燒牛舌,雞翼,元貝,鴨舌,sukiyaki窩(某d串燒咸左少少)價錢又唔係貴, 質素又唔錯, 下個月已經約左朋友再去encore!!!…查看更多

放工要去葵涌廣場0既三聯買書, 但又有少少口痕喎, 所以就諗住掃完街先去三聯, 見到有章魚小丸子, 又好耐無食過, 所以就買左一盒睇住個肥肥地0既阿姐裝d小丸子入盒, 嘩! d 燒汁浠過水... 已經即時對盒小丸子打左個8折, 到擺入口0個時, 點解小丸子會有椰菜同洋蔥0既.... 旺角0個間我唔記得有無椰菜, 但一定無洋蔥囉... 未至於難食0既, 但唔會再食囉...…查看更多

補寫聖誕節食評~0個日同老公仔行街, 老公仔突然想食拉面, 但又唔想去味千 (因為d湯底好味精), 跟住就週圍行下睇下, 行到去花園街0個邊, 見到有間新開0既日本嘢, 又行到好累, 所以諗都唔諗就入左去可能新開0既關係, 成日舖連埋我地得3枱人 (其中一枱就一個人, 第二枱就10幾個人0既家庭聚會), 我地嗌左一個九洲拉面, 一個叉燒拉面, 兩串燒雞翼同一串牛舌個拉面唔錯, 個湯底唔會話飲完好口渴要即刻飲水, 我係面連湯成碗清晒至於個雞翼就普普通通, 反而牛舌好正, 不過一串都差唔多成30蚊, 雖然係聖誕節啫, 但係都唔想老公仔荷包咁傷埋單200幾蚊, 都算中間價錢…查看更多

放左工落葵芳行街, 行完街就諗住去爭鮮買壽司番屋企食, 但係我係完全逼唔入去攞個膠盒愛黎裝壽司, 就算講左唔該借借, d人望完你之後都係唔借俾你, 唔止係d師奶阿叔, d90後0既都係咁0既款, 真係擔心香港0既未來.... 見到便當0個邊無乜人就放棄食壽司改食便當, 我就揀左個"三文魚親子丼飯" , 都算抵食, $35勁多3文魚刺身, 又有三文魚子, 鰻魚, 蛋絲同青瓜, 不過我唔太鍾意食鰻魚, 所以呢方便都扣左少少分d三文魚刺身都算新鮮, 經過的話下次都會再幫襯…查看更多