上海老正興菜館 (已結業)

4月9日係拍拖紀念日, 但係由於我有事做所以遲左一日先慶祝, 老公仔俾我話晒事, 話我想食乜就食乜, 本來想食韓國嘢, 但係0係門口睇到d餐牌, d價錢都幾貴, 跟住行到天文台道, 見到上海老正興, 就突然想食小籠包, 所以就入左去我地2個人嗌左小籠包,醉雞,雞絲海哲,炸銀絲卷,清炒蝦仁,酸辣面個醉雞真係好掂, 呢碟醉雞係我咁大個女, 食過最好味0既一碟, 清炒蝦仁都唔錯, 不過食多幾啖就覺得好dry, 雞絲海哲,炸銀絲卷同酸辣面都係普普通通, 而個小籠包就差唔多食飽都未黎, 個waiter叔叔話個蒸籠啱啱換左水, 要等佢煲熱番d水先可以蒸小籠包, 好味就好味, 但係食唔晒要打包囉....第二日蒸番d小籠包黎食都仲係咁好味, 已經計劃緊下個月一出糧又再去食過~